ZKIZ Archives


克魯明唔識撈 左丁山


2009-04-24  AppleDaily  
 

 

 

分析K係Jake van der Kemp讀者,對vdK取消「南早」專欄,覺得好可惜,代替者之文筆冇咁活潑,亦冇vdK咁一針見血,讀者覺得唔過癮,畢竟vdK做過記者,做過大行分析師,實戰經驗豐富到極。

vdK講到在大投資銀行工作,要聽從上司說法,唔好聽阿媽講,十分幽默,亦好實際。分析K叫左丁山細讀前星期《新聞週刊》一篇長文,講當今自由派大將克魯明,內容十分有趣。左丁山睇完,除幾點私人資料之外,覺得其他並無新意,因為平時睇佢專欄,都知道佢批評奧巴馬,大罵蓋特納啦,奧巴馬本身係自由派,但上台後就要兼顧實際,不能左得太離譜,而克魯明就一左到底,猛烈批評奧巴馬干預得唔夠,唔到肉。

以佢背景,好應該一早畀克林頓延攬入白宮,點解冇呢?原來一九九二年克林頓上任前,在家鄉小石城召開經濟顧問論壇,克林頓問:「改革醫療保健與削減財政赤字可否並行?」克魯明答:「請你做一痛苦決定。」克林頓聽完,立即轉頭問Laura Tyson(當時加州大學柏克萊分校教授)同樣問題,泰臣答:「可兼而得之」。到克林頓入主白宮,聘任泰臣為經濟顧問,克魯明仍然留在普林斯頓教書。克魯明o依家話佢當時畀一個「對的答案」,後來克林頓醫療保健改革方案果然一敗塗地!

對的答案,不等於是「正確的」答案,真實的話就係偏偏唔聽!想話學而優則仕呀,凱因斯學說就最政治人物聽,現在勸曾特首信市場,不信干預,一定冇官做。克魯明的故事,讀中國歷史中國人一早識晒,唔會在大老闆面前講老闆唔聽語言。

 

批評克魯明人就話克魯明完諾貝爾獎,學術生涯已達頂,以後好難再有突破,所以克魯明現時鍾意寫專欄,寫blog,上電視,對教書/研究興趣漸淡,專心做個公共知識分子(public intellectual),批評時政,罵走布殊之後,對奧巴馬亦唔客氣。奧巴馬白宮方面,當然親疏有別,搵人做briefing,一定冇克魯明份,全面杯葛之。

PermaLink: https://articles.zkiz.com/?id=7493

亞視唔識麗的呼聲 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130103/18120983
星期日晚上睇完電視直播一場好波,車路士以二比一反勝愛華頓,正欲上床睡覺,突收到大記者來電,佢話睇亞洲電視國際台,褚簡寧訪問Uncle Ray,本是好節目,Uncle Ray主持一個電台節目六十年,創世界紀錄,已列入世界健力士大全,但當褚簡寧問Uncle Ray第一份工是否加入港台之時,Uncle Ray答No,佢第一份工其實係在Rediffusion(麗的呼聲),褚簡寧大概不知道香港曾有此古老有線電台,面有茫然之色,都唔緊要啦,大記者話,最恐怖者,就係亞視今天員工竟然不識亞視前身就是麗的呼聲,英文字幕居然出現咗Really Fusion出嚟,簡直嚇死人,令佢感嘆亞視製作如此兒戲,完全唔專業。
騎騎,有乜好嬲吖,今人不識少少歷史,亂咁作,或者食慣時興嘅粵式、西式、日式菜式混合體,統稱之為fusion,食慣聽慣咗。Uncle Ray八十幾歲老人家突然吐出一個上古名字Rediffusion,仲以為老人家發音錯誤,其實係Really Fusion㖭。
今日好多人時興講懷舊,講非物質文化遺產,講保育,實際上有幾多人真係識得舊事,都幾成疑問。餐飲界前輩楊位醒有一次對左丁山講:「韋基舜叫我搞番間真正懷舊食肆,推出標準古法粵菜,我怕冇人幫襯啫。」舜哥係一位真正識得舊事物之人,非80後講懷舊保育可比,時人懷舊食肆,往往在關門營業前一天,先至知道,湧去食番餐,影張相作為紀念,其實平時請佢地去都嫌食肆太舊、太老套。呢呢,近港大嘅老牌餐廳莎釐娜(Czarina)快停業嘞,有報紙例牌懷舊一番,實際係老闆以高價賣出地舖,要錢唔要老舖,純屬私人商業決定,旁人有甚麼可懷舊?餐飲M在港大讀書時,經常幫襯莎蓮娜,左丁山未去過,問佢餐廳是否好高級?餐飲M話:「真正高級嗰間叫做Copper Chimney,係揸車返港大嘅有錢仔女去嘅,我地啲窮學生在Sports Centre打完波就落去莎蓮娜飲羅宋湯,狂吃麪包當晚飯,Copper Chimney老早執咗啦。」問佢會唔會在莎蓮娜停業前去食番餐,佢話:「有乜好去,已經過咗讀書階段好耐咯,留番啲位俾現時港大同學去飲羅宋湯啦。」
PermaLink: https://articles.zkiz.com/?id=42335

一條股神都唔識計的數 老狐狸

來源: http://hkcitizensmedia.com/2015/04/29/%E4%B8%80%E6%A2%9D%E8%82%A1%E7%A5%9E%E9%83%BD%E5%94%94%E8%AD%98%E8%A8%88%E7%9A%84%E6%95%B8/

近日有讀者SEND 左一張某投資網站的「戰績」給我看,希望老狐貍「多多學習」人家的投資回報率,但當我謙虛地想去學野,去拜讀呢個盈利表後,老狐貍當堂嚇一跳,然後得啖笑。,作為一個網絡作家,不得不出聲去「糾正」呢個叫人學炒股必勝法、操盤班網站的投資「計算方式」。

咁究竟係乜事呢?大家不妨睇一睇以下係某網站登出的「抽水圖」,我先給大家5分鐘時間去睇睇問題出係邊?好,開始計時…………

(按:小弟已把相片部份用黑色遮蓋了)

有答案未呢?

  1. 老狐貍不才,從來只知如果用同一筆錢去作投資,假設是投資$1,000,第一筆投資賺10%,第二筆投資係輸5%的話,我兩單交易後個倉係變成: $1,000 X (1+10%) X (1-5%) = $1,045,即係總收益係4.5%,而唔係就咁加加減減變成10% – 5% = 5%。但係上面呢個表就好直接地將收益加埋佢,呢D係小學六年級的百份率問題,唔係咁都唔知
  2. 另外一點更有趣的是點解可以同一筆錢同期進行投資既?Fox

按上圖,即係話如果我1月8日買左隻股票,假設投資左$1,000,呢$1000去到出呢個「收益表」的時候,按佢話收益12.33%,即係會變成$1,123.3。

但同一筆錢無可能係1月29 日又去投資另一隻持有到圖表出個日升成35.63%的股票架喎,以佢既計算方法,即係同一筆錢又會變成$1,000 X (1+35.63%),即係變成$1,356.3元。

如果用兩筆錢去進行呢兩筆投資,佢個兩筆錢到呢個戰績出時的 ($1123.3+$1,356.3)=$2,479.6。

回報應該係:(2479.6 – 2000)/2000 X100% = 23.98%。

但呢個股神戰績表就會放大為( 12.33% + 35.63%) = 47.96%。即係話佢筆資金係可以同時投資幾十隻股。

好明顯,單單兩單交易已把個收益回報率唔知有心定無意地放大左一倍有多,唔怪之得呢位近期頻頻上鏡的少年股神可以係2003年買左隻2006年上市的股票輸鑊金。

其實想吸引人地上堂,有人跟你學野好容易,就係先做好自己,唔好唔識就當識,自己諗到就當係,仲有唔好誤人子弟,而每次接受訪問第一句就係:「老實講……..」,即係平時無句真乎…?有麝自然香呢個道理應該明白呱!

不如睇下老狐貍個FP啦,至少唔會收錢喎。

如大家有興趣,歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

PermaLink: https://articles.zkiz.com/?id=142809

「佐王」去殖民地 化識講唔識做

2015-09-24  NM

全國港澳研究會會長陳佐洱,大大聲批評香港沒有依法實施「去殖民地化」;何謂「去殖民地化」?

小宗只知「佐王」兩位千金很洋化;長女陳曦洋名Anne,嫁澳洲洋人;次女陳晴洋名Judy,嫁李嘉誠個姪李澤龍;兩名千金活躍於上流社會,以香港為基地做生意;其中陳晴全資持有Ceylon Tea International Limited錫蘭茶葉國際有限公司,似乎未有徹底「去殖民地化」,Ceylon錫蘭此名充滿殖民地味道,這個位於印度南面嘅小島,自一八一五年被英國統治,英國佬稱之為Ceylon。陳晴呢間公司於二○一一年成立;事有湊巧,同年斯里蘭卡為擺脫英國殖民的影子,政府下令全面禁用舊名Ceylon錫蘭,並將所有政府控制機構名稱的「錫蘭」改為斯里蘭卡,此舉乃是「去殖民地化」之行動。咁,小宗又想問陳佐洱千金Judy,何不把公司改名為斯里蘭卡茶葉國際有限公司呢,又?咁,我相信好多客仔會話,「唔係我杯茶喎。」

金融逍遙客:「恐懼」而來的騙案

游走於中港台併購、私募投資的金融多棲動物,現為多間上市公司主要股東及董事

現今流行的電話騙徒,招式又有新演變,連連出擊,香港人隔星期收到形形色色騙徒電話已成常態。大家都會奇怪,即使無睇《警訊》,也有睇過類似劉嘉玲智退假順豐的新聞吧,怎麼會連高知識人士也被騙上千萬?逍遙客觀察此等老千策略,與大家非常熟悉的投資心理,其實一脈相通,就是「貪婪」與「恐懼」。這四個字真是人類天敵!股神老巴名言就是當別人貪婪時自己要知道恐懼,當別人恐懼時自己要更貪婪。過往二十年騙術以寶藥黨、電子零件甚至千年蟲為主題,以高回報吸引無知婦孺或不食人間煙火的知識分子,是行「貪婪」路線;近年則與時並進,改良版則主攻「恐懼」,並利用不少互聯網工具配合,編造苦主如何如何違法,令一眾平時知法又守法人士心理產生恐懼,從而一步又一步跌進陷阱。已算知識分子兼日日讀書看報的家母,上月接到電話,猶豫了一陣仍不敢確定遇老千,也打來吩咐幫佢打去上海工商銀行核實真假。可想像稍為單純的市民上當,並不奇怪。老千集團式經營,從搜集電話到扮檢察官,分工細緻,管理科學化,苦主任何的疑問,老千都有天書解答,客戶服務質素與標準都是任何銀行學習的對象。老千充分利用人類「貪婪」及「恐懼」此心理天敵,並發揮到淋漓盡致,所謂老千計狀元才,此等老千若行正道,必是投資或企業奇才!

中環寸嘴:No Money No Talk……No Fun

工廈大王楊耀松長子,是各大有名食肆之VIP,喜歡研究城中有錢佬對食之要求,透過美酒佳餚,察看人生百態,讓讀者「嗒」落有味。

有老友睇完上期《6:00pm後食全港最貴菠蘿包》,問我點解租客走咗就好寂寞,我話你知,租客走咗,No Money就No Talk亦No Fun,Okay?今期好旺呀,有讀者彈個電郵嚟糾正我,話全港最貴菠蘿包在迪士尼,$38一個;嗱,我去迪士尼通常係搞慈善舞會或晚宴,有相為證,$38一個菠蘿包真係留意唔到,睇漏眼失覺晒,不過迪士尼菠蘿包都係美心出品,美國佬冇菠蘿包食譜!上個禮拜日朝早先幫襯完美心旗下嘅Landmark Cafe,貪嗰度樓底高,點個港式經典早餐,唉,唐人西餐口味非常重,不過我唔會𡁻完唱嘅,事關撞正「趙大俠」,長實樓神趙國雄,佢同大婆撐枱腳食早餐,我好鬼佩服佢,公與私都照顧到,食完早餐又趕返長江中心搏殺,星期日喎!佢賣樓成日扮鬼扮馬,幫佢做「出騷」衫嘅裁縫咁啱又係幫我工廈管理員做制服,個裁縫老細話趙國雄親自度造型,直接落去「捽」佢,呢啲真係一級捽一級,聽講起初超人對樓神有微言,怕影響公司形象,但太子Victor好受落,數口精嘛!有趙國雄扮鬼扮馬,報紙篇幅多啲,每份成半版,免費宣傳,物超所值喎。

阿松捉蟲

南豐近日出售羅便臣道八十號近五十餘伙貨尾,此盤○一年入伙,經歷沙士、金融海嘯等風浪;然而呢啲磚頭愈擺愈值錢;南豐等到今時今日才賣,此舉會否是樓市見頂徵兆?事關南豐行政總裁梁錦松,佢揸慣鑊鏟,市場有乜風吹草動,即時有反應;不過即使見頂亦不一定要賣樓嘅;嗱,好似阿松自己咁,○七年以半億買入兩個中半山愛都大廈相連單位,一個自住,另一個就出租,俾老婆當家用,一個單位三千呎,月租起碼十五、六萬,都咪話唔盞!不過做收租公都有頭痛嘢o架,阿松第一手租客肯出高價承租,但要求將其中一間房整個按摩池,完咗約鬆人;下一手租客又嫌少咗間房用,還原間房又要使錢,今鋪真係捉蟲。

本週餘孽

堅決拒絕殖民地化,但又冇犯到法呀,吹咩?

撰文:宗菁華[email protected]


PermaLink: https://articles.zkiz.com/?id=162357

唔識寶



我家有兩位專員,老媽是中藥調理健康員,老爸則是海鮮供應員。



先說老媽,她從來沒有受過任何正統的中醫訓練,但對中醫的理論,尤其是以中藥調理身體的原理甚有興趣,也頗有心得。我記得她曾經買/儲存了很多中醫藥理論的書,老媽尤其崇拜陳存仁,他所著的中醫理論的書籍,老媽都幾乎買齊; 由時之故她會按四季時節所需為我們 "進補".   所謂進補當然不是以什麼名貴藥材煲湯熬藥, 而是煲一些她認為是當時應節的 "飲品",以調節我們的身體,增強抵抗力.   譬如大時大節後,我們一般覺得飽飽滯滯之際,她便會煲谷芽麥芽布渣葉,為我們開胃消滯.   夏天暑氣盛,她則會煲冬瓜薏米扁豆水為我們解暑,最經典的是三椏苦茶, 說是有清熱,解毒,祛風,除濕之功效, 老媽視之為萬應良藥, 每隔一, 兩個月便會煲一次全家"享用",  問題是三椏苦茶茶色黑黝黝的,賣相十分不討好,所以每次煲好後我們被三催四請之餘仍不肯喝,最後要亮出籐條喊打喊殺後才勉強下咽.   其實三椏苦茶一點也不苦,甚至有點甜味(不知是否下了冰糖的緣故),只是壞在外型不討好而已.  我們幾兄妹童年時甚少古靈精怪的病,如生毒瘡, 癬疥等,都拜老媽清熱解毒的特飲所賜。我記得童年時代我經常生熱痱,每當我熱痱發作,痕不可當的時候,老媽件會要我來一碗熱痱草, 外加綠豆水.  說也奇怪,兩三碗下肚後,熱痱的情況便會大為改善.   成年後我常在想,老媽若有機會接受正統的中醫訓練,說不定她是個能為人治病解困女中醫.




老爸經營魚蝦欄,由於近水樓台的關係,他每天放工後都會拿一些海鮮,或魚,蝦,或蟹回家佐膳.  不知何解我對魚沒甚興趣,也許我對魚腥特別敏感,那年頭也沒什麼特別蒸調的手法去腥,一般僅以薑蒜佐以豉油,蒸出來的魚(尤其是淡水魚) 腥味不去, 所以我對食魚的興趣不大,倒是對老爸偶爾捎回家的䱽魚和馬駮魚另眼相看; 因為䱽魚和馬駮魚都是用煎的方法烹煮.  老媽蒸魚我不太欣賞,但她煎魚卻另有一手,把魚煎封得恰到好處,再澆上以豉油,麻油, 紹酒混成的茨汁,簡直是天衣無縫,我可以一塊馬駮魚浮一碗白飯,那美味的迴響至今仍在我味覺的記憶中流轉.




然而我記憶最深的是那些碩大無朋的大蝦,老爸雖說是蝦欄老闆,但大蝦始終是貴價貨,所以只有在中秋, 端午以及過年等大節才拿幾斤回家,作為加餸之用.  說得誇張一點,那些大蝦足足有半條小童手臂般粗.  老媽的處理方法很簡單,以清水洗淨後抹乾,然後用猛火乾煎,上碟前澆上以茄汁和各種調味醬溝合而成的茨汁,即成嘻哈大笑茄汁煎大蝦.  由於是原隻大蝦, 未經冷藏處置,所以特別鮮甜可口.  另外老爸偶爾也會梢一些蟹回家, 他經營的是蝦欄,蟹的來貨較少,所以我們每年只有在捕蟹旺季的時候才能品嘗到.  老媽和幼妹都是蟹痴,每逢有蟹拿回家都開心不已.  煮蟹的方法也不複雜,一般以薑葱炒,配以少許紹酒辣椒即可.  老愛妻/女情切,每逢蟹季即使自己欄沒有蟹,仍往友欄搜尋,故此有段時間真的"見到蟹都驚". 




即使在退休後,老爸這位海鮮供應員仍然甚為盡責,以他的江湖地位,往街市一轉,回家例不會兩手空空,餸籃里不是魚便是蝦,問他海鮮從哪裏來的,他總是笑而不答,老媽則説 : "佢駛乜買,行過魚欄同人打下牙較,啲人自動會塞條魚,幾斤蝦俾佢啦"。




如今,每逢有點頭暈身熒,都只得往涼茶舖喝杯淡出烏來的感冒茶或者廿四味涼茶; 想吃海鮮,往市場花百多元才能買到一斤比手指還要幼的竹蝦,想起

施永青都唔識後生女搞3D睇樓app

2016-07-28  NM

日本對於新科技的反應很快,《Pokémon GO》在AR(擴增實境)率先跑出,VR(虛擬實境)AV產業亦發展得如火如荼。至於香港人,亦對新科技觸覺敏銳,打機、AV這些當然不是上進的年輕人發展目標。香港地,最賺錢當然是做地產,今年四月藍穎桐Priscilla聯同幾個朋友,投身地產行業推出room3,將樓盤化為VR短片,讓睇樓客足不出戶便可3D睇樓。意外的是生意與地產息息相關,但Priscilla竟然對地產一無所知。紀惠集團CEO湯文亮了解過這門生意亦覺難做,「香港地產行業很古老,不接受新事物。」

Google主辦的GoogleEYE年輕創業家計劃,有近二百五十個團隊參加,今月初公布了入圍的十五個隊伍,room3是其中之一。評審之一的Matthew說入圍原因是他們的方案是有空間在市場上發展,cardboard有花心思做,產品質量好。只要登記填上地址,room3便會免費送上cardboard,將手機放進紙盒中,播放room3短片,便能3D睇樓,用家亦可不用cardboard,選擇在手機上玩360度睇樓。room3將十四部Go Pro集合,分別向着七個方位,以達到720度全方位,為做到立體效果,每個方位須用上兩部Go Pro。拍攝後以程式將各部相機的畫面連上,後期再以人手調校。目前拍了一個西貢豪宅盤。Priscilla雄心壯志希望能夠與香港、海外發展商合作,「目前與一個發展商傾緊,海外都有。」這門生意牽涉發展商、地產經紀、香港整體樓市,不過Priscilla原來通通不懂,「發展商我講到新世界、新鴻基、信和、合和,老細係邊個我都唔太清楚。」她解釋不會直接與誠哥、四叔等見面,不懂也沒關係。記者再問今年有哪個新盤開賣,未來還有多少樓盤推出,會直接影響生意喎。她面有難色說:「我都唔熟。」未來可能要與中原等地產商合作,識得施永青嗎?「嘩,你真是考起我,施永青我唔識呀。我識做好個產品就得啦。」向地產商收費問題,可以參考他們付出多少錢賣廣告及分佣給經紀,她又知不知呢?「電視、報紙、地鐵站都有落廣告。經紀我相信都應該不會很低,應該有百分之十。」這條答得有自信,不過地產商一般只會給經紀「三隻佣」。她解釋目前只需做好影片,找到發展商合作便可,至於地產的知識、樓市的狀況,並非必要。

用家試玩咁傻?

做豪宅盤的中原經紀蔡先生試用過cardboard,他覺得對他有用,「感覺好真實,如果客人唔得閒,尤其豪宅客,多數係老闆,時間好矜貴。我可以拎手機連個Box去佢公司,足不出戶可以睇晒成個單位,我估客人會好滿意。」但並非所有經紀都合用,而睇細價樓的客人,多數投資經驗較少,一定要親自睇樓。讚過一番後,他試以普通360度短片模式再看一次剛才的單位,他改口說,其實360已經足夠,他解釋有些客人會顧及形象,「個頭岳嚟岳去,會俾人當小丑。」一般市民又點睇呢?睇樓經驗豐富的羅小姐,剛在美孚新邨睇完樓,她拿起cardboard試用,將頭左轉轉、右轉轉,笑說:「我要成個人郁呀?咁傻要自己郁?都幾得意,不過我有啲頭暈啦。」除了形象問題,羅小姐說自己很易頭暈,所以對3D很抗拒,反而 360度對她來說更好。若將來經紀以這個app向她介紹樓盤,她覺得幾方便,「睇樓好辛苦o架,通常單位都丟吉,大熱天時無冷氣,又要走上走落。」而且她說眼罩輕,對經紀與客人都方便,不過最終下決定前還是要看現樓,「影出來幾爛嘅樓,經過相機都好靚,始終要去睇實際環境,而且呢度無影埋景觀。」

專家判決香港地產守舊

紀惠集團行政總裁湯文亮,打理數百億物業資產,對香港地產業瞭如指掌,不過對這個新科技就坦言不太熟悉,「叫我個仔嚟佢可能會熟悉啲,我哋做投資者,最重要是對單位有感覺,你要到現場先會知鍾唔鍾意,呢個可以初步吸引你,但利用這個工具做決定呢,我估暫時未做到。」湯文亮亦說這個新科技暫時局限一手樓市場,「因為相同的單位數量多,二手樓每間都獨立,比較難做。」湯文亮雖然覺得room3新奇,惟對它在香港普及就不太樂觀。「兩個字,入局。當有第一個地產商用,其他就會唔執輸跟住用。」但他認為第一步最難行,要地產商接受新科技談何容易,「今日我未了解清楚,但我會盡量用我方法了解,但地產商點都會先抗拒。」香港地產行業很守舊,湯文亮說他們不接受新事物,「使錢請世界小姐嚟剪綵佢哋捨得,請風水師講嘢捨得,你要佢用在科技上就唔捨得。」

他提醒就算有第一間發展商用,亦不代表生意會陸續有來,「碰啱呢個盤賣得好,佢哋會話不知道是樓盤本身條件好,還是你的產品有效。但如果碰上樓盤賣得唔好,地產商就會怪你的產品沒有用,幫唔到手。」香港樓市前景正正不太樂觀,湯文亮不願令一班青年人創業夢碎,安慰說:「現在市道不太好,從另一面睇,市道差難賣樓,發展商才會考慮一些新科技。」湯文亮亦點了一條明路給他們:背靠祖國。「你話可以慳時間,但香港有幾大呢?國內不同,又要搭飛機,又要坐高鐵、又要過關,很麻煩。國內的地產商好似萬科,嚟香港起樓你估俾香港人住?佢係賣俾大陸人。你做好段片,佢哋唔使嚟香港睇。」

撰文:孫樂祈攝影:葉漢華、廖健昌攝錄:廖健昌[email protected]


PermaLink: https://articles.zkiz.com/?id=208203

logout唔識番主頁,會彈去空白頁面

1 : GS(14)@2010-08-29 22:31:19

如題
2 : abbychau(1)@2010-08-31 23:48:06

瀏覽器版本?
PermaLink: https://articles.zkiz.com/?id=270542

個郭艷明正一無知婦人,唔識唔好害人啦

1 : GS(14)@2011-09-21 21:10:18

隻股乾乾下都升了20倍都有,仲推,真是無話錯佢,正一老闆報,是咪想當人無腦? 搞呢d野好明顯就是想出貨啦,想人中計無咁易
http://www.headlinefinance.hk/ak_share_content.php?id=1936&

  雖然新意網不算最「大隻」,但代表性高,與新意網份屬同期且同樣以科網業務為主的中華網,近年已相當低調,故一旦新意網成功轉板,除了為創業板歷史上「科網狂潮」的一頁劃下句號,亦顯示這個香港第二板吸引力愈來愈褪色。

  其實GEM的公司並非全部無睇頭,以市值第三大的瑞豐石化為例,去年通過收購轉型發展燃油加工、儲存及貿易業務,今年首兩季都能成功扭虧為盈,上半年營業額按年大增470倍25.03億元,中期純利6239.6萬元,而去年同期就蝕295.1萬元。

  瑞豐石化上周與中國電子商務協會發展基金管理委員會簽訂諒解備忘錄,開發及營運電子商貿平台,提供網上石油化工產品貿易服務,平台完成後,將成為華南地區內首個網上石油化工交易平台,業務具有一定獨特性,加上有業績支持,要在創業板尋寶,可留意此股。


PermaLink: https://articles.zkiz.com/?id=276014

見傲兒得寵心酸麥貝夷唔識氹大少 月薪三千

1 : GS(14)@2015-06-15 01:09:05

何傲兒早前「豪嫁」大名娛樂老闆林建名(大少),在簽約儀式上收4卡巨鑽;同樣跟過大少搵食的麥貝夷,兩年前不獲公司續約,至今仍未找到好「歸宿」。麥貝夷早前自費在西九龍中心搞活動,宣傳在YouTube自拍兼翻唱別人的音樂習作「Sing Sang Song」,她說:「今日呢個係啟動禮,搞咗兩個月,唱《誰願放手》、《愛很簡單》等好歌,每次拍唔同樂手,幾好玩。」



■傲兒「嫁」得風光,麥貝夷酸溜溜說:「可能中間有啲協議啩。」資料圖片

■麥貝夷於2010至13年間簽約大名娛樂,但人工曾低見只有3,000。資料圖片


■曾憑《勾手指尾》成網絡紅人的麥貝夷,最近再翻唱其他人的歌作自我宣傳。互聯網圖片

呻冇收過巨鑽

其實麥貝夷跟大少時都風光過,她與鍾一憲合唱《勾手指尾》在YouTube累積近400萬點擊率,但有傳傾合約時「唔聽話」被迫提早解約。麥貝夷無奈說:「係佢唔簽我,有失望,唔知點為之態度差,當時有委屈,過程有喊。」問是否唔識氹老闆?她帶點酸溜溜說:「我冇收過(巨鑽),或者我內斂啲。以前佢(傲兒)都有出活動,同uncle(傲兒爸爸)都好nice,好人有好報啦,我都希望自己有好報。咁佢做得耐啲,可能中間有啲協議啩,我都唔係好清楚。」



儲錢再謀發展

麥貝夷在名校瑪利諾中學畢業,並於浸會大學主修英文系世界文學,甚至連家庭背景亦與傲兒相似,家人同樣是做生意,早前因周轉問題賣樓,現跟家人租住親戚物業。她說:「屋企人含辛茹苦供我讀大學,問心一直好努力,但連最低工資都冇。」問她是否普通文員薪酬?她放聲說:「梗係冇啦,試過一個月得3,000蚊,搵得最多,試過儲埋幾個月都唔過5萬蚊,真係生活唔到。屋企人都有勸唔好做呢行,所以之前去咗廣告公司做公關,但其間亦有人搵我做舞台劇或微電影,唔想返工成日請假,見之前返工儲到啲錢,想再試吓呢行發展。」採訪:嵐山





來源: http://hk.apple.nextmedia.com/entertainment/art/20150612/19180875
PermaLink: https://articles.zkiz.com/?id=290926

普京背後亂噴香檳邊個咁唔識死?

1 : GS(14)@2015-10-14 02:54:10

周日舉行的一級方程式俄羅斯站賽事,綽號「黑帝」的英國車手咸姆頓贏得冠軍。賽後由俄羅斯總統普京頒獎。咸姆頓開香檳慶祝時,香檳疑似濺到普京。事後,有網民語帶諷刺地表示,咸姆頓冒犯了普京,擔心他的人身安全。有人留言說:「普京已將咸姆頓的住址交給其政治異見者殺戮隊。」另一人問:「咸姆頓何時會被發現死於浴缸中?」咸姆頓以香檳噴人已有前科。今年4月他贏得中國站冠軍後,在頒獎台上以香檳猛噴禮儀小姐,結果受到網民猛烈抨擊,指他對女性毫不尊重,有欠風度。英國《都市報》





來源: http://hk.apple.nextmedia.com/international/art/20151013/19331331
PermaLink: https://articles.zkiz.com/?id=293143

Next Page

ZKIZ Archives @ 2019