雷曼產品外滙股票輸唔少 田少：有錢佬個個炒燶
2008-10-31 AppleDaily
【本 報訊】金融海嘯殺埋身，小市民固然遭殃，一眾有錢大戶傷得更深，當中不少更遭沒頂。自由黨前主席、身家至少50億元的田北俊坦言投資損手，除了「幾十萬美 元」雷曼投資產品變成廢紙外，最入肉的是炒燶accumulator（累計認購期權）；但強調他的有錢朋友「個個都有買」，在友儕間，他已經是「輸得比較 少嗰個」。
田北俊昨日以旅遊發展局主席身份宴請傳媒，談及金融海嘯來勢洶洶，對旅遊業固然打擊甚大，他本人也難逃損手。他說自己並非雷曼苦主，因入市是當作投資，不算遭人誤導；至於accumulator，外滙與股票的都有買，結果當然慘不忍睹。
「根 本個個都有買，唔買嗰個一定有問題，即係唔識投資，淨係識將啲錢放晒做定期。舊年7月買（accumulator）時好吸引，係咁升，的確賺好多，但冇為 意只係得止升位冇止跌位，到o依家就梗係輸啦。」他沒有透露虧蝕總數，只表示不計accumulator，單是雷曼的投資產品已「幾十萬美金變咗零」，說 時語調顯得隱隱作痛。
同樣因炒燶股滙有切膚之痛的城中富豪大不乏人，恒基兆業主席李兆基早前透露其私人投資基金，由2,000億元大縮水至 1,500億元；榮智健旗下中信泰富炒外滙accumulator輸約155億元，李國寶的東亞銀行勁蝕35億元，「澳門李嘉誠」柯為湘的九龍建業，計數 後要蝕37億元，公司市值蒸發九成。
太太負責「自己買會輸得更慘」
田北俊形象一向精明，擅長計算，今次也難逃一劫。他說其實 從政已令他「輸少好多」，比較幸運，「因為我做緊立法會議員嗰陣，冇乜時間理財，全部由我太太負責買……如果我自己嚟，可能買得仲狼，會輸得更慘。」朋友 個個損手，問他誰輸得最「慘烈」，他說：「總之個個都有買，個個都輸。」立法會正討論是否運用《立法會（權力及特權）條例》調查雷曼迷債事件，田北俊指銀 行界甚為憂心，因一旦成事，便需向議會交出內部文件，尤其是跨國銀行，絕不想披露內部機密。雖則如此，但他認為政黨必須挺身而出為小市民發聲，所以「自由 黨一定支持（立法會）調查」。現時只是普通黨員的他隨即補充說：「係Miriam（黨主席劉健儀）話畀我聽嘅。」
未被嚇窒轉玩「低風險」產品
俗 語說：有賭未為輸。田北俊明顯未被嚇窒，認為只要挑選較穩陣的投資產品，也可在逆市賺錢，近期投資新寵是convertible bond（可換股債券），多數由大藍籌公司發行，他認為風險很低，除非有關公司破產執笠，否則不會變成廢紙。這種產品由投資銀行向富豪推銷，一般散戶無緣 沾手。田北俊出身紡織世家，多年前接掌家族生意後轉型投資地產，是本港中型發展商，名下萬泰製衣是投資旗艦，鍾情發展豪宅物業，包括南區 Manhattan Tower、The Manhattan，現時最大投資是九龍灣常怡道甲級商廈，去年以9.6億元投得屯門地皮興建洋房及分層住宅。田亦愛駕名車，四輛名車總值約800萬元。
可換股債券成富豪新寵
【本報訊】投資accumulator令城中富豪財富大蒸發，輸掉數十億，甚至過百億元，但身家大縮水並未嚇倒他們。近期富豪圈再玩一場富貴險中求的遊戲，新寵是可換股債券（convertible bond, CB）。
田北俊正是一例，雖然投資損手，但他明顯未被嚇窒，近日「愛上」的CB，是向投資銀行買入由上市公司發行的可換股債券。他說，有短至2010年便到期，也有長至2014年。
其 實，CB是上市公司經常採用的一種集資工具，上市公司向投資者發售CB，即可集資，投資者持有這些CB，一般均獲定期派息，部份則無派息，但發行價與面值 有折扣。CB到期時，投資者可售回予上市公司，或以之前協議的換股價，換取上市公司的股票。通常若股價遠高於換股價，投資者會換股，然後出售套現。投資者 面對的風險只是上市公司清盤，未能購回CB。
「CB真係好吸引」
田北俊說：「市面上好似得三、四隻convertible bond，嘉里、置地、新世界發展都有。因為啲i-bank（投資銀行）等錢使，所以原本值100萬元嘅貨，你畀70萬元就買到，長期啲嘅譬如2014年 到期嘅，可能50萬元已經買到，期間冇息收，但只要到期時，間公司冇執笠仲喺度，就可以攞足100萬。」他認為CB風險很低，「你信唔信嗰啲公司會執 笠？」另一名買入新世界發展、麗豐及路勁CB的富豪對本報說：「中環有邊個富豪唔使輸錢？問題係多抑或少，啲投資銀行要留住我哋，梗係要介紹番啲好投資 啦。」他續說：「今次玩嘅CB真係好吸引，七折或者用更低價，就可以買到藍籌股嘅CB，藍籌股又唔會執笠，兩年後收十幾厘息（以折讓價買入，面值售回給上 市公司等於收息），好過投資accumulator，真係可以殺死人。」該富豪透露，由於早前不少對冲基金無法在市場上借錢，盡售手上股票後仍「缺水」， 最終被逼以「斬頭」價（三至五折）出售手上CB，「摩根士丹利、美林、德意志等歐美投行購入大量CB，再向富豪狂sell。」
好似有唔少人「艇」緊呢隻：中油燃氣（603）（仲有中國電力（2380）） fatlone's investment paradise
http://fatlone.wordpress.com/2013/08/24/%E5%A5%BD%E4%BC%BC%E6%9C%89%E5%94%94%E5%B0%91%E4%BA%BA%E3%80%8C%E8%89%87%E3%80%8D%E7%B7%8A%E5%91%A2%E9%9A%BB%EF%BC%9A%E4%B8%AD%E6%B2%B9%E7%87%83%E6%B0%A3%EF%BC%88603%EF%BC%89%EF%BC%88%E4%BB%B2/
燃氣股，都有過一段不短嘅美好時光。
可能好日子實在太長，令大家都沉溺喺入面，總之好多人總有一隻半隻燃氣股係個倉入面，而更是不少人嘅「核心持股」
603最靚嗰段升浪已經在今年3月完結。之後呢半年，都是浮浮沉沉。
呢幾日，更連續下跌，近2日成交更明顯增加。求其打開張圖睇睇，「都幾樣衰下」⋯⋯
星期一（26號）出業績，睇下又會點？去到呢個位，就坐多日吧⋯⋯唔爭在。
呢尐股其實先輸死人，燃氣股喎，個個都讚好，又有增長，佢唔升姐都無跌呀（mid to long term計）！你渣住呢尐股，已經輸咗機會成本，磨足半年都係咁，依家仲要穿埋底，業績前先搞尐咁嘅嘢，我諗若非對其業績有充份了解及信心爆棚，一定唔會舒服得去邊。唉，唔係想抽水，只係慨嘆呢尐外表善良嘅股先令人輸得最甘。唔輸過錢點買到教訓呢？
中國電力（2380）好似都有不少人想買或者已經持有。你仲諗緊煤價下跌（或者KEEP住平）或者覺得水電仲有得去？業績好好喎，同比增長1.6倍喎⋯⋯ 我覺得2380已經唔sexy嚕，仲有，煤股彈緊啦都，煤價係咪有尐嘢呢？水電？雨季過咗一半有多啦？今年都落唔少雨啦，再增長係咪即係再落多尐？我唔敢講2380要gameover，但係，唔sexy嘅公司，做乜仲要買？我買股係好濫，但係同時都好揀擇，無幻想空間嘅股票，除非個圖好靚（因為我覺得無姐，但好有機會係我唔識嘢發掘唔到佢sexy個位），根本就唔應該買，就算買都唔會大注。
我咁講可能得罪不少人，而我亦只是一個成日輸錢兼有時好「燈」嘅小小老散，可能一出完POST第二日603同2380就即刻見底回升都未定。歡迎留言交換看法，多謝。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
吹水區：
現在嘅我沉迷炒作，可能好快會炒到破產。可是，我又唔見得打著「價值投資」旗號嘅人又有邊個係勁到無倫，你有信心勝過雪球網或者中國內地嘅高手嗎？我純粹以個股分析而言，基本上，無乜邊個做到一樣買股票極之重要嘅嘢：前瞻性。
你拎份年報出嚟刨，好喇，你真係好熟間公司喇，得出既結論係間公司好好，值得持有甚至要加注。我好求其咁舉個例子，就手機股啦，前幾個月幾強勢大家都好清楚。手機股王，一定唔會無瑞聲科技（2018）份。之前就炒iphone啦（都好耐之前嘅事），之後話有三星訂單嘛，所以iphone嘅衰落仲有三星頂住，咁依家佢又做乜跌呢？兩大龍頭都幫襯佢喎⋯⋯我都唔知，我無研究亦從未買過2018，而我覺得佢要跌都合理。蘋果三星個份額可以講話係飽和咗，如果瑞聲過往嘅增長動力無以為繼，就算盈利保持到，但因為增長前景無以前咁好，調低earning multiple，由20倍變成15倍，都要唔見25﹪啦（如果純利不變）。我唔係話2018死梗，不過，如果做功課嘅程度仲未深入到可以預視佢未來嘅增長動力（即是發掘真正嘅價值），例如可能是知道佢仲有新客戶，或者新產品帶來新財路，或者身為龍頭嘅佢地位進一步鞏固，做成Oligopoly 寡頭壟斷嘅局面令到佢享有溢價（或者呢一點現時已經price-in咗），等等，即係諗唔到有理由要繼續升。如果隻股票諗唔到有升嘅理由，就唔好玩。如果覺得佢會升，但實情佢係跌，咁就要重新檢視自己嘅看法，永遠先尊重市場（如果掉返轉你覺得佢會跌但佢又升畀你睇都要重新再睇過）不過，太多人個self-esteem太強，做唔到快速修正看法，結果多數是輸死。
忽然覺得講完一大輪都講唔到重點⋯⋯
OK，用呢句做結論：如果你嘅研究並未能真正解釋到公司嘅業績股價嘅升跌，例如你仲係覺得間公司RUN得好好但股價已經回落咗好多，離場吧，我地做散戶最大嘅優勢係倉位細，易走鬼，咁都唔好好利用，太傻了。
以上全部都係我亂UP，重申，我從來無研究過2018⋯⋯
我呢尐亂UP全部係圍繞佢前景。如果講前景，手機界現時增長最勁係平價smartphone，以此思路去睇，我會揀台股聯發科（2454）。因為佢係專門研發平價手機解決方案，sony嘅中低階機都係用佢嘅出品，實質乜嘢係「解決方案」⋯⋯well，我無深究⋯⋯不過，睇下人地個股價表現，我相信市場已經話咗你知佢好唔好。
歡迎大家留言交流，多謝！
傳媒Secrets: 本人有唔少左報行家的fb....
1 :
GS(14)@2013-07-16 00:03:37http://www.allsecrets.me/archives/35359
40
//本人有唔少左報行家的fb, 成日見他們話自己如何熱愛民主, 又會參加遊行and六四晚會，經常恥笑流肛華之類的人物。又有個人日日夜夜鬧自己工作緊的敗報, 質素如何低劣。
其實真係好想問他們一句:
點解你仍留在這兒? (不少人係跑鄭治祖O添)做中共的幫兇?
我知你都係搵啖食，但既然是這樣, 你就唔好鬧思歪, 因為人家都係搵啖食。民建聯果班, 都係一樣。
2 :
GS(14)@2013-07-16 00:03:53https://www.facebook.com/permali ... &id=469660456442456
Icaro Wong 身在曹營心在漢
6月12日 6:14來自手機 · 2
Justin Lau Hong Hong 心有鬼用咩，愛老婆又要出去叫雞；毛澤東搞大躍進夠有心為國家好啦查看翻譯
6月12日 6:52來自手機 · 1
Fong Fong Lee 嗰位日日鬧自己份報紙的人，笑鳥，X爺，係你太揚
6月12日 10:49來自手機 · 1
Tung Kit 我撐X爺 ~!
6月13日 2:53
Donald Cheung 鬧思歪又鬧，唔鬧思歪又鬧... 鬧左報記者嘅朋友，想同你哋講其實好多新聞人都好有民主嘅心，奈何無咁多資源去養所有支持民主嘅新聞人。
最後嗰句「思歪搵啖食」嘅言論又想點？左報記者放咗工之後，點解唔可以做返自己，抒發自己嘅意見？點解要人哋合乎你心目中「左報記者」嘅形象？
講得出咁嘅説話，只因自己唔係受難嘅人。
6月14日 10:30
歷年收禮唔少呂麗君身家估計過13億
1 :
GS(14)@2016-08-07 02:13:42「大劉」劉鑾雄一生紅顏知己無數，但大劉喺01年及02年分別邂逅咗呂麗君及甘比之後，就冇再傳過緋聞。喺今個星期初，《蘋果》率先報道呂麗君同大劉原來已經分手一年多，大女秀盈同細仔子鋒交由呂麗君照顧，生活費都由大劉負擔。呢間白加道獨立屋佔地超過3,300平方呎，仲連有3,000多呎嘅花園同私人泳池，呎價高達12萬6,500，排喺全港最貴洋房第二位，現時市值大約係4.8億。呂麗君現時亦持有位於中半山嘅雅賓利大廈單位，市值約9,000萬。而香港以外嘅物業，就有佢同大劉共同持有嘅英國6層高大宅，估計市值約係4.2億。以上3幢物業加起嚟，呂麗君身家已經接近10億，再睇番歷史，佢喺蝕42萬之下賣出黃埔花園車位，但又賣出擎天半島連車位賺番220萬。加上大劉送過兩架共值1.5億嘅遊艇畀呂麗君同秀盈、又送過2.54億嘅藍鑽「The Zoe Diamond」、6,508萬嘅紅寶石「Zoe Red」。所以就算呂麗君同大劉分手之後，保守估計一家人仍然有超過13億身家。
來源:
http://hk.apple.nextmedia.com/entertainment/art/20160806/19725254
千嬅：睇唔少佢嘅戲
1 :
GS(14)@2016-10-16 08:20:01男神班尼狄甘巴貝治玩「人人問」，見楊千嬅問問題時竟表示認得她，昨日問千嬅是否認識班尼狄？她在電話中說：「佢嘅戲當然睇過唔少，我當然識佢，但私下同佢唔認識！佢話認得我可能係客氣話，畀我好落台，又或者喺香港街頭見過我啲廣告相啩！」陸永昨在尖沙嘴出席護膚品活動，對於大前日嘟姐為班尼狄執咪時「輕掃」對方下身而揚名國際，陸永稱相信嘟姐純粹執咪：「而家威水到做International DoDo，有得抽水仲可進軍荷李活。」問可有見過嘟姐幫人執咪？他說：「初入行同佢主持節目，拎住咪企隔籬，佢以為我係FM遞咪畀佢直情拎咗去。」採訪：鍾國仁、王連連
■嘟姐大前日幫班尼狄執咪時，「輕掃」了對方下身。資料圖片
■陸永笑嘟姐做International DoDo。攝影：王連連
來源:
http://hk.apple.nextmedia.com/entertainment/art/20161016/19802271
肯亞徐拉埋Eason減肥錢嘉樂賽車捧唔少盃
1 :
GS(14)@2016-11-06 15:49:10Kary吳雨霏上年同青梅好馬洪立熙（Brian）喺美國結婚， Brian除咗係Kary初戀男友，仲係一位網球王子。娛圈入面，其實都有好多藝人嘅另一半，係出咗名好動嘅運動健將。徐濠縈陳奕迅（Eason）老婆「A餐」徐濠縈，成日被網民指指點點，不過其實呢位陳太好錫老公，除咗自己愛上跑步，獲得成就「肯亞徐」之外，仲成功叫郁老公跑步，改變生活習慣，保持健康，絕對係位滿分嘅太太。錢嘉樂12年娶咗湯盈盈嘅錢嘉樂，係龍虎武師出身，除咗係替身之外，亦係一位賽車手，落場揸跑車比賽都有贏過冠軍。上個月Formula E首次喺香港舉行，錢嘉樂都有份參賽，仲係藝人組嘅冠軍。鄭伊健鄭伊健同蒙嘉慧最鍾意打羽毛球，仲因此定情，成功一路走到底，由波友到男女朋友，甚至結埋婚，佢哋就算係婚後，都仍然好鍾意一齊打波。鄭嘉穎鄭嘉穎由歌手轉型到大台做視帝，原來都係靠打網球減壓，佢小學就已經參加網球暑期班，自此愛上呢項運動。嘉穎喺球場上嘅英姿，就成功吸引到女友陳凱琳，試過獲女方讚佢打網球有型。王浩信喺大台上緊位嘅王浩信，有位靚靚太太陳自瑤YoYo同4歲女。要努力搵錢養家當然要keep住健康。佢日前就同老婆去咗北角買咗部貴價單車，實行踩單車返電視城開工，把握時間做運動。
來源:
http://hk.apple.nextmedia.com/entertainment/art/20161106/19824494
入閘首日即隔空駁火曾俊華：單一支持難管治 林鄭：四界別提名唔少
1 :
GS(14)@2017-03-04 00:23:41曾俊華
【特首戰開打】【本報訊】曾俊華和林鄭月娥獲正式確認為特首候選人後，兩人首度「前後腳」出席一個特首候選人交流會後便隔空駁火。曾俊華暗批沒有泛民提名的林鄭月娥，其支持只是來自某一部份的政治光譜，擔心她做特首會令管治困難。林鄭則避談政治光譜，反指自己在選委會中的4大界別獲不少提名，形容這是「另一種睇法」的廣泛支持。記者：姚國雄
林鄭月娥
特首提名期結束期的第一天，曾俊華和林鄭前後腳出席由港區婦聯代表聯誼會舉辦特首候選人交流會。雖然沒有直接碰面，但兩人在出席交流會後接受傳媒訪問時，即向對手的提名名單組合互相駁火。曾俊華被問到他同時擁有泛民和建制提名和支持，是否其優點，會否擔心在投票時「走票」？挾着127名泛民、38名建制派提名的曾俊華毫不客氣指，下屆特首需整個社會支持，否則難以管治，矛頭直指零泛民提名票的林鄭：「我好相信邊個成為下屆嘅行政長官，都需要整個社會嘅支持，如果任何一個人贏到今次嘅選舉，係靠住某一部份政治光譜嘅支持，係會令到個管治情況非常之困難。」林鄭在曾俊華離開後才到場，她在出席完交流會後，被問到如何回應曾俊華「下屆特首應有跨政治光譜支持」的言論，挾着580張建制派提名票的林鄭，花了逾一分鐘反擊曾俊華針對性的批評。
林鄭認為，特首提名期剛完結，應待3月26日選舉日，才能知道下任特首有多大的廣泛支持。她將自己沒有泛民提名的原因，歸咎於泛民一早已綑綁和進行配票策略，她為了尊重泛民，故沒有向一些「好熟悉嘅泛民選委」進行拉票，又揚言有民主派選委「其實好認同我今次提出嘅政綱內容」，她指：「我都冇特別爭取、要求佢哋嘅提名，因為我尊重佢哋用呢個提名嘅策略，但喺未來3、4個禮拜，我會去努力咁去爭取每一位選委支持。」
■林鄭出席港區婦聯交流會介紹政綱，與一眾婦聯代表合照。謝榮耀攝
■曾俊華落區到籃球街場，即席露兩手投籃。曾俊華fb圖片
「另一標準看獲廣泛支持」
林鄭之後更聲稱，她盡攬建制派選委提名，以另一標準看也是獲廣泛支持：「如果以廣泛代表性（而言），其實1,200名嘅選舉委員會係來自4個界別，我覺得我喺4個界別嘅支持都係唔少，所以呢個亦都係另一個睇法。」林鄭透過這唯一提問與曾俊華駁火後，轉身即走。但是翻查資料，林鄭在4大界別（每界別有300人）的提名票分佈並不平均，第一界別即工商界獲223票、由民主派佔多的第二專業界別則只有34票、第三界別即勞工、社福、漁農和宗教界獲得102票，第四界別即政界則獲得221票。林鄭佔優的三大界別，除了第三界別的社福界選委，大部份也是自動當選的建制派選委，不少為中央直接操控。除了就提名組合開火，曾俊華亦有回應中聯辦被指干預特首選舉，他說只要3個中央駐港機構「應各自做番自己應該做嘅事情」。對於他缺席民主思路湯家驊舉辦特首候選人論壇，曾俊華解釋，距離投票日尚有3星期，他收到幾十個不同邀請，他會視乎時間、論壇的代表性作決定，他會參與代表性高的論壇。至於有評論將他和外部勢力扣連在一起，曾俊華笑稱：「外部勢力？我住港島㗎喎。」
全國政協盼選舉依法有序
港區婦聯代表聯誼會昨日舉辦的論壇，胡國興以時間緊迫為由無法抽空出席。但此聯誼會的不少高層，其實已提名林鄭競逐特首，包括名譽會長王惠貞、朱蓮芬、呂慧瑜。王惠貞指，林鄭是唯一女性的特首候選人，若由林鄭出任特首，她會支持。另外，全國政協發言人王國慶昨日於政協的記者會上，回應香港特首選舉，希望選舉可以依法、有序、順利進行，又相信香港一定能夠選出一名愛國愛港、中央信任、有管治能力和港人擁護的人任特首。
來源:
http://hk.apple.nextmedia.com/news/art/20170303/19946047
Next Page