| ||||||
新正頭春茗停不了，呢個禮拜食得至happy、至有氣勢嘅，應該係噚日數碼通（315）嗰餐，事關飯都未開，個股價一個上晝就已經升到10年新高，去到廿幾蚊（全日升咗7.95%，收$25.8），真係好意頭到極！ 由頭到尾都蓮子蓉咁面口嘅行政總裁黎大鈞（圖）話，佢哋做生意競爭依然激烈，但係估唔到連租舖都爭得好激烈，肯畀錢都未必租到靚舖，而且o依家租金咁「揦脷」，吓吓加幾十個巴仙，但個問題係，門市生意都未升到幾十個巴仙囉！嘩，數碼通生意咁大都叫苦，其他舖頭更加難捱啦！ 咁今年數碼通有乜嘢搞呀？黎總話6.5億capex（資本開支）主要用喺網絡擴容，o依家新客裏面8成係用智能手機……不過，華華比較想知道佢哋隻股315幾時升破30蚊囉！ | ||||||