ZKIZ Archives


36E新咪神陳偉琪想做律師變做大台奀星

1 : GS(14)@2016-12-11 14:12:50

擁有36E上圍、25歲嘅無綫新咪神陳偉琪,無啦啦捲入床照事件,由「幫港出聲」周融旗下《HKG報》「獨家報道」,稱疑似陳偉琪同疑似民主黨中央委員、公共專業聯盟主席吳永輝嘅床照「網上瘋傳」,但其實兩人嘅交集,只係2012年吳參選建築、測量及都市規劃界議員時,陳已擔任其形象顧問,當時《蘋果》都有報道,更以「翻版楊采妮」形容陳偉琪添。陳偉琪回覆《香港01》時已否認自己係所謂網上瘋傳嗰張床照嘅女主角(邊度有瘋傳?)仲反問「點解可以爭咁遠都當係?」至於佢同吳永輝係點識嘅呢?陳偉琪就解釋係透過姑姐識佢。家陣陳偉琪成為無綫新咪神,郁下出招胸狠,其實佢來頭好勁,包括係2011年溫哥華華裔小姐亞軍,喺卑詩省大學主修政治系,更曾為溫哥華市長助選,幫手聯繫當地嘅年輕人組織,落區開會等等:「一個人嘅坐姿、衣着,都會影響到別人對你嘅觀感。參選,令我學識點樣面對傳媒、點樣自信咁表達自己。」志願其實係做律師嘅陳偉琪,返港後認為香港嘅政治氣氛「唔同晒」:「我好鍾意政治,但由細到大,我嘅志願其實係做律師。不過,無論政治抑或法律其實都同生活息息相關。選議員,佢入到議會,代我哋監察政府;法律呢?就保障我哋嘅權利。我希望利用我嘅專業知識,幫到有需要嘅人。」




來源: http://hk.apple.nextmedia.com/entertainment/art/20161211/19861925
PermaLink: https://articles.zkiz.com/?id=319206

【消失的事業線】三大無綫咪神 「出閘」只肯晒長腿!

1 : GS(14)@2017-01-09 08:11:53

沙田馬場JUMP「出閘」於今日(8日)正式開幕,馬會請來三位索女嘉賓無綫藝人張秀文、朱智賢及陳婉衡造勢,不過呢三位以身形標青見稱的藝員,今次都着得好密實,只見長腿,不見事業線。
JUMP「出閘」是一間全新以賽馬為主題的餐廳,馬會市場及客戶事務執行總監張之杰指出,位於沙田馬場第二座看台二樓的JUMP「出閘」,共設有二百五十個座位,融合嶄新科技與賽馬資訊設施。場內設有Racing Touch專檯及虛擬策騎實況設備。另外,場內有多部iPad免費借用服務,並有大型香港賽馬電腦動畫、到虛擬結合體感的賽馬對戰遊戲、以致用Gear VR3600虛擬遊覽馬房。馬迷可參加由Racing Specialist主持的賽馬101新手班,分享賽事資訊。JUMP「出閘」收費每位$209至309元,每檯設最低消費,按該檯預設人數而定。




來源: http://hk.apple.nextmedia.com/sports/art/20170109/19890708
PermaLink: https://articles.zkiz.com/?id=322062

34C新咪神陪食張振朗拍拖喪撩鼻

1 : GS(14)@2017-02-05 10:39:40

【開餐】■張振朗日前與新咪神陳芷尤食雞煲撐枱腳。





【灣仔】張振朗因為拍無綫處境劇《愛.回家》,撻着34C新咪神陳芷尤,二人拍拖兼同居幾乎不是秘密。不過,無綫正值小生荒,上位在即的張振朗對感情事都不敢高調,日前被本報撞正甜蜜拍拖食雞煲,但都只認是好朋友。



【抹鼻】■張振朗不停撩鼻,最初用紙巾,後來用手指直接撩(右圖)。DV圖片

【採礦】


坐女友名車

張振朗與陳芷尤同於第25期訓練班畢業,有傳二人大前年已拍拖,只是男方不時有緋聞,包括陳瀅及龔嘉欣等。當日黃昏6時多,張振朗於灣仔海旁收工後,陳芷尤便做柴可夫駕寶馬名車接他收工,出發去上環覓食,但兜了一會,最後又折返灣仔食雞煲。今時今日,天王天后都大方公開戀情,惟張振朗由落車到入食肆,全程保持高度警戒,一先一後行,在門外等位時更一直扮不認識,直至入座,女友去了廁所,張振朗便拿出手機不停篤,其間不時「放蚊」一臉疲態,但最不衞生是他用手指撩鼻後又摸面。



■未知是否怕被認出,原本張振朗與陳芷尤黐住行,但又突然彈開。

■陳芷尤擁34C上圍,是無綫新一代咪神。資料圖片


食完扮唔識

離開時有店員通知他門外有記者,二人出門口時更是零交流。事後張振朗回覆傳媒稱:「當日係咁啱喺附近做嘢,咪約埋一齊食飯囉!哈哈!因為行錯路咪所以去咗第二度再返嚟灣仔囉!」問他們是否拍拖?張振朗還是不承認:「好朋友約食飯箒!」採訪、攝影:梁繼光




來源: http://hk.apple.nextmedia.com/entertainment/art/20170203/19915879
PermaLink: https://articles.zkiz.com/?id=325299

借張振朗過橋謝東閔硬撬新咪神朱智賢

1 : GS(14)@2017-02-12 15:39:53

2017-02-02 NM
憑33C、23、35弗爆身材加43吋長腿,29歲的大台新咪神朱智賢(Ashley)仲有大把貨,成為網民「今期流行」。因為索,所以多人追,就算早有餐廳老闆男友,「巨星幫」謝東閔依然硬去馬,照追。為奪咪神,謝東閔借張振朗和女友陳芷尤過橋,double date兩啤人一齊玩,結果斷正。有老闆男友

一三年落選港姐朱智賢,因為在旅遊節目《3日2夜》晒泳裝獲封大台新一代咪神!有指她與謝東閔雖分別到不同地方拍節目《天與地》外景,但宣傳密密見,已搞到男方嗒晒糖。「閔大人(謝東閔)同『巨聲』師姐何雁詩分手之後曾經同個圈外女仔拍拖,而家佢對Ashley(朱智賢)好有好感,就算人哋有個係中環Lobster Central餐廳老闆之一嘅男友,佢都覺得自己有得爭,因為佢屋企環境都幾好,爹哋開髮型屋,媽咪就搞外傭介紹所,自己都喺美孚開按摩店。少爺仔性格囉!閔大人知Ashley同張振朗,仲有佢女友Apple(陳芷尤)熟,就搵佢哋約Ashley去街。」知情者說。

攝位咬耳仔

月前謝東閔終於搭通天地線,約女神去中環嘉年華玩,張振朗和陳芷尤更帶埋一小女孩同行。玩攤位遊戲時,朱智賢幫張振朗打氣,謝東閔未及上前埋身,惟有在後做癡漢,默默望住他的女神背影和幫手拎戰利品。之後行去玩另外一個攤位遊戲,謝東閔一於死跟,更把握機會攝上前跟女神咬耳仔。據知,朱智賢和搞飲食的男友已秘密拍拖兩年,去年初餐廳開張,她更以女主人身份現身支持。雙方感情穩定,男友對做藝人的朱智賢亦十分體諒,甚至接受女友性感演出。凡事你情我願,要硬撬朱智賢,謝東閔冇咁易!

撰文、攝影、攝錄:娛樂組
PermaLink: https://articles.zkiz.com/?id=326598

無綫咪神離巢陳潔玲:可能佢哋覺得你想走呀?走囉!

1 : GS(14)@2017-05-18 01:10:52

「我的離開也是愛……」許廷鏗就咁樣唱,至於前港姐「咪神」陳潔玲離開大台又因為乜呢?佢昨日接受《蘋果》電話訪問時,咁樣形容同大台嘅「分手」:「都係和平結束賓主關係」。由參加港姐至今,差不多五年,陳潔玲坦言最唔捨得同事:「尤其係訓練班嗰啲,好多幕後同事對我好好,雖然啲人話公司冇咩人情味。」陳潔玲表示半年前已開始動念想走,沒有代表作亦是原因之一,於是佢走咗去問訓練班教過佢嘅阿旦鄭丹瑞:「佢好知道我性格,佢話:『你走啦,你牛皮氣,你留喺TVB咪又係又痕又怕痛,繼續留喺到又係囉囉攣,不如0依家走啦』。」咁啱五月份死約完咗,就決定離開。至於大台可有挽留?陳潔玲稱:「又冇喎!(由你走?)係呀!(咁都得?)我又冇諗呢樣嘢喎,可能佢哋覺得『你想走呀?走囉!』我都有啲驚,其實我計過我有半年冇返公司,可能爭公司一啲show,驚公司叫我還show,佢淨係話『你返嚟填番啲文件,搞番啲手續就ok』。」「當初入嚟係想見識下心態,做耐咗就發現,公司太大,太多部門,架構太複雜,好多時佢冇可能照顧每個需求,喺入面好被動,真係要等機會,唔知要等幾耐。喺大機構工作,大家都明要做好多門面嘢,要比較卑躬屈膝啲,但我自己有個堅持,我係想做演員,唔想為咗得到機會而磨平自己啲棱角,如果咁就冇咗自己character。」她補充:「我以前係仲倔,TVB已經成長咗好多。」0依家咁多平台,陳潔玲自言想試多啲嘢,會嘗試拍電影,例如網絡電影咁;至於簽經理人,佢話暫時想自由身先。




來源: http://hk.apple.nextmedia.com/entertainment/art/20170517/20024199
PermaLink: https://articles.zkiz.com/?id=333154

遊布吉狂晒三點式大台咪神陳婉衡曬燶心口

1 : GS(14)@2017-07-01 10:29:24

大台36E咪神陳婉衡(Alycia),早排同朋友去咗布吉旅行,平時疏爽開嘅佢,當然趁機會喺當地換唔同款式嘅泳衣,大騷身材影相。點知旅行結束,之前打大心口迎接夏日嘅佢,就曬燶咗咪咪,搞到咪咪受罪,胸前甩皮兼起水泡,仲搞到鴛鴦色一撻撻。返到香港後,陳婉衡就即刻去睇醫生,為心口降溫,好彩醫生話佢只係曬傷,搽啲藥膏就會好番,不過經歷呢次教訓後,陳婉衡都真係要做好防曬措施,免得生財架生再遭殃。




來源: http://hk.apple.nextmedia.com/entertainment/art/20170628/20071657
PermaLink: https://articles.zkiz.com/?id=337360

又「鮑魚」又「警鐘」吳家樂「口頭騷擾」咪神

1 : GS(14)@2017-07-29 03:40:54

昨日大台宣傳新劇,主角當然落在胡定欣同陳展鵬兩位會有幾尷尬身上,話晒舉行活動嘅地方係商場,大人細路一大堆,但司儀吳家樂就係咁講衰嘢,仲拎34D新咪神張秀文嚟抽水……搞到已為人父嘅唯唯梁烈唯非常尷尬。咁呢,當時眾演員戙晒喺台上介紹角色啦,講下自己有乜嘢長處咁啦,到梁烈唯嗰陣,佢就話自己最叻飛車,又話:「我係受保護動物,佢哋為咗保護我,成日都要打鬥,所以我好重要。」吳家樂即反問:「個個都保護你,咁張秀文邊個保護呢?」梁烈唯答佢:「佢唔使保護啦,佢本身已經係一個防狼器。」企埋一邊嘅張秀文即問:「你講乜嘢呀?」估唔到呢個moment,吳家樂突然爆一句:「即係你講緊佢個警鐘呀?」張秀文接口道:「係呀,仲係你敲響嘅添!」梁烈唯一臉無辜:「我唔知呀呢啲!」吳家樂大驚:「佢敲響你個警鐘?」張秀文就試圖解釋:「我哋兩個係一對嘅…」吳家樂再抽多嘢:「嘩!你有一對警鐘?!」張秀文已經成個人亂晒,身邊嘅梁舜燕就有啲尷尬。未冷靜到嘅張秀文試圖解釋:「點解佢成日敲響警鐘呢?我舖頭間茶餐廳呢,佢成日嚟黐飲黐食,但我真係好鍾意佢,所以我最叻就係偷,專偷火腿俾佢食。」梁烈唯終於出到聲:「哦,鮑魚嗰啲就唔偷嘅…」吳家樂就話:「鮑魚留咗俾你食。」梁烈唯一臉尷尬,烏低身無言以對…學陳展鵬話齋,「今日好多小朋友,唔好亂嚟……」




來源: http://hk.apple.nextmedia.com/entertainment/art/20170728/20104315
PermaLink: https://articles.zkiz.com/?id=339060

Next Page

ZKIZ Archives @ 2019