|
||||||
|
日本賽馬事業， 有上游育馬，下游賽馬兩大部分，硬件設施由JRA提供，養馬及練馬由私人牧馬場負責，育馬方面，由JBBA組織，公私部門合作緊密。私人牧場最大，最權威 之「北方牧場」（養有大震撼、黑船、曼赫頓咖啡等名種），公營如JBBA設於靜內之種馬場。種馬場離開拍賣場地不遠，主持人邀請我地去睇幾隻著名種馬如 Came Home（身價七百萬美元，香港泥地馬獵豹小子之父）、Empire Maker（貝蒙特冠軍，肯特基打吡季軍，身價不願透露）、Bago（法國凱旋門大賽冠軍），還有一隻香港馬主幾熟悉嘅歐州名駒Opera House，日本人好捨得出錢，歐美一級大賽冠軍往往俾佢地買回日本做種馬。 肥仔Ｋ與左丁山唔生性，問佢地1995年英國三歲馬王，葉森打 吡冠軍「臨泰來」（Lammtarra）在日本表現如何，有關人等面色一沉，低哼一聲，勾起佢地嘅痛苦回憶。此馬當年轟動歐洲，贏咗葉森打吡後一年，就俾 日本買走，運返日本配種，一位負責人細細聲話：「隻馬身價三十三億日圓，係極高紀錄，但在日本配種完全失敗，後來在06年以幾千萬日圓賣番畀原來馬主麥通 酋長，係日本投資種馬最慘痛嘅經驗！」 當今日本最紅嘅種馬就係大震撼（Deep Impact），係Sunday Silence之子，每次配種收費一千萬日圓，第一年（2006）配種成功，2008年出生嘅公馬Real Impact就係今年嘅安田紀念賽冠軍馬，於是第二年開始「招募」後，第一個星期就封盤，當隻馬每年交配二百次，就有二十億日圓收入（二億港元），唔怪得 馬主「北方牧場」威震日本。此駒與1997年日本馬王Air Groove交配生下之周歲新馬女最近在日本拍賣，創下「史上最高」紀錄之四百三十九萬美元，簡直匪夷所思，於此亦可推論，日本人大把錢，根本唔志在海外 買家到日本買馬，搵我地去參加拍馬會，為咗「國際化」「全球化」呢個招牌而已。當然唔係所有日本周歲馬都係咁貴，照我地所見，靜內拍賣優選馬嘅平均價約係 八百萬日圓，成功出售率只有54%左右，貴價一批嘅賣價約係千零至二千萬日圓，香港嘅蕭百君、蘇舜、羅傑承等大馬主隨時可以去掃貨。 |
||||||