|
||||||
|
皇后大道中新世 界大廈地下有一間渣打銀行分行，每日下午兩點後就有「雷曼示威」，錄音機大喊「還錢、還錢」，配上尖銳樂器聲，嘈吵異常，一啲OL行過，要掩耳急步走。呢 種嘈吵，在中環幾間銀行門口都有，中環人大概已習以為常，外國遊客視之為香港國際金融中心一個特色o忝。不過幾個月之後，新世界大廈地面怕唔會咁嘈咯噃， 一位接近地產代理人士呢日同左丁山講，渣打分行嘅租約今年屆滿，因租金大幅度上調，渣打都計唔掂數，決定搬走，但中環邊度仲有間咁好位置而且夠大嘅地舖 呢？確係難搵。當今中環、彌敦道、廣東道，能負擔得起頂級租金者，只有兩大類，其一係鐘錶珠寶店，其二係超級外國名牌店，其他行業唔該借歪行開。取代渣打 分行嘅，傳聞就係英皇鐘錶，月租接近三百萬大元，租客認真大手筆。 某次左丁山儍儍地，問一間大鐘錶店老闆：「你間大寶號，好似日日靜英英， 我每次行過，都唔見有人客在內，點做生意呀？」老闆立即教訓左丁山：「靠你就梗係唔得啦，我地靠嘅係豪客，每日有北方貴客入嚟買十隻八隻高價錶，每日營業 額百幾二百萬起碼，甚至近一千萬大元，如果唔係，我點會交咁貴嘅租金呀？」 總之就係背靠祖國，倚賴北水南來，記得李居明在運程書屢次提及香 港回歸日嘅八字喜水畏火，而北方屬水（按：東方木，南方火，西方金，北方水，土屬中央），啱晒。財政司司長在預算案內談及香港四大支柱產業，金融業佔 GDP15.2%，僱用21萬人；貿易及物流業佔GDP24.1%，僱員79萬人；工商及專業服務僅佔GDP13.1%，僱用46萬人，旅遊業佔 GDP3.3%，僱用19萬人，四大支柱共佔GDP55.7%，僱用165萬人，佔全港工作人口約47%，從中可見金融業之高增值，旅遊業之得個做字。 金 融界之21萬人之中，有幾多係本地人？冇統計，一位金融界高層對左丁山講：「據我估計，其中最高收入最多薪水花紅僱員之中，有一半係外籍人士與內地人，香 港人佔唔到多數，呢個趨勢只會越嚟越明顯！」諗深一層，就知點解，你話做內地公司IPO、併購等生意，內地精英係唔係會比香港精英佔上風吖！金融業都係靠 北水啫。 |
||||||