ZKIZ Archives


公屋鐵閘設計差 一撬即爛

1 : GS(14)@2015-11-02 08:51:22

■公屋住戶陳太指賊人可輕易從鐵閘底部伸手開閘。


【本報訊】爆竊案其實並非豪宅「專利」,全港三分一人居住的公屋亦是重災區,今年4月有公屋住戶失竊逾100萬元財物,昨日筲箕灣愛東邨一單位亦遭竊賊掠去51萬金飾。保安業人士指公屋竊案增加與住戶無鎖好門窗,大廈保安鬆散、鐵閘設計問題有關,都是243萬公屋住戶的夢魘。慈雲山慈正邨是其中一個公屋失竊案的黑點,該邨正怡樓今年3月的一個月內至少發生5宗爆竊案,其中一戶損失10多萬元,失物包括現金、珠寶,連戶主被偷走的信用卡亦遭碌卡購物10萬元。



大廈閘門長開遭詬病


「冇諗過最安全嘅地方係最危險!」正怡樓居民陳太憶述其中一次爆竊案發生於星期日,當日她下午外出,晚上返家見到警察調查,才知對面單位遭洗劫,最恐怖是警方竟發現賊人曾打其寓所主意,當時警員對她說︰「你間屋都係賊人目標,喺鐵閘同門鐘,發現賊人戴上手套掂過嘅痕迹。」至於陳太的失竊鄰居是遭到賊人撬毀鐵閘的底部鐵片,伸手入內開啟鐵閘,再撬門而入。陳太事後表示:「其實呢個鐵閘好唔穩陣,就算而家加咗鐵片都冇用,用鏍絲批一撬就爛。」事後有居民要求房署正視鐵閘的漏洞,全面更換鐵閘。其實公屋保安一直為人詬病,管業及保安從業員工會會長陳昱宏指,公屋入口鐵閘是第一屏障,但為方便住客,有保安員長開鐵閘形同虛設。陳昱宏續指,「只要入到去,就成功咗一半」。而保安員巡樓或交更時段無「替補」人手,亦是公屋屋邨的保安漏洞。陳昱宏表示,一些舊屋邨例如石硤尾邨、禾輋邨一直都是竊賊的目標,竊賊多數藉派傳單上樓「踩線」,觀察住戶出入情況後鎖定目標,「好多人會好大意,唔鎖鐵閘就走,木門一撬就開」。陳昱宏補充,平日下午5時至7時是失竊高峯期,因為「返日更嘅未返到,返夜更又已經出咗門口」。■記者黃學潤





來源: http://hk.apple.nextmedia.com/news/art/20151101/19355827
2 : qt(2571)@2015-11-02 10:27:03

有51萬金飾被偷, 勁!!!
PermaLink: https://articles.zkiz.com/?id=293718

Next Page

ZKIZ Archives @ 2019