📖 ZKIZ Archives

大快活僱員多謝李卓人

1 : GS(14)@2011-04-21 18:08:36

http://hk.apple.nextmedia.com/template/apple/art_main.php?iss_id=20110421&sec_id=4104&art_id=15187792
【本報訊】大快活一名女員工說，雖然公司實施「縮骨」招數，但始終有人工加，只好勉強接受，「呢次其實應該多謝李卓人，如果唔係工會嘈佢哋，我哋呢啲工人，長期好低薪 o架」。她每周工作六天，每天 10小時，月薪只是 5,800元。
工時忽長忽短
該女員工表示，公司原本規定每天工作 10小時，但公司隨時把工作和工時調動。有時沒有客人，她做了七小時便被上司強迫提早下班；但客多的時候，卻要做足 12小時。這樣做，公司毋須因為客人多而要付出員工加班費。她本身的工作崗位是樓面，亦隨時因為外賣多、清潔人手不足，而被調去洗碗、送外賣。她說低下層員工工作很辛酸，回想 10年前在另一間食品製造公司工作了九年半，每月拿 800元勤工獎，從沒間斷，卻因與上司意見不合，對方沒有提出任何理由便解僱她，故今時今日她覺得，「嚟緊有得加人工，算啦」。
2 : 草帽(1253)@2011-04-21 21:26:02

點都是好事來.
3 : 鱷不群(1248)@2011-04-21 22:09:45

好一句多謝，由始至終只以自身角度思考問題，見自己人工有加就叫多謝，卻從沒想對經濟的損害，有幾多人因此而失業，有多少人因物價被推高而生活更加困苦
4 : GS(14)@2011-04-21 22:23:55

咁畀你人工多了，都是這樣的

但對整體經濟來講，因為每個人貢獻的差別，有部分人總會找不到工作...
5 : 鱷不群(1248)@2011-04-21 22:32:24

政策應以做大個餅為目標。最低工資，從經濟角度一定是不應該的，有個別人士因政策的財富再分配而得益，仍不會改變政策損害社會的結論。
6 : greatsoup38(830)@2011-04-21 22:44:16

即是話，你贊成自由經濟，但要有相應的財富再分配配合...
7 : 草帽(1253)@2011-04-21 22:48:26

老板 can find the way, 不要擔心.

當最低工資實行. 員工加了人工, 開心了. 老板苦了, 一係執了公司, 員工被裁. 員工再穩工, 找到了, 開心工作, 找不到, 囉粽諼. 一係唔執公司, 再想另一D方法減輕成本, 原本返8個鍾, 返6個好了. 原本朝9晚5, 朝1晚10兩更, 變一更朝9午一,晚7晚11好了. 中間6個鍾點算, 妳員工自已想辦法好了. 唔鍾意唔好做囉. 我樓下間茶樓就係實施緊呢D狗賤方法. 0個兩個鐘忙, 叫妳返黎做, 唔忙, 妳快D走.
8 : hehehaha(4466)@2011-04-21 23:00:05

入哂地產商數先O岩!!
試下租金冇咁屈機...我相信果D 太刻薄都會有返D人性!!
9 : 鱷不群(1248)@2011-04-21 23:09:53

8樓提及
入哂地產商數先O岩!!
試下租金冇咁屈機...我相信果D 太刻薄都會有返D人性!!

地產霸權太無辜，樓價問題全球都有，這些是印銀紙印出的禍
10 : hehehaha(4466)@2011-04-21 23:13:47

都係所謂既經濟種下....''
不過一D都唔覺地產霸權係無辜!
政府正一無牙力...死狗到暈- -'
11 : 亞力士(1473)@2011-04-21 23:45:10

8樓提及
入哂地產商數先O岩!!
試下租金冇咁屈機...我相信果D 太刻薄都會有返D人性!!


唔認同 一件貨賣到幾多錢 係取決個客肯比幾多 政府租客唔一定比街平 同理 旺商場貴貴有人租 霉既 十室九空 平都無人租
12 : 龍生(798)@2011-04-22 03:45:40

6樓提及
即是話，你贊成自由經濟，但要有相應的財富再分配配合...


這是greapsoup 嗎?
13 : 龍生(798)@2011-04-22 03:48:16

施永青理論...

用錢去分配有限的土地, 己是算好的分類

要去到共產主義的個種靠關係幹部去配給

才是真正屈機無仇報

例子, 廣東道地鋪, 理論上你有錢就租到, 只要你的錢夠多...

不服者請提出論據,

如果唔用錢去衡量, 咁用咩最好?

人際關係? 國家幹部?
14 : 草帽(1253)@2011-04-22 07:57:16

8樓提及
入哂地產商數先O岩!! 試下租金冇咁屈機...我相信果D 太刻薄都會有返D人性!!


刻薄自己黃皮膚種族, 去尊崇外國人同文化. 是中國人既幾千年既奴性. 就算租金冇咁屈機, 中國人一樣係會榨盡中國人. 唔會念妳係黃皮膚既.
15 : orz(6886)@2011-04-22 11:51:49

解決貧富差距的問題, 主流學說有兩種方法: (可能有更多, 但學識所限, 舉出兩個。)

1) 實行自由經濟，商人賺盡每一分錢, 政府負責財富再分配的角色。由於周顯社論經常提倡這學說, 我不詳述了。但實行這學說的大前提是, 香港特區政府是一個強勢政府。因為要有效分配財富, 需要實行不同形式的利民政策, 施政暢通無阻是有必要的。只有強勢政府才能做到。以目前情況來看, 大家心裡有數。

2) 藏富於民, 各商家都負起部分責任, 政府負的責任相對減少。 而藏富於民意思是:

以下內容節錄自郎咸平的"我們的日子為什麼這樣難"
---------------------------------------------
A先生挖金礦賺了100塊，他當時有兩個選擇：第一個 選擇是給10個挖礦工人每人1塊錢，這1塊錢能幹什麼呢？僅夠溫飽之用；第二個選擇是給每個礦工5塊錢，10個礦工就是50塊，如果A先生做了第二個選擇的話，他就只剩下50塊可以放進口袋。相反, 如果他做第一個選擇，1個人1塊錢，10個人10塊錢， 他就能剩下90塊可以放進口袋裡，因此對於A先生來說，他選擇第一個方案,原因是對他現在最有利。問題是他會怎麼選？我相信，一個有智慧的人一定會做第二個選擇，你知道為什 麼嗎？因為當這個礦工用1塊錢就可以解決溫飽的活，他就會再花1塊錢買皮包、運動 服和運動鞋。所以A先生就會發現，除了挖金礦之外，他可以再開個大賣場，專門賣皮包，賣運動服、運動鞋。為了賣這些產品，他又聘了10個女性售貨員。到最後，這10 個礦工和10個女售貨員會結婚，會生孩子，所以他們又會拿出另外1塊錢買嬰兒用品， 所以這個A先生又發現，他可以搞個廠子來生產嬰兒用品，又可以多賺一筆了。最後這 對夫婦還剩2塊錢，他們需要住房子，所以他們就花了2塊錢買房子，因此A先生又發現 他還可以做地產開發。由此我們會發現，因為A先生做了第二個選擇，所以等到金礦挖 完了，其他這些行業也成長起來了，這個地方就成了一個富裕的小城鎮。這就是美國的藏富於民。 如果A先生做了第一個選擇呢？金礦挖完了怎麼辦？這10個礦工就會立刻失業，就 造成了嚴重的社會問題。因此A先生不得不再拿出40塊錢去建高速公路，以幫助這些礦 工就業，最後A先生還是花了50塊錢，卻解決不了問題。大家想想看，高速公路建完後 呢？這10個礦工是不是又要失業？還有什麼辦法能讓他們再就業？沒有了。到最後，A 先生就?能看見在人跡罕至的大地上，有一條似乎很好看的高速公路。這時候的A先生 既不可能開大賣場，也不可能生產嬰兒用品，更不可能做地產開發，因為老百姓太貧窮 了。那這個A先生就只剩下口袋裡的50塊錢了，怎麼花呢？只有拿這50塊蓋一棟豪華別墅了。
---------------------------------------------

我認為最低工資是一項嘗試藏富於民的政策, 但關鍵是, 特區政府怎樣去實行這一項政策, 紓解民困和激起社會矛盾只是一線之差。
但假如政府連實行一項政策的能力都沒有, 討論下去亦沒有意思。
16 : 龍生(798)@2011-04-23 00:36:16

嘿...看似就是

但如果百物騰貴, 最低工資升幅追不上物價升幅,
而又因為最低工資令該工人被踢出就業市場

這又該是政府的責任? 又是政府無能?
17 : orz(6886)@2011-04-23 02:05:59

16樓提及
嘿...看似就是

但如果百物騰貴, 最低工資升幅追不上物價升幅,
而又因為最低工資令該工人被踢出就業市場

這又該是政府的責任? 又是政府無能?



我認同假如最低工資升幅追不上物價升幅, 這個政策肯定碰壁, 有一半機會這樣。
只有最低工資的升幅跑嬴物價升幅, 低下階層的生活有所改善, 大家才會讚賞這個政府。
其實我對最低工資沒有特別的意見, 但未致於覺得是愚政。
不過因為這本書的觀點比較獨特, 所以特別和大家分享一下。
18 : GS(14)@2011-04-23 09:26:45

12樓提及
6樓提及
即是話，你贊成自由經濟，但要有相應的財富再分配配合...


這是greapsoup 嗎?



greatsoup 同 greatsoup38 是同一個人
19 : GS(14)@2011-04-23 09:30:54

如果經濟好，需人孔急，僱主自然給高工資，最低工資根本無作用
如果經濟差，請人貴，自然會炒人，再唔得就執埋，做得住就自然用這工資請人，但最低工資都是無用

所以最低工資其實是廢的，但是我同意這是財富分配的問題，僱主應該把數字攤出來跟大家談
20 : 龍生(798)@2011-04-23 15:46:30

這政策改變了以往低薪學野的模式

你可以說近年這做法少見或式微了
但或多或少, 仍有一點

現在一刀切在28蚊

將來還有這枝歌仔嗎?

另外, 以往由於月薪制, 較難界定人工其實係幾錢的
每人每日工作時間不同

而家, 赤裸裸地計幾錢一個鐘
都唔知會變成點了
21 : 龍生(798)@2011-04-23 15:47:16

最慘最慘係會搞左一大堆自僱人仕出黎

連本身有的丁點保障都沒有了, 人工多一點, 有什麼用?
22 : greatsoup38(830)@2011-04-23 16:32:41

20樓提及
這政策改變了以往低薪學野的模式

你可以說近年這做法少見或式微了
但或多或少, 仍有一點

現在一刀切在28蚊

將來還有這枝歌仔嗎?

另外, 以往由於月薪制, 較難界定人工其實係幾錢的
每人每日工作時間不同

而家, 赤裸裸地計幾錢一個鐘
都唔知會變成點了


又唔駛驚的，可以變相收番想要的學費的
23 : 亞力士(1473)@2011-04-23 16:43:56

18樓提及
12樓提及
6樓提及
即是話，你贊成自由經濟，但要有相應的財富再分配配合...


這是greapsoup 嗎?



greatsoup 同 greatsoup38 是同一個人


湯財三十八面相?
24 : greatsoup38(830)@2011-04-23 16:45:01

23樓提及
18樓提及
12樓提及
6樓提及
即是話，你贊成自由經濟，但要有相應的財富再分配配合...


這是greapsoup 嗎?



greatsoup 同 greatsoup38 是同一個人


湯財三十八面相?
'

文庫個戶口是greatsoup38
25 : 草帽(1253)@2011-04-24 00:07:25

實行最低工資初期一定有陣痛. 當然會有少數既冇實力既公司會執笠. 但係好似大家樂, G2000呢類大集團, 人工支出就算上升20-30%. 講到執苙一定冇可能. 係賺少10%-20%姐. 對我既影響只係唔買佢隻股票. 叫業主減下租金巳圍皮有突啦.
26 : 龍生(798)@2011-04-24 00:19:49

嘿, 你錯了, 集團越大, 越會支持最低工資...
其餘細的一定唔夠你做, 當最低工資實行後
打下減價戰, 細公司實唔夠你玩,
逼死佢地, 結果只會越做越大

大家樂如果爆陰毒打半年減價戰
打死的茶餐廳後
我估一區閒閒地可以開兩三間
27 : idsdown(1658)@2011-04-25 10:11:13

有計ge, 到時所有茶餐廳都變成自助式, 加個mic就可以了.
28 : orz(6886)@2011-04-25 18:34:04

變 food court
29 : 亞力士(1473)@2011-04-25 22:28:23

27樓提及
有計ge, 到時所有茶餐廳都變成自助式, 加個mic就可以了.


自助式 = 好似大家樂咁?

茶餐廳 = 有人服侍

政府商場招標時 有明確規定 唔可以隨自更改
30 : 龍生(798)@2011-04-26 00:29:36

最慘又未至於會做唔住...只會變成加價...
31 : 鱷不群(1248)@2011-04-26 01:12:33

30樓提及
最慘又未至於會做唔住...只會變成加價...

加價夠死，慷全港市民之慨，俾李卓人扮英雄，真正付鈔的就連半聲多謝也得不到。做生意從來不會必賺，一些公司俾人累到公司生存也成問題，還要被人標籤無良僱主。身為僱主的毓民，和得閒無事做的社民連，買得新樓的人會有幾窮，與其追擊四叔，不如追擊李卓人
32 : GS(14)@2011-04-26 21:02:59

李卓人真是無甚麼帽子可扣也

但是這些管制確實只是協助壟斷，但是如果累到生存有問題，我只認為是他本身就是缺乏競爭能力
33 : 草帽(1253)@2011-04-26 21:38:45

32樓提及
李卓人真是無甚麼帽子可扣也 但是這些管制確實只是協助壟斷，但是如果累到生存有問題，我只認為是他本身就是缺乏競爭能力


我都是認為執苙, 大部份原因黎自缺乏競爭能力.
34 : GS(14)@2011-04-26 21:39:34

他們本身的生存都是有問題，只不過愈做愈大掩蓋了問題矣
35 : 鱷不群(1248)@2011-04-26 23:04:48

32樓提及
李卓人真是無甚麼帽子可扣也

但是這些管制確實只是協助壟斷，但是如果累到生存有問題，我只認為是他本身就是缺乏競爭能力

要扣帽子有幾難。生存無問題，不與員工分享成果，還不是無良僱主？既然生存無問題，最低工資$28就是過低，不是過高，之前再低只是僱主無良，通脹厲害，明年要開價$38了，記住，生存有問題，是公司欠缺競爭能力，不是最低工資問題。一場最低工資的show夠玩到退休了，工人可以失業，李卓人永是不會失業的
36 : idsdown(1658)@2011-04-26 23:06:25

35樓提及
32樓提及
李卓人真是無甚麼帽子可扣也

但是這些管制確實只是協助壟斷，但是如果累到生存有問題，我只認為是他本身就是缺乏競爭能力

要扣帽子有幾難。生存無問題，不與員工分享成果，還不是無良僱主？既然生存無問題，最低工資$28就是過低，不是過高，之前再低只是僱主無良，通脹厲害，明年要開價$38了，記住，生存有問題，是公司欠缺競爭能力，不是最低工資問題。一場最低工資的show夠玩到退休了，工人可以失業，李卓人永是不會失業的


一將功成萬骨枯
37 : GS(14)@2011-04-27 22:34:03

35樓提及
32樓提及
李卓人真是無甚麼帽子可扣也

但是這些管制確實只是協助壟斷，但是如果累到生存有問題，我只認為是他本身就是缺乏競爭能力

要扣帽子有幾難。生存無問題，不與員工分享成果，還不是無良僱主？既然生存無問題，最低工資$28就是過低，不是過高，之前再低只是僱主無良，通脹厲害，明年要開價$38了，記住，生存有問題，是公司欠缺競爭能力，不是最低工資問題。一場最低工資的show夠玩到退休了，工人可以失業，李卓人永是不會失業的

人工不是問題，問題在租金年年加

就算沒有李卓人，也會其他像李卓人的人出來
38 : 草帽(1253)@2011-04-27 23:00:49

最低工資實行之後, 市場應會自我調節. 有執既, 亦有得益既. 而好多人會擔心最低工資會將通脹推上去. 我想是多餘既. 是因為呢幾年美國印銀紙推高樓價上升一倍, 再推高租金上升唔知幾多倍, 再推高所有衣食住行. 這樣大既通脹政府亦覺唔需理會(基本上除左百萬大遊行, 暴動, 搞革命. 政府先會理, 其他一概不理), 相對最低工資D小毛沒有什麼好擔心了. 最低工資不會推高樓價再上升一倍吧, 相比呢兩年既通脹簡直小毛見大毛呢.
39 : 龍生(798)@2011-04-28 00:01:03

我無言, 但最低工資改變了一點大家計量習慣,
以後保安可能會變成搶手行業

係咪都28 , 我坐係度好過跟車咁辛苦啦, right?
40 : orz(6886)@2011-04-28 01:34:20

最低工資的成效, 要待時間來証明, 但加深社會矛盾是肯定的事, 加深矛盾的導火綫並不是最低工資, 而是自己
一念之間的想法。但我認為這些矛盾是沒必要的。

假設一開始, 保安和搬運工人的薪酬都是最低工資, 正常情況下, 大部人流向保安行業, 搬運行業便會有大量空缺。
基於社會是需要搬運工人這職業, 市場便需要自我調節, 調節的方法大慨: 1) 想辦法將搬運工作機械化, 但不是
一時三刻就做到。 2) 調高搬運工人工資, 最起碼高過保安行業, 這是比較快有成效的方法。 3)結業
41 : 鱷不群(1248)@2011-04-28 02:10:58

40樓提及
最低工資的成效, 要待時間來証明, 但加深社會矛盾是肯定的事, 加深矛盾的導火綫並不是最低工資, 而是自己
一念之間的想法。但我認為這些矛盾是沒必要的。

假設一開始, 保安和搬運工人的薪酬都是最低工資, 正常情況下, 大部人流向保安行業, 搬運行業便會有大量空缺。
基於社會是需要搬運工人這職業, 市場便需要自我調節, 調節的方法大慨: 1) 想辦法將搬運工作機械化, 但不是
一時三刻就做到。 2) 調高搬運工人工資, 最起碼高過保安行業, 這是比較快有成效的方法。 3)結業


你想見那種後果？

1) 增加失業率。低薪太可恥，應該尊貴的拿綜緩？
2) 加價，刺激通脹。加人工是很容易，不過誰付鈔？通脹有利樓貴，地產霸權最高興，可憐是那些無產階級
3) 增加失業率
42 : GS(14)@2011-04-28 07:43:21

41樓提及
40樓提及
最低工資的成效, 要待時間來証明, 但加深社會矛盾是肯定的事, 加深矛盾的導火綫並不是最低工資, 而是自己
一念之間的想法。但我認為這些矛盾是沒必要的。

假設一開始, 保安和搬運工人的薪酬都是最低工資, 正常情況下, 大部人流向保安行業, 搬運行業便會有大量空缺。
基於社會是需要搬運工人這職業, 市場便需要自我調節, 調節的方法大慨: 1) 想辦法將搬運工作機械化, 但不是
一時三刻就做到。 2) 調高搬運工人工資, 最起碼高過保安行業, 這是比較快有成效的方法。 3)結業


你想見那種後果？

1) 增加失業率。低薪太可恥，應該尊貴的拿綜緩？
2) 加價，刺激通脹。加人工是很容易，不過誰付鈔？通脹有利樓貴，地產霸權最高興，可憐是那些無產階級
3) 增加失業率



仲有其他地方見香港運輸貴了，導致生意會流失
43 : 草帽(1253)@2011-04-28 08:58:28

39樓提及
我無言, 但最低工資改變了一點大家計量習慣, 以後保安可能會變成搶手行業 係咪都28 , 我坐係度好過跟車咁辛苦啦, right?


我第一時間都係咁諗. 有可能會影響社會結構. 不過世界太互動了. 面面俱圓是不可能. 而現在是不是推行最低工資既最0岩時間, 我想總算是既. 當然香港經濟好繁榮時推行係最好. 但係我想我有生之年都不會見到香港經濟會好繁榮了.

以前樣樣都是獨市, 唯一入內地轉口港, 貨物價廉物美, 冇人炒地產, 財富均分. 自給自足, 而家樣樣都要伸手問阿爺拿, 輸入性通脹等等. 同以前天淵之別了. 冇可能返去以前既年代. 除非有個強勢政府.

最低工資既推行, 可能有極壞後果. 破壞自由市場, 將工資往上推, 好多公司執笠. 張五常講得多了. 但是在香港這種差不多原本巳通脹到滯脹了幾年既環境. 我想影響反而較小, 因為原本要執既呢幾年來都執了. 而且28蚊亦是平衡既水平. 有好多中小企公司人工早巳超過28蚊了.

講咁耐只是覺得最低工資從民生看是值得一試. 當然我得認最低工資是有好多人反對. 亦有理由.
44 : pars(2406)@2011-04-28 09:13:08

下一輪會唔會到公援? 話最低工資都有8千，佢地都要有8千(每人)
45 : idsdown(1658)@2011-04-28 09:43:04

42樓提及
41樓提及
40樓提及
最低工資的成效, 要待時間來証明, 但加深社會矛盾是肯定的事, 加深矛盾的導火綫並不是最低工資, 而是自己
一念之間的想法。但我認為這些矛盾是沒必要的。

假設一開始, 保安和搬運工人的薪酬都是最低工資, 正常情況下, 大部人流向保安行業, 搬運行業便會有大量空缺。
基於社會是需要搬運工人這職業, 市場便需要自我調節, 調節的方法大慨: 1) 想辦法將搬運工作機械化, 但不是
一時三刻就做到。 2) 調高搬運工人工資, 最起碼高過保安行業, 這是比較快有成效的方法。 3)結業


你想見那種後果？

1) 增加失業率。低薪太可恥，應該尊貴的拿綜緩？
2) 加價，刺激通脹。加人工是很容易，不過誰付鈔？通脹有利樓貴，地產霸權最高興，可憐是那些無產階級
3) 增加失業率



仲有其他地方見香港運輸貴了，導致生意會流失


呢個問題好快會浮現
諗諗近年急遽膨脹的速遞行業, 新一輪淘汰應該開始了
46 : 龍生(798)@2011-04-28 11:55:54

活下來的一定是背後有大水喉的企業, 中小企一定死先

最低工資有利各大集團一統江山
47 : orz(6886)@2011-04-28 14:32:31

43樓提及
39樓提及
我無言, 但最低工資改變了一點大家計量習慣, 以後保安可能會變成搶手行業 係咪都28 , 我坐係度好過跟車咁辛苦啦, right?


我第一時間都係咁諗. 有可能會影響社會結構. 不過世界太互動了. 面面俱圓是不可能. 而現在是不是推行最低工資既最0岩時間, 我想總算是既. 當然香港經濟好繁榮時推行係最好. 但係我想我有生之年都不會見到香港經濟會好繁榮了.

以前樣樣都是獨市, 唯一入內地轉口港, 貨物價廉物美, 冇人炒地產, 財富均分. 自給自足, 而家樣樣都要伸手問阿爺拿, 輸入性通脹等等. 同以前天淵之別了. 冇可能返去以前既年代. 除非有個強勢政府.

最低工資既推行, 可能有極壞後果. 破壞自由市場, 將工資往上推, 好多公司執笠. 張五常講得多了. 但是在香港這種差不多原本巳通脹到滯脹了幾年既環境. 我想影響反而較小, 因為原本要執既呢幾年來都執了. 而且28蚊亦是平衡既水平. 有好多中小企公司人工早巳超過28蚊了.

講咁耐只是覺得最低工資從民生看是值得一試. 當然我得認最低工資是有好多人反對. 亦有理由.



我同意鱷兄和龍生反對最低工資的理據, 事實的確如此。但是回歸後, 大財團壟斷剝削外判, 僱主早已用盡任何方法, 以同一工資將無競爭力的員工淘汰, 換來較年青和學歷較高的員工。這趨勢早已開始，至今放緩, 因為已經換無可換。另外, 正如草帽講法, 這十幾年, 要執的早已執了, 28蚊亦不是過份水平。 在這種不健康的氣候下實行, 再差亦有譜。
我覺得最低工資值得一試。
48 : GS(14)@2011-04-28 21:47:43

不過大家就要忍受壟斷的惡果了
49 : 龍生(798)@2011-04-28 23:05:41

對的, 我也同意你說法

不過大家就要忍受壟斷的惡果了x2
PermaLink: https://articles.zkiz.com/?id=274048

工黨面臨滅黨　弱勢社群恐失聲李卓人：呢個仲係咪文明社會

1 : GS(14)@2016-09-03 23:23:36

■李卓人表示工黨對整個民主運動和公民社會十分重要。



【立會選戰】【本報訊】代表弱勢社群、基層打工仔女的工黨面臨滅黨危機。根據選前的最大型民調顯示，4位工黨立法會候選人包括新西李卓人、新東張超雄、港島何秀蘭、九東胡穗珊面臨出局危機，其中工黨主席胡穗珊昨率先棄選。李卓人稱，一旦工黨失守議席，公民社會、弱勢社群勢必在議會中全面滅聲，民調同時亦顯示，立法會內多個「一人黨」，也有可能在今次選舉後同遭滅黨危機。記者：姚國雄　陳雪玲



連日來的立法會選舉滾動民調及香港大學民意研究計劃負責的最大型民調均顯示，工黨各區的候選人，包括新西的李卓人、新東的張超雄及港島的何秀蘭全數出局，再加上九東的胡穗珊昨日宣佈棄選，工黨滅黨的危機極大。已經宣佈要告急的李卓人指，工黨對整個民主運動和公民社會十分重要，擔心日後議會再沒人替弱勢發聲：「呢個社會係咪仲係文明社會？」


黎智英：永遠企雞蛋嗰邊


李卓人表示，他的告急並不只是為了工黨，更加是為了弱勢社群和公民社會：「喺議會裏面，有邊個可以好似張超雄咁，堅持幫殘疾人士、弱勢社群、長者去監察社會，同埋佢做到有改善；又有邊個可以好似何秀蘭咁樣，係平權運動上咁堅持、喺反貪腐同環保上去奮鬥。而我，大家都好清楚，代表獨立工運，打工仔嗰邊，如果我哋3個工黨嘅候選人今次都選唔到，唔只係工黨嘅問題，而係成個公民社會嘅問題，變成真係滅聲，削弱公民社會。」李卓人的支持者之一、壹傳媒創辦人黎智英認為，李卓人為弱勢社群抗爭多年，永遠站在「雞蛋」一方：「李卓人係一個永遠站喺雞蛋嗰邊嘅人，無論呢個雞蛋打喺牆裏面，係幾咁容易爛，李卓人永遠都唔諗應該企喺邊一邊，因為佢永遠都係站喺雞蛋一方，係滿面雞蛋殼嘅人。」


多個「一人黨」難穩勝


除工黨外，港大民調也顯示，立會內多個泛民「一人黨」候選人爭取連任未穩勝，陷入「滅黨」危機，其中以新東的新同盟范國威及轉戰新西的民協馮檢基形勢較險峻，民調顯示會出局。范國威指，其「師傅」鄭家富以獨立身份參選，票源重叠，互相搶攻下，雙方選情不穩，形容選情凶險。雖然人民力量現於議會內有2位議員，包括陳偉業及陳志全。但陳偉業今屆在新西為黃浩銘抬轎，按民調顯示名單出線機會極低；與此同時，陳志全亦有機會新東出局，人力亦隨時於今屆選舉後於立法會滅聲。於新東爭連任的社民連長毛梁國雄強調不信民調，昨日民調顯示一度勢危的梁國雄支持度已回升。「一人黨」之中，較有機會留低的是轉戰超區的街工梁耀忠，他擔心被民調拖累，形容選情「麻麻地」：「好多人話我好穩陣，要投畀第二個，投畀鄺俊宇，希望泛民有3席……但我唔係最高支持嗰個，要我畀票佢，可能會累死我，我票從何來？」梁說街工一直只有他一位立會議員，倘落選將嚴重影響組織資源，因大大小小個案都以議員身份去處理，而地區辦事處的資源亦會變得緊張。該區其他參選名單，請參閱本報立會選戰網站http://hk.apple.nextmedia.com/legco2016/region


陷滅黨危機「一人黨」

民協馮檢基

新同盟范國威



街工梁耀忠

社民連梁國雄




來源: http://hk.apple.nextmedia.com/news/art/20160903/19758628
PermaLink: https://articles.zkiz.com/?id=307259

李卓人：戰鬥到底黎智英：「你永遠都站喺雞蛋一邊」

1 : GS(14)@2016-09-03 23:23:36

連日來立法會選舉的滾動民調顯示，工黨新界西候選人李卓人很大機會落選不能重返議會，壹傳媒創辦黎智英認為，今次選舉焦點轉而至本土問題，但他指李卓人才是最本土：「因為你永遠都係最支持去救嗰啲弱勢社群，弱勢社群冇得走，佢哋係我哋最基層嘅人，佢哋係我哋最真嗰班人，你一路都係為呢班人去奮鬥。」黎智英說，李卓人為弱勢抗爭多年，永遠站在「雞蛋一方」：「李卓人係一個永遠站喺雞蛋嗰邊嘅人，無論呢個雞蛋打喺牆裡面，係幾咁容易爛，李卓人永遠都唔諗應該企喺哪一邊，因為佢永遠都係站喺雞蛋一方，係滿面雞蛋殼嘅人。」黎智英信奉自由市場，坦言雖然他的經濟立場與李卓人不盡相同，但在道德層面、憐憫弱勢與李卓人同一陣線：「一個社會係需要有道德，一個社會係需要有憐憫，一個社會係需要幫助弱勢，呢個先係一個圓滿社會。我覺得呢個係共同一樣，就算你哋（市民）同工黨嘅身份唔同，你哋同工黨見解唔同，但係道德上我哋係一致。」李卓人選情告急，黎智英感嘆社會真是充斥很多問題，所以希望市民盡力站出來投票，守護香港；談到香港現況，黎智英一度哽咽：「無一個…無一個地方我係欠更多，係呢個地方造就咗我，我唔可以睇到呢個地方沉淪。我偷渡嚟香港，攞住一蚊到今日，所有嘢都係呢個地方畀我。」李卓人強調會戰鬥到底，稱自己代表本土的利益，因為他幫助的人均是最基層和弱勢社群，沒有能力移民離港，他和工黨要有來自群眾的政治實力，才能為民生、群眾，弱勢社群、工人、平權打拼，與中共抗爭：「如果冇咗工黨，邊個代表打工仔，你話搵工聯會代表佢哋？大家都知道，佢哋係阿爺吹雞，全部跪低，根本係出賣工人。」同區其餘參選名單詳見此網站：
http://hk.apple.nextmedia.com/legco2016/region#info-all




來源: http://hk.apple.nextmedia.com/news/art/20160903/19758851
PermaLink: https://articles.zkiz.com/?id=307260

李卓人　馮檢基　盡洪荒之力

1 : GS(14)@2016-09-06 04:35:28

■工黨李卓人昨晚落區拉票力保新西議席，與支持者握手致意。江俊豪攝



【立會選戰2016　新西】【本報訊】新界西立法會選舉20張名單爭奪9個議席。建制及本土派夾攻下，兩名現任泛民議員工黨李卓人及民協馮檢基選情未穩，有墮馬危機，昨盡「洪荒之力」告急挽劣勢。而代表民主黨出戰的尹兆堅本來在民調中選情看穩，但亦在傍晚告急，指受坊間的配票行動影響。在民調中出局的馮檢基更狠批戴耀廷的雷動聲吶計劃違反民主原則，「害到泛民一頸血」。記者：王家文　陳雪玲　廖梓霖



港大滾動民調和戴耀廷的雷動計劃均顯示，李卓人一直陷出局邊緣。李昨由朝到晚四出催票，早上為工黨吶喊，下午聯同為大局棄選的工黨主席胡穗珊到荃灣、葵涌奔走，晚上再與職工盟主席吳敏兒前往元朗、天水圍拉票。從政逾20年，他直言今場仗最惡打，也最艱難，「從未試過咁多條隊出嚟」。工黨在各區民調均處邊緣位置，李卓人坦言「隨時有出局危機」，他承認今屆立會選舉的政治氣氛掩蓋了勞工及公義議題，惟新一屆立法會需處理標準工時立法、取消強積金對沖及劃一勞工和公眾假期等勞工權益，憂慮打工仔被滅聲。李卓人指若議會只剩下工聯會，失去其他勞團為工人發聲，「佢（工聯會）就可以盡情出賣，冇人箝制佢，呢個係工運、工人嘅不幸」。他更擔心在非建制碎片化下，失掉地區直選過半、全體三分一的關鍵議席，不但議會失守，更削弱工運力量。



■陷於落選邊緣的民協馮檢基，昨晚盡最後努力拉票。

■受到坊間的配票行動影響，民主黨尹兆堅昨傍晚亦宣佈告急。王心義攝


馮：雷動害泛民一頸血


今屆由超級區議會轉戰新界西的民協馮檢基同樣瀕臨出局，或未能爭取連任。馮選情一直落後，昨早他先到屯門拉票，在宣傳品貼上「選情告急」字句，晚上繼續在區內催票，試圖力挽狂瀾。由於民協九西譚國僑出線機會亦渺茫，若馮敗選，民協會在來屆立法會消失。馮檢基昨指今屆選舉名單多、光譜闊，比起以往泛民、建制分野鮮明變得複雜。而雷動計劃前晚起公佈，按民調建議策略選民平均分票給公民黨郭家麒及社民連黃浩銘，但沒有他份，狠批計劃「害到泛民一頸血」。他指民調和雷動計劃違反民主原則，前者樣本數少，只取樣固網電話，後者則向泛民放「毒箭」，「點解要話我輸呢？點解唔畀市民投下心中一票呢？」同樣不在計劃配票名單之列的李卓人也表示，民調結果顯示是機會均等，不明白為何要篩選候選人，且忽略選民的立場，「冇咗個空間畀人去揀」。


尹兆堅料失五成支持


選舉後期民調排在較高位置的尹兆堅，昨傍晚開始告急。他昨早表示收到不少市民反映，由雷動計劃得知其得票已夠，故轉為配票予其他非建制候選人，料因此流失達五成支持，擔心選民分配選票造成泛民「大洗牌」。被問到雷動計劃配票策略是否弄巧反拙？他指計劃是新事物，市民未必了解，昨努力向市民解釋。雖在建議策略分票名單之中，在多個民調也穩佔一席，但公民黨郭家麒昨午也在黨主席余若薇、立法會議員陳家洛及郭榮鏗撐場下，宣佈告急。郭家麒指新西投票率低，不少市民誤以為他夠票，分票予他人，「公民黨係冇人會夠票㗎」。他指自選舉以來不斷被建制派狙擊，昨投票日更奇招盡出，包括掌心雷、沒帶身份證也可投票等，「我真係好擔心，所以市民一票必不可少」。接捧梁耀忠在新西擔大旗的街工黃潤達昨主力在葵涌、天水圍及屯門拉票，雖民調顯示勝算微，但他一直未有打出告急牌，仍有信心力爭一席。




來源: http://hk.apple.nextmedia.com/news/art/20160905/19760502
PermaLink: https://articles.zkiz.com/?id=307546

李卓人失議席痛哭

1 : GS(14)@2016-09-06 22:15:55

■李卓人昨得悉落敗後，不禁掉下男兒淚。謝榮耀攝



【本報訊】深耕工運數十載、從政20年、工黨創黨主席兼職工盟秘書長李卓人以30,149票落敗新界西立法會選舉，失掉連任4屆的議席。由爭取《集體談判權條例》到紮鐵工潮、碼頭罷工，這名工運領袖昨站在選舉台上終掉下男兒淚，非因失掉議席，是有感辜負基層勞工的期望。宣佈不再參選的他最後仍高聲吶喊：「撐到底！」



■1995年李卓人任立法局議員時發言。

站在台上等待點票結果的李卓人，紅了眼但強忍淚水，直至宣佈一刻，他高舉雙手接受落敗，高呼「撐到底」，淚終流下。台上的戰友、支持者比他哭得更多，同台的街工梁耀忠上前相擁，民主黨李永達也激動流淚。由八九民運前往北京聲援走到碼頭罷工40日，李卓人表示，選舉落敗因自己不夠努力，落淚因辜負了市民期望和助選義工的支持，「永遠從政嘅人都要有一個輸嘅準備」。



李卓人昨晚到荃灣謝票，不少支持者包括外籍人士都上前握手及拍照，為他加油打氣。他說雖不再參選立法會，但在議會外仍會為打工仔打拼，繼續為香港前途努力。



何秀蘭宣佈不再參選


新西失守，港島何秀蘭落敗，社福界也未能連任，工黨創黨不足5年，4個議席僅餘張超雄在新界東勝出，他坦言資源減少，會影響工黨發展，但更擔心日後的勞工議題，工聯會只聽特首梁振英指點，削弱勞工聲音。雖保住新東一席，但張超雄坦言，工黨遭遇嚴重挫敗，「工黨未來點行落去，點喺議會為打工仔發聲，係越來越困難，要睇吓點認真檢討」。他指失去靈魂人物李卓人，議會上真正代表打工仔的議員只剩下他和梁耀忠等，其他屬建制派，料弱勢社群聲音將被邊緣化，勞工議題更不容易推動。


競逐連任失敗的工黨何秀蘭也宣佈不再參選，但日後願意擔當「抬轎」提拔後秀。她指今年選舉市民較關注政治議題及香港前途問題，令一直注重民生議題的工黨暫失去支持，有信心4年後會重拾選民信心。工黨昨日發表《時代的變革》聲明，指有破紀錄的220萬名市民用選票表達對梁振英政府的不滿，展示突破目前困局的決心，所有從政者有責任回應時代的呼喚，「人民已經發聲，我們必須改變」。聲明又指，雖然香港的政治前途是港人當前最關心的議題，但關顧弱勢、為公義發聲，工黨仍會堅定與市民同行。■記者王家文、林社炳




來源: http://hk.apple.nextmedia.com/news/art/20160906/19761976
PermaLink: https://articles.zkiz.com/?id=307736

李卓人　方約恆　延續廿年男人浪漫拍住上搞智庫

1 : GS(14)@2016-10-10 04:25:02

■擔任議助廿載的方約恆（左）笑指李卓人「唔係好老闆」。邱仲權攝



【本報訊】立法會新界西選舉結果出爐後，敗選的李卓人哭成淚人，「本來我冇嘢㗎，一見到佢我就喊……」引淚人是方約恆，當日同樣哭紅了眼。1996年開始協助李卓人，前後夾攻20年；回歸前通過集體談判權，最低工資立法成功闖關，方約恆一直是李卓人背後的男人，直至李敗選始走到台前，攙扶老闆離場。廿年情緣不會就此煙消雲散，兩人稍後在智庫再續情緣。男人的浪漫，豈止豆腐火腩飯？雖然方約恆說，「佢唔係一個好老闆！」記者：許偉賢



■上月於立法會新界西敗選的李卓人，在方約恆攙扶下離場。

邀約於咖啡室訪問之時，方約恆不知李卓人會中途出現，「咦，點解你會喺度嘅？」問號配上的卻是依舊的冷靜。「佢成日都喊㗎喎……」50歲的方約恆續以淡然腔調，回應老闆因他「流馬尿」，「我就好少喊，但嗰時，真係㩒都㩒唔住」。方約恆畢業於香港大學社會學系，兼是研究生，好端端的公務員鐵飯碗不要，連搵真銀的商界也沒興趣，於1996年在蔡耀昌介紹下，選擇到劉千石、李卓人、梁耀忠及曾健成的聯合議員辦事處落腳，「呢個係我一生中最錯判嘅決定，哈哈」，碰巧李卓人同年要趕在立法局提出集體談判權法例，雖是新丁但仍獲派赴英，與協助英國撰寫此例的劍橋教授研究如何將法例在港適用。


爭集體談判權　最低工資


方約恆憶述此行磋商，教授打了兩通長途電話給李卓人之後便拍板定稿，草案最終竟然獲通過，方笑稱：「都有啲成功感嘅，咁都過到。」縱使最後被廢法，但也成了香港歷史。其後的最低工資立法，一爭長達10年；開波之初，方約恆曾想轉工，「覺得自己年紀唔細，再唔轉，留喺度變庇護工場咩……而且1997年後私人法案近乎冇得做，冇約束力嘅議案齋吹水，覺得冇乜突破可以做到」。出走，卻純粹是念頭，加上最低工資開了頭，「都想搞埋先」。結果方約恆議員助理身份維持長達20年，直至上月選舉主任宣佈李卓人落選，「當時真係冇諗自己份工點，點都唔死得嘅！」「選完之後，最先諗嘅梗係佢。」李卓人說來不無歉意，議員助理待遇一直偏低，去年有傳媒報道李卓人最高薪助理薪金近3.5萬元，相信不少港大生會抹一額汗，但方約恆對錢不以為然，稱「同佢心照」；在旁的李卓人哈哈笑，「男人之間乜都唔使講」。李卓人也將方約恆當成「人肉數據機」與「歷史資料庫」，「唔記得就問佢」。冷不防方約恆說李卓人不是好老闆，「佢唔會逼啲人做嘢，好hea又得，好有興趣做都得」，更自爆試過忘記撰寫港台節目《給香港的信》文稿，「甩咗底都冇鬧喎」。畢竟風雨同路20載，李卓人敗選後不久，即探問方約恆意向，最終決定在職工盟成立智庫，兩人繼續拍住上，「希望可以將佢咁多年嚟做嘅嘢傳承落去」。「吓，乜原來落實咗嗱？」方約恆聽罷半帶質疑問道後，下一句是「最快明年初先返到工噃」，原來要專注行山。「咁我代你返住先啦」，說完又是李卓人的哈哈哈。20年的默契，就是如此。




來源: http://hk.apple.nextmedia.com/news/art/20161009/19795485
PermaLink: https://articles.zkiz.com/?id=311227

京發回鄉證李卓人轟統戰手法卑劣

1 : GS(14)@2016-12-03 05:03:09

【本報訊】中央前日透過建制組織「幫港出聲」率先公佈將放寬對民主派人士的入境限制，發還回鄉證。支聯會秘書李卓人批評「中央只不過玩緊統戰嘅卑劣手法」，質疑：「周融係邊個？有乜嘢資格代中央公佈？」諷刺事件反映特首梁振英「唔掂」。李卓人昨接受電台節目訪問，指中央早前釋法，破壞一國兩制及法治，在大是大非上打壓香港，現時放寬回鄉證申請只是轉移視線，並非釋出善意，屬中央統戰的卑劣手法，「（正如）揼咗我一身又請我飲茶」。他認為即使有回鄉證，並不代表在內地能自由活動，所以不會申請。


或令周融以為可選特首


李又指，中央向來重視姿態，體制上應由梁振英公佈發證決定，如今卻被「幫港出聲」召集人周融搶韁公佈，可能反映梁振英「唔掂」。他笑稱中央不肯讓梁「抽水」，反而找來一個「唔知邊個嘅人嚟公佈」，正面看是中央覺得「梁振英唔掂、曾俊華都衰咗」，笑言中央此舉可能會令周融誤以為自己可以選特首。對於梁振英指自己上任後一直大力推動中央向泛民發出回鄉證，出席同一節目的民主黨主席劉慧卿聞言即大笑，她稱不知道梁有多大力推動中央發出回鄉證，但認為若梁有做過實事，泛民亦一早會知道。劉慧卿又表示，不急於申請，認為有關決定有政治含意，會先與黨內其他成員及其他黨派溝通。■記者陳雪玲




來源: http://hk.apple.nextmedia.com/news/art/20161202/19852410
PermaLink: https://articles.zkiz.com/?id=318000

李卓人：文件證鄧小平狠心

1 : GS(14)@2016-12-31 10:15:49

【本報訊】1989年6月4日中國政府血腥鎮壓民運人士，英國解密文件揭露，時任國家領導人鄧小平於5月曾表示「200人死可換來中國20年和平（two hundred dead could bring20 years of peace to China）」。支聯會秘書李卓人認為，是次解密文件使六四事件更貼近真相，反映鄧小平「根本已狠咗心，人命唔係佢嘅考慮」，透過暴力鎮壓延續其政權。


當日機場仍聽到槍聲


六四清場後，時任英國駐華大使唐納德最早於6月5日向英方發放消息，發現大使館所在的建國門外大街有30輛坦克車，及料附近有狙擊手。李卓人當日身在北京，他回憶當時北京情況十分混亂，甚至在機場仍聽到槍聲，因此根本無法確定中方殺了多少人。文件亦揭露英方在六四事件後向6個情況極度危險的中國公民（Chinese Nationals under extreme danger）發出特別簽證，文件沒有透露6人身份。李估計該6人並非學運領袖，且較為低調，他指出大部份高調的異見人士均逃亡至法國，或經香港到法國，而英國秘密發出特別簽證予中國公民，反映當時英方「唔敢太得罪中國」。■記者趙雅婷




來源: http://hk.apple.nextmedia.com/news/art/20161231/19882532
PermaLink: https://articles.zkiz.com/?id=320745

張建宗任政務司長李卓人：佢係奴才

1 : GS(14)@2017-01-18 07:57:21

■接任政務司長的張建宗遭勞工界人士斥無承擔。



【本報訊】國務院宣佈由張建宗接任政務司司長，張建宗指對任命感相當榮幸，指在餘下的5個多月任期，會全面落實未來的施政報告，盡力協助政府暢順運作。但有勞工界人士批評，張在處理多項勞工重要議題時，只忠於政府意願，並非真心為港人謀福祉，毫無承擔可言。張昨出席活動時，被問及餘下5個多月任期是否其試用期時，張說未來幾個月會拼搏，但非為下一屆鋪路，而是做好司長工作，確保新舊兩屆政府順利交接，「最關心係香港長遠福祉，而唔係自己仕途」。



碼頭工潮「龜縮」民望急瀉


現年66歲的張建宗加入政府逾45年，是資歷最深的局長，張於1972年港大畢業後加入政府，由新聞主任做起，其後轉職至政務官職系，回歸前曾任前港督助理私人秘書；回歸後曾任勞工處處長及教育署署長等。2007年退休不足半年，獲時任特首曾蔭權邀請出任勞工及福利局局長至今。張在現屆政府處理「長者生活津貼」，泛民不滿政府為津貼設資產審查，發起拉布，張在拉布一個多月後使出招數化解。他先撤回「長生津」舊文件，另呈交開設特惠金職位的補充審議文件，即獲立法會通過，泛民及後始知，通過補充文件等同支持政府推行長生津計劃，但為時已晚。張任內較棘手的事件，包括2013年爆發歷時40天的碼頭工潮，「龜縮」多時的張民望急瀉，最終罷工工人接納外判商加薪9.8%，工潮方告平息，張民望事後一直平穩，在問責局長中算不俗。


問責官樓王　與妻擁9物業


據張向行政會議申報，他與太太在香港共持有9項物業，是一眾問責官員的樓王。與張建宗交手20多年的職工盟秘書長李卓人指出，張溝通能力高，但只忠於主人，「上面指派我做啲乜嘢，我就做啲乜嘢，上面唔鍾意我做，我就唔會去做，或盡量卸責」，他以強積金對沖問題為例，指張一直將處理責任卸責予財經事務局，「佢係一個毫無承擔，忠心於佢主人嘅奴才，睇唔到佢真係想為香港市民做啲乜嘢」。社民連立法會議員梁國雄亦批評，張建宗扶貧工作一塌糊塗，乏善足陳。■記者謝明明




來源: http://hk.apple.nextmedia.com/news/art/20170117/19899768
PermaLink: https://articles.zkiz.com/?id=322864

泛民碎片化　激進派抬頭李卓人：港人對民主進程失耐性

1 : GS(14)@2017-06-25 10:30:01

■李卓人指要突破議會困局，癥結不在議會抗爭策略，而是要結合公民社會力量。黃文邦攝



【香港20年】【本報訊】回歸20年，立法會泛民和建制派二分天下，最大政黨由民主黨變成民建聯，民主派由大黨、政治明星主導，碎片化至湧現多個一人黨，激進議員數目一度由0變8。夾在主流泛民與激進中間的李卓人認為，激進勢力抬頭反映港人對民主進程失去耐性。在不再倚靠民主領袖的年代，李卓人認為任何一場運動也要內外夾擊，由議會動員公民社會，才可成功。記者：姚國雄



■直選得票佔優的民主派，卻只有政改方案否決權；圖為前年政改方案表決前建制派離場「等埋發叔」。

兩個10年，6場立會選舉，在建制派強大的選舉機器開動下，泛民在直選的得票已由64%減至55%，昔日的黃金比例瓦解，建制派越見壯大。李卓人認為，即使泛民如何佔優，最糟是立法會一半地區直選、一半功能組別議員組成制度完全無變。一到點票，建制派歸隊，無論是分組點票或者簡單多數，建制派也篤定贏出，泛民唯一可守着的，只有政改方案通過需要三分之二支持這一關。


稱衝擊議會難突破困局

1998年的首屆立法會，民主派政團只有4、5個，今日數目多逾一倍。1995年起已在議會坐鎮，直至去年選舉落敗的李卓人認為民主派碎片化，是因為市民對民主進程、對議會失去耐性，不再臣服於大黨、民主領袖，寧尋求更新更激出路，主流泛民包括他自己漸失年輕人支持。20年前立法會選舉票王是民主黨李永達，20年後票王叫做朱凱廸：「市民想試吓新啲嘅做法，或者團體去衝擊政府，所以會有青政（當選），睇吓佢哋會有啲乜嘢搞。」但李卓人認為，即使讓自決派入局，其代議士衝擊議會、制度的能力，着實與以往沒多分別，即使衝擊場面如何空前絕後，投票時一樣要輸：「我哋（主流泛民）衝擊議會，唔少於自決派，可能仲勁啲。」議會的困局，不時停留在建制否決泛民，泛民否決建制。李卓人認為要突破困局，癥結不在議會抗爭的策略，而是民主派要團結，再結合議會外的公民社會力量，用實力迫令政府與泛民談判、甚至跪低：「最重要係（議會）出面，大家守住議會係OK，但係唔夠，要改變，民意聲音要好強，公民社會要有好大嘅衝擊，大家發聲先可以頂住……（銅鑼灣書店）林榮基點解佢會出聲，佢話係因為6,000人出嚟遊行。有議會三分一力量推波助瀾，再令外面波瀾壯闊，去撼動呢個制度，所以出路唔喺議會。」


回歸前「俱樂部式議政」

1995年當選立法局議員，李卓人形容那時候是「俱樂部式議政」，議員像義工、發言時讀稿，發言時舉牌惹人側目，主席不批准：「嗰時冇人幫我，因為嗰時冇人舉牌，嗰時係俱樂部式嘅議政，20年後，舉牌已經唔係新嘢。」20年了，小市民獨沽一味批評立法會終日吵吵鬧鬧，但李認為只要市民有議題殺到埋身，便會明白官僚的強橫、保皇黨的盲從，唯一曙光或是議會那些吵鬧：「你隔岸觀火，梗係希望平靜，覺得衝突唔好睇，但如果你係橫洲居民、菜園村居民，或者你啱啱俾人炒，強積金俾人對沖咗，你係咪仲會覺得，議員表達咗就算，唔好咁大衝突呢？」



97年主權移交至今，香港前進還是倒退？「蘋果」與你細數廿載風雨。【回歸二十年】專頁：http://hksar20.appledaily.com.hk




來源: http://hk.apple.nextmedia.com/news/art/20170625/20067802
PermaLink: https://articles.zkiz.com/?id=336959
Next Page
ZKIZ Archives @ 2019