ZKIZ Archives


喜歡升定跌? 左丁山

2010-9-30  AD





 

香港人喜歡見到 樓價升還是見到樓價跌?左丁山以為係前者。經歷過一九九七至二○○三年嘅中產階級大屠殺之後,有樓嘅中產仲唔聞跌色變乎?在那「八萬五」加「金融風暴」加 「科網爆破」加「沙士」接連打擊經濟時期,不少人燒炭,做資產重組,申請破產,苦不堪言,當時有一間專做私人破產嘅律師行,幾乎想成立一間附屬公司,分拆 上市,可見當年呢類生意多成點。當然,僥倖死不了,苦撐到二○○五年後嘅中產業主,依家返晒家鄉嘞,仲賺突咗o忝,自然喜上眉梢,同佢地講樓價要跌不要 升,佢地睬你都儍。

希望樓價跌者,應該係尚未置業人士,其中以年青人居多。睇人口金字塔,香港最多人口係介乎四十四至五十八歲之間(據二 ○○六年人口年齡結構推論),以常理計,呢個年齡組別嘅人口同時亦係目前社會經濟嘅支柱,「當打」人士也,已是社會骨幹,亦可能係最大嘅業主群,左丁山好 希望本港大學嘅民意調查人員自發性做一個調查,睇吓呢群人對樓價升跌嘅態度,左丁山就估計呢班以沉默大多數為主嘅中年人唔願意見到樓價跌。

樓 價升嘅社會後果係年青無樓人士不斷埋怨政府。樓價跌嘅社會後果係經濟呆滯、負財富效果甚至消費萎縮,連累埋就業率。香港領導人曾蔭權為樓價升而頭痛,前領 導人董建華為樓價跌而痛苦,現任美國總統奧巴馬為美國房地產市道大衰退而一籌莫展,奧巴馬都唔知幾想美國房產市道復甦,降低銀行嘅銀主盤數字。如果你係政 治領導又有得揀嘅話,你喜歡做曾蔭權吖,董建華吖,還是奧巴馬呢?如果因為權力與地位相差懸殊,你一定會揀做奧巴馬嘅話,你想因為樓市升而俾人批評還是想 因為樓市跌而俾人鬧?記住,當美國房價一路下跌(如香港在○三年)之時,買樓人士就少晒。到樓價升到不能負擔之時,就人人都話要買樓,九月二十七日《蘋 果》財經版大字標題:「天宇海越賣越平,長實頂爛市」,如此標題,是貶是褒,讀者自行判斷,左丁山就以為係:編輯批評長實好以平價賣樓!


PermaLink: https://articles.zkiz.com/?id=18334

樓價升定跌 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20140117/18595280

樓價在2014年是跌還是升,係左丁山最近向朋友之中嘅地產專家提出嘅問題。睇報紙報導,地產股分析師、經濟師多數睇淡,睇跌一至二成,悲觀派甚至睇跌二至三成,專家看法有無實質支持呢?新樓盤成交似乎好暢旺噃,特別係啲市中心新盤,例如灣仔囍匯大把人搶住要,雖則係價錢非常貴,一個四百呎單位要一千萬元或以上,左丁山聽到都伸出條脷,但老友記W就買咗一間喎,有乜用途呀?相信係當酒店房用,久唔久因為有應酬至深夜,就索性在灣仔過夜,唔返屋企。
一位房屋委員聽見市建局啲樓咁好賣,特別搵人帶佢去考察嚇,佢在簽約揀樓現場,所見到嘅買樓人士,幾乎全部係銀髮一族,似係已經上岸之人,走來買個細單位做乜嘢?有關人士向佢報告:「灣仔係全港十八區最富裕嘅一區,大把隱形富翁住在灣仔,不少係買個細單位俾下一代做住宅嘅,或者係兩個老人家嚟住,貪方便兼懷戀少年時光在灣仔長大吖嗎,現在住緊嘅大單位咪讓俾兒子新抱,或女兒女婿住囉。」
委員聽完,認為幾有道理,上到現場睇樓,真係似足酒店房一間,真正廚房欠奉並非一般家庭住宅,千零萬買間「鬧市中心酒店房」,香港人都願意付出,故此地產大好友L對左丁山及委員講:「我成日話香港房屋有鋼性需求,隱形富翁之多,簡直數唔曬,80後買唔起樓,父母就同佢交首期五至六成,等啲仔女供得起樓。我要向啲40後、50後父母致敬,有此原因,我繼續睇好樓市,今年香港就業人數創新高,逼近380萬,家庭收入中位數繼續向上爬,加薪幅度亦有4%至5%,我敢膽話美國一定唔加息,唔好聽財政司司長出口術,唯一負面因素只係SSD、BSD、DSD啫。」呢三D辣招確係辣到啲中產換樓客眼淚水都飆埋出嚟,佢地最恨梁振英之處,並非冇普選,而係買樓先付DSD,慢慢等退稅,加埋金管局嚴限銀行按揭貸款上限,就令到一啲較高收入中產夫婦往往欠缺嗰百零萬做唔到按揭。委員有朋友嘅下一代夫婦兩人皆在投行工作,每月家庭收入近30萬,住八百幾呎樓,生咗一子一女,請咗兩個菲傭,太太話屋內住咗六個大人細路,太擠逼嘞,成日話要換間千二、千三呎,但就因為兩人雖有現金流嚟供樓,但一時之間唔夠現金交五成至六成首期及印花稅,咪日日鬧梁振英囉。

PermaLink: https://articles.zkiz.com/?id=89245

投資學堂:美圖升定跌有路捉

1 : GS(14)@2017-03-24 17:06:31

筆者一向尊重民意,希望曾俊華最終能夠勝出!近期美圖(1357)的升浪並不難捉,正如上月中,筆者在港台的節目指美圖有異動,可能升浪將至。而本周一,筆者亦指出,美圖呈現避雷針形態,乃到頂訊號,應趁機回吐。仍記得當年曹Sir笑謂,若出現避雷針,還不趁機回吐,便會被雷劈了!上月中,筆者在節目指出美圖的升浪將至,主因是察覺美圖在CCASS的持股變化,尤其是花旗的持倉突然橫空大增!美圖上市初期,大部份證券行的持倉不足10%股權,但在1、2月間,花旗就美圖的持倉突然急增,一度逾45%,估計是股東們以實貨存入。而其他證券行的持倉亦同步上升,看似有所行動。美圖的大升浪是由3月7日至20日,期間由10元狂升至23元,CCASS的資料顯示,期間主要買盤來自上海的中國結算及深圳的中國結算,有兩大北水射住,想唔升都難!至於期間為投資者沽貨的證券行,則以花旗及CMB較龐大,合共達8,000萬股。而CMB亦幾有趣,美圖上市至今,75%交易日持續有投資者透過CMB沽貨,但又奇怪地,隔一段時間便有補充,例如在1月19日CMB持倉增加了一億多股,湊巧地當日剛剛花旗的持倉又少了一億餘股,真巧合!篇幅所限,其他更有趣的巧合,留待大家發掘。



譚紹興財經評論員
mailto:[email protected]本欄逢周五刊出




來源: http://hk.apple.nextmedia.com/financeestate/art/20170324/19967973
PermaLink: https://articles.zkiz.com/?id=328601

十月大市升定跌?三大專家話你知!

1 : GS(14)@2017-10-15 16:52:06

港股踏入10月份,突破2015年4月大時代高位28,588點、創下九年半高位之後,突然無以為繼,走勢難測,究竟10月餘下時間會急轉直下,由牛市變股災?還是於散戶高位猶豫之際,一鼓作氣爆上形成「升Joy」?三位專家為大家解答呢個難題。


唐牛:資金轉炒細股大股唞唞

《蘋果》專欄作家唐牛認為,十月是升市還是跌市的確難測,但明顯細價股開始跑出:「見到廿大成交榜,開始有奇奇怪怪的股票出咗嚟,例如啲細價股,中芯(981)、恒騰(136),見到呢啲股仔開始返嚟,感覺上好似10月炒返細價股...其實指數去到大時代高位,有少少沽壓,雖然上星期五穿咗(向上突破),但可能要一段時間儲力先衝到上去,相信指數磨吓,股仔有機會炒吓,你話十月睇上睇落就難啲,但炒吓細價股,大股就要抖抖。」若然要穩陣,他建議買滙控(005),但如果想博,可揀眾安(6060)。「點解買滙控?因為嚟緊,大家講十月要加息,大家估加息,贏息差,對利息收入有好處,同埋睇返呢個升浪,滙控都相對落後,KEEP住七十幾蚊冇乜升,相信個市再升上去,滙豐係其中一個重要嘅領頭羊。」至於眾安在綫,他認為大膽的投資者才會進場:「夠膽就試吓炒隻眾安在綫(6060),大膽意思係低位冇,IPO冇貨,由頭到尾都冇貨,你一定要好大膽先至去買嘅,大家都睇紅底股,但你而家買都唔係睇紅底股咁簡單,而家講緊得十蚊八蚊(賺),值博率唔係太高,你博就博佢升一倍。」


灝昇:十月往績平穩向好

擅長分析港股技術走勢的另一位《蘋果》專欄作家灝昇,對十月的股市傾向看好,他說雖然好多人都會覺得十月是大跌市,但根據以往的數據顯示,從2001年至2016年,其實只有2007年及2011年跌得比較嚴重,分別跌8.64%和9.44%,而其他時間十月的股市屬平穩中好一點的狀況。灝昇認為雖然上周五一股作氣升上28,626點的位置,收市回落,但恒指暫時都站在28,000點的位置,即使今天有回調,也沒有跌穿28,000位置水平,所以他認為短期內還有購買力存在。他又指市場在大跌或轉勢之前,都會有一輪比較瘋狂的時期和很快和短期的急升,但暫時也沒有,即使是最大最出名的牛市股港交所(388),聲浪還在220元水平爭持,所以相信市場真正的購買力尚未出現。他指今日天雖然跌過百多點,但有不少的股份的升幅都不錯,如一些中小型的股份,開始有資金衝進去,甚至是港交所都是比較有力,是一個健康的現象,所以他看好證劵股和港交所等股份,而本地產股如新世界發展(017)也值得留意,有機會與港交所一起衝上去,繼續撐住個市。


沈慶洪:一日未炒落後就未見頂

騰祺基金管理投資管理董事沈慶洪表示,整個十月較難預計,但暫時看好後市,主要因為在經濟因素上,沒有重大的負面因素,而市場氣氛亦會繼續保持。沈慶洪表示現時仍會選擇強勢股,雖然有投資者會揀落後的弱勢股,但他認為等市升至「水尾」就到落後的弱勢股份升,也代表股市就差不多到頂了。不過,他認為現時落後的股份未有行動,證明市場有條件向上升。他建議可以考慮汽車和內險股,而A股ETF也值得留意,特別是於十九大後,人事調整可能會製造機會令A股ETF造好。大價股份方面,他認為騰訊(700)和5G概念的股份,都可以趁調整時間留意。




來源: http://hk.apple.nextmedia.com/financeestate/art/20171011/20179028
PermaLink: https://articles.zkiz.com/?id=342657

Next Page

ZKIZ Archives @ 2019