Anita經典 角色十道風味 2015年10月08日
1 :
GS(14)@2015-10-11 02:09:30http://www.am730.com.hk/article-284276
Anita梅姐從影廿年，拍咗四十幾齣電影，有喜劇、劇情、文藝、動作等唔同電影，係當年嘅票房保證，曾經同多位出色演員合作，經典角色一個接一個，趁住梅姐星期六生日，重溫一下佢嘅精湛演技，回顧一下梅姐喺電影入面千變萬化嘅風采同韻味。文：Nelly
豪情人妻
宋李氏
性格爽直善良，武功高超，雖然盲字都唔識多隻，但足以令狀王宋世傑又敬又愛，可以同當時處於創作高峰嘅周星馳合作，既唔會淪為周女郎之一，亦帶俾觀眾深刻印象，除咗角色設計，當然係憑梅姐個人嘅喜劇觸覺，至可以將呢個連名都無嘅角色演得咁生鬼。《審死官》(1992年)
帶罪之身
陳文靖
梅姐人生嘅最後一部戲，就係同契妹夫張學友首次，亦係最後一次合作，無靚衫、無濃妝，平平實實做一個人妻、人母兼帶罪之身，結果梅姐憑住呢套戲贏得華語電影傳媒大獎最佳女演員，另一個焦點就係由梅姐同學友合唱嘅主題曲《相愛很難》。《男人四十》(2001年)
呷醋新歡
百佳
百佳係男主角陳友嘅新歡，為咗快啲趕走男友嘅前妻惠康(夏文汐)，於是介紹咗鍾鎮濤俾佢，一套輕鬆愛情喜劇，鬥吓氣、呷吓醋，最後大團圓結局。好記得梅姐喺某次演唱會入面講起呢套戲，講笑咁話都唔明點解兩個女人會為咗陳友呢隻嘢爭崩頭。其實好簡單啫，因為陳友係導演囉！《一屋兩妻》(1987年)
荒淫懦弱
齊宣王
齊桓公
齊宣王同齊桓公呢兩個角色，相信帶俾梅姐好大嘅挑戰，既要反串做男人，仲要係飾演一老一嫩嘅男人，加上角色本身唔討好，梅姐決定放手一搏，終於造就咗一個從未如此浮誇過，荒淫、好色兼懦弱嘅齊宣王。《鍾無艷》(2001年)
淒怨孤魂
如花
如花呢個飄蕩陽間尋人嘅苦命女鬼，相信唔使多介紹，記得原著小說作者李碧華，曾經喺一篇文章入面感激哥哥張國榮同梅姐，因為佢哋演活咗《霸王別姬》程蝶依，同埋《胭脂扣》嘅如花。《胭脂扣》(1988年)
神秘女俠
東東
雖然梅姐唔識飛天遁地，不過，東東嘅俠義心腸，同梅姐嘅性格就一模一樣，至於戲中另外兩個主角，分別由楊紫瓊同張曼玉飾演，一個飽歷滄桑，另一個係回頭是岸嘅十三點，呢個三條Queen嘅組合，絕對係香港電影史嘅經典。
《東方三俠》(1993年)
悲劇一生
顧曼璐
張愛玲筆下嘅顧曼璐，一生坎坷，年輕時為咗養家賣身做交際花，難得上岸，又要為咗抓住老公嘅心，親手斷送妹妹嘅一生幸福，性格複雜，交集住怨憤、妒忌、自私、無情、不安……雖然睇唔慣梅姐做奸角，不過，顧曼璐奸得嚟真係好有味道。《半生緣》(1997年)
鞭鞭有力
Ta姐
優雅高貴、冷傲自信嘅嚴師Ta姐，要喺短時間內，將一個偷渡嚟香港，頭腦簡單、義字行頭嘅土男前進，改造成為一位翩翩公子，最深刻係前進一邊練舞，一邊俾Ta姐揮鞭打，仲要大讚「Ta姐鞭鞭有力」，可想而知Ta姐訓練呢嚿頑石成才嘅過程係幾咁艱辛。
《公子多情》(1988年)
女人心
Michelle
企喺婚姻瀕臨破裂嘅邊緣，Michelle隻身走去摩洛哥散心，途中識咗一個日本女子Miki，兩個人結伴上路，點知俾佢發現咗呢個友伴原來就係老公嘅情婦，正當佢死心之際，Miki失蹤，老公又話要佢返香港重新開始，女人會點樣選擇？相信大部分人都無Michelle呢股勇氣。《慌心假期》(2001年)
一家之主
梅大香
梅家大家姐梅大香為頭家仆心仆命，三個妹(開心少女組)點可以爬家姐頭拍拖先㗎？所以夾埋三個男朋友草蜢，迫小男人曾志偉追求大家姐，一高一矮，一個強硬，一個面皮厚，過程笑料百出，係一齣標準嘅八十年代喜劇。《開心勿語》(1987年)
【荷李活星談】狄高達《五十道色戒2》性虐轟炸
1 :
GS(14)@2017-02-11 18:38:08【《蘋果》洛杉磯獨家專訪】由占士霍利（James Foley）執導的情慾電影《格雷的五十道色戒2》（Fifty Shades Darker）昨日在本港上映，今集女主角狄高達莊遜（Dakota Johnson）為男主角占美杜倫（Jamie Dornan）嘗試踏足性虐疆界，兩人開始培養出信任。本報記者日前在洛杉磯獨家訪問狄高達，她透露雖然電影內容露骨，但父母都沒有批評她接拍，母親明白角色會有助她拓展事業。現已上映記：記者 狄：狄高達莊遜記：今次再演安娜這角色，如何去保持新鮮感？狄：對我來說十分有趣，因為有充份的時間去講一個故事。在第一部電影內介紹安娜和格雷的角色和背景，今次可推進二人的關係，是他們的歷程，也令我和其他演員可仔細地去演。記：你和占美再次合作得好嗎？狄：很好。我和他很夾，大家要花半年時間一起拍攝，很談得來，也可在周末一起玩，很幸運可跟對手演員合得來，因為安娜和格雷很親密。
■狄高達扮演的安娜於《五十道色戒2》為了格雷願意探索性虐。
■今集講到安娜與格雷開始信任對方，她更進一步了解男友的過去。
新導添加色彩
記：今次換了導演，是否有很大的轉變呢？狄：幸好今次是連續拍第三部電影，在手法、節奏、工作人員、演員都可一氣呵成，占士執導這系列的電影很好；有些浪漫也有些緊張的場面，為電影加添色彩。記：談到格雷這角色，今次在片中安娜明白到格雷在15歲時的經歷，你認為愛是否能夠治癒一切呢？狄：是的，例如我的老友可接受我工作完畢時情緒不好、體力疲倦，有時更是一團糟！他們都會接受我和愛護我，有時還麻煩他們照顧我呢。記：自《五十道色戒》這系列電影推出後，你的生活改變很大嗎？狄：當然，有很大的改變，例如我常要旅行，在家中的時間少了，和朋友見面的時間也短了。閒時我情願留在家中下廚，也因為知名度高了，也有更多機會拍一些電影，我可與我的偶像一起工作，例如也跟泰達史雲頓（Tilda Swinton）合拍過電影。
■占美與狄高達再度合作，她表示與拍檔很夾得來，周末也會一齊玩。
■在電影中有大膽演出，狄高達仍獲父親當莊遜及母親美蘭妮支持。
記者Lilly Lui直擊報道（Hollywood Foreign Press Association）
自稱很會下廚
記：那麼有否拍拖呢？狄：如果我有空的話……記：聽說你很喜愛建築那方面的東西？狄：是的！我自己喜愛設計這一方面的知識，現在我買下房子，也是全部由自己負責構思和設計，花了很多心思呢！我很愛50年代的設計和家具，連燈飾、水龍頭也喜歡。記：那麼在家中喜愛舉行派對嗎？狄：都是和老友一起，我很會下廚，所以喜歡弄些好吃的食物跟大家分享，我知道現今的廚房都很寬闊，我廚房的面積很細。記：你父母有否批評你接拍這系列的電影呢？狄：沒有，我都知道這系列的電影比較大膽，是我個人的決定，母親也明白到接拍安娜這角色會令我打開很多門，父親則比較是位保守派主義者，雖然電影內容很露骨，但父母最着重是我如何去對待和尊重別人，也要懂得去愛護和關懷別人。
來源:
http://hk.apple.nextmedia.com/entertainment/art/20170210/19923155