ZKIZ Archives


做倉務員月薪$1,800李中寧悲歎:幾難聽嘅說話都聽過

1 : GS(14)@2016-10-28 06:24:16

61歲李中寧,在訪問中多次強調自己是一個不快樂的人,「我其實唔留戀,我唔留戀我人生,過去又唔光彩,內心又黑暗,經歷又痛苦,唔開心0架!」同一番話,其實李中寧早於廿幾年前訪問中講過。當時他仍是當紅小生,無綫為其塑造陽光男孩傻傻憨憨的形象,但李說:「可能只有經歷人生苦難嘅人,先至有本領做一個成功嘅小丑。」李中寧來自一個不愉快家庭,每次受訪,總禁不住歎自己孤苦伶仃一個人,「係一個小丑」:「雖然我成日拍喜劇,但我唔係一個快樂嘅人。歡樂實在難尋。」當年在英國留學期間,李中寧憶述:「受盡欺凌,剝削,假如係受外國人嘅氣真係無話可說,但中國人竟然欺壓自己同胞,好似明明工作六日,出糧嗰陣被扣糧,同佢哋理論,佢哋反問你:『你只係做咗五日咋?』咁仲有咩好講?」「我經歷過好多嘢,對於閒言閒語,我唔會再記喺心,幾難聽嘅說話都聽過。」李中寧說。做臨記之前,其實李中寧做過電子廠貨倉管理員,87年,人工得$1,800。「社會根本就係咁樣,咪睇香港越來越繁榮富,其實草根階層仍然好艱辛,物價飛漲,所承受生活壓力真係好大。」今時今日只有更差。獨行俠一樣的李中寧,廿幾年前已經好少朋友,佢用《陸小鳳》自比:「葉孤城曾經話過,一個越去得高嘅人,就越唔需要朋友。我已經預咗。」感情方面呢?李中寧都係好灰:「我都好想有一個摯誠嘅女朋友,但,依家似乎好難搵到。」人到中年,如今的李中寧,似是更加自困……




來源: http://hk.apple.nextmedia.com/entertainment/art/20161028/19815028
PermaLink: https://articles.zkiz.com/?id=313832

Next Page

ZKIZ Archives @ 2019