ZKIZ Archives


梁袍加身 689挺林鄭有擔當葉劉哽咽:還香港公平選舉

1 : GS(14)@2017-01-18 08:09:24

【特首戰開打】【本報訊】宣佈參選特首的前政務司司長林鄭月娥,除得到中聯辦支持,前上司特首梁振英昨也公開力挺林鄭,大讚她有擔當、有能力;林鄭獲「梁袍加身」,卻令近日力爭入閘、盛傳不獲建制支持的新民黨主席葉劉淑儀激動哽咽,力數自己過去在處理23條等問題上同樣有擔當,力求中央還香港公平選舉。有泛民選委批評中聯辦假傳聖旨,以「有形之手」粗暴干預香港內部事務,嚴重違反《基本法》。記者:姚國雄 林俊謙



雖然林鄭月娥宣佈參選特首前,當時是行會成員的葉劉淑儀已宣佈參選,但梁振英未有公開挺葉劉。梁昨出席行會前,被問會否支持林鄭選特首時,即大讚林鄭有擔當有能力:「林太係一個有擔當、有能力、亦願意去處理香港長期積壓落嚟嘅困難問題嘅一個官員。」梁又稱新一任特首主要工作並非去理解社會訴求,因為民意支持政府解決土地房屋問題十分清楚,認為要看候選人中,誰有擔當去解決有關問題,以及有努力做出成績。



■葉劉淑儀昨被問及梁特力挺林鄭月娥時哽咽,更求中央還香港公平選舉。

田北辰指建制力谷一人

而葉劉在另一場合被記者問到如何看梁大讚林鄭有擔當時,聲稱自己同樣有擔當,並一度激動地說:「例如我處理23條,我自己係有表現唔好嘅地方,我多次道歉,我亦都問咗責,我係問咗責,自動離開政府,冇厚顏、戀棧權位。」之後更哽咽說,當年下台後到外國進修,10年前「回到曠野」經歷選舉,「我由低做起,出錢出力出心,唔通可以話我對香港社會冇擔當咩?」葉劉又透露,自林鄭說要參選,有兩、三個選委說要轉投林鄭陣營,但她不會見怪,不過她強調競選團隊沒有人跳船,又再次表明不退選,更不點名指林鄭有中聯辦背後支持,未必是好事,「唔應該有一個候選人話自己sure win,一個人造勢或者佢背後嘅力量確保佢贏,咁佢咪(變得)傲慢,自信過強,選到都唔使聽民意」。葉劉又想向中央說,望有公平公正的選舉:「應該畀不同候選人憑佢嘅實力去競爭,唔好未開跑就趕走人,咁樣係對香港唔好。」對於選委,葉劉呼籲選委不要怕得罪人而不作提名,「如果係咁,何必做選委……希望大家憑政綱話支持邊個,唔需要擔心(候選)人多、唔需要擔心流選。」而葉太黨友、立法會議員田北辰亦承認,近期聽到不少人指有無形之手干預選舉,甚至逐漸變成有形之手,圖力谷一名建制派入閘。他透露近日連他也收到拉票電話,大嘆特首選舉走了樣:「我問打電話畀我嗰個人,我話『你唔係想我黨友(葉劉)戴綠帽吖嘛?我都應承咗我黨友,我又提名佢、支持佢嘅,你嚟同我講呢啲嘢?」田北辰指有人形容建制派內出現排山倒海的攻勢,似乎只想力谷一名參選人,「好似連其他全部(參選人)都篩走晒咁」,被問到獲力捧的是否林鄭月娥,田未有回應,只稱「總之?家係力谷一位」。


泛民斥中聯辦粗暴干預

民主黨立法會議員尹兆堅指,中聯辦今次做法十分離譜,干預香港內部事務屬嚴重違反《基本法》。尹又質疑北京只想一名建制派入閘的說法,因當初中聯辦也放風指梁振英將連任特首,最終梁「反艇」收場,「呢啲咁嘅風聲,究竟係咪假傳聖旨、狐假虎威?根本冇人知邊個係北京、邊個係阿爺。」有份統籌民主派300多位選委的專業議政立法會議員梁繼昌也批評中聯辦粗暴干預港選舉,但相信民主派選委不會因葉劉一時激動而提名給她,他指葉劉仍未能做到泛民選委提出的幾大要求,故即使部份會計界選委剛與她見面,也暫不會考慮提名給她:「除非佢將佢政綱改頭換面,做到泛民嘅幾大要求,包括撤回8.31人大決定、為港人爭取真普選。」




來源: http://hk.apple.nextmedia.com/news/art/20170118/19900622
PermaLink: https://articles.zkiz.com/?id=322983

【日本限定】46周年合味道紀念版 「法被」加身靚到唔捨得食

1 : GS(14)@2017-09-17 13:44:55

合味道於1971年9月18日開始發售,是世界上第一款杯麵,現在已佔據大部分人的屋企,也慰藉過大家無數個飢餓的晚上。為慶祝誕生46周年,合味道推出4款紀念版杯麵,包括原味、咖哩味、海鮮味以及香辣蕃茄味。4款紀念版杯麵使用重新設計的包裝,分別披上4款日本傳統服飾「法被」,售價180日圓(不含稅)。咁靚嘅包裝,肚餓都唔捨得開嚟食呀。文:梁志穎2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170907/20144990
PermaLink: https://articles.zkiz.com/?id=340987

Next Page

ZKIZ Archives @ 2019