中韓情侶配劉亦菲拍劇戀宋承憲
1 :
GS(14)@2016-09-04 18:03:42大陸女星湯唯前年就同韓國導演金泰勇結婚，原來唔止湯唯，好多大陸藝人都同韓星撻着。劉亦菲、宋承憲韓國型男宋承憲去年拍攝大陸電影《第三種愛情》後，被偷拍到與細11年的大陸女星劉亦菲假戲真做，其後雙方大方認戀情。但係今年5月，網上突然傳出宋承憲以「不能給對方幸福」為由結束9個月的跨國戀，但宋承憲嘅經理人公司就發聲明話佢哋仲係交往中，事件不了了之。張儷、朱鎮模今年7月，大陸有網吧就爆出話女星張儷同宋承憲喺藍色港灣酒吧同車聚餐，咁就引咗大批大陸記者去追訪啦，點知去到先發覺唔係宋承憲，而係演過《霜花店》、《奇皇后》嘅朱鎮模。仲話朱鎮模去咗女方香閨過夜o添，翌日仲一齊去撐枱腳，朱鎮模行出飯店時仲搭住張儷條腰。于曉光、秋瓷炫去年韓國女星秋瓷炫就喺微博公開同大陸男星于曉光嘅跨國戀情，于曉光就轉發女友嘅微博，留言：「你是答案。」非常甜蜜。劉雯、崔始源去年崔始源同大陸名模劉雯拍攝江蘇衛視嘅真人騷節目《我們相愛吧》傳戲假情真，之後劉雯親飛到首爾欣賞Super Junior演唱會。戚薇、李承鉉韓國男團TAKE組合成員之一的李承鉉，同大陸女星戚薇因合作拍MV而譜出戀曲，前年佢哋仲去咗塞班島為《時尚新娘》影相時，李承鉉仲送上驚喜跪地求婚，即場舉行婚禮。高梓淇、蔡琳韓國女星蔡琳14年同大陸男星高梓淇合作劇集《李家大院》結緣，男方仲係北京三里屯公開向蔡琳求婚，同年10月喺太原舉行婚禮。
來源:
http://hk.apple.nextmedia.com/entertainment/art/20160904/19759675