中環在線：華創鄺文謙另有高就 李華華
|
|
華潤創業（291）噚日公佈，做咗7年幾、做到副董事總經理嘅鄺文謙，將會喺月底離開，通告話佢「稍作休息後再向其他事務發展」，個位會由華潤微電子（597）調嚟嘅黎汝雄接任。
近 年華創業務轉型得到市場認同，除咗有大股東支持，一班手足落力執行亦好重要，尤其公司資料披露方面實在值得一讚，雖然到今日仲有好多公司堅拒做季度報告， 但華創早於02年11月就開始自願公佈季度業績（02年第3季），而且仲係幾詳細嗰隻。華創有咁嘅改進，相信同鄺文謙好有關係，事關佢出身投資銀行同證券 行，之前係嘉誠分析師，知道透明度對提升一間公司嘅形象好重要。佢02年2月入華創，負責同證券界同傳媒溝通，華創當年11月就公佈季報。
華華希望黎生繼承佢嘅開明作風，保持華創嘅高透明度。
|
| |
Next Page