五年努力 今日開台 王維基勸一男子：勿再阻HKTV
1 :
GS(14)@2014-11-19 08:18:05
■港視今日開台，王維基坦言心情既緊張又開心。許頌明攝
【再起風雲】【本報訊】今日開始，全港觀眾多了一個選擇，叫香港電視（HKTV），主席王維基經過五年努力，仍然要「無牌」播劇，開台前既緊張又開心，他盼「一男子」不再阻擾，面對前路，自嘲儍儍哋的王維基：「香港電視係香港人嘅事，如果香港人唔緊張，不如唔好做。」他將港視的命運交到市民手中，決心打造一個有民意支持的電視台。記者：石永樂
為了今日開台，王維基近日做了不少訪問，「前一晚仲好攰，朝早起身就好開心，因為係最後24小時」。他昨日接受訪問時承認過去一直都很緊張，更以母親懷胎作比喻，「我媽咪陀BB都係9個月，我哋陀呢個BB陀咗59個月，但仍然好享受一班人去做一啲嘢，可能我仲係儍儍哋」。王維基自2009年12月入紙申請免費電視牌照至今近五年，結果因為「一男子」的決定，令到港視今天要無牌播劇。
「畀番觀眾去做選擇」
早前港視的開台劇選舉只得20萬人投票，有分析指港視對開台的宣傳不足，王維基解釋要刻意低調，原因是刻下香港的文化已經不同往日，「香港電視係香港人嘅事，如果香港人唔緊張，不如唔好做，成件事冇以好壓迫嘅勢頭去做……覺得比較適合