| ||||||
四叔大仔李家傑無厘頭爆單「串燒三兄弟」搞出大頭佛,睇怕有排都唔得閒搞其他嘢住,包括同六嬸方逸華(圖)傾緊買TVB電視廣播(511)!單嘢處於膠着狀態,一直要賣仔又要摸頭的六嬸有咩搞作呢?照華華估,佢應該想轉戰電影圈! 夥邵氏拍多兩套 噚 日TVB公佈咗一單關連交易,就係同大股東邵氏兄弟公司繼續合作拍電影,而查實TVB同邵氏舊年已經成立各佔一半股權嘅合營公司拍戲,每套預算1000萬 港紙,包括《Laughing Gor之變節》、《72家租客》、《翡翠明珠》同埋《抱抱俏佳人》,之不過唔算好賣座,唔知回唔回到本;呢鋪就再接再厲,雙方再掟最多2000萬出嚟,仲 起碼拍多兩套…… 嗱,蕭公子套《3D肉蒲團之極樂寶鑑》成本要2300萬,目標票房先至敢Set響5000萬,咁TVB斷估唔會拍呢啲風月片,六嬸如果想刀仔鋸大樹,睇怕都要放低林峯諗啲新噱頭噃! 李華華 |