ZKIZ Archives


男女配內在美先重要顏卓靈睇中白只識講笑

1 : GS(14)@2016-09-14 05:52:14

呢個世界好奇怪,有啲嘢諗爆頭都諗唔明,明明義憤填膺嘅說話轉個頭就係年少無知,又或者好似金剛咁,明明其貌不揚但都成功媾女無數,不禁要問一句:公平咩?娛樂圈唔公平嘅情侶,又點只得金剛呢!嗱嗱嗱!愛情係偉大嘅,只要着眼對方嘅優點,係唔需要着眼喺對方臉孔,顏卓靈深明呢個道理,今年6月兩人被發現喺九龍城激咀驚爆戀情,之後顏卓靈受訪講起男友優點,結果係「成熟又搞笑!」,即係唔使睇樣。




來源: http://hk.apple.nextmedia.com/entertainment/art/20160914/19770020
PermaLink: https://articles.zkiz.com/?id=309056

轉戀索模:內在美重要

1 : GS(14)@2016-11-22 00:24:43

猷啟現與身材高䠷的18歲以色列籍女友Angelika拍拖半年,活動當日,Angelika以cosplay造型為猷啟造勢,更乖乖等他收工食晚飯。遺傳賭王靚仔樣DNA的猷啟,過往有不少索女飛撲埋身,他說:「會有主動啲嘅,唔知算唔算媾你,係咁搵你飲嘢、睇戲,我比較冷淡,如果知你係邊個就好熱情嘅,嗰啲梗係唔得㗎喇,知道你係邊個先鍾意你,好明顯唔係鍾意你個人。」以往猷啟鍾情鄰家女孩,現在轉戀索模,他表示:「內在美好重要,有禮貌、開朗、唔會管住、有自由度同空間好大、唔會成日發脾氣。內在吸引,有feel自然會情人眼裏出西施。」至於組織家庭,猷啟直言未有想過:「事業有成先啦!而家唔會因為結婚而拍拖,拍拖最緊要開心。」




來源: http://hk.apple.nextmedia.com/entertainment/art/20161121/19840236
PermaLink: https://articles.zkiz.com/?id=316529

受中國打壓流亡華裔難民1年內在美重啟生活

1 : GS(14)@2017-06-18 11:18:06

6月20日是年度世界難民日,三藩市多個難民關注組織周五聚首一堂,包括不少亞裔。有組織呼籲關注難民的精神健康問題,更有華裔難民因遭中國打壓必須離鄉背井,現身說法輾轉逃到美國的親身經歷。駐三藩市記者:唐芷瑩聯合國數據顯示,約88%的難民,有一定程度的精神疾病。在三藩市「創傷復康合作夥伴」(Partnership for Trauma Recovery)的資深義工統籌員希嘉(Coleen Higa)表示,她接觸的亞裔難民及尋求政治庇護人士當中,最多人來自印度,其次是其他東南亞國家,從戰禍及性販賣等等悲慘遭遇中逃出生天,「最多人患的相信是創傷後壓力症候群(PTSD),它有19個病徵之多,但不用經歷全部病徵才算確診。」患病影響不只病者本身,還有家人,「試想像一個母親PTSD,不能工作、終日在哭,子女都會經歷『間接創傷壓力』(Secondary Traumatic Stress)。」幸好,機構現時的資源足夠他們提供一對一輔導。這些人無奈離鄉別井來到美國,即使沒有患病,也需要重整生活。2010年因信奉法輪功而遭政治打壓通緝,與丈夫逃離中國的遼寧人郭小姐,到馬來西亞後尋求聯合國難民署(UNHCR)幫助,滯留6年後獲美國政府接收。英語能力不俗,來美後短短一年已覓得工作的她,說當時得到非牟利機構職員轉介熱心華人收留「瞓廳」,又獲得該組織補助月租約400美元,亦申領糧食券。8個月後,她得到的補助終止,現已能自力更生。她又認為,特朗普上任後,得到的援助與奧巴馬政府時期「沒甚麼差別」。聯合國難民署(UNHCR)世界難民日(World Refugee Day),於2000年,即1951年《關於難民地位公約》確立的50周年前夕,在聯合國大會通過設立。




來源: http://hk.apple.nextmedia.com/international/art/20170618/20060135
PermaLink: https://articles.zkiz.com/?id=335754

Next Page

ZKIZ Archives @ 2019