追功課捉入房 教師涉叉小四生頸
1 :
GS(14)@2017-01-26 18:10:07【本報訊】男教師疑因追收功課,上課中途對有讀寫障礙的小四男生叉頸、扯衣領兼踢枱凳;兩人在走廊相遇時,教師更涉把男生單獨捉入空房叉喉及箍頸。教師否認兩項普通襲擊罪受審,男生供稱受襲時有實習教師在場但「乜都冇做」,另一次教師單獨施襲後涉叫他勿向家人訴說。辯方反指教師只是輕拍他後頸,提醒他留心,並指若其他成人在場但沒反應,說法不合理。
事主稱7至8名同學目擊
被告吳祖兒(35歲,圖)否認於東涌富東邨的寶安商會溫浩根小學兩度襲擊當時讀小四的男童X。X在錄影會面稱被告教他英文,2014年11至12月上課時,被告因他沒交功課而走近大罵,踢他的桌椅。他伏在桌上哭,被告用手叉他頸部令他痛楚,他沒說話回應,被告扯其衣領及內衣。他估計附近7至8名同學目擊,但各人只顧「做自己嘢」。辯方指實情是X伏在桌面,被告走近詢問作業簿去向,X擰轉面完全不理,被告敲書桌櫃桶追問,輕拍X後頸及碰他下巴要求X聆聽。X全盤否認。
X指翌年6月中,他如廁後回課室途中遇被告,遭大力拖入無人及沒亮燈的課室喝罵及叉頸,他蹲下哭,被告短暫離開後再入來箍他頸。X指之後自行起來離去,但辯方盤問X時指,錄影會面中他稱遭被告拉起,X便改口稱記錯,說是被告拉他。
X母出庭供稱兩次事發後X均無即時告知,是X的同學在事發後3至4個月告訴她及輾轉告知X的姊姊,她才知情。校方調查後回覆她,分別指被告沒動手及沒充份證據。辯方結案指X證供反覆不可靠,錄影會面說法與庭上證供有出入,亦質疑X伏在桌面時,被告難以從正面叉他的頸。案件下月9日裁決。案件編號:FLCC4891/16■記者伍嘉豪
來源:
http://hk.apple.nextmedia.com/news/art/20170126/19909484
【唔捨得個女】54歲張兆輝一講即喊半夜入房聞陣味
1 :
GS(14)@2017-06-10 13:09:27一講起女兒之後將離港升學,本來一直健談風趣的輝哥突然眼泛淚光。
張兆輝除咗識得唱情歌冧老婆,查實講到佢17歲嘅囝囝張焯鏗同13歲嘅張卓姿,輝哥都一樣咁鬼冧!講到以前拍劇搞到日夜顛倒,親子時間自不然唔多,之不過睇你點樣分配時間啫,輝哥話就算佢哋瞓晒覺,都會爭取時間「親子」:「咪入去房望吓佢哋,見到佢甜睡嘅時候,已經好安慰㗎喇,有時又幫佢冚吓被,索吓佢啖味咁樣囉!」
仔女o依家都17同13歲,輝哥諗番佢哋細個就最開心。(被訪者提供圖片)
輝哥講起個女就唔停口。(被訪者提供圖片)
收工返到屋企,仔女瞓晒覺,輝哥要聞吓佢哋陣味「親子」吓。呢個係妹妹BB(被訪者提供圖片)
其實聽落一啲都唔重口味,如果你哋都係工作型父母,都一樣會咁做,你懂的!之後輝哥講到第一次要離開香港幾個月拍劇,見唔到家人嗰種感覺,講講吓仲眼濕濕話:「我有個電腦入面有好多佢哋細個嗰啲相同短片,我太太唔俾我睇㗎,因為怕我會感觸,佢話:『嘩!你睇埋呢啲咁嘅片,仲聽埋呢啲咁憂怨嘅歌,梗係唔開心喇!』」仔女細細個時就最得輝哥鍾愛,因為成日都喺自己身邊嘛,尤其囡囡呀:「細女細個好得意㗎,譬如佢自己好輕鬆行咗去前面都好喇,咁我喺後面,佢行吓停吓又望番轉頭,見到你又走番埋嚟捉住你對手拖,即係永遠都係喺身邊。見唔到我,又會猛問daddy喺邊度呀,成日都daddy、daddy。」又諗番起件冧爆事件:「個女兩歲時,夏天好熱㗎嘛,我着鞋嘅時候,已經一頭汗,佢就行去攞張紙巾幫我抹汗,嘩…仲唔值呀,超值啦!嗰陣時兩歲咋喎。」人哋話女兒係爸爸嘅前世情人真係冇講錯。
唔捨得。真係好唔捨得。
有時要離家幾個月去拍戲,輝哥掛住啲仔女就會睇相,然後好感觸。(沈健程攝)
不過細女下年會跟埋哥哥去留學,輝哥都話唔捨得,但係諗深一層都希望佢學多啲,惟有自己抽多啲時間飛去探佢哋,又話好彩近排都係喺香港工作:「咁咪可以留喺屋企,又可以去拍嘢,拍完辛苦又可以見到啲家人,如果呢幾個月又離開屋企,咁咪又少咗幾個月見面。」珍惜同家人嘅相處嘅輝哥,o依家每朝都6點半起身陪個女食早餐,抱抱、傾吓偈維繫感情。唔知輝哥遲啲又會唔會做「呷醋外父」呢?「我唔敢諗咁遠喎!呢啲嘢順其自然喇!如果佢真係搵到一個好好嘅男仔照顧佢又愛佢,冇所謂,最緊要佢開心快樂喇!細個嘅時候喺daddy身邊好快樂,大個嘅時候喺佢愛人身邊一樣要好快樂!」
哥哥已經去咗外國升學,下年到妹妹喇,輝哥兩老當然唔捨得。(被訪者提供圖片)
妹妹細個好得意,唔怪得輝哥咁錫佢。(被訪者提供圖片)
採訪:何慧斯、懷鈺攝錄:馮峰、Neo攝影:沈健程服裝:Ted Baker化妝:Frances Ho@jessicachan_make-up場地:Big Echo
來源:
http://hk.apple.nextmedia.com/entertainment/art/20170608/20047946