我Q你答問會：人人問克勤 係咪怪獸家長？
1 :
GS(14)@2015-06-15 00:52:31■克勤被祖兒問到跟老婆盧淑儀的第一次接吻，超尷尬口啞啞。攝影：仇志德場地：尚品薈
每個男人都有一個特殊癖好，本報在銅鑼灣街頭找來12位讀者，希望發掘人夫李克勤的秘密，有讀者一語道破克勤對「儀」字情有獨鍾；大家又對克勤的私生活特別有興趣，問題圍繞「喺屋企有冇做家務？」、「係咪怪獸家長？」，連自認懷春少女的容祖兒都插嘴問：「同盧淑儀第一次接吻地方喺邊？」看看克勤如何見招拆招！採訪：皓騫、魏嘉琳
容祖兒
1.容祖兒：我都係懷春少女，好想知李克勤同盧淑儀第一次接吻地方喺邊？
克勤：錫過咁多次，點記得呀，哈哈哈！
2.余小朋友：你會唔會打小朋友？你係咪怪獸家長呀？
克勤：我會打手板、屁股囉，我覺得有時需要畀小朋友知道，乜嘢係嚴重懲罰，當然我打完佢之後痛過佢；家長真係唔鍾意做怪獸，只係教育制度係怪獸，邊個父母唔想喺屋企蹺埋手，小朋友冇咁多功課，唔使帶你去咁多課外活動，唔使煩呢樣嗰樣，我有一個小朋友喺國際學校讀書，功課唔係咁繁忙，暫時唔係怪獸。
余小朋友
■克勤唔想做怪獸家長，但覺得必要時仍要使用打手板等懲罰。
林小姐
3.林小姐：點解近年唔拍戲嘅？
克勤：冇時間囉，要湊仔囉，冇遇啱好嘅劇本囉，唱歌事務太繁忙囉。
黃小姐
4.黃小姐：你平時喺屋企會唔會做家務？
克勤：家務呢啲嘢，梗唔係男人做啦，男人負責嘅家務係出去搵錢，跟住請個人返嚟做。
5.黎小姐：你同譚詠麟、祖兒開演唱會，感覺有乜唔同？
克勤：一個男人一個女人，一個食得多一個食得少，哈哈哈，自己諗到都好笑，但唔敢講，今次盡量希望接納多啲新idea，同祖兒思想上好似open啲，話時話我同校長嗰個大隻佬已經好open去到底線，而家睇到都有啲驚！
黎小姐
■09年左麟右李的爆肌造型，已經是克勤的底線。
何先生
6.何先生：你係咪特別鍾意「儀」字，老婆叫盧淑儀，拍檔叫容祖兒？
克勤：咦！係喎，點解呢？關淑怡、葉劉淑儀都有個「儀」字，係咪八字問題呢？所以話每個男人梗有啲癖好，我諗呢個係。
老先生
7.老先生：收過最鍾意嘅禮物係乜？邊個送？
克勤：而家梗係細路仔畫嘅卡，父親節、生日嗰啲小勞作，我諗十幾廿年後睇返冇得頂，雖然啲字又串錯，大細草睇唔清楚，但係一件好sweet sweet嘅嘢。
黃小姐
8.黃小姐：有冇逼囝囝聽你啲歌？佢鍾意邊首㗎？
克勤：梗係有啦，但佢鍾意One Direction多啲，覺得嗰啲歌有深度，我啲歌對佢嚟講深得滯唔明，不過都識唱晒大部份我啲歌，最近佢有新歡，鍾意校長寫嗰隻，話淺白容易接受易入口，有品味！
林先生
9.林先生：同祖兒開演唱會，個騷應該叫乜嘢名呢？
克勤：實不相瞞，我哋度咗3,762個名，中英乜文都有，實在太多人唔同意見，所以暫定為「容祖兒李克勤演唱會」。
10.曾小姐：邊首歌人哋唱到，你聽到覺得好尷尬？
克勤：《舊歡如夢》囉，每次演唱會冇擺落去，啲人就喺台下嗌上嚟，我覺得有啲尷尬，唱唔係好介意，跳呢……通常都會叫歌迷上嚟玩溝淡吓，但今次同祖兒開騷，發現有個人比我更尷尬，有機會問吓佢啦。
曾小姐
■《舊歡如夢》騎呢舞步街知巷聞，克勤耍手擰頭不敢重溫。
明哥
11.明哥：藝人之中邊個最好波呢？
克勤：大家一定會答譚詠麟，因為佢係明星足球隊精神領袖，每場波都入幾球，總之最好波係譚詠麟啦，係，我覺得大家都係要咁答嘅。
劉小姐
12.劉小姐：《紅日》除咗你，覺得邊個唱得最好聽？
克勤：聽過一個由西藏嚟嘅歌迷，用唔鹹唔淡廣東話唱，佢嘅誠意令我覺得好好聽，唔識廣東話嘅人將《紅日》唱晒出嚟，係我聽過最好聽版本。
謝先生
13.謝先生：Hacken呢個英文名點嚟㗎？如果唔叫Hacken，你想叫乜呢？
克勤：我諗係老竇改，我估佢覺得市面上好一般，所以構思一個，拼番英文出嚟。如果唔叫克勤，真係唔知叫乜。
來源:
http://hk.apple.nextmedia.com/entertainment/art/20150614/19183478
撐《蒙面歌王》巫啟賢搞氣氛克勤：都係一個騷啫
1 :
GS(14)@2015-09-23 02:18:59■李克勤前晚否認上內地節目《蒙面歌王》收750萬酬勞，強調價錢合理。
出道快滿30年的李克勤，早前代表香港參加內地的江蘇衞視《蒙面歌王》歌唱比賽節目，戴面罩扮「白棱鏡」出戰贏得首集冠軍，不過，身為評判之一兼曾為克勤作歌的巫啟賢，竟然在節目中認不到克勤的歌聲，被網民狠批扮嘢，前晚克勤出席母校華仁書院校慶，笑說：「《蒙面歌王》呢啲嘢唔使咁認真，唔使去挑剔啲環節，其實好多嘢仲要改善。」
■克勤撐巫啟賢（小圖）已成功為節目製造話題。資料圖片
■王敏德兒子躍穎（左）是華仁學生，兩父子更上台合唱籌款。
「冇攞過750萬」
對於能夠製造話題，克勤認為節目已成功，他說：「唔知佢真唔認得或假唔認得，其實都係一個騷啫，或多或少都營造觀眾有得估嘅氣氛，坦白講如果我同佢調轉崗位，我都冇可能第一眼見到佢就話：『嘩，嗰個咪邊個邊個！』咁咪好冇癮。」克勤坦言沒有後悔，將會繼續參加節目。克勤並主動否認收750萬酬勞的傳聞，他說：「我要澄清冇攞過750萬，不是傳聞中嘅價錢，揼石都有人工，地盤都有人工，總之合理，幾多錢唔係主要，之前都有節目搵過我，都係講緣份。」對於有網民指他去內地搵銀，少了專注在香港，他說：「其實我基本都係喺香港，如果要晉身決賽，都會撞咗9月演唱會，不過到時先算，見步行步。」此外，專程由日本返港擔任嘉賓的陳美齡表示，兩個姐夫和姨甥都是在華仁讀書，當年自己未做歌手前，華仁都邀她去唱歌，問到那些年是否很受男學生歡迎？她說：「當時好多人話鍾意我，試過有男仔跟我返屋企，自己都好驚。」採訪：張俊銘攝影：陳慧安
來源:
http://hk.apple.nextmedia.com/entertainment/art/20150803/19241060
爭業權官司 曾認售丁權 陳克勤名單候選人 被踢爆涉套丁
1 :
GS(14)@2016-08-21 07:47:12■陳克勤昨與侯漢碩出席選舉論壇。
【立會選戰 新界東】【本報訊】民建聯新東陳克勤名單候選人侯漢碩早前遭踢爆曾套丁，有網媒公開多份文件，包括法庭證供、丁屋合作發展協議等，力證侯或涉套丁。侯昨否認套丁，而陳似有意置身事外，形容是侯「個人嘅事件」。大律師指侯在民事案中證供未必可作檢控證據，警方會否跟進視乎是否有人再舉報。記者：呂浩然
多名人士去年因套丁被法庭判詐騙罪成，本身是鄉事派的新東候選人侯志強，早前在選舉論壇踢爆侯漢碩同樣套丁。日前網媒《香港01》報道，侯漢碩2011年入稟與一名姓鍾村民爭奪坑頭村一村屋業權，雖然法庭去年判侯漢碩勝訴，但審訊期間侯承認出售丁權。有關案件判詞顯示，侯作供時稱2002年經介紹下認識發展商謝春生，手持地皮的謝正物色原居民出售丁權，兩人達成合作發展協議，侯會付35萬元買地，但費用實際由謝負責，事成後謝獲得四分三利潤，餘下由侯獲得。法官在判詞中亦形容侯漢碩是借出姓名予發展商牟利。《香港01》昨更披露疑是該丁屋的合作發展協議，當中列明由侯漢碩提供丁權，同時還有一份由侯簽署的遺囑，列明有關土地及物業利益，遺贈給謝春生太太謝子華。由於侯售丁權時，須向地政署宣誓無意將興建丁屋權利售予他人，並沒與任何人達成轉讓協議，有關文件顯示侯或涉套丁。侯漢碩昨現身造勢大會堅持「成件事係冇涉及套丁問題，而法庭係判決咗我勝訴」，又指問題已交律師處理，強調「如果有啲乜嘢係對本人抹黑或者惡意中傷都係會保留追究權利」，故他不便評論，亦未有確認有關遺囑和丁屋合作發展協議是否真確。
陳：係佢個人事件
陳克勤回應時稱今次屬個別事件，又形容是侯「個人嘅事件」，重申法庭已判侯勝訴，「如果有罪嘅話，其實已經交咗畀相關嘅執法部門處理」，又指已將事件交由律師處理，可能針對有人抹黑採取法律行動。大律師陸偉雄回覆本報查詢時指，侯漢碩在庭上的口供或解釋，都不是受警誡下的證供，不能作為檢控證據，至於是否不能再作跟進，陸表示要視乎有否人舉報、執法部門會否採取行動。該區其他參選名單，請參閱本報立會選戰網站
http://hk.apple.nextmedia.com/legco2016/region。
來源:
http://hk.apple.nextmedia.com/news/art/20160821/19744644