ZKIZ Archives


女神tea time:炒比卡超股?先捉網龍吧!

1 : GS(14)@2016-07-15 05:13:20

作為炒友,你唔知Pokémon GO點玩唔緊要,甚至乎你連比卡超係咩都唔知,都冇問題!不過,有三樣嘢你一定要知,第一,隻game令任天堂股價六個交易日內,勁升75%;第二,隻game係採用AR技術;第三,隻game受歡迎程度係癲嘅。講咁多,自然係想派福利!冇錯,是日隆重推介網龍(777),原因四個字講晒:AR網遊!網龍本來就你一隻game股,網遊加手遊產品;同時亦大力開發教育平台業務。話說集團一早已就VR同AR作出部署,去年底已開始研發VR教育產品,今年下半年就會街。不過,公司一早已睇清形勢,副董事長梁念堅上個月接受訪問時講過,「VR是現在,AR才是未來」嘩!睇完真係覺得佢哋係先知。近幾個月,更投資兩間AR公司,分別係來自加拿大嘅ARHT,同埋本地薑Cherrypicks Alpha。網龍通過整合兩公司嘅AR技術,將用作製作內容及軟件應用到遊戲、教學、娛樂及企業等範疇。今次Pokémon GO嘅成功,完完全全幫晒網龍示範,AR技術係如何應用。他日網龍要開發AR game,無論吸用戶定係吸廣告客,一定更加容易,亦幫網龍諗埋一個廣告摸式。去一個唔覺意寫咗個大受歡迎App,廣告唔使搵都自動埋身,搵錢途無可限量!另外,網龍走在潮流尖端,率先開發結合AR元素嘅教育平台。截至去年底,網龍贏得覆蓋內地14個省或直轄市內400所學校,5,000間教室的招標,當你見到Pokémon GO強國已有老翻,就知今次Pokémon GO亦正正變相幫網龍做埋廣告,話俾廣大潛在客戶聽,「我嘅AR軟件真係好玩又好用!」公司冇錯去年業績轉盈為虧,蝕1.43億元人民幣,今年首季虧損,更由上年同期的1,091萬元人民幣,擴至1.14億元人民幣。不過,網龍的遊戲業務首季收益2.84億元人民幣,增長26.6%。網龍管理層表示,今年是公司對VR及AR的投入期,相信2017年會有收成。網龍喺周二受任天堂刺激,炒高一支大陽燭升逾6%;當任天堂都可以6日升75%,網龍冇可能已經炒完囉。
Fifi
http://fb.com/lovefrystock本欄逢周五刊出





來源: http://hk.apple.nextmedia.com/financeestate/art/20160715/19695384
PermaLink: https://articles.zkiz.com/?id=303781

屋企驚見蛇食蛇專家:等幾個鐘先捉得

1 : GS(14)@2017-01-06 02:07:43

澳洲布里斯本(Brisbane)一幢住宅驚見蛇吃蛇的罕見情景!一條棕蛇(brown snake)成功吞下一整條地毯蟒蛇(carpet python),看得人毛骨悚然。從影片看到,棕蛇成功吞下蟒蛇的頭部,然後緩緩地逐小將蟒蛇吞入口中,牠吃了一截後稍作休息,再慢慢蠕動繼續將蟒蛇蛇身吞下。捉蛇專家希爾夫婦(Sally and Norman Hill)周一目睹這個奇景,他們坦言蛇吃蛇十分罕見,又在住宅內待了幾小時,等棕蛇將蟒蛇吃掉後,他們才將棕蛇放入袋中,「如果你干擾牠太多,牠們反胃,這就浪費了」。棕蛇會吃老鼠、青蛙和蜥蜴,牠們亦會吃同類,甚至其他棕蛇。希爾太太相信因為近年棕蛇數目增加,覓食競爭劇烈,以致出現此奇景。澳洲新聞網




來源: http://hk.apple.nextmedia.com/international/art/20170105/19887311
PermaLink: https://articles.zkiz.com/?id=321483

Next Page

ZKIZ Archives @ 2019