我Q你答問會：人人問阿Sa粗口勁定側手翻醒？
1 :
GS(14)@2015-04-19 23:52:50■阿Sa早前接受本報訪問，面對市民的尖銳問題時尷尬高叫：「太八卦喇！」攝影：林德雄
蔡卓妍（阿Sa）能否封影后還看今晚，大戰前本報請了16位市民向阿Sa發問，又有人問到阿Sa可否再做以往的側手翻絕技？而之前杜汶澤爆阿Sa講粗口流利過英文，究竟她怎樣還擊呢？還有粉絲問阿Sa的pizza面為甚麼失蹤了？最近迷上韓星的阿Sa，當被問到如果跌落水想被李敏鎬或T.O.P拯救？阿Sa竟然答：「我會揀死囉！」採訪：余燕儀、魏嘉琳
Q1.王先生：上次阿澤話你講粗口流利過講英文，係咪㗎？
阿Sa：阿澤講嘅嘢都好信嘅，我就唔信嘞第一個。
王先生
《雛妓》
梁先生
Q2.梁先生：入行15年，有乜最難忘畫面？
阿Sa：呢條一定係你哋叫佢問，真係？咁官方問題，呢個fans嚟，入行15年有乜最難忘實在太多，好難得一兩樣，基本上成個過程都好難忘，但又好快，好多嘢好似噚日發生咁。
Q3.陳小姐：你仲打唔打到側手翻？
阿Sa：梗係打到啦，寶刀未老，要唔要而家打個畀你睇。
陳小姐
資料圖片
文小姐
Q4.文小姐：《雛妓》男主角唔係任達華，你會想係邊個？
阿Sa：《雛妓》男主角唔係任達華，根本開唔到呢套戲，諗唔到喎，冇啦，一定係華哥。
陳先生
Q5.陳先生：英文名唔叫阿Sa，唔叫Charlene，會想叫乜名？
阿Sa：冇諗過喎，咁搞笑嘅，點解會問啲咁問題，答唔到嘅。
Q6.郭先生：你會唔會好似發哥咁，成日搭公共交通工具、的士呢？
阿Sa：我都有搭公共交通工具，不過唔係好多，好間唔中先搭到，第一因為好多時候唔喺香港，第二喺香港嘅時候好多時都喺屋企好少出街，同埋舊年考到車牌，所以會自己揸吓車咁囉。
郭先生
微博圖片
張先生
Q7.張先生：士多啤梨、啤梨、蘋果、橙，最鍾意食邊樣？
阿Sa：哈哈，呢個問題好無聊，我最鍾意食橙，每日都要食一個橙。
Q8.動主播嘉琳：阿Sa，你如果跌咗落水，你想T.O.P定李敏鎬救你？
阿Sa（雙手掩面）：諗唔到，嘩，呢個問題實在太難啦，首先呢，我係好叻游水，其實唔係好使佢哋救，如果真係要揀，我會揀死囉，畀我死咗去算啦，因為橫掂都係要死，一係早死一係遲死，我覺得就算佢救咗我上岸，都會畀佢啲fans打死，不如畀我死咗去算啦，哈哈！
動主播嘉琳
T.O.P
李敏鎬
文小姐
Q9.文小姐：你鍾意陳偉霆啲咩？
阿Sa：呢條太八卦啦，唔答，關你乜嘢事，哈哈哈。
鄭小姐
Q10.鄭小姐：會唔會喺鍾意嘅人面前放屁？
阿Sa：放屁好平常啫嘛，唔係喺鍾意嘅人面前先放得屁。
李小姐
Q11.李小姐：如果Twins要加個成員，你覺得邊個適合？
阿Sa：Twins好難加新成員，Twins係雙胞胎，如果加新成員要改名，我哋好難喎，呢個冇諗法。
譚先生
Q12.譚先生：如果可以幫阿嬌度身訂做一個角色，會係點樣嘅角色？
阿Sa：我覺得阿嬌除咗拍打片犀利，其實佢拍文藝片都好好睇，因為佢又靚啦，同埋佢個樣，有一種好安靜嘅靚嘅感覺，所以佢拍文藝片應該幾好睇，或者拍傳記啦，我都好想拍。
Q13.朱先生：Twins演唱會只可以請一個嘉賓，但唔可以係同公司嘅，你想請邊個？
阿Sa：淨係請一個，仲要唔同公司，嘩，好難諗㖭……吖，諗到，或者請S.H.E囉，因為大家都係組合，出道年份差唔多，去到今時今日大家仲喺呢個圈，我諗嗰個畫面會幾感動，如果兩隊組合喺台上唱歌，係囉，覺得好難得，又未試過一齊同台。
朱先生
S.H.E
Q14.姚小姐：喺香港游水會唔會着三點式？
阿Sa：香港游水一定着三點式啦，不過而家啲一件頭都幾靚，不過好少喺香港游水。
姚小姐
資料圖片
畢傑
Q15.畢傑：阿Sa點解唔見咗塊pizza面？我好鍾意包包面㗎。
阿Sa：哈哈哈（笑彎了腰），好好笑，我其實仲有㗎，塊面仲有好多肉，不過冇以前咁大塊，收咗水啩，我唔知呀，但係有啲角色仲係好肥腫難分，好難搞，算啦，我接受咗，天生塊面係圓嘅。以前係芝心加厚批，而家係薄批，哈哈哈，但係都係一塊pizza。
熊小姐
Q16.熊小姐（普通話）：阿Sa，你那麼瘦，想問一下你一餐最多吃幾碗飯？
阿Sa（半鹹淡普通話）：我以前小時候一餐吃三碗，然後現在可能一碗、兩碗吧！
來源:
http://hk.apple.nextmedia.com/entertainment/art/20150419/19117613