ZKIZ Archives


細說波浪 「信佢就奇」? 貓王炒股日記

http://ariesl0501.mysinablog.com/index.php?op=ViewArticle&articleId=2720039

上一次於這網誌為文的時候是11月8日, 剛好當時恒生指數近期的浪頂, 誰知翌日很多股已發生轉向的訊號, 我貓王當時說的五浪可能是抽象了點,不過我又謂當時已處於於五浪升勢,炒家或投資者應知如何處理。老實說,這一高速調整是我意料不到的,因為我已說過在個 人的測市系統中,環球股市可以炒到明年一月。而一個測市系統是由多個元素組成,一月這個約數我想我要不斷修正,現在,我想明年一月之前,大概一眾散戶投資 者尚對炒賣如痴如醉!以我的經驗,調整浪的初期,公眾仍然熱情的對待股市,當屢屢敗北之後,才退避三舍!再之前,我又闡述過每年11月國內北大人重大的經 濟會議後,正是國內大戶發動攻勢的時間,而今年卻見外資來勢來勢洶洶,則不敢太過看淡!

我們 要密切留意今次急速調整之後,再挑戰新高的能耐,若它攀升乏力,再來的調整可能更兇。再講,其實我們作為散戶的經紀有時很無奈,我貓王提議在第五浪的投資 股市的資金應該減少,可是見到客戶持貨金額則越來越多;然而,在很多炒家的眼中,第五浪正是賺快錢的良機,於是,有時參與市場的散戶在資訊錯配之下,聽取 左一言右一話,是極容易犯錯的!我想若言我們能充分了解大五浪及細5浪的特徵,則在波浪中滑行的驚險可以減半1!

我 貓王已越來越少與別人討論行情,以及入市策略,行情看準與否當然重要,執行是更重要的行為!踏入十月我對客戶勸導,當時(第五浪的性格)的選股就是要越強 越買,遇上行情逆轉時則要即刻處理,無奈當逆轉訊號發出以後,一眾散戶都只是目光呆滯在看,任由投資資產縮減。前幾天看見一眾客戶重傷,加上近期供股配股 頻頻,工作繁忙,心情極不愉快,反而客戶返過來安撫我,說股市上落是平常,同事說叫我翻唱許冠英的舊歌「信佢就奇」??

http://www.youtube.com/watch?v=dAXyd4bPlnQ

.......
信佢就奇
佢說你去炒股話卒之會起
無本搏大利梗標高過幾
咁口岩你風水尾......

說 到尾,散戶不可能憑藉別人的帶領賺錢,我貓王之所以處身股場,雖然抱著工作的熱誠,有時不免持著財經演員的腔調,一位善於在期權套利為同事謂,套利程式是 不對市場持有方向而執行的,是否順利執行很多時在乎執行者的心理本質,以今天的資訊發達,炒賣知識已再不是秘聞,反而人們的心態變得更脆弱!


PermaLink: https://articles.zkiz.com/?id=19633

財經CAREFREE - 順叔 信佢就托(上) (2011年11月21日)

1 : GS(14)@2011-11-21 22:56:57

http://www.am730.com.hk/article.php?article=82079

按: 我同作者傾過,他話畀轉載。

今期開電訊盈科(008)。
香港廣府話充滿活力,一句歌詞,一個社會事件,可以形成廣泛流傳的俗語用字,例如「唔使問阿桂」的「阿桂」,其實姓「李」,叫「李世桂」,係光緒年間廣州一位千總,大貪官,最後被整肅拘審時,轟動廣州亦大快人心,歌仔「問阿桂」唱通廣州港九新界。「唔使問阿桂」,意思就係話,某啲衰嘢,肯定係做慣衰嘢的人所做的;掉轉頭用又得,某人如果紀錄不良個底太花,做任何動作,雖然大家唔係咁明,「唔使問阿桂」,都係衰嘢。
「信佢就托」呢一句俗語,如果引用「社會事件」去推敲的話,出處好可能係幾十年前的銀行爆煲事件,純粹靠估的話,好可能出現在二十幾年前「海外信託銀行」,甚至再遠少少的「廣東信託銀行」爆煲之後。你「信」佢,佢「托」你啲錢走,呢個「托」字,廣東粗口亦有「托這個」及「托那兒」用法,所以「信你就托」使用起上嚟,「留白」之處,亦有谷住度氣同時加強語氣之妙用。
由幾十年前香港兩間「信託」銀行,到97年亞洲金融風暴後的「廣東國際信托投資」,投資者最痛苦的集體爆煲回憶,都深深烙上「信託」兩個大字(「託」定「托」,還請高人指點)。中國今日幾十間「信托公司」,亦是銀行體系以外最重的影子銀行,透過銷售理財產品向民間集資,大打金融擦邊球,所以「信佢就托」呢句俗語,可謂充滿街坊智慧。
作為「財經茄哩啡」,順叔每次聽到「信託」兩個字,就會頭痛,因為唔熟、唔識、唔明。電盈最新一個動作,將公司旗下最重要資產,以「商業信託」形式分拆,複雜到無倫,「單位」、「普通股」加「優先股」,可以收息又冇管理權,分拆後股權結構同埋違約風險分布,望到個圖就頭痛。
長和系老闆李嘉誠,又或者麾下某幾位財金高手,同香港金融監管機構近年多番交手,幾次都選擇將資產搬去新加坡,將港交所(388)或證監會一軍,例如隻置富產業信託(778),就係先幫襯新加坡,香港監管機構先嗱嗱聲搞房地產信託基金(REIT),和記黃埔(013)將碼頭「托」去新加坡,香港又嗱嗱聲俾商業信託掛牌上市,電盈分拆隻股份於是可以留在香港,否則架構更加複雜。面對複雜的問題,有兩種處理方法,一係咬緊牙關逐頁揭,一係乜都唔理,複雜問題簡單化,用最街坊常識,諗吓幾條大數拍埋一齊之後,合唔合理。
電盈今次分拆出嚟的信託單位HKTT(6823),由「香港電訊信託」及「香港電訊有限公司」聯合發行,其實即係電盈旗下電視業務以外的電訊資產,亦即係當年盈科數碼動力,蛇吞象式併購回來的香港電訊資產,包括固網及流動電訊業務。
當年呢嘢,市值超過2,000億元,今日條蛇,將隻象嘔番出嚟,以分拆胃口兼估值下限286億元計,11年時間,市值蒸發2,000億元,以一隻股票計,諗唔到香港金融市上面,仲有邊間公司,對股東財富破壞力更大,唔怪得電盈大小股東,包括早幾年先落搭都仲未返家鄉的中國聯通(762),當年以網通身份成為策略投資者,關係都搞得麻麻,大股東幾乎每一個動作,尤其是系內幾次私有化動作,都係因為擺脫唔到小股東的指責而失敗收場。
十年人事,電盈主席李澤楷,已經由一個三十出頭的年輕金融才俊,變成不惑之年的一名中年男子,「8號仔」亦已經變成為「老八」。李澤楷當年空手入白刃蛇吞香港電訊,斷估唔會滿足於呢個香港股民最慘痛集體回憶,就是自己一生人的事業高峰。
下回再續,睇睇電盈呢隻「老八」,同埋即將出世的「老八個仔」,又有乜景。 http://caijingcarefreee.blogspot.com
PermaLink: https://articles.zkiz.com/?id=276654

曾鈺成:個個都信佢哋被脅迫

1 : GS(14)@2016-07-09 06:37:03

【本報訊】坊間一直流傳銅鑼灣書店5人失蹤事件背後是國家主席習近平主使,林榮基昨向本報表示,此案由中央專案組負責,認定習近平事前「冇可能唔知」。他形容內地當局「搞到一鑊粥」,日前公安部部長郭聲琨面見官員的表現「冇晒章法」,「再追究我係面子問題,落唔到台,有少少惱羞成怒」。



當局現窘態 林:以往太放肆

對於港澳辦主任王光亞日前批評林榮基等人把禁書賣往內地是破壞一國兩制,林說:「公道自在人心,佢點講都得,我唔會駁佢。駁嚟做乜?」林又質疑,內地官員的窘態是因以往太放肆,如今「唔識收手」,「以前好順攤,李波落咗香港同佢辦事(複製訂書名單),返上去都冇事。可能佢以為好多人都會按佢意思辦事,唔知會揚出嚟」。立法會主席曾鈺成接受有線新聞訪問時也稱,王光亞言論並非中央對一國兩制「嚴謹」的表述,稱從無內地正式官方說法指因為有人干犯內地法律,所以內地人員來港執法是對的。他又直言無人會相信5人是自願拍片承認犯罪,「個個都信佢哋係被脅迫」,質疑有甚麼困難會令中央及特區政府都無法道出整個過程,「一日個令人信服嘅理由係冇完全見光,啲人心裏一定有疑慮,消除唔到」,但亦指不能因而判斷一國兩制已被破壞。■記者白琳





來源: http://hk.apple.nextmedia.com/news/art/20160708/19686555
PermaLink: https://articles.zkiz.com/?id=302937

Next Page

ZKIZ Archives @ 2019