📖 ZKIZ Archives

細說波浪 「信佢就奇」？ 貓王炒股日記

http://ariesl0501.mysinablog.com/index.php?op=ViewArticle&articleId=2720039

財經CAREFREE - 順叔 信佢就托(上) (2011年11月21日)

1 : GS(14)@2011-11-21 22:56:57

http://www.am730.com.hk/article.php?article=82079

按: 我同作者傾過，他話畀轉載。

今期開電訊盈科(008)。
香港廣府話充滿活力，一句歌詞，一個社會事件，可以形成廣泛流傳的俗語用字，例如「唔使問阿桂」的「阿桂」，其實姓「李」，叫「李世桂」，係光緒年間廣州一位千總，大貪官，最後被整肅拘審時，轟動廣州亦大快人心，歌仔「問阿桂」唱通廣州港九新界。「唔使問阿桂」，意思就係話，某啲衰嘢，肯定係做慣衰嘢的人所做的；掉轉頭用又得，某人如果紀錄不良個底太花，做任何動作，雖然大家唔係咁明，「唔使問阿桂」，都係衰嘢。
「信佢就托」呢一句俗語，如果引用「社會事件」去推敲的話，出處好可能係幾十年前的銀行爆煲事件，純粹靠估的話，好可能出現在二十幾年前「海外信託銀行」，甚至再遠少少的「廣東信託銀行」爆煲之後。你「信」佢，佢「托」你啲錢走，呢個「托」字，廣東粗口亦有「托這個」及「托那兒」用法，所以「信你就托」使用起上嚟，「留白」之處，亦有谷住度氣同時加強語氣之妙用。
由幾十年前香港兩間「信託」銀行，到97年亞洲金融風暴後的「廣東國際信托投資」，投資者最痛苦的集體爆煲回憶，都深深烙上「信託」兩個大字(「託」定「托」，還請高人指點)。中國今日幾十間「信托公司」，亦是銀行體系以外最重的影子銀行，透過銷售理財產品向民間集資，大打金融擦邊球，所以「信佢就托」呢句俗語，可謂充滿街坊智慧。
作為「財經茄哩啡」，順叔每次聽到「信託」兩個字，就會頭痛，因為唔熟、唔識、唔明。電盈最新一個動作，將公司旗下最重要資產，以「商業信託」形式分拆，複雜到無倫，「單位」、「普通股」加「優先股」，可以收息又冇管理權，分拆後股權結構同埋違約風險分布，望到個圖就頭痛。
長和系老闆李嘉誠，又或者麾下某幾位財金高手，同香港金融監管機構近年多番交手，幾次都選擇將資產搬去新加坡，將港交所(388)或證監會一軍，例如隻置富產業信託(778)，就係先幫襯新加坡，香港監管機構先嗱嗱聲搞房地產信託基金(REIT)，和記黃埔(013)將碼頭「托」去新加坡，香港又嗱嗱聲俾商業信託掛牌上市，電盈分拆隻股份於是可以留在香港，否則架構更加複雜。面對複雜的問題，有兩種處理方法，一係咬緊牙關逐頁揭，一係乜都唔理，複雜問題簡單化，用最街坊常識，諗吓幾條大數拍埋一齊之後，合唔合理。
電盈今次分拆出嚟的信託單位HKTT(6823)，由「香港電訊信託」及「香港電訊有限公司」聯合發行，其實即係電盈旗下電視業務以外的電訊資產，亦即係當年盈科數碼動力，蛇吞象式併購回來的香港電訊資產，包括固網及流動電訊業務。
當年呢嘢，市值超過2,000億元，今日條蛇，將隻象嘔番出嚟，以分拆胃口兼估值下限286億元計，11年時間，市值蒸發2,000億元，以一隻股票計，諗唔到香港金融市上面，仲有邊間公司，對股東財富破壞力更大，唔怪得電盈大小股東，包括早幾年先落搭都仲未返家鄉的中國聯通(762)，當年以網通身份成為策略投資者，關係都搞得麻麻，大股東幾乎每一個動作，尤其是系內幾次私有化動作，都係因為擺脫唔到小股東的指責而失敗收場。
十年人事，電盈主席李澤楷，已經由一個三十出頭的年輕金融才俊，變成不惑之年的一名中年男子，「8號仔」亦已經變成為「老八」。李澤楷當年空手入白刃蛇吞香港電訊，斷估唔會滿足於呢個香港股民最慘痛集體回憶，就是自己一生人的事業高峰。
下回再續，睇睇電盈呢隻「老八」，同埋即將出世的「老八個仔」，又有乜景。 http://caijingcarefreee.blogspot.com

---

【吾通吾識】1隻蛋煎出2隻荷包蛋雪凍佢就得好簡單

1 : GS(14)@2016-09-07 21:46:03

想煎荷包蛋做早餐，但巧婦難為無米炊，得一隻雞蛋，不夠兩人食用，怎麼辦？日本YouTuber Seikin拍攝新短片，教你如何用一隻雞蛋煎出兩隻荷包蛋。只要將雞蛋先放到冷凍庫中結成整顆雞蛋冰，接着放到水中沿膨脹裂開的隙縫慢慢將蛋殼剝開，再用刀子從中將雞蛋縱切一分為二。如此一來，只要在加油預熱平底鑊後，將蛋黃那一面放在下面，讓兩邊的雞蛋慢慢受熱融化，就能用一顆雞蛋一次製作出兩份美味的荷包蛋了。Seikin表示，雖然擔心雞蛋冷凍後味道會變，但其實完全沒有改變。比較小的荷包蛋正好是一口的大小，相當好入口。看過這段影片的台灣網友直指，「有一種吃飽太閒的概念」；也有網友說：「又被餐飲業學一招了」、「以後早餐店都這樣煎蛋~我們的蛋就縮水了；亦有網友覺得這個方法十分實用，「這招把妹很厲害」。台灣《蘋果日報》




來源: http://hk.apple.nextmedia.com/international/art/20160907/19763240

---