ZKIZ Archives


憶為亡兒天藍攞出世紙張崇德忍痛:證明佢嘅出現

1 : GS(14)@2016-07-09 06:47:32

■張崇德望着天空想起天藍,提到亡兒他不禁又眼紅紅。攝影:沈健程


這天,張崇德在荃灣教室唱着陳奕迅的《單車》,「難離難捨想抱緊些,茫茫人生好像荒野,如孩兒能伏於爸爸的肩膊,誰要下車……」對張崇德來說,長子天藍能伏在自己肩膊的溫馨情景,根本是遙不可及的事情。



■天藍出生後,張崇德與劉美娟一家三口曾合照,也是張崇德唯一一次抱過兒子。

■張崇德促請醫委會盡快落實改革。資料圖片



個人身份撐改革

11年前,張崇德與劉美娟長子天藍出生後26小時便因器官衰竭離開,為尋求真相,夫婦傾家蕩產向醫務委員會投訴,結果花了足足9年,涉事醫生終被裁定專業失德,被判停牌兩年,天藍沉冤得雪。近日,立法會審議改革醫委會的《2016年醫生註冊(修訂)條例草案》,張崇德以受害人身份到立法會請願,要求盡快落實改革,一切全是為了天藍。張崇德日前受訪時說:「我係以我個人身份出嚟講,市民嘅感覺係出現『醫醫相衞』呢四個字,希望可以改善一啲制度,令到更多嘅屋企人唔需要經歷咁長嘅傷痛。」


■張崇德以歌聲唱出對天藍的思念。

抱過囝囝僅一次

當晚天藍離開的情景,張崇德仍歷歷在目,他仍難掩傷痛:「直頭好似一部電影嘅情節,就係最凍嘅晚上,最痛嘅感覺。」張崇德僅抱過天藍一次,最慘痛經歷,不僅是接獲兒子死訊,還有為死去的兒子取出世紙,他說:「我要證明同記錄低佢嘅出現,攞出世紙其實係一個好痛嘅一樣嘢,如果唔攞,原來唔可能幫佢攞到個墓地,唔可能將佢嘅骨灰擺放喺一個地方。當我為個仔去攞出世紙,身邊好多人都係抱住個BB去排隊,喺等候嘅過程係好慘、好辛苦!我仲記得去到櫃面時,櫃面嘅人同我講『張生恭喜你呀!』嗰吓我真係冇辦法去反應。」天藍雖然已經離開11年,但張崇德一世不會忘記:「佢令到我喺我人生裏面多咗份經歷,呢一個經歷可能係傷痛,但亦都令我對我嘅人生好多睇法都唔同咗。」採訪:戴彩煥場地提供:MMP音樂人教室





來源: http://hk.apple.nextmedia.com/entertainment/art/20160708/19685771
PermaLink: https://articles.zkiz.com/?id=303018

【馮仁昭四圍超】「佢嘅家庭唔鍾意我」李泳漢戰立會 怨鼎爺潛水

1 : GS(14)@2016-08-19 06:55:46

■李泳漢話媽咪施明都好撐佢選立法會,但老竇李家鼎就冇理佢。互聯網圖片





李家鼎同前妻施明生嘅一對孖仔,現年38歲的大孖李泳漢做過童星,曾聲稱同鍾欣潼(阿嬌)係宿世夫妻,不過佢今年初奉子成婚娶嘅係圈外女友嚴佩鈺,6月仲生埋囝囝。升呢做老竇嘅李泳漢最近以獨立人士身份,夥前泛民人士符偉樂出戰立法會九龍西選區,向「元秋」蔣麗芸、梁美芬、狄志遠、黃碧雲、毛孟靜、譚國僑、黃毓民、吳文遠、劉小麗、朱韶洪、何志光、林依麗、關新偉、游蕙禎挑機。



■李泳漢今年初奉子同圈外女友嚴佩鈺結婚,6月已升呢做埋老竇。互聯網圖片

李家鼎,資料圖片


經費有限呻好窮

李泳漢噚日話媽咪施明都好撐佢,但阿爸鼎爺就潛咗水:「佢(鼎爺)一直都冇打過嚟,佢有第二個家庭,佢嘅家庭唔係好鍾意我,我都唔鍾意佢嘅家庭,佢由細到大都唔係點理我,所以冇乜感覺。」李泳漢嘅政綱係反對特首梁振英連任,要求撤回人大831同反對港獨。有周刊報道身形發脹嘅李泳漢落區派傳單,但街坊反應唔大,佢都繼續打親民牌,佢噚日話:「街坊對我好好,特別係深水埗區,如果將來我當選,搵人派飯畀露宿者。」李泳漢今次冇政黨支持,經費當然有問題:「5萬蚊報名費仲可以畀,但選舉團好靠義工幫手,相信我喺15張候選名單裏面最窮嗰個。」撰文:馮仁昭




來源: http://hk.apple.nextmedia.com/entertainment/art/20160819/19741729
PermaLink: https://articles.zkiz.com/?id=306508

千嬅:睇唔少佢嘅戲

1 : GS(14)@2016-10-16 08:20:01

男神班尼狄甘巴貝治玩「人人問」,見楊千嬅問問題時竟表示認得她,昨日問千嬅是否認識班尼狄?她在電話中說:「佢嘅戲當然睇過唔少,我當然識佢,但私下同佢唔認識!佢話認得我可能係客氣話,畀我好落台,又或者喺香港街頭見過我啲廣告相啩!」陸永昨在尖沙嘴出席護膚品活動,對於大前日嘟姐為班尼狄執咪時「輕掃」對方下身而揚名國際,陸永稱相信嘟姐純粹執咪:「而家威水到做International DoDo,有得抽水仲可進軍荷李活。」問可有見過嘟姐幫人執咪?他說:「初入行同佢主持節目,拎住咪企隔籬,佢以為我係FM遞咪畀佢直情拎咗去。」採訪:鍾國仁、王連連


■嘟姐大前日幫班尼狄執咪時,「輕掃」了對方下身。資料圖片

■陸永笑嘟姐做International DoDo。攝影:王連連



來源: http://hk.apple.nextmedia.com/entertainment/art/20161016/19802271
PermaLink: https://articles.zkiz.com/?id=312260

Eason搞鬼扮錫錫軒仔「自首」:係我迫佢嘅

1 : GS(14)@2017-01-05 08:01:09

前晚叱咤頒獎禮,Eason(陳奕迅)的《四季》摘叱咤樂壇至尊歌曲大獎,佢出場領獎時,全場驚喜興奮尖叫。喺慶功宴上,Eason仲變成「郵王」,瘋狂被集郵。軒仔(張敬軒)就喺Instagram貼咗一張Eason扮錫錫佢嘅相:「真係唔恨得咁多!」打hashtag「神之吻」、「係我迫佢嘅」,二人表情相當搞鬼。




來源: http://hk.apple.nextmedia.com/entertainment/art/20170103/19885103
PermaLink: https://articles.zkiz.com/?id=321248

祼女當眾喺水池沖涼網民:影佢嘅都幾無恥

1 : GS(14)@2017-03-04 10:18:12

江西景德鎮的微信朋友圈,周一熱傳一段影片,一名女子在寒冬下全身赤裸,旁若無人地在該市珠山大橋附近的屋苑門口的水池內洗澡。周圍有居民上前勸阻,但該女子卻不瞅不睬。網民紛紛留言表示:「拍照的人挺無恥的」、「精神有問題,沒殺人放火就行了」。目擊的居民丁女士稱,她當日下午5時許,看見該女子沒穿衣服,跳進水池裏,「天氣挺涼的,我們看着她都覺得冷」。之後,附近的居民都該女子挺「眼熟」,平時她經常在附近公園裏散步,也會到丁女士的攤位買甘蔗汁。另有居民表示,該女子衣服穿得挺整潔的,長頭髮上有髮夾,經常在附近走來走去,有時會對着民宅指指點點並自言自語,這樣的情況已持續了幾年了。陳姓保安說:「我聽說她不是第一次在這樣的公共場合洗澡了,有人會勸阻她,但她不理人。小孩子跑去『看熱鬧』,我們都覺得不忍,讓孩子別去。」目前,警方已調查事件,指該女子精神存在異常,事件有待進一步調查。微信/E都市




來源: http://hk.apple.nextmedia.com/international/art/20170304/19947435
PermaLink: https://articles.zkiz.com/?id=327726

Next Page

ZKIZ Archives @ 2019