| ||||||
本刊上月披露威普諮詢前亞洲區總監伍珮瑩「被辭職」，這位免費電視發牌顧問接受記者專訪，首度開腔交代事件，透露公司前後共收到兩封批評她的投訴信，促使她被解僱，公司更扣起其薪酬花紅等一千萬元。伍珮瑩說：「有人有部署有策略去做，令我的lost、suffer（損失、傷痛）好大。」她正進行其反擊大計，本刊直擊她跟其中一位打小報告的男子對質，揭發該男子訛稱與威普有生意關係，投訴伍的動機令人懷疑。威普近年接下中國大陸多宗大生意，客戶包括中移動、阿里巴巴等，為免自斷財路，大膽敢言的老臣子，也要被滅聲了。 伍珮瑩去年十一月狠批政府刻意曲解電視發牌顧問報告，嘗試替踢走香港電視狡辯，行政長官梁振英六日後公開表示：「就有關顧問公司這位人士，她出來的講話，政府是會認真跟進及處理。」翌日，便有人配合政府「跟進」事件，一位署名Kenneth Hung的人士透過網絡平台LinkedIn發信到威普行政總裁Giorgio Rossi Cairo的電郵信箱，Kenneth自稱曾介紹生意給威普，「我曾經介紹客人到威普。伍珮瑩公然反擊政府關於政府的顧問報告，並刊登在報章頭版，有一位客人問我，如果他不同意顧問公司的報告，會否遭受顧問批評？顧問公司代表很少接受傳媒訪問，講述她對客戶的意見，這是否單一事件，還是不尋常？」總公司同事向伍珮瑩查詢如何處理該電郵，她回覆稱：「我感到受恐嚇。」伍珮瑩向本刊大惑不解地說：「我不認識Kenneth Hung，也從沒有接過他轉介的生意。」記者追查發現，Kenneth Hung原名洪國權，他自稱是一間顧問公司HKK Executive Search的董事。本週一，記者隨伍珮瑩到洪的辦公室。HKK Executive Search設在中環名醫林立的中建大廈，不過，公司連水牌也沒有，僅租用九樓其中一個工作室。詢問處稱洪先生不在辦公室，伍珮瑩便致電洪的手機。 篤背脊者講大話 伍：伍珮瑩洪：洪國權伍：我知你send email去我之前嘅公司，佢哋亦將你嘅email俾咗我，咁我想知你嗰時點解send 個咁嘅email去我公司。洪：其實我唔知道你搵我咩原因，我都冇話我識你，不過send個email 去問，如果有啲客問我refer consultant時候，我應該from咩角度去睇，應唔應該refer 咩consultant。伍：我好肯定你冇refer過任何business去我公司。洪：冇冇冇，我冇refer過。我係話如果我有啲客要refer的話，咁我要base on咩regulation去refer。伍：但係你email話你refer過啲客去我公司。洪：冇冇冇，我冇咁講過。伍：我想知道有冇其他人叫你咁做？洪：冇。你send email俾我，我而家唔喺香港。歷時三分鐘的對話，伍珮瑩聲線逐步提高，收線後仍充滿火藥味，「我肯定（洪國權）有部署，佢撻朵話識邊個，話佢有介紹生意俾我哋，令啲人覺得需要睇佢嘅投訴。」她續說：「點解要查詢我公司呢？如果我同佢從來冇關係。」LinkedIn顯示，洪之前在著名的獵頭公司Futurestep, Korn/Ferry任職。去年七月離開後，成立KH & PARTNERS LIMITED，只有他一位董事。八月在HKK（跟洪英文姓名的簡寫一樣）工作，專長在亞洲的科技、媒體獵頭。 連環投訴有部署 洪國權打小報告後，威普沒有向伍珮瑩追究下去。直至十二月十一日出現第二封投訴信。發信者署名Alex T Pugh，自稱MBA（工商管理）、任職顧問，他寫信到意大利總公司，副本郵寄給巴西、中國、新加坡、英國、阿根廷等分公司十六位管理人員；另寄給香港《南華早報》，似乎刻意讓事件公告天下。信件題為「Issue Jeopardizing（危害） Your Consulting Businesses」，批評伍珮瑩違反諮詢界的守則，又漠視政府循序漸進發牌的原則，並附上《壹週刊》十一月二十日伍珮瑩一篇專訪報導，部分惹火內容翻譯成英文，刻意讓外籍管理層看到。據悉，威普財務總監Cosimo Santoro對投訴信反應激烈，發電郵給伍，以嚴厲措詞稱公司形象及聲譽受影響。 非普通市民投訴 由被威普解僱至今一個月，伍珮瑩仍然未明發出兩封投訴信的背後人物和動機。她向本刊分析箇中重重疑點。「第一次有人發電郵俾我公司；第二次行動升級，寫咗封信，用郵寄方式寄俾全世界十幾個合夥人，裡面有中文報導，有highlight，有翻譯，佢哋用啲字眼，係挑釁的手法。絕對唔係普通人表達意見。」「第一封講對你生意有影響；第二封直情話我唔尊重CEO，呢啲係好挑釁性嘅意見。第二個話自己係MBA學生，consultant。如果一個consultant見到另一個consultant做咗啲咁蠢嘅嘢，佢點會咁關心一個競爭對手嘅高層做咗啲蠢事呢。」記者問：「幾大程度相信同政府有關？」伍說：「由佢哋部署方式，到話自己係咩人，我唔覺得係普通市民做，我亦都唔信係政府公務員做，因為我同佢哋合作咗咁耐，我唔覺得佢哋做呢啲嘢，咁中間有咩人要做呢啲嘢打擊我，我都唔知。」 追討薪酬一千萬 接連兩封投訴信，行政總裁一直拒絕接聽伍的電話，令伍無法跟他商討工作，伍遂提出辭職，公司接納。原本以為好來好去，豈料一月二十七日，行政總裁與一大群總公司管理層來港。本刊獲得的獨家照片顯示，當日下午，多名管理層神色凝重地開會，唯獨不邀請亞洲區「一姐」伍珮瑩。當日傍晚六時，行政總裁要求她即時離開公司，不得折返。翌日公司更裝大方，發內部通告公佈伍辭職，感謝她過去的貢獻。明明已經辭職的伍珮瑩，二月四日收到公司發出的解僱信，指她違反僱員守則，包括接受傳媒訪問，影響公司聲譽。公司一聲解僱，即時閂水喉，她的薪金、花紅等共五百萬元；連同五百萬元公司認股證，合共逾一千萬元全遭扣起，她要花錢請律師追究公司無理解僱及追討欠款。九年賓主關係一拍即散，她驚訝地發現解僱信的內容，部分來自她私人電郵戶口的資料，經追查後，其私人電郵戶口曾被意大利IP非法登入，該IP屬於意大利總公司，伍認為私隱被嚴重侵犯，立即報警。 記：記者伍：伍珮瑩伍珮瑩接受本刊訪問，總結過去四個月的風波。她說，從來沒有後悔當初站出來批評政府曲解顧問報告。記：即使有人投訴你，其實你喺公司都做咗咁耐，點解要炒你？伍：我錯誤理解公司，我公開發表批評，出發點係認為對我公司有利，澄清立場。記：你有冇後悔過發表呢番言論？冇，睇番過去發生的事，我覺得我應該早啲出嚟。無錯我令政府尷尬，但我唔希望當時的香港人，糾纏一份我知道根本唔重要嘅報告，我有幾個身份，一個係香港人，一個係公司亞洲管理層的身份，咁我覺得我當時出來，幫我公司澄清公司的聲譽，我唔想俾人覺得，我係配合政府做嘢嘅顧問。記：呢件事你有咩損失？伍：過去一個月我好唔開心，喊咗好多次，瞓唔到覺，半夜兩點起身，六點都瞓唔番，典型抑鬱症狀。感受好似發現老公有外遇仲生埋仔，好似唔識你咁，背叛嘅感覺好強。去年十月中，公司仲加我一成人工，其他同事都冇，咁表明對我嘅重視。我亦幫公司簽咗啲大project返嚟。兩個月前當我係最重要資產，突然話你而家執嘢走，冇同事聽我電話，你唔再相信自己嘅判斷，唔係因為錢，情感嘅傷害最難接受。記：點解你近期出席咁多遊行集會活動？伍：如果我出嚟講一啲嘢，可以鼓動其他人，或者我希望我做嘢可以幫到人，可以do good to the society，咁我會願意做。記：聽聞有政黨有興趣邀請你加入，你會唔會從政？伍：我唔知道，之前我冇留意政黨啲嘢，我唔清楚佢哋立場，而家最多人關心二○一七選特首辦法，程序係點，用咩方法、立場，我有咩作用呢？我要研究清楚唔同嘅人爭取啲咩。如果我有機會幫任何一個政黨，而佢哋理念同我一致，我係絕對願意幫。 威普頻接大陸客 伍珮瑩○五年加入Spectrum Hong Kong，○七年威普收購Spectrum，她成為亞洲區一姐，將威普的版圖由歐洲擴展到亞洲。據悉，威普近年積極向大陸搵水，除了開設北京分公司外，去年簽下三大客戶中移動、國美電器及阿里巴巴。大陸的收入已佔亞洲區逾五成，也令亞洲區生意位列威普三大龍頭之一。威普向北望，是否容得下一個公開批評政府的烈女？最近中國社會科學院發表《法治藍皮書》，特別提到香港免費電視牌照事件，法律上特區政府沒有義務向當事人和公眾交代其決定的理據，但若要令有關人士對政府的決定有信心，政府需要解釋清楚。報告強調，保密原則只針對行政會議的具體內容，不阻礙政府作出解釋。報告書的定調，為公眾吐了一口烏氣，也為伍珮瑩帶來一晚安睡，「我睇到嗰篇藍皮書報導後，嗰晚冇失眠了。」 | ||||||