ZKIZ Archives


中環在線:羅仲謙做「胸」軍冧女賓架 李華華


2011-6-13  AD




 

呢兩個禮拜,新 股傾巢而出,要突圍吸引投資者,少啲心機都唔得。內地最大泳衣兼室內運動服製造商浩沙國際(2200),噚日喺四季酒店搞投資者推介會,華華八到,公司原 本諗住搵「筍盤」陳豪撐場,可惜陳豪度唔到檔期,最後公司搵咗以「胸大」聞名嘅羅仲謙(小圖),實行「胸」軍壓境,冧盡全場女賓架、女基金經理。

羅仲謙非常有專業精神,即場着住浩沙品牌超緊身運動衫,凸顯胸肌,仲chok住俾在場女士任蹺手、任影相。華華目睹有女賓架抵擋唔住佢嘅魅力,走去排隊同佢合影o忝!

 


PermaLink: https://articles.zkiz.com/?id=25743

古堡婚禮「希望似公主出嫁」羅仲謙高呼太太 楊怡冧晒

1 : GS(14)@2016-03-28 14:16:09

■羅仲謙和楊怡昨日一出機場已笑着接受在場的傳媒祝福,楊怡戴在左手的巨鑽婚戒非常搶眼。


新婚的羅仲謙和楊怡昨日終於由英國飛回香港,約下午3時半,心情大靚在機場笑住手拖手接受傳媒祝福,但現場混亂,擾攘5分鐘才能做訪問。榮升羅太的楊怡左手無名指戴上巨鑽婚戒,估計主石約3卡,四邊鑲滿鑽石,sweet爆的她說:「呢啲嘢幾多卡唔緊要。」兩人不肯透露求婚過程,只說是在今年,楊怡感動到喊。問楊怡事前知不知?謙謙搶答:「知道我咪好失敗?」突然結婚是否奉子成婚?楊怡大反應謂:「唔係啩?咁快,我條腰今日好似22吋。」



■昨日機場有近百傳媒採訪,一度引起混亂。

■(左起)楊卓娜與老公和謙謙的爸爸隨後出閘。

■楊怡昨日在微博貼相放閃。



在港補擺酒

問是否已簽紙註冊,他們說:「當去旅行,一行十幾人左右,希望雙方家長見面,有甜蜜、美好回憶。」兩人透露會在香港補擺喜酒,但未必會返圍村。問到當日愛的宣言?謙謙笑言:「講英文㗎喎,唔好啦,而家講會甩甩漏漏。」謙謙解釋為何到英國利茲普城堡結婚:「因為我鍾意英國嘅古典氣氛,同埋我希望太太好似公主咁出嫁。」楊怡冧爆甜笑說:「多謝。」問到婚禮費用?謙謙說:「唔重要啦,最重要係令太太開心就OK。」楊怡直言仍未習慣被叫羅太,問她與無綫續約成數時,她搞gag謂:「今年擺酒成數一定高。」是否趕生B?她說:「都唔係咁急啫,順其自然。」謙謙補充:「我太太都唔急我急乜嘢?」謙謙之後要出外開工,可擔心新婚就分開?楊怡說:「幾好吖,我唔使偷偷摸摸。」二人承認已同住,臨離開謙謙應記者要求錫了楊怡額頭兩次,之後一齊返將軍澳寓所。


■有讀者透過本報「爆相爆片」,影到羅氏夫婦前晚現身英國希斯路機場。讀者提供圖片


返家後,楊怡立刻更新微博再放閃,貼二人手牽手的婚紗照並寫:「將踏入人生另一階段,謝謝你從此牽着我走……」胡定欣、胡杏兒等留言祝賀。之後羅仲謙回覆:「羅楊怡,謝謝你的愛。」另外,讀者Man昨透過本報「爆相爆片」,提供一張羅氏夫婦等前晚6時許在英國希斯路機場的相片,Man透露他們乘坐的並非經濟客位。採訪、攝影:黃曉妍、畢紹基、馮嘉銘、葉君海、黃曉程、吳耀輝、徐錦池





來源: http://hk.apple.nextmedia.com/entertainment/art/20160328/19546958
PermaLink: https://articles.zkiz.com/?id=298640

羅仲謙楊怡齊穿adidas NMD 拖手現身機場

1 : GS(14)@2016-03-28 14:16:13

新婚的羅仲謙同楊怡,昨日終於由英國飛回香港,兩日拖手現身機場,謙謙更不時主動搭住楊怡肩膊,非常sweet!雖然兩人冇刻意配襯造型,不過就同樣穿上近期大hit的adidas NMD波鞋,非常緊貼潮流。謙謙着上黃色NMD波鞋,配襯黑白色Appe by Bathing Ape外套,再加一個黑色大backpack,一身潮童造型;楊怡就以黑皮褸及闊腳牛仔褲,襯灰色NMD波鞋,揹了一個拼色Celine Trapeze手袋,架上黑超,大晒手上份量大足的鑽戒,好閃!更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160328/19547417
PermaLink: https://articles.zkiz.com/?id=298649

羅仲謙被揭天燈求婚

1 : GS(14)@2016-03-30 14:42:09

■羅仲謙和楊怡大前日甜蜜返港,但死口不提求婚細節。資料圖片


現年36歲的楊怡,上星期嫁給31歲羅仲謙成為人妻,大前日他們手拖手甜蜜返港,惟兩人皆不肯透露求婚詳情,只說是在今年發生。不過,昨日有周刊爆料,指謙謙其實於去年8月楊怡生日當天求婚,兩人當時在台灣旅行,謙謙在天燈上寫上求婚字句及愛的宣言,最後再拿出求婚戒指向楊怡求婚,獲楊怡一口答應。事實上,楊怡與謙謙拍拖以來一直被指女尊男卑,報道更指出道多年已手揸三個共值約二千萬物業的楊怡,今次出嫁沒有收男家禮金,謙謙只需負責去英國影婚紗相的行程費用便可以。撰文:李察





來源: http://hk.apple.nextmedia.com/entertainment/art/20160330/19549308
PermaLink: https://articles.zkiz.com/?id=298756

楊怡今嫁羅仲謙「心跳有點加速」

1 : GS(14)@2016-10-02 13:35:28

■楊怡昨午到達酒店做預備,表示根據習俗婚前一日不可見新郎羅仲謙。



現年37歲的楊怡今日升呢做人妻,嫁給細自己5年的羅仲謙,早上於尖沙嘴麗思卡爾頓酒店接新娘,晚上則筵開50圍大宴親朋。昨日下午約2時,準新娘楊怡於謙謙的助手陪同下,坐七人車入住酒店做準備,戴黑超的她心情又靚又風騷。



■楊怡昨日在微博貼出和羅仲謙的婚紗相晒恩愛,為婚禮做倒數。

■心情靚爆的楊怡邊行邊講電話,跟傳媒揮手後入升降機。

■有男子拿着疑似裝有楊怡訂做婚紗的大袋到酒店。


心情靚爆揮手

酒店職員幫忙搬行李上房,楊怡忙於在旁親自打點,她說:「嗰啲係婚禮要用嘅嘢,有啲係今晚上頭要用,媽咪晏啲會過嚟幫我上頭。」問到準老公謙謙呢?她坦言:「佢今日唔會嚟啦,因為結婚前一晚唔見得嘛。」說罷她即坐七人車離去,約一小時後又折返,邊行邊講電話,等升降機上房時還跟傳媒揮手:「辛苦晒大家啦,聽日先講啦。」楊怡昨日貼婚紗相上網晒恩愛,並留言:「心跳有點兒加速了,是因為靠近了嗎……倒數了……」她和謙謙今年3月在英國肯特郡利茲普城堡(Leeds Castle)舉行童話婚禮,而今晚婚宴以古堡風做主題,據知馬國明、吳卓羲、王浩信、單立文等做兄弟,姊妹團就有唐詩詠、馬賽、康華等。



■楊卓娜為妹妹楊怡婚禮親手整手工藝品,昨晚更到酒店陪妹妹。

楊卓娜整賀禮

楊怡胞姊楊卓娜昨日跟親友到酒店,並展示為婚禮做的古堡及小手工,她說:「自己約一個月前準備,送畀佢哋婚宴上用。」問到楊怡的心情?她表示:「佢好開心好緊張,自己都為佢哋婚禮忙到天光5點幾,姊妹團今晚都會嚟,我哋開會度接新娘遊戲,唔會好辣,咁多個靚仔喺度,我哋會錫住佢。」之前楊怡經理人陪大妗姐到達,為楊怡上頭做準備,其間有男子拿着一個大袋入酒店,疑似是楊怡訂做的婚紗。採訪:黃曉妍攝影:陳慧安




來源: http://hk.apple.nextmedia.com/entertainment/art/20161002/19788093
PermaLink: https://articles.zkiz.com/?id=310971

藝人多贊助 羅仲謙結婚ig晒各種Sponsor

1 : GS(14)@2016-10-29 13:20:32

藝人除咗用社交網站講下感受,唔覺意派下笑料,仲會貼多謝贊助同廣告嘅post做宣傳。楊怡同羅仲謙今年結婚,加上兩個人嘅知名度,各式各樣嘅產品都有送sponsor俾佢哋,就咁睇羅仲謙ig,除咗放閃之外,差唔多張張相都係贊助嘅產品,有衫、食物、護膚品,應該都幫佢哋個婚禮慳到唔少。周柏豪大隻又型仔,而且着衫又有潮味,加上佢又係打籃球嘅,所以好多品牌都有sponsor佢。掃一掃佢ig,久不久就見到佢多謝運動鞋品牌嘅post。古天樂比較活躍用微博,不過都有開facebook page,微博上古仔就鍾意講下自己感受,寫嘅字數都比較多。不過喺facebook page方面,就鍾意講下代言嘅產品,同埋拍咗咩廣告。
Sammi鄭秀文早前喺9月先開完演唱會,近排又多廣告,所以喺佢ig除咗做運動,綵排演唱會嘅相之外,好多都係廣告同埋sponsor嘅相。




來源: http://hk.apple.nextmedia.com/entertainment/art/20161029/19816017
PermaLink: https://articles.zkiz.com/?id=313998

羅仲謙服侍楊怡

1 : GS(14)@2017-05-19 05:43:45

■楊怡(左)與謙謙(右)日前約了張學潤等人在西灣河食飯。



去年10月舉行婚宴的楊怡跟羅仲謙,婚後曾表示不設防積極造人,不過兩人工作繁忙聚少離多。日前晚上10時許,兩人合體在西灣河鯉景灣拍拖,到了一間名為「THE SALTED PIG」餐廳,同場還有張學潤跟另一名友人。楊怡作為藝人警覺性特別高,不久她就發現門外有記者,還笑笑口指一指。但始終素顏關係,所以對鏡頭都有點避忌,她一時用手托頭遮住面,一時又找友人遮擋,反而謙謙很大方任影。他們一行人逗留約11時左右便離開,謙謙更體貼地為太太拉凳,更幫老婆開車門,服侍周到。採訪、攝影:梁繼光、羅德光




來源: http://hk.apple.nextmedia.com/entertainment/art/20170519/20025861
PermaLink: https://articles.zkiz.com/?id=333653

袁偉豪變身07年港男羅仲謙做埋人夫娶楊怡

1 : GS(14)@2017-05-27 00:06:51

余文樂當年做模特兒入行,不過講到真正為人所認識,就係為港台拍青春劇《Y2K》系列做男主角,《Y2K》系列陪住唔少八九十後長大,仲造就咗唔少男星。《Y2K前的暑假》1999年播出嘅第一輯《Y2K》系列作品,其中仲周子駒同方力申參演,而方力申拍完冇耐仲正式簽咗畀當時嘅金牌經理人旗下,仲歌手、演員雙線發展。至於周子駒曾經喺新城做過DJ,又先後為有線、大台擔任主持,離開大台後,主力為活動擔任主持、司儀。《青春@Y2K》2000年暑假播出,除咗余文樂之外,最為人所認識嘅就係黎國輝(阿感),佢拍完之後就加入港台做DJ,又曾經轉投大台。《Y2K+01》翌年播出的《Y2K+01》劇中有唔少演員現今仲活躍喺幕前,當中包括柯有倫,當年拍完呢套劇之後返到台灣陸續參演唔少電視劇作品,之後仲出埋碟做歌手。另外,仲有袁偉豪當年佢有唔少幕前演出,不過真正令佢廣為人知嘅就係佢2007年參加香港先生贏得冠軍加入大台,近年仲被受力捧。此外,關智斌仲因為呢套劇而被英皇娛樂睇中簽約成為旗下歌手,以Boy'z出道,近年關智斌主力喺內地發展。《過渡青春》闊別5年再推出的《Y2K》系列,當中以羅仲謙為男主角之一,當年被電影公司發掘投身演藝界,拍《過渡青春》前已經參演過電影《阿嫂》。上年仲娶得楊怡歸,兩人非常幸福。




來源: http://hk.apple.nextmedia.com/entertainment/art/20170526/20034015
PermaLink: https://articles.zkiz.com/?id=334057

海之戀驚現97長龍羅仲謙魏同學一刻戀上

1 : GS(14)@2017-05-27 08:51:51

長實(1113)荃灣海之戀昨日開售首輪496伙,屬金管局加辣後首個發售大型樓盤。海之戀項目勁收逾1.4萬票,成今年新盤票王,長實為造勢,玩殘所有已入票有意認購人士,須於一早親自到場再抽籤,早上9時至10時15分報到,隨即抽籤。至9時55分,龍尾已去到半島豪庭對出天橋。截至10時半,有逾1400組客到場。現場究竟幾多人?根本單憑目測不能估算,不如大家一齊睇片判斷一下。小記鄰座女同事睇片,大叫一句:「嘩!拜山都冇咁多人呀!直頭成萬人啦。」正所謂有片有真相,不妨感受一下樓市有多熾熱。現場記者所見,未夠九點,位於紅磡置富都會售樓一帶已聚集大批準買家及地產經紀,排隊人龍排到出天穚現屈到落火車站,再排到落隊道,猶如「羅湖過關式」買樓。長實已在紅磡火車站外圍架設圍欄,設抽籤排隊區,十分誇張。人龍排至紅磡港鐵站內,長至隧道內亦未見人龍尾,排到去B1出口。有途人大叫:「有冇咁恐怖?」藝人羅仲謙昨日現身荃灣海之戀售樓處,他表示,自己沒有物業,屬首置人士,想買一個兩房以上單位作投資用途,已入票抽籤,又指自己抽籤買樓欠運氣,上次抽將軍澳緻藍天都抽不到,今次睇咁多人爭,場面咁熱鬧,相信買到都的機會亦不大,如買不到心水便等下一次。對於點睇樓市,他稱自己不懂樓市,最重要是衡量自己負擔能力,但認為投資磚頭較為穩陣,記者要求佢不如除低口罩影張相,他很有禮貌地說因和朋友一齊不方便。由媽媽畀首期的23歲學生魏先生,昨天和媽媽一齊來海之戀排隊買樓,他們排到落隊道。他表示,計劃買一個兩房單位,預算樓價800至1000萬元入市,由於仍是學生,沒有收入,層樓是媽媽支付首期及供款。他表示,現於內地廈門讀書。至於為何內地就學,他稱因自己學業成績欠佳。記者訪問魏媽媽,但阿仔話媽媽廣東話不好,所以不方便上鏡。



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170527/20035514
PermaLink: https://articles.zkiz.com/?id=334127

Next Page

ZKIZ Archives @ 2019