睇海淨化 八両金八両仔執到寶交警察
1 :
GS(14)@2017-08-18 10:16:30【即場報警】■八両金兩父子即場落口供，軍裝警員將黑皮包打開檢查。
【淺水灣】現年63歲的八両金（原名葉競生）與囝囝「八両仔」葉小霆（Jacky）多年來相依為命，兩父子經常孖咇出動。他們日前傍晚6時許現身淺水灣的商場，兩父子先站在落地玻璃邊嘆冷氣邊向外望，八両金則似遊客拿着手機喪影窗外。被指跟歌手方皓玟撞樣的八両仔，繼續作「港版MJ」打扮，一頭金毛紮了小辮子。八両金其後發現商場內有巨大波波池，兩父子輪流除鞋踩入波波池互影。八両金影完相後，突然跟一名軍裝警揮手打招呼，並走近把一個黑色小皮包遞給軍裝警員。軍裝警員即打開檢查，並把袋中的紙皮取出，明顯這是新買的皮包。原來八両金執到一個無人認領的黑皮包，於是報警，兩父子即場落口供。八両金處理完失物，即與兒子離開，由淺水灣漫步到深水灣。
【漫步沙灘】■八両金（右）跟兒子沙灘漫步，邊行邊傾偈。
【商場閒逛】■八両金父子日前孖咇遊淺水灣，傍晚現身商場。
【發現包包】■八両金發現有人遺下Gucci黑色皮包，於是報警，希望黑皮包可以物歸原主。
怕遊客失證件
記者日前致電八両金，講到他路不拾遺行為，他即說：「嗰日我見到有啲遊客，似係日本人，佢哋咿咿哦哦講嘢，跟住走咗，漏低咗黑皮包，我執到，發現佢係『箍治』（Gucci），名牌嘛，又脹卜卜，我擔心遊客會失咗證件，又唔敢打開，所以交畀警方，希望失主搵得番。」八両金表示最初是囝囝先發現失物，父子商量後決定報警。問到兩父子為何浪漫遊淺水灣？八両金說：「我有時間就同囝囝入去睇海，靜靜哋睇吓大自然。」採訪、攝影：吳耀輝、孔志豪、楊定
來源:
http://hk.apple.nextmedia.com/entertainment/art/20170818/20124525