ZKIZ Archives


投資香港股市,外國股市,地產,樓市之(壹壹肆)發達三大要素之:買甚麼?(第九十九回) 阿牛

http://hk.myblog.yahoo.com/yomagyomag/article?mid=1608

投資港股:阿牛揀股法(十)

要講分散投資,最出名嘅名言,就喺   don’t put all your eggs in one basket。真喺五年班小學生都識;之但喺我地一方面不停引用呢句說話,另一方面就從來都唔做,淨喺咁買蛋嘅。

                      

既然名言都喺講一套做一套,充滿矛盾;咁阿牛都唔爭在,講過唔算數喇。我八月八號講過:

唔好揀未發育股,揀已經考驗過嘅,參考番上次牛市三期嘅情形,決定買唔買。

咁而家阿牛冇左個地產板塊,就唯有講過唔算數,焗住改改句說話佢攞番嚟用。

呢個喺阿牛真實嘅心理歷情。到今時今日,阿牛自然好清楚已經冇左地產板塊,但喺當日揀南航嘅時候確實喺未知,所以今日喺Blog呢度就照寫出嚟,按時間過程,諗法嘅改變,俾大家參考。

其實啲未發育股,當中亦有啲好嘢嘅,嚟緊嘅日子可以升幾倍都唔定,佢地最大嘅問題,喺唔知邊隻會升,因為全部都未經過大牛市。我地先睇吓半新股,裡面亦有好掂嘅,例如750興業太陽能,上市一年,就已經升幾倍。

       

相反,好唔掂嘅,亦大有人在,大家睇吓1638佳兆業,上市半年就跌左幾倍。

       

點解呢?

阿牛唔知。

我亦唔相信有人知;因為剛上市,大家見到嘅業績都喺嗰一兩季,駛唔駛咁認真,炒高幾倍,或者質低幾倍呀!我亦唔信上市時個PE估得咁差,差幾倍,要個市場調節得『咁激』。

咁即喺點呀?

即喺人為囉。

根 本股票市場,幾乎全部都喺人為,同房地產市場唔同,房地產市場喺有實用價值嘅;例如一隻舖,你唔好信我值三千萬,但喺我個個月用佢搵廿萬,個租值就走唔甩 嘅,有數計。所以一舊磚頭,跌到盡有個譜,但更重要嘅喺,升到盡都有個譜,你夾硬炒到剛才間舖五千萬,佢嘅賺錢能力點谷上三十五萬一個月呀?所以咪爆煲 囉。相反,十隻股票,九隻唔派息,話值幾多錢,講嘅啫;PB點正斗,又喺講嘅啫,你明日可以攞佢去折骨賣咩?但炒起上嚟就反而冇束縛,話升幾倍就升幾倍。

我地又睇吓一隻人人都識嘅股票,1211比亞廸。

      

佢上市後,經歷多年都喺咁上下,2007年 就跟大隊升左三倍幾,都算有交代,後來跟隨著海嘯下跌,仲跌破埋上次牛二佢自己條底線;牛二都有廿蚊咁滯,熊市就得番十零蚊。如果攞嚟同早兩日我地睇各種 股票熊市反彈嘅力度比較,例如康師傅,國航等等,咁阿牛就唯有俾佢評級喺『惡劣』,同招金嘅走勢,差唔多衰。之但喺過左半年,阿李錄先生介紹巴菲特先生買 入比亞廸,於是乎市場上平地一聲雷,升價十倍。

你話點解間公司可以忽然叻八倍吖?你教我。

升在乜呢?

一個『口實』

口實即喺乜呢?即喺人人眾口一詞都話:『冇理由咁平喎,應該貴啲』

就喺要呢句說話。

要人講得出呢句說話,得兩個理由。第一,就喺信個人,巴菲特先生就喺人版,大家都唔喺買比亞廸,買巴菲特而已。第二就喺信事實,例如有間公司佢賣啲貨,去年值六十皮,今年市場公價賣百二,你話個股價應該點吖?都未計生意好做,會搏晒老命去增產,賺多左嗰啲。

有冇咁筍嘅嘢呀?

啱啱又有喎,就喺賣呢舊嘢喇。

                  

有『口實』,就有希望。


PermaLink: https://articles.zkiz.com/?id=17314

投資香港股市,外國股市,地產,樓市之(壹貳肆)發達三大要素之:買甚麼?(第一零九回) 阿牛

http://hk.myblog.yahoo.com/yomagyomag/article?mid=1954

投資港股:中信泰富(四)

今日要講嘅兩個問題,阿牛嘅答案都喺:no

首先,睇完尋日個阿牛劇場,大家有冇覺得個仔,喺咪敗家仔嚟㗎?

阿牛答案喺:no

唔一定,老實講,邊個做生意未失過手吖。個老豆咁 cool ,佢以前唔喺一樣試過衰過,套劇冇講啫。你可能會話,個老豆可能衰過,不過衰少少,無個仔咁大鑊,會唔會呢?

會,因為當時佢老豆副身家冇咁大,同埋未必有老豆個老豆照吖嘛;其實 每個生意人做決定之前都喺諗住賺嘅,唔喺做嚟把鬼咩。而佢落疊之前,一定都會計過輸唔輸得起,包括有冇老豆幫佢埋單都喺考慮因素之一,全部佢都會計算在 內。所以阿仔衰一鑊,而佢老豆找得到數嘅,絕對合情合理,根本輸得起。

仲有,你估佢老豆唔知咩,甚至乎心知肚明,未必關個仔事,或者佢老人家親自出手,戰果可能都喺一樣。

從前90年代有間上市公司叫兆峰陶瓷,由一個後生仔叫李兆峰白手興家攪嘅,高峰時買埋南灣嘅別墅,住喺李嘉誠隔離,連李嘉誠都話佢叻仔;後來 2001 年公司擴張過度,一下週傳唔嚟,執埋笠。

                             

李嘉誠點?唔通幫佢呀,都叫大家弄肋而為,冇咁大個頭就咪帶咁大頂帽喇。白手興家一個唔小心,就喺咁嘅下場。你買佢股票,咪陪葬囉。

衰左,最緊要有人找數,咁就喺叻。冇人找數,就唔叻。未衰過唔算叻,你『未』啫,唔表示你唔會。

跌底爬番起嚟?呃細路就得。

                

冇左份八千蚊嘅工,梗爬得番起身喇,搵過份九千嘅都得呀。冇左八十億,你赤手空拳搵番九十億我睇吖!

跌在那裡,就趴在那裡。

不過,李兆峰先生好嘢,而家轉戰上海,雖然冇以前咁大,一樣企得住。但喺個樣就蒼桑好多囉。

           

阿牛誠心祝福佢。李生,加油!

                      * * * * * * * * * * * * * * * * * * *

第二個問題,中信泰富公報業績,純利急增一倍,阿牛喺咪好開心呢?

阿牛答案都喺:no

點解?

因為時候都未到,公報業績都唔會炒上嘅,最近放榜潮:

建行盈喜 ,股價跌

袞煤盈喜,股價又跌

鐵鈦盈喜,股價都喺跌

因為都未到牛三,個市要到牛三,個市場氣氛好,盈喜先有藉口炒上。

但喺,亦有異數嘅,早輪隻999 I.T. ltd 公報業績,當然喺好好,結果由一蚊炒上三蚊,仲唔跌番落嚟。所以好難講,天時地利人和一夾埋,炒高左就買唔番,陣腳大亂好尷尬。所以點解隻鐵鈦,阿牛咬實 牙根都要而家入貨,明知佢多數要等幾年,都未必有嘢睇。就喺怕佢『萬一』,忽然受市場重視,升倍零兩倍,唔湯唔水,咁就大劑,你話仲買唔買落去好吖。

咁買 I.T. 咪得囉!

你知唔知I.T.今年賺多左幾多呀?比舊年多五倍咁多。你話炒高三倍喺咪合理呢。咁你又知唔知南航今年賺多左幾多呀?喺八十倍呀!結果咪升左一毫子咁大把。

你話我聽下一個喺邊隻股票,盈喜之後會升幾倍嘅。


PermaLink: https://articles.zkiz.com/?id=17610

投資香港股市,外國股市,地產,樓市之(壹參肆)發達三大要素之:買甚麼?(第一一九回) 阿牛

http://hk.myblog.yahoo.com/yomagyomag/article?mid=2078

 

投資地產:仲有乜招數

喺乜?

息口。

港幣要甩鈎喇。

當年信心危機,英國人將港元掛鈎美元,至為明智。當時人民幣不成氣候,不能掛。英鎊瓜田李下,不能掛。歐洲未有歐羅,散收收不能掛。一籃子貨幣太複雜,趕唔切安排。美元最穩定,最流通,最有公信,所以喺首選。

但針冇兩頭利,掛鈎之後,匯價同利率都要跟足人地,無自主權。1997嗰朝已經首先試過喇,亞洲就金融風暴,美國就經濟繁榮,所以最優惠利率喺十幾厘;如果唔喺掛鈎,當年港元就可以減息嚟救經濟。但當時剛回歸,有實際困難,呢樣嘢唔怪得董建華

呢兩年,美金不停跌,幾年間對人民幣已經跌左二十幾%。我地衣食住行都靠用國貨,即喺啲日常生活品貴左二、三成,對低下層市民影響尤深。啲嘢一喺加價,冇加到二、三成嘅嘢,就即喺換左低質素啲嘅次貨俾我地用,生活質素無論如何喺低晒。但喺呢個道理因為複雜少少,冇人提起,政府就當冇事,提都唔提,話知你水深火熱,橫豎啲低下層都唔知發生左乜嘢事。唔知,咪即喺冇事囉。

所以幾多錢最低工資都冇用喇,如果一甩鈎,大家啲錢就升幾成;你唔甩鈎,美金有排跌呀。如果你開間茶餐廳,一甩鈎,啲食品價格就跌幾成,毛利升番;俾多少少人工洗碗呀嬸都冇所謂。洗碗阿嬸亦覺得啲日用品平番,生活好左。

相反,而家鈎住美金,對人民幣不停跌。老闆成本貴,賺得少,加人工就一定冇可能,只好將兩個洗碗嘅炒咁一個,留番一個一腳踢。洗碗阿嬸亦冇好日子過,攞左最低工資,喺多左少少錢,番工就做到抽筋,但啲日用品就不停貴,生活艱苦。到下年最低工資又檢討,又話要加,啲食品來貨又加,佢老細自然會發覺開餐廳又辛苦,又冇錢賺,就會執埋檔嘢,炒埋洗碗阿嬸,租埋間舖俾美聯物業做地產。

當然,貨幣眨值,有利出口。但喺你話阿牛知,香港出口乜嘢?

影響旅遊業?円又夠貴喇,你去唔去日本吖?仲有,你希望個樓市爆煲吖,定喺少幾個嫌貴,唔嚟香港玩嘅遊客吖。

如果而家港幣有自主權,加番3/4厘息,我估個樓市立刻冷卻。乜都唔駛攪。香港其實比較容易,銀行放嘅款大部份同物業有關,工商貸款唔喺主流。其他地方就話驚加息,拖冧埋工商業啫,香港驚乜呀?話加息就可以加息。

咁樓市咪唔駛爆,捱耐啲,希望長玩長有囉。

香港史料披露,當年信心危機,英國人兩日就拍板將港幣掛鈎 ;而家我地政府攬住個 7.8 當正金科玉律,唔好話甩鈎,叫佢改高改低都驚到賴尿。話唔駛改嘅理由就梗喺多喇,但喺退一萬步諗吓,有冇可能香港貨幣同美金嘅比例,二十年來乜都冇變過,一模一樣唔駛調整吖?

其實當年個 7.8 喺隨便定出嚟;阿牛睇過電視專訪,始作俑者話:定做 8 又好似齊頭冇乜科學性,咪整個小數點大家覺得高檔啲囉!呢啲先叫做氣魄加幽默感。

你睇吓我地富士康,人地郭先一陣風搬晒去河南,當地政府倒履相迎,問題迎刃而解。你睇吓朱鎔基總理,上任時千頭萬緒,七萬幾個問題;佢話乜都唔怕,最多訂定棺材,同大小問題惡鬥,大不了最多喺死!可敬也。

香港,真喺一蟹不如一蟹囉。

         


PermaLink: https://articles.zkiz.com/?id=17781

股災風雲:第九回

1 : GS(14)@2016-03-18 23:52:24

第九回

5月29日。下午6點。在華中證券的貴賓室。今天是白蘭和元軍對賭的第一個結算日。元軍、陳兵和張小靜,一起坐在貴賓室內,氣氛死寂。今天收市情況︰恒生指數收報27424點。上證綜合指數4611點。與5月7日當天收市比較,恒指升了27424-27289=135點,每點100萬元,元軍輸1.35億元。上證指數升了4611-4112=499點,在不夠一個月之內,升了超過十巴仙。每點200萬元,輸了9.98億元。「在第一個結算日,就先輸了11億元,真是出師不利。」小靜擔心地問︰「國內A股好像越升越有,會否是我們看錯?中央智囊社科院在去年預測,今年滬指可升至5000點的目標,看來快要達標。」陳兵︰「德國股神安德烈·科斯托蘭尼曾經說過︰股市就像有一個人,用繩子帶着狗在街上散步,人就是經濟,狗就是股市。在散步的過程中,狗有時跑到前面,有時又跑到後面,反反覆覆跑來跑去,過程中有時與人走相同方向,有時卻可能選擇完全相反的方向。」「現在就是經濟與股市,走相反方向的時間。」元軍補充說︰「但從長遠看來,人和狗最後必定會同時抵達終點。經濟和股市,最後也是一樣。」陳兵︰「最近我做了很多分析,肯定了經濟將會走下坡,企業盈利也會越來越差。我目前正在編寫華中證券對下半年股市的展望,將在下月中出版,整體都是看得比較淡的。」「有你們這樣說,我就放心了。」小靜鬆一口氣說︰「我跟你們的建議,做了一些期指的沽空,現在已經有點損失;如果狗還不轉向的話,我多年儲下來的私己錢,就會化為烏有!」「狗到底在何時才會轉向,現在還真不好說。最近國內很多巨額資金,好像瘋了一樣投進A股市場,他們很容易就得到大額融資,在超高槓杆的情況下進入市場,一起將A股炒高,不知道何時才會停手。」陳兵皺起眉來。元軍︰「聽說現在內地孖展的融資金額,已經超過兩萬億元,遲早一定爆煲!」小靜︰「我看新聞報道,說中證監已經多次表示,積極跟進孖展融資過高的問題。這將是影響後市的關鍵因素。」「最近多家銀行已接獲通知,要求加強信貸管理,嚴控信貸資金流入股市。」陳兵感嘆說︰「但很多私下的融資,不是通過正式的渠道,根本很難得到監管。例如孫虎私下做的融資,聽說已經高達數百億元,連白蘭也跟他借了錢。」元軍聽到白蘭的名字,心裏湧起一股莫名的苦澀。陳兵繼續說︰「孫虎通過本身的關係,在金融機構和多處地方得到大額資金,有些直接投入A股市場,也有借出給人炒股票,從中收取高昂的息差。最近A股的升幅,他也有份做成。」小靜搶着說︰「除了我們的對賭合約,白蘭在外面的好倉,最近增加得十分驚人,相信是借助孫虎的融資做成。雖然狗是被人用繩子帶着,但會否因為資金亂行的力量太大,將繩子拉斷啊?」元軍嘆了口氣︰「投機,就是有風險,沒有絕對的勝利。今次的勝負,主要看市場的力量大,還是『人造A股牛市』的力量較大。」小靜︰「他們最近炒A股的原因,就是因為MSCI指數公司將在6月9日宣佈,是否將A股納入MSCI全球指數。目前全球接近6000家基金公司追蹤MSCI指數,資金總額高達7萬億美元,其中追蹤MSCI指數的ETF產品多達700隻;就連MSCI公司也曾經表示,如果A股納入MSCI指數,將吸引4,000億美元的資金流入A股市場!到時狗就可以把繩子拉斷,人和狗就會分道揚鑣。」「這方面就不用太過擔心。」陳兵肯定地說︰「我相信6月9日的結果,A股肯定不會納入MSCI指數。現在炒A股納入指數的人,一定會失望而回!」元軍︰「為何如此肯定?」陳兵︰「目前A股還有很多對外資進入的限制,包括國內尚未開放人民幣在金融和投資項目下的可自由兌換,外資進入A股的途徑不多,滬港通額度上限等……當然最重要,就是國內A股根本未算是自由市場,政府對股市操控意欲過大,甚至會當股市作為控制經濟的工具,這都令外資很難放心的。」元軍︰「我也同意你的講法。對於國際的投資者,資金流動性是投資過程中的重要一環,特別是對跟蹤指數的被動型基金,資金流動尤其重要;但這亦是目前投資A股最頭痛的地方。」「對啊!試問如果外資基金在買入A股以後,政府突然說不可以賣出,你說基金可以怎辦?這都是把老外嚇跑的重要因素。」小靜點頭同意。元軍眼神裏充滿火,大膽作出預測︰「如果A股不能納入MSCI指數,在6月10日之後,就會掉頭下跌!」林一鳴





來源: http://hk.apple.nextmedia.com/financeestate/art/20160318/19533970
PermaLink: https://articles.zkiz.com/?id=298346

馬英九回母校叫冤:我沒有出賣台灣!

1 : GS(14)@2017-03-04 10:18:17

「有人說我出賣台灣,我想說的是,我沒有出賣台灣,我只想出賣台灣的『水果』!」2日下午,馬英九回到母校紐約大學,與恩師孔傑榮教授及100多位師弟師妹分享求學時代故事。被問到「在校期間對他影響最大的人」?他笑說:「當然是我老婆!還有別的答案嗎?如果我還要回家的話。」談到自己任內的表現,他遺憾自己被誤讀,再次強調自己絕無「賣台」,所做的一切「都是從台灣的利益出發」。駐紐約記者:王筱辰洋馬英九說:「因為外交孤立,我們很難擴大自己的外匯存儲,在國際貿易上佔有一席之地,這也是為甚麼我上任後試圖改善與中國大陸關係,是為了非常明確地從台灣的利益出發,取得最好的結果。」但他遺憾表示卸任後很多事情都變了,他認為,這與兩岸意識形態對立有一定關係:「自我卸任這段時間,任何變化都沒有產生,無論是經貿協議還是執法監督,有人刻意地因意識形態分歧而反對來自中國大陸的一切。」關於他任內推行的服貿協議引發諸多爭議,他認為很多反對者甚至不知道它真正的含義是甚麼:「當時有媒體採訪了13所高校的首席經濟學家,12個人贊成,只有一票反對,反對票認為如果通過服貿協議,會有超過100萬中國大陸工人進入台灣。這是個謊言,我們從來沒有說過要允許中國大陸的工人進來。」他說,不信任讓這些努力非常困難,甚至當時也沒有能力將服務產業輸送到中國。有學生問到如果時間能倒回,重來一次,會如何移除自己的阻礙,減少國內的反對,增加彼此間的信任?他開玩笑說:「可能會有更多聽證會吧,我們已經有20次了!」交談中,孔傑榮教授認為民主制度或正在走下坡路,如英國脫歐、特朗普當選,他好奇台灣的民主制度是否也遭遇困難?馬英九說:「去年美國大選前,我覺得台灣的民主制度遇到了問題,島內分化非常嚴重。但當特朗普當選後,我覺得美國的狀況可能更糟。」他稱台灣和美國面臨的最大問題都是「不確定性」,但他對民主制度仍很樂觀:「不是某個國家,而是民主制度本身遇到了一些問題,人們可能還需要一些時間去調整和適應。」席間他不忘分享自己在紐約大學的趣事:「有一次我跑步時碰到有人找我拍電影,那人說他們在找一個『被追趕的人』,我拒絕了,遺憾我失去了一個成為荷李活明星的機會!」




來源: http://hk.apple.nextmedia.com/international/art/20170304/19947447
PermaLink: https://articles.zkiz.com/?id=327741

Next Page

ZKIZ Archives @ 2019