| ||||||
中信泰富(267)炒燶外滙Accumulator單嘢真係越嚟越複雜,關事嘅人好似越嚟越多。10月底管理層自揭事件,前副董事總經理張立憲同前執行董事周志賢即刻請辭謝罪。正當大家以為事件可以稍為平息,又爆出主席榮智健位千金榮明方之前喺財務部任職董事,可能關事。 合約簽名現真身 到 咗前日,中信泰富因為要發行可換股債券畀母公司,發出通函同一大堆文件,裏面有中信泰富簽嘅幾份外滙Accumulator合約,簽名者固然有「起咗身」 嘅張立憲,但部份合約嘅簽名竟然有莫偉龍(Vernon Francis Moore)份。莫偉龍係何許人?咪就係張立憲與周志賢「起身」後,即刻被委任為財務董事嘅資深董事囉。莫偉龍今年62歲,87年加入中信香港,做咗21 年,90年起成為中信泰富董事,佢仲喺中電(002)同埋中信泰富有股份嘅國泰航空(293)擔任非執行董事。表面睇,佢點都唔會係唔睇清楚就簽文件嘅董 事啩。噚日中信泰富復牌急跌7.3%,收5.59元。證監會行政總裁韋奕禮噚日出席一個研討會後,被問到中信泰富單嘢查成點,佢都話由於事件比較複雜,所 以需要時間詳細調查,調查工作仍然進行中,希望盡快完成,有結果就會通告大家,但係確實幾時,就真係無可奉告喎。照咁睇,o依家都12月咯,證監點都要明 年先有消息啦。李華華[email protected] | ||||||
| ||||||
喺內地電訊業打滾超過45年嘅教父級人馬石萃鳴,噚日宣佈唔做中信1616(1883)主席,改任高級顧問,係佢10年以來第3次辭任高管職位。 今次一別,同5年前離開聯通(762)一樣,例牌俾人追問感受。石萃鳴話自97年以來,先後帶領中移動(941)、聯通,同中信1616嚟香港上市,而最開心又最辛苦嘅往事,就係參與中移動掛牌,話晒係第一間央企,由冇到有。呢個答案絕對係5年不變,頂多係加咗間公司名。 華華發覺,石總今次似乎冇乜離愁別緒,佢話自己行年69,係時候退休。至於接任人,就係步入花甲之年(60歲)嘅原副主席辛悅江。 想當年,石總離開聯通後,即刻獲中信泰富(267)主席榮智健誠邀加盟。對於友人流年不利,石總唔願多講,淨係話有關心過榮董,相信好快冇事。 | ||||||