ZKIZ Archives


OPM-Other People’s Money Home Blogger

http://www.homebloggerhk.com/?p=6350

應諗兄邀請, 借此地塗鴉向各位獻醜啦。

作為唔係含住金鎖匙出世既基層, 要能夠向上流, 單靠一份薪水幾乎冇可能做得到。點解有錢人唔使做都可以財源滾滾, 因為佢哋唔係為錢而工作, 而係錢為佢哋工作, 自然肥到袜都著唔到。只要賺到第一桶金,就可以用錢搵更多既錢, 好似時下年青人買樓唔夠首期, 如果父母長輩可以幫到手既(指”借”唔係”俾”), 就可以成功使用別人的錢上車, 以樓價長期來講只有升既事實, 正如前面文章一直強調既, 借入長期貶值既貨幣(每三十年貶值90%, 記得响七九年啱啱落來香港時, 的士加價, 起錶係$2.00,報紙一份$0.50都好似昨日既事 ), 買入長期升值既資產, 可算係非常稳健的投資。

叧一個買樓的例子, 來自叧一高人既blog, 佢當年以七十萬full pay買一層樓, 然後再搵銀行按揭, 估價值100萬, 再以七成上會, 攞返七十萬現金(即係唔使俾錢買樓), 再租層樓出去等個住客幫佢供(以前可以, 依家依足銀行規定只可做五成按揭, 偷雞唔計)。有人會懷疑點會咁筍, 世事真係發生, 只要你識得去搵同去諗, 正如嗰位高人既口頭禪就係:”why not?”凡事只要你肯諗同去試, 就一定會成功。

本人最近將快供滿的自住樓轉按(供款利率2.15厘), 套回現金, 將大部份現金轉做人仔, 存定期(3厘以上), 賺取約一厘的息差, 以及人仔升值潛在回報, 不但不用俾租金, 仲有少少淨現金流, 响仍然持有及住在自住物業的情況下(賣出自住樓, 攞筆錢去租樓, 等樓價跌, 係沽空樓市, 係愚蠢的行為), 將樓價下跌風險轉嫁俾銀行(香港唔同美國,唔會在當樓下跌, 變負資產時, 向按揭借貸人call loan).

上一篇文提到年金的做法亦是使用OPM的例子, 在此不贅。前一排, 我做銀行的朋友有叧一個OFFER俾我, 就係以20萬做本金, 以扛扞原理投保100萬人壽保險(即借貸, 80萬, 浮動年息-現時1.5厘)為期五年, 每年保證回報有3.09厘息收, 簡單計算:
利息收入:
100萬 X 3.09% =3.09萬
利息支出:
80萬 X 1.5% =1.2萬
淨現金收入:
3.09萬 – 1.2萬 =1.89萬
淨回報:
1.89萬 / 20萬 =9.45%
以上係佢俾我份銷售文件既例子,年回報有接近十厘喎, 好似好吸引, 我花左半粒鐘睇份文件, 覆返佢, 唔值得做, 其魔鬼細節在保證回報3.09厘及浮動年息-現時1.5厘, 我同佢講, 回報利息係固定, 但支出利息係浮動, 係人都知現時係超低息, 五年咁長遠, 响呢段時間內, 肯定1.5厘係底位, 有無限上升空間, 當升到貸款利率升至3厘, 回報就只有約三厘; 貸款利率再上, 我不但冇淨現金流入, 反而會倒貼, 佢自己都覺得有問題.我話, 如果有得做人仔或會諗諗, 因有人仔升值做對沖(佢個PLAN只可做HKD或USD)。有時使用OPM都要計清楚風險。

講開保險, 我知有D有錢佬用人壽保險去做抵押(如一百萬美金保額), 換取銀行每月現金收入, 只要收入大於每月支付保險費, 就可以唔使錢買保險(當然釘左後受筆錢銀行收), 有淨現金收入. 幾正呀, 比政苦逆按揭好, 因為人死左就乜都冇(折舊殘值係0), 但層樓係不停升值。

最後同各位分享一個黑色幽默, 記得係响靚仔時响電視睇d七十年代既彩色粵語片, 片尾係一個人死左, 佢哋生前朋友幫佢扶靈, 其中一個朋友攞出五萬元現金放入倌材度, 話咁多年朋友, 當係小小心意, 俾佢响下邊使;另一個朋友話想表心意,都想俾同樣金額現金, 但冇咁多現金响身邊,  於是開一張十萬元支票,  响倌材攞返佢朋友既五萬現金, 當係”找”返俾自己, 咁就可以名正言順攞左嗰五萬元。 或者他朝有, 佢下邊既朋友會叫佢兌現返嗰十萬元, 呵呵!

OPM-Other People Money Home Blogger
PermaLink: https://articles.zkiz.com/?id=44096

Syrian, who is the murderer of your people? 朱泙漫屠龍記

http://johnchrysostom.blogspot.hk/2013/03/syrian-who-is-murderer-of-your-people.html
作為西方經濟雜誌《The Economists》的長期讀者,收到2013年2月23日的標題是「Syria:The Death of a Country」,心中不禁感到心寒。
 
猶記得年多前茉莉花革命席捲中東和北非之際,收到2012年2月11日《The Economists》的標題是「How to set Syria free」,勾畫出是敘利亞一片光明的前景。2012年7月20日的標題是「Syria – Towards the endgame」更是豪情萬象的替巴沙爾政權倒數。如今革命激情已過,中東和北非茉莉花革命諸國如今民生刁零,內戰暴亂不斷,敘利亞更成了西方跟羅剎及波斯人Proxy War戰場,成為種族仇殺和大殺傷武器的試驗場。 
根據中國保險監督管理委員會最新數據,2013年1至2月財產險保險保費收入由人民幣991.85億元,同比上升16.78%,但2月份收入較1月下跌43.72%;2013年1至2月人保集團(01338:HK)或中國財險(02328:HK)財產險保險保費收入由人民幣341.02億元,同比上升14.13%,2月份收入亦較1月下跌43.03%。雖然在剛公佈的2012年年業績中,人保集團(01338:HK)和中國財險(02328:HK)每股收益分別是人民幣0.849元和人民幣0.20元,分別上升24.30%和25.00%。由於2013年2月財產險保險保費收入急跌,令人保集團(01338:HK)和中國財險(02328:HK)雖然在業績大好之際亦其股價於2013年3月26日分別急跌2.56%和5.55%,收港幣4.19元和港幣10.22元。究竟人保系財產險保險保費收入急跌原因何在呢?
 
根據中國汽車工業協會統計數據,2013年2月汽車銷售111.19萬輛,較2013年1月下降35.56%,亦較2012年2月同比下降8.34%。不過2013年2月是春節長假,有效工作日比1月少5天;與上年同期相比,有效工作日少4天,因此令2013年2月汽車產銷環比和同比均呈一定下降。其實根據中國保險監督管理委員會最新數據,2012年2月份收入亦較1月下跌34.17%,而3月則較2月上升7.65%。除非2013年3月中國汽車銷售和財產險保險保費同告下跌,否則筆者仍對人保集團(01338:HK)和中國財險(02328:HK)系前景的基礎因素保持樂觀。
 
2013年3月25日,香港終審法院終極裁定兩名外傭爭取居港權敗訴,意味14萬多名在港住滿七年的外傭爭取居港權無望。據說當事人申請法援同政府打官司,因此案訟費涉款最少逾千萬元,而當事人亦早返回菲律賓享福。有陰謀論者指責這場官司是某些政客在幕後推波助瀾,是耶非耶?筆者不敢揣測。猶記得當年香港在回歸中國前夕大英帝國匆匆修改國籍法,令香港華人身份由British Dependent Territory Citizens改為British(?) NO(!)。既然香港有心人及國際特赦組織均慷他人之慨替菲律賓人爭取居港權,那為什麼他們又不替香港人爭回居英權呢?

今天的敘利亞,明天又會是那一個幸運兒呢?
Syrian who is the murderer of your people 朱泙 泙漫 屠龍
PermaLink: https://articles.zkiz.com/?id=53997

How People Won’t Remember You



我有沒有記錯?第二場特首辯論,明明有兩次,選委們情不自禁,站立拍掌致敬。

一次,是薯片的總結之後。另一次,更早一點,在胡官完成所有答辯發言之後。前者,傳媒事後大書特書。後者,幾乎沒有人記得了。

感動,也很傷感。你知我知,這個辯論台,是胡官的最後舞台。對薯片和林鄭來說,選舉,在326投票後結束。胡官呢,就算是口中「仍然有八成信心」的他,心底都很清楚,自己的勝算,是零。而作為一個促進競爭的角色,隨着最後一次辯論落幕,就只能功成身退。

一直惋惜,整個選舉過程,我們都無暇對他 付出應有的尊重。由一開始,大眾就認定他是陪跑,對他的說話、政綱,也沒有太過認真。

如果薯粉欣賞薯片,是因其「知其不可而為之」,那麼,在這一點上,胡官,不是比他更「不可為而為」嗎?

如果說,薯片比林鄭接近香港人的思維,那麼胡官在平反六四、推翻831、取消TSA等議題上的立場,不更說中了香港人的心聲嗎?

辯論場上,他清醒、到位、一語中的。但我們記得的,是林鄭如何被他奚落,而不是他的辯才和抱負。有人說他是薯片的助攻,有人說他來?薯片的票,我更相信的,是他壓根兒不在乎別人怎麼講。

薯片的得力助手羅永聰說,「作為一個從政的人,最緊要的不是我們做到甚麼、得到甚麼,而是普羅老百姓如何記得我們。」How people will remember you。

這句話,若應用在胡官身上,應改寫為:「作為一個從政的人,最緊要的不是別人如何記得我們,而是儘管無人記得,我們仍然願意去做點甚麼。」

How people won’t remember you。其實,胡官本無必要淌這池渾水。衷心致敬。
How People Won Remember You
PermaLink: https://articles.zkiz.com/?id=242282

Friday People:我愛一粒米

1 : GS(14)@2012-01-21 17:43:04


符之福興奮試食三款一月上市的新花米,無餸乾吞白飯,一樣滋味。

一粒米,好細,但對於「米痴」符之福,卻有一個世界那樣大。為了一粒米,七十歲的福哥,走遍緬甸、菲律賓逾十個國家。下月,他又與逾十個本地米商,去越南探路「搵食」。「一包米,放十八年,仲食得!」白米包裝後真空處理,福哥說沒啥出奇,「好似薯片,打氣入去,儲得更耐」。老頑童還找實驗室驗證,夠晒科學精神。無怪米價暴升,劣貨冒牌貨湧現,海關接到投訴,即找福哥驗明米身。米痴喎,唔係浪得虛名! 記者:呂麗嬋 攝影:羅君豪

福哥位於上環的辦公室,有四個電飯煲。每年一月,他特別興奮,「最靚嘅泰國香米,一年一造,農歷年前運到港,行內叫新花,特別香軟!」無餸乾吞白飯,福哥一樣食出好滋味,「泰國之前水災,好彩最靚嘅稻田冇受影響」。
[福哥用小呎度米驗明米身。]
福哥用小呎度米驗明米身。
[辦公室的一角,展示他在全球各地搜集回來的「米版」。]
辦公室的一角,展示他在全球各地搜集回來的「米版」。
獲海關邀驗明米身

符之福,是老字號「廣新行」老闆,米行商會榮譽會長,行內出名的「食米專家」。近年米貴,坊間湧現冒牌米,福哥多次獲海關邀請驗明米身。「我自備把呎度米,平價大米一般長身少少,貴價貨短身亮澤啲」。
父親是第一代米商,自少放洋讀番書,他笑言半途出家,將勤補拙,「我喺美國讀工商管理,回港做石油公司,初入行,想親身了解一粒米點嚟、那個區盛產嘅米最靚?膽粗粗飛去泰國,自己落手落腳收割」。
過去三十年,福哥走遍全球近四十個產米區,由東北三省,走到泰北窮鄉僻壤,「最初只我一個人去,後來多人到要租旅遊車,我喺泰國去過嘅產米區,一定多過當地工商部門。o依家年紀大,姪女接手,佢嬌滴滴,都要下田!」
「緬甸米嘅米蟲最毒,赤紅色,一陣就食晒啲米,成個倉都要消毒。泰國米種喺沙地,越南米種喺唐泥,兩種米長短肥瘦不一,食出嚟嘅口感都唔同。」入行多年,見證港人由愛食國產絲苗,到泰國香米冒起,佔據市場,福哥說,二零一二,米業也要進入新時代!
「米價升,唔止師奶大件事,米商一樣致命,上年第四季,我首次暫停入泰米,呢批新花,係首批再入嘅米」。福哥透露,英祿抬高米價,加上水災,運輸成本增加,過去半年,米價以雙位數字上升。無怪米痴下月帶隊遠走越南,開拓新米源。「搵食艱難,得米,你估咁易?」七十歲仍相當頑強的福哥說。
由絲苗到泰國香米

由專利米商,到港府開放市場,引入競爭,符之福說,時代巨輪轉不停,泰米取代國貨,下一站,是否越南米領風騷,未知!「六十年代港人最愛食中國絲苗米,佔市場七成,絲苗屬優質米,內地農民要交數,寧願種植產量多、但飯質次一級的大米,結果泰國米一推出,就雄霸市場!」
[符之福(後左五)父親是第一代專利米商,他是長子順理成章承祖業。]
符之福(後左五)父親是第一代專利米商,他是長子順理成章承祖業。
[在芝加哥訂購的古董銅製分米機,全港獨有。]
在芝加哥訂購的古董銅製分米機,全港獨有。
泰米進口量降至六成

八十年代,泰米冒起,由於有天然芋頭清香,飯質柔軟,即吸引港人轉口味。福哥說,香米又分當造的叫「新花」,飯夠香兼軟;存放一年的叫「舊花」,飯味較淡且硬身。冬天我們愛吃的時令煲仔飯,大部份都溝入了「舊花」,令飯焦更香口。
香港每年的耗米量達三十公噸以上,根據工業貿易署資料,隨着泰米價格上升,進口量由三年前佔市場達九成,下降至現時僅六成,緊隨其後的包括近年掘起的越南米及內地米。海關承認,接獲消委會轉介涉冒充泰國香米的投訴,強調若包裝米列明泰國出產,若被驗出來自其他產地,便違反《商品說明條例》。
Friday People 我愛 一粒 粒米
PermaLink: https://articles.zkiz.com/?id=277392

Friday People:漫畫家邱福龍 自立門戶走出胡同

1 : GS(14)@2012-02-11 09:50:09

http://www.sharpdaily.hk/article/index/4104/20120210/52358
...
邱福龍新成立的創作室,仍然在柴灣工廠區,與工作了三十年的舊公司,只一街之隔。新公司頭炮,是重畫他二十年前的成名作《鐵將縱橫》,「這是我的處女作,有紀念價值!」新作本月21日面世,原來是他四十八歲生日,「本來想選二月十日,我女兒生日,但趕不及;我老婆四月三十日生日,兩個月之後,又唔知捱唔捱到咁耐!」阿邱筆下的英雄好漢,無不衰到貼地,然後再反彈。人生,果真如戲。
「以前本地薄裝漫畫,動輒一期十萬八萬本,o依家賣到萬幾本,已經唔太差。大家都要面對現實,緬懷過去,冇意思」。太多娛樂、網上翻版漫畫氾濫、無新血讀者加入、本地漫畫為減成本,故事空洞製作粗糙,統統是死因,但「唔太差」的銷量,套用在成名得早,又底薪超貴的邱福龍身上,是「原罪」,足以致命。



「決定自立門戶當晚,我返到屋企同老婆講,今次自己搞,如果銷量差,再冇股東包底,蝕咗錢,要賣樓。咁多人跟我走出嚟,你自己唔食,都要出糧畀夥記」。阿邱原有在玉皇朝的班底共十一個人,悉數過檔到他新公司,單買電腦用作漫畫上色,已花了近廿萬,還有租金上期雜費人工開支,相當吃力。
「理財是我弱項,連申請商業登記、租寫字樓,都要搵人幫手。我一直唔識為自己打算,你估馬榮成咩,佢叻仔嚟,好有計劃,市道好儲埋,唔炒樓都有幾億身家,炒埋樓,變幾十億。我個人有幾多使幾多,唔鍾意儲錢,買樓都因為生咗個女。」說起同門迴異的際遇,阿邱不無感慨。

出身自單親家庭,自十四歲便入行,跟黃玉郎「畫公仔」,紅褲子出身的邱福龍,是典型畫出彩虹的港產漫畫家。接受訪問當天,上身珠片黑恤衫執到正,下身四腳骨波褲,帶點麻甩江湖味,在辦公室埋首書海吞雲吐霧旁若無人,又愛低着頭說話,像個中佬宅男。喜歡對住公仔和玩具多過見人,阿邱直認不諱。
...

「總之對住張白紙同顏色筆,我就好開心!」十六歲已為經典漫畫《龍虎門》、《如來神掌》等繪畫彩色封面。89年出版首本個人單行本《鐵將縱橫》,一出六萬銷量,大受歡迎。92年的《龍神》,更被視為代表作,加上九十年代初漫畫市道興旺,收入豬籠入水。但好賭疏財的邱福龍,搵得多,花得更多。
「後生時冇諗過市道會咁差,從冇諗過買樓、儲錢;唔少人問我借錢,好多有借無還。我自己又問黃先生(黃玉郎)借,所以後來佢出獄,搵我幫佢畫漫畫,想東山再起,我二話不說就答應!」為助賞識自己的伯樂,當年連載中、大受歡迎的《龍神》,也因阿邱離開被迫換主筆,後來還引發一場違約官司。
可惜,師徒並肩創神話的老好日子,還是敵不過現實,「我冇怪任何人,賺錢,邊個唔想?我有好多缺點,畫得慢,要求高,搞到脫期,連我都好嬲自己,老闆點會唔嬲?但我深信,港漫未死,好的作品,仍然有知音人」。盡地一煲,別無退路,「DARK的盡頭,會見到光。」阿邱吐出煙圈,徐徐的說。
2 : 亞力士(1473)@2012-02-12 16:37:33

d人困住自己港漫除左打書 仲有乜

好似 feel 100% 以前一年一本 都追死我
3 : GS(14)@2012-02-12 17:02:58

2樓提及
d人困住自己港漫除左打書 仲有乜

好似 feel 100% 以前一年一本 都追死我


香港人太忙了
Friday People 漫畫家 漫畫 福龍 自立門戶 自立 門戶 走出 胡同
PermaLink: https://articles.zkiz.com/?id=277660

Friday People:棄六萬元教職 抗爭十年 沙頭角村長破禁之路

1 : GS(14)@2012-02-18 11:39:38

http://www.sharpdaily.hk/article/index/4104/20120217/55238
「點解唔變吓做我鍾意嘅嘢」

對於沙頭角墟,曾玉安特別肉緊,皆因他在沙頭角長大。這裏,也是他成長地梅子林村必經之路,「回歸後,政府反而擴大咗沙頭角區嘅禁區範圍,以前嘅村民唔識,逆來順受,一夜間被冰封,十幾年前好旺嘅沙頭角墟新樓街一帶,即時變死城,冇禁區紙,遊客入唔到嚟,連累梅子林村都荒廢埋,十室十空!」
曾玉安所言非虛,中午一時,記者抵達沙頭角墟最旺的「新樓街」,全條街22間店舖,只有一間茶餐廳和一間教會開業,其他店舖,悉數拉閘關門,部份門口更塞滿信件,仿似久未營業,「細個嗰時,新樓街好旺,家姐喺呢度車衫,供我讀書,街坊都好好感情,我會問,點解今日會變成咁?」
曾玉安是梅子林村的原居民,有一姐,父親是農民,媽媽是家庭主婦。自小反叛,讀書成績不俗,別家農村孩子讀完小學去英國洗大餅,他堅持在香港完成學業。76年考入柏立基教育學院,畢業後做教師。
為了方便上班,早搬出市區居住,無端端走上爭取開放沙頭角的抗爭之路,曾玉安說,是源於00年圍村內一次大型醮會。
「沙頭角位處新界東北,早年生活困苦,太平清醮,每十年先搞一次,00年,我仲喺東華三院做訓導主任,同啲早已移民嘅村民一齊回鄉祭祖,見到條村好破落,啲屋荒廢冇人理,剩低啲無業老人,要申請綜援過活。嗰時我就諗,我由畢業到o依家,已經教咗廿幾年書,往後嘅二十年,點解唔變吓,做啲我鍾意嘅嘢呢?」
01年,當年46歲的曾玉安,作出人生重大決定,辭去月薪近六萬的教席,回鄉做地區工作,組織商會,爭取解禁,「太太係我師範讀書時的同學,又係同行,佢為我犧牲最大,我辭職,佢要擔起頭家,為減開支,當年我連菲傭都遣散咗」。說起太太,曾玉安臉上浮起一絲歉意。
2 : GS(14)@2012-02-18 11:39:51

http://www.sharpdaily.hk/article/index/4104/20120217/55240
爭取開放沙頭角,涉及不同政府部門,過去十一年,曾玉安與保安局、警方、發展局,甚至旅遊事務局交手無數,他直言不同部門各自為政,「局署各級冇溝通,問發展局,佢哋推畀保安局;保安局話開放有風險,警力唔夠;問警方,佢哋就話:保安局做決策,我哋執行!」結果寫上逾百請願信,仍得個吉!
不過,偶然也會遇上務實好官,「06年,仍然係旅遊事務專員嘅鄭汝樺,出席完諮詢會,明顯有叫下面啲人落實執行,東北旅遊先導計劃可以雷厲風行,功不可沒,難怪佢之後升官!」此外,03年仍然貴為保安局局長的葉劉淑儀,原來都曾親往沙頭角體察民情,可惜兩個月後就因23條下了台,反而接手的李少光就一直未見影!
3 : GS(14)@2012-02-18 11:40:26


象徵阻隔沙頭角人與外界自由的圍牆,終於倒下,看盡邊界村落興衰的曾玉安特別感慨。孔慶初攝
4 : GS(14)@2012-02-18 11:40:36

http://www.sharpdaily.hk/article/index/4104/20120217/55242
「沙頭角村長嗰女搵你愛!」意即「畀都唔要」,但原來,在世紀初,真的有個「沙頭角村長」名叫「李愛」。至於為甚麼會成為歇後語,據指源於沙頭角一帶村民興玩十三張,摸得劣牌時,破口而出:「沙頭角村長!你愛」,意指不想要這副劣牌,後來經足球評述員輾轉引述,再變成「沙頭角村長個女——你愛」,並為市民廣泛認識。
5 : fineram(806)@2012-02-18 12:29:24

搞笑lor , 取景背景係海皮街, 仲未開放架.
6 : GS(14)@2012-02-18 12:33:05

5樓提及
搞笑lor , 取景背景係海皮街, 仲未開放架.


個記者搞笑
Friday People 棄六 六萬 萬元 教職 抗爭 十年 沙頭角 沙頭 村長 破禁 之路
PermaLink: https://articles.zkiz.com/?id=277801

Friday People:16歲第一桶金 有炒未為輸

1 : GS(14)@2012-03-02 22:43:36

http://www.sharpdaily.hk/article/index/4104/20120302/61489
當年小六已做排隊黨

對於炒,嘉瑋確是專家。97回歸,他11歲,還是小六學生,已初嘗炒炒賣賣的甜頭,「回歸年,個個炒女皇頭郵票,我收錢去郵政局做排隊黨」。小六已知排隊有價。03年沙士,他中五畢業,愛集郵的他,讀書不成,又遇上失業率高企,炒出第一桶金,決定以10萬本金,在好旺角創業,主力炒他最愛的郵票。
他記得,內地當年發行小版郵票,他第一時間衝到廣州入貨,十元八塊成本一張,眨眼升到過百,心雄,跌到70,以為勢好,會再升,大手追買,點知再跌,轉念之間,已血本無歸。捱了兩年,這個遊戲,刺激好玩,但摸不透,「低買高賣,個個都明,但幾時係最佳時機?最難!」十萬本付諸東流,止蝕離場。
創業功敗垂成,嘉瑋跟做工程師的爸爸做學徒,打了他第一份、也是至今唯一一份受薪工作,「入機場,好遠,仲要搬飛機轆,我咁瘦,頂唔順!」未夠一個月就辭了職,還是炒賣容易。剛好有朋友想開舖,他決定再戰好旺角,但今次學精,郵票、鈔票各自炒,分散投資,有成有敗。有同行笑他身家以千萬計,他說炒賣生涯都是帳面黃金,無咁多!
「80年代,內地出首套金猴生肖郵票,每個面值八分,啲大款用嚟送禮,升到癲,03年低市,我入咗兩版,o依家每版過百萬!」北望神州,何止廣東道,只是贏得多,輸得更多。08年北京奧運,人人熱炒奧運鈔,他試過賺過百萬,但又衰收尾!「高峯期炒到過千,賺過百萬,之後一度跌到$50,我哋四個人夾,有人話賣,有人話唔好,我就$80賣咗,家陣大陸又炒番上嚟!如果唔係賣晒,我有成億身家都唔定!」他說。
2 : GS(14)@2012-03-02 22:44:15


現年26歲的陸嘉瑋,炒齡15年,由97女皇頭,炒到牽動全城的中銀鈔,試過賺過百萬,又試過執笠收場。曾顯華攝

http://www.sharpdaily.hk/article/index/4104/20120302/61491
熟讀歷史為炒舊郵

鈔票好炒,勝在大上大落,自認食腦的陸嘉瑋,自言愛炒郵票,他二樓的分店,就堆滿郵票圖鑑和拍賣資料,「唔係識排隊就識炒,你玩明清郵票,都要知佢嘅歷史,唔係點保值?家陣內地好多假郵票,除咗經驗,都要做功課,先可分出真假!」嘉瑋自豪的說。
好旺角商場,是本地幫、內地幫和南亞裔炒家割據之地,租金由十室九空年代二、三千元有交易,到今日動輒二、三萬月租。自小在商場打滾的嘉瑋,承認近年多了像他一樣進取的年輕人加入戰圈,「以前資訊冇咁發達,o依家會上網格價,出口術冇用!」他說。
熱炒中國概念

北望神州,何止廣東道,炒得火熱的紀念鈔,一樣靠大國崛起。現時,北京、上海及廣州,均有大型貨幣市場,需求量大。香港錢幣研究會會長馬德明表示,過去10年,所有與中國有關的物品都升價百倍,除了今次北京、港澳發行的中銀百年紀念鈔被炒熱,08奧運鈔、2010上海世博鈔,以至千禧年人行的龍鈔,同樣有價有市,長炒長有。
3 : passby(15493)@2012-03-03 07:45:43

呢d咪醒目囉
不過佢破產先係大眾願望
4 : idsdown(1658)@2012-03-03 08:41:21

唔係人人都可以承受得起呢種起伏的生活方式, 年青時無問題, 但人一老就惡搞
5 : wilyty(1376)@2012-03-03 18:33:57

inv168
文章由 godchild » 週六 3月 03, 2012 4:06 pm
係好旺角呢個狼窩, 較似人樣的就係呢對夫婦同3樓樓梯口O個檔. 其他的串到high high.
6 : 亞力士(1473)@2012-03-04 19:43:48

5樓提及
inv168
文章由 godchild » 週六 3月 03, 2012 4:06 pm
係好旺角呢個狼窩, 較似人樣的就係呢對夫婦同3樓樓梯口O個檔. 其他的串到high high.


如果中左boc鈔 揾佢放 唔知收幾多

額夠高
Friday People 16 歲第 第一 一桶 桶金 有炒 炒未 未為 為輸
PermaLink: https://articles.zkiz.com/?id=278068

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019