永恒金句：5大經典Loop
1 :
GS(14)@2016-01-24 17:05:30大哥瑜一句「足金X猴」，被網民loop足12年，仍遠不及陳豪一句「同朕check吓」般經典。
同朕Check吓
陳豪於03年主演古裝劇《帝女花》，當中爆出一句「同朕check吓」，被網友翻loop再loop，越睇越爆笑。
錯獎尷尬
關心妍在《2008年度勁歌金曲頒獎典禮》中以為自己得獎，撲上台搶關菊英的獎項，瘀爆全場。去年底環球小姐選舉發生頒錯獎事件，關心妍亦戥奪錯冠軍獎的哥倫比亞佳麗尷尬。
娃娃舞
娃娃舜15年前憑《娃娃愛天下》的甩骨舞和霸氣唱腔，一曲成名，03年曾傳他死於沙士，去年他奇蹟被網民捕獲，更被電影公司力邀協助宣傳《猛龍特囧》。
好犀利呀
去年吳若希與魔術師Louis主持的《至尊街頭魔法王》，經常飆高音說「好犀利呀」、「點解嘅」，引起網友熱烈討論而爆紅，難怪她大口氣說：「我啲人氣咪咁儲番嚟囉」。
自唱生日歌
04年球星岩布仙尼獲亞視邀請出席台慶，與亞視同日生日的他被朱慧珊要求唱生日歌，他無奈的哼出「Happy birthday to me」。早前毛記分獎禮，河國榮都重演來娛賓。
來源:
http://hk.apple.nextmedia.com/entertainment/art/20160124/19464736
大台衫無限loop翠如：都係唔知着邊個件衫
1 :
GS(14)@2016-06-21 07:39:08無綫慳家就係人都知，除咗蔡思貝、陳凱琳面孔喺啲劇無限loop，道具、戲服等等，亦時不時俾眼利網民，發現循環又循環咁，用完再用。咁今次主角係邊個呢？咪係同樣喺有線過檔大台嘅好姊妹梁嘉琪同黃翠如囉！有網民昨日貼咗翠如BB同梁嘉琪做節目嘅相，就問翠如BB究竟係邊個着咗邊個件衫。相入面，梁嘉琪同翠如BB，同樣着咗件超sharp醒嘅彩色間條衫，直頭離一條街都見到嗰隻。通常呢個情況，俾人篤爆咗，大部份藝人都保持緘默或者hea住答，偏偏翠如BB就好鬼認真咁回覆呢位網民：「我都係唔知着邊個件衫！」仲引用番梁嘉琪個句：「只能說公司D衫好耐穿。」
來源:
http://hk.apple.nextmedia.com/entertainment/art/20160621/19662829
【馮仁昭四圍超】發哥黑衫Loop
1 :
GS(14)@2016-10-11 08:11:52■發哥貼地又親民，去西環食麵被瘋狂集郵。
發哥周潤發最鍾意行山係人都知，不過唔行山嘅朋友想知發哥嘅去向都唔難。好似前日咁，發哥先去圓墩郊遊徑，然後再去西環源興隆麵檔醫肚，見到發哥當然嘅例牌動作係打卡同集郵。網民仲爆料話發哥唔係第一次去呢間麵檔食嘢，因為麵檔五十年代已經開業，麵食遵從六十年前風味。不過，大家除咗見到發哥集郵，又有冇留意發哥一年起碼有300日，被「捕獲」時都係着黑色長袖透氣運動衫、戴黑色cap帽？即係無論佢喺郊野公園定屋企樓下，佢個裝束都係冇變過，就好似老夫子，或者無綫劇《絕代商驕》嘅黃子華（麥提爽）一樣，都鍾意日日着一式一樣嘅衫。
■發哥的黑色戰衣加帽去到邊都見到，原來佢一次過買咗10多套。
吸熱散熱快
發哥嘅友人就話佢自從行山、跑山後，發現呢身黑色Dri Fit運動裝非常舒服，吸熱同散熱都快，一年四季都着得，加上發哥鍾意黑色，所以叫發嫂一次過幫佢買咗10幾件一式一樣嘅衫，等佢可以日日着，所以基本上係分唔到邊日打邊日發哥去過邊度。撰文：馮仁昭
來源:
http://hk.apple.nextmedia.com/entertainment/art/20161011/19796724
【選後美國】特朗普名語錄 「被操控」loop唔停
1 :
GS(14)@2016-11-11 08:10:59新美國總統特朗普最愛自誇，今年金句多多，不過來來去去咪又係個幾樣嘢。
這個世界已沒有常理。特普朗由競選到當選前一刻，大家都以為只是一場鬧劇，現在惡夢成真，惟有如袁國強司長所言：「既已有決定，希望大家以客觀正面的態度考慮此事」。特普朗最可取就是娛樂性豐富，在美國大選年之前，《飛黃騰達（The Apprentice）》節目中的一句：You're fired（你已被炒魷！）已深入民心，最愛自誇的他今年金句多多，不過來來去去咪又係個幾樣嘢。
1）我最叻
大家對他的印象都是口沒遮攔的大富豪，他自己亦很愛炫耀，曾表示「我正在就是我真的很有錢」，而且最三句唔埋就會重新強調自己是「白手興家」，當年只是收取「爸爸少少的一筆借款（100萬）」。
2）我最靚
不肯認輸的他連雙手被取笑過小也要反駁，說明明聽得最多就是人哋話佢隻手好鬼靚，“My fingers are long and beautiful, as, it has been well documented, are various other parts of my body.”（我的手指又長又靚，成身一樣咁鬼正，有晒紀錄啦）。除了自己，囡囡Ivanka一樣都係全世界最靚，他就曾經表示如果「佢唔係我個女，我應該會約會佢」，呢種父愛都幾另類。
3）我最尊重人類
每次被批評言論有羞辱或歧視他人的成份，他必定會搶答說：「沒有人比我更尊重乜乜乜乜」。其中最「著名」的要數兩次羞辱記者的場合。●模仿記者痙攣動作：特朗普引用記者在9.11時報道恐襲後有回教教徒慶祝，及後記者公開批評他誇大事件，於是特朗普就在演說時取笑該名記者忘記自己所寫的文章。現於《紐約時報》工作的Serge Kovaleski患有先天性關節痙攣，右手行動不便。●被記者窮追猛打時發爛渣：西班牙語電視頻道Univision記者拉莫斯在記者會上不斷追問特朗普有關移民問題，令他感到不耐煩，當記者堅持發問，他回答說：「你坐下，我沒有叫你，坐下。請你滾回Univision。」同類事件上演多次，不能盡錄。
4）被害妄想症
除了要建"wall"之外，特朗普最喜歡用的生字大概是"rigged"（被操控）。他聲稱選舉是受到操控（除了他贏的州分），整個經濟系統都受到操控，反正全世界都被操控就是啦。記者：馬朗澄
來源:
http://hk.apple.nextmedia.com/su ... t/20161111/19829649
劇迷嫌《鬼怪》冇肌睇翻loop孔劉李棟旭爆肌片
1 :
GS(14)@2016-12-21 23:42:01近日唔少煲劇迷陷入咗選擇困難症，事關喺Viu熱播中嘅韓國新劇《鬼怪》中，兩位男主角孔劉同李棟旭各有專長及特色，孔劉扮演長生不死嘅鬼怪，為咗了結生命，幾百年嚟都尋覓佢嘅鬼怪新娘，點知當鬼怪新娘金高恩出現時，活喺世上900幾年嘅孔劉初嚐戀愛嘅滋味，佢為自己是否結束生命而不斷爭執。至於飾演地獄使者嘅李棟旭，失去記憶嘅李棟旭連自己名字都唔知道，佢為咗工作一直都冷漠無情，直到劉仁娜嘅出現，佢終於開始一步一步對劉仁娜產生感情。劇迷對於兩個男角同樣鍾愛，特別係二人喺劇中成日鬥氣鬥嘴鬥法力，真係十足十睇緊情侶耍花槍一樣。不過呢有追開韓劇嘅觀眾可能會奇怪，劇集播出已經六集，點解仲未有韓劇男星指定動作「騷肌」場面？事實上韓國男星拍韓劇一向都好大方，赤裸上身騷肌肉係指定動作，而孔劉同李棟旭亦唔係吝惜嘅人，二人之前拍劇都有騷肌場面，當中孔劉由早年未算好大隻時都有騷過肌，而李棟旭之前拍《鋼鐵人》時仲苦練過一身肌肉。雖然唔少劇迷都話即使孔劉唔除衫，但係佢哋都可以看穿佢件衫，睇到衫下面嘅一身肌肉，不過呢想睇孔劉同李棟旭肌肉好簡單，睇返佢哋舊作就大把有得你睇，當中孔劉身形操到最高峰境界就應該係2013年上映嘅韓片《嫌疑犯》，當時佢因為扮演曾經係朝鮮特殊部隊中嘅成員而操到一身爆肌，喺片中孔劉仲要應付大量動作戲。但係對於女粉絲來講，今年2月喺韓國上映嘅《男與女》就令粉絲睇到「心心眼」，片中孔劉同全度妍有火辣床戲，兩人大演不倫之戀，此片係孔劉首部情慾戲，佢都算好大方，全裸上陣肉搏全度妍，激情場面真係滿足晒女粉絲想睇孔劉Body嘅心意。至於李棟旭身形予人感覺偏瘦，不過其實佢係禾稈冚珍珠，本身成日操弗自己嘅李棟旭，曾喺多齣劇集都有露肉場面，好似《Hotel King》、《鋼鐵人》等都有多次騷肌。兩個都咁正，真係叫人點揀喎。
來源:
http://hk.apple.nextmedia.com/entertainment/art/20161221/19872033
【loop唔停】治癒短片真治癒？心理學家：共鳴感令人紓緩
1 :
GS(14)@2017-06-10 13:31:51近年出現許多有趣短片，都被廣泛形容為「治癒」短片。
網上的有趣影片多不勝數，近年不少人以「好治癒」形容某些影片。治癒一詞原本在日本興起，用以形容一些女性藝人或動漫。現在用法廣泛，凡是讓人獲得平和或安慰感覺的影片，都會被稱之為治癒影片，有人甚至在短片下留言「我可以坐着一整天重複觀看這段影片」，可見這類影片的吸引力。
我們在街頭訪問了一些年青人，他們覺得「治癒」的影片內容種類各有不同，有人喜歡看貓狗，有人喜歡看清理黑頭，有人喜歡看箒喱搖晃。思健心理諮詢中心註冊臨床心理學家趙思雅指出，這詞用得氾濫，「看完一些短片覺得開心、搞笑、可愛，網民都會以這個詞形容（治癒），但以心理學來說，這個詞語並不存在，而這些也不是治療性的片段。」
臨床心理學家趙思雅指，所謂的治癒感在心理學上並不存在。
Instagram用戶sand.isfying分享動力沙（kinetic sand）的各種玩法，吸引30多萬追蹤者。
聽電視 獲暫時紓緩感
那為甚麼我們會特別投入看這類型的短片呢？趙思雅把影片大致分為三類，第一類為日常生活上的小細節，例如是切生果，小心翼翼地把番茄切成薄片，「平時生活都會看到這些情境，但我們沒有留意到細節，這些片段着重並放大細節，共鳴感令人覺得紓緩。」第二類重複性較高，例如是重複轉動的陀螺，「看着這些片段我們不需要思考，腦部運作可以休息，正如下班回家看電視，未必會留意電視劇的內容，但聽着電視的聲音就有種暫時的紓緩感。」第三類為可愛片段，通常圍繞動物或小朋友，讓觀眾獲得一種快樂的感覺，暫時把壓力忘卻。趙思雅提醒所謂的治癒只是紓緩和注意力分散，並不是真正的減壓方式，如果真的有壓力，一定要找出來源，並對症下藥。記者：鄧天蔚攝影：劉永發、徐振國2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170609/20049475
【男人的浪漫】網紅地盤佬文生 1111續Loop手機獨食牛河
1 :
GS(14)@2017-11-13 03:42:45文汝豪是朝九晚五的地盤工人，入行已兩年。
全新旅遊專頁，即like籽想旅行：
https://fb.com/travel.appleseed「哭泣聲絕無意義，它不會扭轉分開的心意。」1111，是淘寶天貓雙11優惠，更是光棍節。話明光棍節，又點可以不找光棍帶大家去食店「智多星」食牛河吹水。25歲的文汝豪（文生）日頭正職是地盤工人，朝九晚五，負責裝修天花。夜晚連國籍都轉埋，化身剛果黑人後生仔文生，種粟米為生，好鍾意在facebook留言。今年二月開始日日在facebook秒回，號召力極強，一出場網友就跟晒隊形打招呼。他索性開個專頁，開了兩星期有近萬個like。
同時他亦有個身份是文生，以秒回facebook留言為己任。
「很多人會標籤九十後不能捱，但其實很多年青人也做地盤。」文生指。
乾炒牛河（連湯及飲品）$43。
他自言自己都幾毒，放工後機不離手，更成日半夜在自己專頁出post撩人吹水。解悶之外，更希望透過自己的專頁去幫地盤工人發聲。以識女仔為例，他自言不是個個女仔都接受地盤工人。「可能有些女仔會覺得我們做地盤的人很髒，沒甚麼前途，污糟又辛苦。」工作圈子較少年齡相近的女同事，兩年來只有一個，較難識女仔。問及他單身的感受，他直言自己已一個人住，所以都習慣了獨身。聽落好似好豁達，但當記者問他有選擇的話，會選擇單身還是兩個人，他毫不猶豫說當然兩個人。看來他都不是真的愛獨，記者惟有祝他早日找到伴侶，就無懼1111、0214啦。智多星深水埗營盤街145號地下記者：張欣頤攝影：許先煜、王國輝、鄭明川
來源:
https://hk.lifestyle.appledaily. ... e/20171112/20211625
Next Page