ZKIZ Archives


JM紅爆影視展怕水寧全裸

1 : GS(14)@2016-03-15 15:09:55

■Janice Man昨日以一襲紅衣出席新片的記者會。


一連4日的「2016年香港影視娛樂博覽」昨日在灣仔會議展覽中心開幕,當中的香港國際影視展更吸引不少片商到場宣傳。近日在電影中有背部全裸演出的文詠珊(Janice Man),跟張晉、林家棟及監製鄭保瑞在博覽為即將開拍的新戲《狂獸》宣傳。以一身紅衣打扮非常搶鏡的JM表示,今次拍《狂》片要落水,比起之前的裸背戲是更大挑戰,因為自小就怕水,她說:「細個試過浸親,但而家去泳池都驚,對水有恐懼,一聽到覺得大整蠱,自己試過學游水,但都克服唔到心理壓力,耳仔同眼掂到水就唔得。」她坦然跟之前拍全裸戲與今次拍潛水戲相比,寧願選擇全裸。



■早前一輯裸背宣傳照是JM入行以來一次大膽嘗試。

■張晉、JM、林家棟一起為新片宣傳。

■(左起)王英偉、杜琪峯及吳雨出席昨晚的開幕酒會。


■黎明以大使身份出席酒會,少有沒有發表金句。

舊老闆黎明同場

張晉獲金牌經理人黃柏高揚言力捧擔正,他透露電影下月開拍,會有不少水中打戲,他說:「水中拍會難啲,攝影隊要落水拍潛水戲,有啲危險,我潛過水,但唔係咁專業,潛水會死人,係有啲驚,我諗到時會有專業人士喺度。」另外,昨日4時許JM的舊老闆黎明(Leon)以香港影視娛樂大使身份,出席在會展舉行的「香港影視娛樂博覽」酒會,聯同財政司司長曾俊華等主持啟動儀式,同場的還有徐小明、爾冬陞及杜琪峯等。Leon在台上談到香港在影視的優勢時,他說:「有好多前輩導演不斷喺香港、世界各地,包括內地做緊電影,喺呢個串流過程,好多資訊、經歷可以分享畀下一代鍾意做娛樂圈嘅幕後工作人員。」司儀問Leon有冇留意香港影視娛樂發展,他說:「每一分鐘大家都串流緊,大家可以隨時留意世界發生緊乜嘢事,外國亦可以喺香港設立電視台做劇集,香港有好好基礎,大家應好好把握。」採訪:張俊銘攝影:陳慧安





來源: http://hk.apple.nextmedia.com/entertainment/art/20160315/19529505
PermaLink: https://articles.zkiz.com/?id=297945

【爆相爆片】JM孖男友布吉撐枱腳

1 : GS(14)@2016-03-19 22:16:35

文詠珊(Janice Man)除有機會角逐今屆電影金像獎最佳女配角,與男友吳啟楠(Carl)發展亦穩定,讀者陳小姐昨日透過本報「爆相爆片」,分享JM日前與男友Carl去布吉度假的相片。陳小姐指當晚在當地Weekend Night Market見到JM與男友,她說:「嗰晚係13號,大約係泰國時間7點幾啦,佢哋只係得兩個人,聽到JM同男朋友講嘢把聲都幾嗲,仲叫男友出去同佢睇吓有乜嘢湯粉食。」昨日記者致電JM,她表示已返內地拍劇,還笑言:「大家只係去布吉休息咗兩日,爭取時間見吓面箒。」採訪:小米





來源: http://hk.apple.nextmedia.com/entertainment/art/20160319/19535988
PermaLink: https://articles.zkiz.com/?id=298512

女配對戰 吳浣儀靠水催運JM向影后進發

1 : GS(14)@2016-03-30 14:42:14

【第35屆香港電影金像獎女配角篇】文詠珊(Janice Man)由僆模到模Art,打滾多年,她今次憑《赤道》內的打女角色獲提名將於下周日舉行的第35屆香港電影金像獎最佳女配角,與李心潔、吳浣儀、金燕玲及秦海璐爭一席位。JM和吳浣儀日前接受本報專訪,JM稱從沒有想過自己可以拍動作電影:「係《赤道》兩位導演陸劍青同梁樂民覺得我可以,好好彩入到圍,證明佢哋冇睇錯。其實公佈嘅時候,除咗興奮同開心,都有啲難以置信。」她笑言不枉花了半年時間練拳和學開槍:「係要練到開槍都唔會瞇埋眼,開槍都開到手軟。」



■吳沅儀面對同組眾多強手,都是以平常心應對。攝影:陳俊強

■吳沅儀(左)在《五個小孩的校長》的演出賺人熱淚。



睇好金燕玲

singlepic id=19801198 w=160 h=120 float=left]首趟入圍的JM坦言要突圍而出有一番難度:「《五個小孩的校長》嘅吳浣儀姐、《踏血尋梅》嘅金燕玲姐一班都好強。如果要揀一個,我最想金燕玲姐攞,除咗因為佢好戲之外,一直以嚟都好欣賞佢嘅演技,差唔多所有佢嘅戲都有捧場。」早前JM接拍了邱禮濤導演的電影《兇手還未睡》,邱禮濤曾經憑《雛妓》將蔡卓妍(阿Sa)打造成金像獎影后候選人,JM在《兇》片中同樣有背部全裸鏡頭及大膽情慾演出,她說:「除咗拍好套戲,當然都會朝呢個目標(影后)進發。」



着幸運戰衣

至於現年62歲的吳浣儀去年無心插柳下,參演電影《五個小孩的校長》,不單令她過足戲癮,更令她成功入圍今屆金像獎女配角,吳浣儀淡然地說:「其實有份入圍,最緊張應該係我個仔,前幾日流出咗個賽果,佢第一時間畀我睇,之後又叫我唔好當真,可能驚我失望啩!」吳浣儀育有三女一子,丈夫在10年前因病過身,屬虎媽一族的她在教育子女方面,卻與《五》片中的呂麗紅校長南轅北轍:「呂校長對小朋友有教無類,好偉大,不過現實唔係個個做到。以前我啲細路,佢哋一做錯嘢或者駁嘴,我就兜巴星落去,或者拎起手嘅嘢就打落去。」自言篤信風水命理的吳浣儀,透露頒獎禮的戰衣是條湖水藍露背晚裝:「風水師傅話我旺水,藍色、黑色係屬水!」採訪:何永寧、王梓嫚



最佳女配角提名名單

吳浣儀《五個小孩的校長》文詠珊《赤道》金燕玲《踏血尋梅》秦海璐《三城記》李心潔《念念》



秦海璐《三城記》

李心潔《念念》



來源: http://hk.apple.nextmedia.com/entertainment/art/20160330/19549321
PermaLink: https://articles.zkiz.com/?id=298772

JM中四先去得夜街

1 : GS(14)@2016-03-31 14:49:03

文詠珊(Janice Man)早前再度為I.T旗下品牌拍攝平面廣告,戴上假髮的她說:「我覺得呢個造型,復古啲又玩嘢啲。」她將與張晉及余文樂合作,為新戲《狂獸》開工:「今次唔使我打,但角色要吸毒,而家研究緊個造型。」問JM現實中可曾被誘惑吸毒?她笑指兒時父親管教嚴厲:「中學有聽朋友講過。細個唔畀出夜街,中四之後先可以同同學食晚飯,都幾誇張。」早前忙於在內地開工的JM,終於回港拍電影,她笑指媽咪已準備大堆食物,以解她的相思之苦:「我最掛住香港嘅嘢食,因為喺內地冇時間煮,又要去買好多嘢先可以煮,所以日日都青菜米粉。」採訪、攝影:盧妹





來源: http://hk.apple.nextmedia.com/entertainment/art/20160331/19550972
PermaLink: https://articles.zkiz.com/?id=298892

拍跳樓戲一Take過JM吊威吔淋雨嗌唔停

1 : GS(14)@2016-05-08 01:56:16

【吊住淋雨】■JM昨在佐敦為新戲拍攝一場冒雨跳樓戲,被吊在二樓半空,現場工作人員不停射水。


文詠珊(JM)最近與余文樂、張晉等人合作拍攝新片《狂獸》,由《赤道》開始變身打女的JM亦越來越唔錫身,不過昨日她在佐敦拍攝一場跳樓戲時有少少驚,剛開始試位時在半空驚叫,又嚇到瞇晒眼不敢向下望,現場都見到有替身準備,但JM最後都自己頂硬上完成,而且一take過完美落地!



【瞇眼驚叫】■試位時,JM嚇到瞇晒眼,更不斷驚叫。

【狼狽喪跑】■從二樓吊落地後,JM又要拍險被車撞的鏡頭。

■拍完後,全身被淋濕的JM緊張看重播片。


■JM由《赤道》開始轉型做打女。劇照

被車撞拍足8次

昨日中午12時雖然不是首次拍動作場面,但要由高處跳下則是首次,故JM試位時都很緊張,導演亦錫住她,最後只要求她吊着威吔由二樓急降落地,最後一take過導演叫收貨,惟拍她險被車撞的鏡頭就拍足8次,加上要製造落雨效果,現場大水車不停射水,JM亦淋足兩個鐘,但見她休息時緊張睇重播片,工作人員則不停替JM抹身,怕她被水淋濕後冷親。採訪、攝影:羅德光、黃曉程





來源: http://hk.apple.nextmedia.com/entertainment/art/20160505/19597994
PermaLink: https://articles.zkiz.com/?id=299869

【星時尚】JM平貴互混

1 : GS(14)@2016-05-19 02:34:00

■JM以$249 Zara上衣,配LV草鞋,打造放假look。





文詠珊(Janice Man)剛拍完內地古裝劇《九洲海上牧云記》,入了劇組半年,她表示拍最後一日戲時感到不捨,忍不住哭起來。返港後即開新戲《狂獸》,月底再飛到近月寨卡病毒肆虐的巴西出席品牌活動,她說:「到時會小心行事,少去人多地方。出發前打咗黃熱病疫針。」
JM忙到暈,即使前日她在Ig貼放假相,都是劇本不離手。她的放假look發揮hi-lo混搭技術,以平價的Zara淺藍色露肩恤衫、淺藍bottom,配印有Louis Vuitton標誌的麻質草鞋,色調清新。



Topshop露膊上衣約$680

Castaner草鞋$1,090



【超蓮潮着卡通】

何超蓮很愛卡通服飾,穿過Minions X Steve J& Yoni P衞衣、Moschino孖寶兄弟衞衣,以及用過Olympia Le-Tan X Hello Kitty手袋。大前晚,她在銅鑼灣出席由四房千金何超盈、造型師好友馬天佑等,為她搞的生日飯局,已經25歲、大個女的超蓮依然公仔衫不離身,穿上飾薯餅、煙肉、雞蛋、牛奶等襟章的牛仔恤衫,童心未泯。這件牛仔恤衫出自本地福音潮牌Amenpapa,售$1,299,比起超蓮用過的貴牌crossover版卡通服飾平一大截。品牌是好姊妹G.E.M.的愛牌,未知超蓮是否受她感染而購買呢?



■25歲的何超蓮公仔衫不離身。

Amenpapa牛仔恤衫$1,299





Karl Lagerfeld恤衫裙約$2,400/thehut.com

Zara牛仔恤衫裙$299



撰文:StyleGuru





來源: http://hk.apple.nextmedia.com/entertainment/art/20160517/19614623
PermaLink: https://articles.zkiz.com/?id=300406

JM上海拖啜男友

1 : GS(14)@2016-07-14 08:09:48

■JM和男友打得火熱,睇戲時忍不住錫錫。互聯網圖片


文詠珊(JM)與圈外筍盤男友吳啟楠(Carl)拍拖兩年感情隱定,近年她密密留在內地賺人仔,昨日有內地媒體報道JM與男友在上海甜蜜拍拖,不但又攬又啜,JM更甘心做妹仔,晚飯時餵男友。不過忙於拍劇的JM明顯十分疲倦,與男友睇戲時竟然睡着。《蘋果》昨日找JM回應,她透過短訊回覆:「謝謝大家關心。」





JM最近在上海拍的新劇,原來由拍過穿越劇《仁顯王后的男人》的韓國導演金炳株組班,除了JM,還有韓國女演員劉仁娜。早年有傳內地禁拍穿越劇,不少劇集都要改劇本,但據知此劇將以穿越為題材。採訪:小米





來源: http://hk.apple.nextmedia.com/entertainment/art/20160714/19693474
PermaLink: https://articles.zkiz.com/?id=303688

【開餐調情】JM三巴收服的士邦

1 : GS(14)@2016-09-24 23:30:46

餐廳既可享受地道美食,情到濃時又可以卿卿我我,實是拍拖談情的不二之地。


文詠珊(Janice Man)、鄭子邦

JM前年跟的士車行太子爺「的士邦」鄭子邦在銅鑼灣意大利餐廳為友人慶祝生日,JM先使出迷魂鎖,又調情三打男方臉頰及嘴巴,兩人目前已經分手。


吳忠義、Beth

司馬燕丈夫吳忠義今年1月跟新歡Beth在銅鑼灣酒店蜜會,親密調情擒啜對方,見有記者在場後,二人十指緊扣狼狽行後巷逃離現場。


沈卓盈、眼鏡男

今年3月,甩拖的沈卓盈偕眼鏡男新歡在銅鑼灣雪糕店嘆雪條,兩人不時頭貼頭傾偈,沈卓盈拿手機自拍後與眼鏡男研究相片,其間她又不停舔雪條。


孫慧雪、Edwin Lo

今年8月跟富二代男友Edwin玩地下情,二人被拍到在北角食吉野家撐枱腳,Edwin細心為女友送上紙巾,又幫女友玩自拍。




來源: http://hk.apple.nextmedia.com/entertainment/art/20160924/19780216
PermaLink: https://articles.zkiz.com/?id=309854

連體嬰走兩場唔啱傾JM男友掃背趕悶氣

1 : GS(14)@2016-09-27 08:02:18

【摸頭掃背】■JM在酒吧內明顯與眾人不太熟稔,男友見狀走近摸頭安慰。DV圖片





【中環】文詠珊(Janice Man)早前與金融才俊男友吳啟楠(Carl Wu)蜜遊台灣,被本報讀者影到兩人不時頭貼頭玩手機,JM接受《蘋果》訪問時指她與男友都好忙,所以有時間就會爭取見面機會。



【悶玩髮尾】■JM(右)晚飯時雖與Carl分開坐,但偶爾走到男友身邊摸髮尾親密互動。DV圖片

【表情多多】■晚飯後JM(左)再與男友去酒吧會友人,JM傾到興起時動作表情多多。DV圖片

【保持距離】■JM前晚與男友夜蒲蘭桂坊,離開時刻意前後腳。DV圖片


晚飯分開坐

前晚約8時半,JM與Carl在中環齊齊現身。不過今次JM放棄享受二人世界,與男友約大班朋友去蘭桂坊食晚飯,JM更罕有與男朋友分開坐,各自各應酬,直至大家暢飲前開心碰杯,Carl才歸位走回JM身邊,搭她膊頭影相。而晚飯食到中段,JM終按捺不住與男友合體,主動走去搭Carl膊頭外,又不時掃Carl個頭及髮尾,晚飯食足三小時,大夥兒再轉場去附近一間位於地牢的酒吧繼續狂歡,當時已有一班人在場會合JM等人。


飲酒一粒鐘

不過,JM明顯與現場人士不太熟,相信是Carl的朋友,JM禮貌地跟各人傾偈,而Carl好識做,發現JM全身散發一個「悶」字,即時走到她身邊陪到實,更反過來摸JM個頭、掃背及玩她髮尾,相當合拍。而JM與Carl在酒吧逗留了一小時左右,便齊齊登上一架七人車離開。攝影:陳辰、楊浩賢、黃柏倫




來源: http://hk.apple.nextmedia.com/entertainment/art/20160927/19782658
PermaLink: https://articles.zkiz.com/?id=310271

JM認婚事有共識

1 : GS(14)@2016-10-02 13:35:29

■JM和男友Carl將搬入大埔比華利山築愛巢。台灣《蘋果日報》



文詠珊(JM)與金融才俊吳啟楠(Carl)拍拖兩年,對方被起底是「iBANK筍盤」。有報道指JM表示男友已求婚,二人找了大埔比華利山的2,500萬獨立屋築愛巢,而JM亦頻頻去新居睇進度。



Carl 資料圖片

JM前晚現身台北LV新店活動,問到與男友同居一事,她未有否認:「準備咗搬屋好耐,冇時間搞新屋嘅嘢,所以而家一有時間,有一、兩日都會去睇一睇,希望盡快可以搬,因為嚟緊又有三個月去北京做嘢,我諗出年先有時間再搬屋。」問她是否男友已求婚?她說:「而家自己都好忙,大家忙嘅程度差唔多,所以有共識係好開心,大家都唔急,好穩定。」採訪:唐如




來源: http://hk.apple.nextmedia.com/entertainment/art/20161002/19788096
PermaLink: https://articles.zkiz.com/?id=310975

Next Page

ZKIZ Archives @ 2019