📖 ZKIZ Archives

今年初，市區的士牌價再創歷史新高，衝破五百萬大關，較去年急升近三成，持貨眾多的車行同時水漲船高，身家暴升。

坐擁逾百架的士、市值逾五億元的金威車行，是行內最大的牌照買賣車行，月入三百萬元。投行（iBank）出身，年僅三十五歲的陳楚建，七年前從父親手上接 手的士王國，從中環走進深水埗，以基金模式管理的士行，用低差價兼一條龍管理，吸引外行人幫襯，扭轉行業生態，客人有醫生、教授，甚至內地人，將的士行業 打造成樓市、股票以外的另一炒家樂園。

金威車行位於深水埗巴域街，附近多是老人院、士多及街市舊鋪，旁邊是石硤尾邨，街上擠滿了買餸的師奶。採訪當日，西裝筆挺的陳楚建站在車行外拍照，攝影師 放好燈光腳架後，忽然殺出一名傻師奶，黐實陳楚建，笑咪咪舉起V字手勢，大呼要與他拍照，擾攘一輪才被勸服離開，陳大呼無奈：「你都見o架啦，依度成日都 好多怪人，都幾難適應。」其間途人停步圍觀，陳笑得十分僵硬，一身不自在。

習慣穿西裝打呔，官仔骨骨的陳楚建，不但打扮與周遭環境格格不入，經營的士生意的方法，亦與行家大相逕庭。「的士牌買賣大多經車行做代理，以前冇成交數 據，冇列明牌價，有人來問車行先報價，一個牌隨時賺你十幾萬，食水好深。」陳楚建邊說邊打開公司網站，網上列明每個月的的士成交宗數及牌價。「我哋買賣一 個牌約賺一至三萬差價，公開成交資料後，吸引咗好多外行人來買牌，不但做大咗個量，仲間接推高牌價。」

基金模式管車行

現時，市區的士牌照約一萬五千個，自九四年政府停止發牌後，牌價即變「海鮮價」，大起大落，車行被質疑操縱牌價，外行人不敢輕易沾手。因此，陳楚建接手金 威後，花了一年時間整理買賣資料，計算牌價升跌方程式。「日日翻箱倒櫃去搵，以前所有單都係手寫，我逐張入番電腦。」陳楚建試過用不同方法推算牌價走勢， 包括石油氣價格、油價、車租等，又多次問運輸署攞數據，但都不準確。「最後發現三個月嘅銀行拆息走勢，對牌價影響最大。」陳楚建笑說。

陳楚建拿着這些數據，向外行人，如專業人士，推銷牌照，方法如同賣基金。「好像買樓咁，買家最緊張上會後月供幾多，我分析到，佢哋信服好多。」陳楚建指， 公司網站會列明的士按揭資料。「最多借到七成半，依家息口係HIBOR（銀行同業拆息）加一釐三，即一釐四七左右。」陳楚建熟練地解釋道，而近兩年買牌的 人，有一半是的士初哥。「好多專業人士，如教授、律師，見的士係搵食車，就買牌來收租。」

針對這班外行客，陳楚建再借鏡資產管理，度「橋」自創一條龍服務，一手包辦租車、收租，以及車輛保養等。現時替客人管理約一百五十架的士。「一部的士每月 租金約二萬三，我收四千元管理費，客人實收萬九，之前牌價較低時，扣除銀行按揭還款後，客人每個月仲有千幾元入袋，好多人聽到都心動。」現時，金威每月牌 照成交量約二十多宗，佔全行近二成生意額，是行內最大的牌照買賣車行，買家包括內地客。「去年有個內地客大手掃貨，十月時分三轉，買咗十幾個牌，佢哋好熟 價，仲識壓價，我見佢買嘅量多，收少一、兩萬差價，但我知佢亦喺其他車行買貨，至少揸住三十幾個牌，牌價平均約四百五十萬，依家賬面賺晒啦。」陳楚建肉緊 地說，去年八月，他以為四百六十萬元牌價已見頂，年底又估五百萬元，結果通通破頂。「數據話我知個牌價已到頂，估唔到回報由五釐，跌到四厘、三釐，投資者 都唔沽貨，好像股票咁，好多因素都係估唔到。」

封殺行家月入三百萬

不過，陳楚建種種破格招數，卻令行家大呻幾乎無肉食。「佢哋為咗做生意，一宗買賣賺三、兩萬，好多客都上網格晒價，反過嚟壓我哋價，變相我哋都要跟佢，好 多行家都唔鍾意佢搞咁多動作。」有行家氣說。陳楚建自知是不受歡迎人物，不以為然道：「愈趨向成熟嘅市場，邊際利潤一定低，我都知咁做會得罪同行，但始終 在商言商。」不滿的還有父親。「有次老豆明知蝕都賣牌俾個司機，打開門做生意應該賺錢呀，我同老豆嗌晒交，後尾佢先話司機幫我哋做咗好耐，朋友一場喎。」

金威由陳楚建父親陳松奎於八十年代創辦，由維修車房轉營投資的士。○四年陳楚建接手後，即裝修辦公室，實行電腦化運作，從牌價、收租到交更，都由職員登 記，以便管理，可是卻遭老臣子不屑。「有啲年紀大，要佢哋學用電腦，唔係好願意，試咗又話唔識用。」眼見老臣子接近退休年齡，陳楚建便勸他們提早退休，再 請了識電腦的員工，設立按揭、收租等部門，初時老父並不認同。「後生仔始終急進咗少少，用晒電腦係好事，但員工未必適應到。不過佢依家搞到公司有聲有色， 我放晒權俾佢做o架啦。」陳松奎自稱退下火線，只間中替熟客做買賣，但記者三次到訪，都見到陳松奎在公司內，辦公桌就在兒子隔壁。

無晒朋友好寂寞

父親放不下，無非怕談吐溫文的陳楚建，難以與出身草根、粗聲粗氣的的士司機溝通，陳楚建提起公司二百多個「租客」，亦坦承怕怕。「我好少同佢哋傾偈，你知啦，門口外好多時都有司機糾紛，我費事同佢哋正面衝突，交晒俾一個跟咗老豆十幾年的同事管。」

事實上，當年父親叫他接手時，陳楚建猶豫了半年。身邊朋友、同事均睇死的士悶爆，只收租、「冇發圍」。「我怕做死一世收租佬冇癮。」陳楚建表示，當年十分 喜歡投行及基金的工作。「一入行就幫吉林汽車搞Pre IPO，要搵番佢以前嘅背景、去浙江睇廠睇數、搵保薦人，項目足足做咗一年先成功，好有滿足感。其後轉到道富，替基金經理管理賬目，經常踩足十二小時，再 和同事一齊去Happy hour，飲酒食飯後再開工，一齊搏殺。」但除了早已移民澳洲的大哥外，只有他可以接班，若交給外人打理，隨時被人吞食家產，「最後睇番公司盤數，覺得活 化牌照賣買有得做，就答應了。」陳楚建離開中環，工作環境亦一百八十度改變。「深水埗環境雜，我始終係老細，同的士佬又唔啱傾，無晒朋友，好寂寞。」平時 食慣中環高檔餐廳的陳楚建，現時兩餐都獨自在附近的大牌檔搞掂。

父親為「獎賞」陳楚建，先安排他由美孚新邨搬進九龍塘千萬豪宅帝峰園，再給他一張信用卡「任碌」當薪酬。陳楚建接替父親出任總經理，但公司股東仍是陳松奎，豪宅亦是父親名下，公司及兒子的「生殺大權」，仍緊握在這位創辦人手中。

陳楚建資料

年齡︰35歲

家庭狀況︰已婚

1997年︰佛教大雄中學

2000年︰中文大學生物化學學士

2001年︰澳洲新南威爾斯大學商學碩士，主修基金管理，畢業後加入Mackreth 顧問公司，專門協助內地民企在港上市

2002年︰於道富資產工作，任職客戶主任

2004年至今︰接替其父，管理金威車行