📖 ZKIZ Archives

寫財經專欄寫到 發達、人稱「老曹」嘅曹仁超，自從宣佈今年底金盤封筆後，大家都好關注佢嘅去向，華華就覺得，佢個「勢」仍然咁好，就咁告老歸田咪好寂寞？所以應該會有啲 搞作，而華華嘅直覺真係冇錯！路邊社權威人士同華華講，曹sir將會摺高衫袖揸起鑊鏟，親自坐盤搞基金，最近佢仲周不時響中環四圍蒲揀office呢！

呢 單嘢華華自然要搵當事人求證啦！曹sir默認咗會搞fund做生意，咁係佢自己獨資定孖人夾份又或者幫朋友手呀？佢話要先賣個關子，事關o依家雙方律師仲 響度deal緊，條件仲未斟掂數，所以家陣仲未簽約，不過，開fund啲前期工作，好似租寫字樓同埋請人會密鑼緊鼓進行，但佢話唔想俾人知道佢底牌，暫時 都係神秘啲好，希望最快下個月可以成事、明年初開檔，目標梗係focus響中國大陸喇。

四圍揀office搞基金

以曹Sir叫座力加埋40年炒股經驗，佢一吹雞，大批擁躉會叩門畀錢，唔知個fund受唔受華華呢啲平民玩嘅呢？

橫 掂傾開偈，循例都問曹sir貼士喇！奉行「有智慧不如趁勢」嘅佢大派定心丸，估未來兩年港股仲係牛市：「聯儲局QE2擺到明要創造一個升勢，你睇淡友都要 轉軚，所以千祈唔好造淡！」而相對港股，佢更加睇好A股，「未來10年，中國消費市場會爆炸性上升，賺錢機會多的是……」大家收到未?

李華華

一位傳媒前輩已 經退休咗，呢日睇報紙見到有留英學生話在酒店住大廳地板，好似集中營（電視訪問嘅原文好似係：有concentration camp咁嘅feel），不禁連聲嘆氣，猛話：「啲年輕記者、編輯、學生唔好亂咁用集中營呢個名詞，住在酒店內，無風無雪，有被冚，瞓吓地板啫，就話似係 住喺集中營，佢地根本都唔知道乜嘢叫做集中營，亂咁噏，捱啲咁多辛苦，就好似天跌落嚟，畢業後點捱世界呀！」呀，前輩有所不知，呢班九十後他日唔駛捱嘅 啫，好得過人地有生性父母，生活無憂，佢地畢業後唔駛搵錢養家養自己嘅，可以好正氣咁去做義工，幫助非洲人。

左丁山未經戰亂，不知集中營係點嘅，睇荷里活電影，例如《桂河橋》或者猶太人在二次大戰時期嘅遭遇，我地就會知道多少集中營生活是何等淒凉，不過呢啲電影或者過氣晒嘞，九十後唔鍾意睇。

富 裕社會唔講捱苦，要講社會責任，企業社會責任。中文大學商學院碩士課程畢業禮在十二月十八日舉行，主禮嘉賓係美國友邦保險有限公司董事局董事及執行副總裁 兼投資部總監朱泰和，人稱朱Sir，就企業社會責任發表演講。叫佢阿Sir，並非擦鞋，而係佢從商之前，係協同中學校長，在學校就俾人叫慣做阿Sir嘅 喇。朱Sir在七四年獲得中大MBA之後，就棄教從商，入咗美國銀行，做香港分行人事部主管，其中一項要務就係為銀行請見習生（trainee），三十六 年之後，大家都係孔明，就知道朱Sir請人，眼光的確獨到，當年美銀經朱Sir部門聘請之見習生，今天係好多間私人銀行嘅頭頭，或係CEO，人太多不能盡 錄，最出名嘅就係梁高美懿（恒生CEO），已退休嘅蘇皇銀行亞太區阿頭袁鯤濤，前美銀亞洲CEO錢乃驥等等，可能係做慣校長，請人時識得揀叻仔叻女啩。

朱 Sir在畢業典禮上講CSR，要求畢業生在日常生活行為中，親身體驗，例如慳水，做義工，行善，導人向善，不必倚賴他人，最緊要主動幫助不幸之個體、羣 組，搵工時就要考究埋目標公司是否係一個良好企業公民，有無CSR項目等等。朱Sir講CSR最啱啦，佢為人誠實誠懇，做慣校長識講書，NGO搵人演講， 搵朱Sir就實啱─只要佢得閒嘅話。

上週三是TVB三十六周年台慶的大日子，笑瞇瞇的公司主 席邵逸夫，乘着深紫色DM6勞斯萊斯，直驅耗資廿二億的新電視大樓。甫入廠，他便被一眾吊帶美女、皮草男藝員和西裝高層群星拱照着。三個幾小時的勁歌熱 舞，耳聾的邵逸夫聽不到了，忍不住打瞌睡，攝影師都識趣地立刻把鏡頭飛走。九十六歲的邵逸夫健康漸漸衰退，連九月底的富豪訪京團亦缺席。但他仍然操控着香 港兩大上市公司——市 值一百五十九億的電視廣播，以及三十四億的邵氏兄弟。他明知任職非執行副主席的太太方逸華，未能完全操控這個傳媒王國，於是找來前廣管局主席梁乃鵬臨時幫 拖。不過年屆六十九的方逸華仍積極收「⺕」，部署接班。無綫高層各有打算，各自埋堆搵位攝。台慶當晚，記者問六叔（邵逸夫暱稱）高不高興，六叔將手放在耳 邊，叫記者說多一遍，之後就說：「高興！」再問對無綫的發展滿不滿意，六叔這次索性指指耳中的助聽器說：「我聽唔到呀！」笑着回應記者。今年八月，邵逸夫 和政務司司長曾蔭權等四、五十名友好，還能登上內地教育部安排的私人飛機，到內地考察兼遊山玩水。但到了九月底，一直想爭取TVB在大陸落地權的邵逸夫， 竟然缺席富豪訪京團，放棄和新領導人胡錦濤和溫家寶見面，令人意外。台慶夜，記者問邵太兼TVB非執行副主席方逸華：「邵先生為何不去富豪訪京團？」她輕 鬆地說：「我有去，同成龍大哥去，你冇睇到啲相咩？」還親切地輕撫記者肩膀說：「我去咪一樣，六叔嘅身體……」略頓一下說：「好好。」隨即登上深紫色勞斯 萊斯離去。

邵逸夫身體不如前不過，從邵逸夫夫婦生活上的蛛絲馬跡，可見他身體漸不如前。據方逸華的朋友說：「以前方逸華喜命人到波斯富街華 記永昌號，買大閘蟹大宴親友。但今年冇喇！她寧願多啲陪六叔喎。」邵逸夫以前每有新片上場，便會在清水灣影城私人影院搞電影派對，十幾圍賓客包括高官、法 官、巨賈，六點鐘放映，七點半吃飯，自助餐由半島大廚主理，但近排都沒有舉行。「去年方逸華約了張敏儀（前廣播處處長）和邵逸夫晚宴。張敏儀走後，邵逸夫 竟然問方逸華：『啥儂？』（上海話『是誰？』）」邵逸夫的朋友說。近年除了逢星期二下午的董事例會外，邵逸夫已甚少返公司巡視業務。

找梁乃鵬輔助方逸華八八年，方逸華雖仍未和邵逸夫結婚，但已出任TVB董事，有份出席每週的董事例會。她擁有私人辦公室，儼如半個老闆娘。到二○○○年，她更成為TVB副主席。以前邵逸夫視政時，在董事局內主持及發言的多是他，在旁的方逸華雖偶然提出意見，但多不被接納。及至最近，邵逸夫精神漸差，方逸華在董事局 的講話亦多起來，開始大小事務都理。相比之下，九月才履新的梁乃鵬，尚是TVB「新丁」一名。由於邵逸夫是TVB大股東，除非資產另有安排，否則方逸華將 以邵夫人身份接掌TVB名譽主席，問題是方逸華經營一間複雜的電視商業王國，急需一個重量級的副手幫她掌實務。方逸華去年曾推薦友好張敏儀，但政府對此人 選「唔多高興」，方又與電訊盈科大中華區主席陳慶祥傾過，最後談不攏。今年六月，在邵逸夫力逼下，TVB突然宣布委任前廣管局主席梁乃鵬，出任行政副主 席。六十三歲的梁乃鵬出身律師，曾在董建華手上接過城大校董會主席的棒。他和董特首可以直接通電話，足可以做TVB的「大使」，與各方友好周旋，補方逸華 的不足。

少壯派陳志雲得寵梁乃鵬為坐TVB第二把交椅，不惜辭去路訊通副主席、新鴻基物流控股及馬灣公園主席之職，只留任九巴、龍運巴士及永隆銀行董事。然而，梁乃鵬從天而降，又沒有自己的班底，他日能否和方逸華合作成疑，在台慶夜他坐得離邵逸夫年很遠，眾高層對他不大理睬。TVB中人開始竊竊私語說：「而家唔知邊個係老細。」在TVB董事局的領導層中，排名第一的，本是邵逸夫心腹、五十四歲的董事總 經理費道宜（Louis Page）。約一年前，邵逸夫相約電盈主席李澤楷傾銀河衞視合作。陪伴李澤楷的是俞琤，邵逸夫則只帶費道宜，方逸華反而沒有列席。席上談到重要的骨節眼， 說話不多的邵逸夫會與費道宜咬耳仔，由費傳話，可見費道宜受重視的程度。不過，商界盛傳，費道宜和方逸華關係普通，日後獲倚重機會不大。邵逸夫另一「契 仔」，是綽號「酸薑」的鄭善強，但四十七歲的「酸薑」主政的網站因科網股熱潮爆破而蝕大錢，分拆上市無 望，令他行情向下。至於六十六歲的助理總經理黃應士，已屆退休之齡，傳聞近日無心戀棧，已遞上辭職信。今年美國攻打伊拉克戰爭前夕，黃應士曾親自領軍、粉 墨登場在伊拉克做現場報導。但近兩個月，他都未有出現新聞部。台慶夜，他向記者說：「一早我已經無管新聞部，新聞部怎樣發展係由羅燦（新聞部總監）去管， 我要管其他好多瓣，係個『大打雜』。」極有機會上位的羅燦，近日大肆招兵買馬，準備接掌黃應士的工作，事關他已經向集團總經理何定鈞埋堆。五十九歲的何定 鈞地位最穩陣，近年積極在內部拓展勢力。他談到無綫未來的大計時，瑯瑯上口，「主要是收費電視，仲有海外市場」。何定鈞對於邵逸夫繼任問題，答得小心翼 翼：「六叔身體仍然好好，我們都是根據他與董事局的大方向行事！」TVB內傳出，今年七 月廉署的「舞影行動」，拘捕《勁歌金曲》監製陳家倫及製作部助理總監何麗全，是用來衝擊何定鈞的，但此案不了了之。與方逸華最傾得埋的，是升陪方逸華唱 「K」的四十五歲助理總經理陳志雲。以韋家晴藝名在港台當唱片騎師的陳志雲，政務官出身，曾是商台俞琤的愛將。他早前拖着方逸華的手，出席羅文喪禮。方逸 華最近傾生意、巡視業務，多與陳志雲同行。

方逸華搞生意蝕本方逸華的阿公灣別墅，種滿鮮紅花朵。對面屋苑的看更說：「方逸華間屋一年三百六 十五日都裝修，試過成塊牆拆咗再起，好似話佢信動土先會發達喎。」方逸華與邵逸夫婚後，仍然分屋而居。邵居住在清水灣大廈。「咁多年，邵逸夫都是半夜才來 這裏探方逸華，通常凌晨兩、三點，最早一次係前日，半夜十二點，結咗婚都係咁。一年邵逸夫嚟唔超過十次。」看更說。方逸華讀書不多，但一把磁性歌喉，曾吸 引遠東集團主席邱德根。七十八歲的根叔，猶記得方逸華的迷人歌聲：「當時我朋友拉我去夜總會消遣，好似叫Peside夜總會，小舞台上的方逸華笑容甜美， 唱英文歌，好好聽。」方逸華和邵逸夫相識五十一年，兩人除是情侶外，亦有主僕的關係。方逸華喜以上海話叫邵逸夫做「老闆」。她六九年入邵氏執掌採購部。為 了省下武師的薪金、油漆錢、廁紙錢，她不惜和當紅大導演張徹、權傾一時的製片主任鄒文懷對敵。據一個前邵氏經理級員工說：「我們返工要打咭，方小姐自己打 埋一份，遲到要扣錢。」在TVB方是邵逸夫旁邊的紅人，旁人對她卻不重視。九七年，方逸華興致勃勃向TVB節目部建議開拍美國電視劇《人民法庭》，TVB 的人卻愛理不理。這番冷遇，促使她和邵逸夫在九七年五月六日，在美國拉斯維加斯結婚。「方逸華在七一年政府取消容許立妾的大清律例前，已登記做邵逸夫的 『平妻』了，但沒什麼人知道，所以要在九七年結一次婚，向外界確立自己的名份。」八一年，當方逸華出任邵氏董事時， 邵逸夫兩子維銘及維鍾，便撤退回新加坡，打理邵氏業務。此後，邵逸夫和子孫關係愈來愈疏離，九八年當維鍾女兒淑琳潛水溺斃時，邵逸夫竟然是閱報才知孫女死 訊。由於邵氏八七年陷於停產，TVB不聽使喚，方逸華於是在銅鑼灣翡翠明珠廣場內搞點小生意。翡翠明珠廣場由邵氏的戲院改建而成，由方逸華男性好友 Raymond Chan設計。方逸華曾在此開過淺草日本餐廳和玩具精品店，一律執笠收場。淺草店址已易手予別府拉麵店。上週六「別府」開幕，方逸華與妹妹來到賀。當記者 問及TVB運作時，她就略開腔：「TVB我同邵生一齊經營。」然後便閉嘴不作回應。

邵逸夫薑愈老愈辣外界估計方逸華多數會代邵逸夫掌TVB 帥印，但誰掌實務仍是未知之數。薑是愈老愈辣，九三年，無㵟被亞視搶攻。時年八十六的邵逸夫親自拍板，購入被視為「老土」的台灣電視片集《包青天》，令無 㵟收視起死回生。九六年，邵逸夫和郭鶴年過招，亦盡顯他的決斷力。郭鶴年本是邵逸夫商場上的好友。八八年，他應邵的要求，從龐雅倫接過「香港電視」三成一 股權，成第二股東，邵則有三成四股權，乃大股東。後來，「香港電視」分拆為電視廣播及電視企業，前者經營傳媒，後者則做出版及華星娛樂等。但副主席郭鶴年 並無話事權，心有不甘，由九一年開始，逐步減持電視廣播的股份；卻將籌碼押注到電視企業，暗中部署全面收購戰。九六年二月十三日，郭鶴年在事前並未通知邵 逸夫下，用旗下《南華早報》向電視企業進行敵意收購。《南早》以一股巿值五點五元的新股，換取兩股電視企業，收購代價三億五千七百萬。邵逸夫隨即出招，以 邵氏兄弟名義，於三月中提出反收購電視企業的建議，每股現金二點五五元，涉資七億元。郭鶴年還擊，每股現金二點七五元，將敵意收購升級。小股東見股價吸 引，當然接納收購，邵氏亦見好即收，於三月底同意《南早》全面收購電視企業，火速套現四億五千萬抽身；郭鶴年亦如願以償，成功收購電企股權。近兩年，邵逸 夫仍積極參與節目的決策。早前，亞視的《百萬富翁》大挫無㵟氣勢，邵逸夫即來一招「頂爛市」，重本找鄭裕玲主持《一筆Out消》，獎金不惜工本，務求打殘 亞視，結果一舉成功。

突破難關開銀河宪視邵逸夫最近為TVB打的一場大仗，是銀河宪視。根據電視牌照條例規定，已擁有免費頻道的無㵟要減持在銀河宪視的股量至少於百分之五十，以免構成壟斷。邵逸夫的如意算盤是，找兩間公司入 股，以保無㵟最大股東地位的話事權。但在○一年三月，繳交保證金的限期已到，銀河宪視仍未能交出八千八百萬的保證金，結果罰款十五萬元。交罰款後一星期， 馬來西亞投資者MEASAT打退堂鼓。邵逸夫連忙找電盈主席李澤楷入股，但電盈要投資數十億元，結果談不攏。至今年二月，TVB找到全球最大宪星公司之 一Intelsat注入五點四億元，換取銀河百分之五十一的股權。邵逸夫排除萬難，銀河宪視計劃下月試播。然而銀河宪視未完全解決「入屋」這一關。以有線 過去九年投資網絡的成本達五十億元，當然不會容易「益」銀河宪視坐享漁人之利。要趕及明年首季正式推出銀河宪視，絕非易事。隨着九十六歲的邵逸夫近日精神 漸差，TVB繼任人選又未完全明朗化。這百億電視王國仍存隱憂。

連鎖補習社現代 教育（1082）上市搞得如火如荼，今日正式招股，但補習呢行，好多投資者都唔多熟悉，如果淨係睇公司上個星期擺上網嗰本初步招股文件，相信好多人都會成 頭問號。好似轉咗學制之後，佢哋嘅業績會倒退幾多？公司嘅前景係點？仲可以點發圍？呢一堆疑團，睇嚟只有現代教育大股東兼補習天王Ken Sir（吳錦倫）最清楚。

噚日現代教育開記者招待會，交代上市安排，同日現代教育旗下嘅正規日校現代書院，就喺浸會大學大學會堂搞畢業禮。 華華諗住碰運氣，先去畢業禮踩場，睇吓撞唔撞到Ken Sir，再去記招。點知出席畢業禮嘅只有幾位星級名師，現代教育總經理陳紀笙同華華講，Ken Sir去咗見投資者，唔會嚟，但佢會去記者會。既然係咁，華華惟有去記者會。

要見投資者唔見傳媒

點知記者會上Ken Sir都無蒲頭，為人師表，點可以講咗唔算數o架！其他管理層解釋，由於時間緊迫，所以兵分兩路，Ken Sir去見投資者，佢哋就嚟招呼傳媒。呢啲時勢，梗係要好好招呼班投資者！雖然Ken Sir唔見傳媒，但出席記招嘅管理層就任問唔嬲，明顯有備以來。其中身為數學星級名師之一、兼公司營運總監李偉樂，好似教書咁逐點回答記者提問，搞到華華 好似上緊補習課。

李華華

創業不同炒股，情況不妙時，不能按個掣就止蝕，分分鐘跌入無底深潭，以下的人物就是一例。蔡金棠（蔡Sir）本是理工大學體育老師。○八年提早退休後，學人玩股票，跟股神畢菲特一樣，撲中一隻比亞迪（285），幾個月之間勁賺三、四百萬。

手頭有閒錢，蔡Sir因一次吃過旺角「珍豆漿」素食店便愛上，決定花六十萬入股。見有錢賺，再投資一百二十萬元，在灣仔開「珍豆漿」分店。這個決定，卻令他跌進火坑深處，不但與拍檔對簿公堂、更要不斷為鋪頭揼水，蔡Sir立定心意，打算結業。

直至一天，有善長出錢，請蔡Sir派素菜飯盒給長者。「有意義」成為了蔡Sir堅持下去的理由。從零開始，他再四出搵供應、搵廚師，進行改革。經歷了長達九個月的虧損，上個月終於有錢賺。

故事由蔡Sir退休開始，他從未想過，「退休生活」是如此不平凡。「我以前身體好好，退休後無乜運動，肥好多，所以成日搵健康素食，想fit啲！」每次提起飲食之道，蔡Sir都滔滔不絕，「起身要飲杯暖水，加少少檸檬汁，食一個蘋果或番石榴，之後食一大盤沙律菜。要加啲蘋果醋調味，再嚟一片多士，塗少少有機芝麻醬。」就是這份對素食的熱愛，他平日四圍尋找隱世素食，並曾吃過旺角「珍豆漿」，一試難忘，「佢哋以快餐形式經營，價錢大眾化，但一樣咁好食，又多人幫襯。」透過一個幫「珍豆漿」做設計的朋友，他知悉該店老闆姚先生正打算找人入股擴張，蔡Sir覺得有得做。贏了股票有閒錢的他，決定斥資六十萬元入股百分之十。「我唔諗落手落腳做o架，諗住投資等收錢咋。」

跌落火坑深谷

想不到，這是蔡Sir中伏的開端。入股後，姚先生很快便在葵湧開分店及食物工場，旺角店亦繼續客似雲來，蔡Sir說：「旺角嗰間起碼一個月賺廿萬。」這讓他心癢起來，於是要求姚先生讓他加盟，以「珍豆漿」的招牌在灣仔開分店，投資額達一百二十萬。蔡Sir對飲食業「零概念」，鋪頭選址、裝修、請人到供貨，包括豆漿及點心，都由姚先生包辦，「佢（姚先生）話呢度成七萬蚊租，但人流旺，只要一日做到一萬蚊已經有得賺。」蔡Sir還找人造了個大LED招牌，「單係呢個牌，都廿萬！」開業幾個月，每月淨賺五、六萬元。不過這場愉快的關係很快結束，「佢（姚先生）同我講，葵湧開咁耐蝕咁耐，要執咗佢。」葵湧店連工場執笠，意味著蔡Sir的灣仔店再沒有食物供應。洗濕個頭，蔡Sir前後再揼錢五十萬，頂手葵湧店。未有白紙黑字簽訂任可轉手協議，蔡Sir竟先付錢讓對方周轉。結果鋪頭轉名未成，前老闆姚先生已把工場關掉，變了商業糾紛。為追討當中欠款，姚、蔡二人對簿公堂，雖然蔡Sir獲判勝訴，但結果……「清盤官將佢間公司清盤，不過間公司都冇曬資產，乜都追唔番，我仲使咗十幾萬請律師o架。」蔡Sir勞氣地說。投資旺角店的六十萬元，亦同樣石沉大海。現時旺角「珍豆漿」已改名為「真心素食」，由姚先生經營。記者找他回應，誤以為記者是飲食版的他，樂於說他們親自磨的豆漿，記者問及蔡Sir的事，姚先生馬上收起笑容說：「灣仔嗰間同我無關係，我哋已經分開咗，招牌都唔一樣。件事喺法庭解決咗，你都冇需要知，做人應向前望。」為何公司清盤，仍有資金繼續開舖，姚先生笑笑口說：「我問人借囉，依家借三十萬好易啫！」

靠派飯爬起來

難為蔡Sir成為「三失」：失錢、失感情，還頓失食物供應，連做生意也成問題。往日葵湧店的廚師，願為他製作點心，但只是有限度供應，蔡Sir憶述：「無豆漿賣、好多嘢都無，有客入咗嚟都轉身走。」蔡Sir唯有自行搵貨源，經食客和佛堂朋友介紹，深水埗老字號順興隆桂記豆品廠，爽快答應供應豆漿，但要八十蚊一桶。當蔡Sir以為可暫解燃眉之急，「點知有食客外賣杯豆漿返屋企，飲完話肚痛。」經食物安全中心檢驗，其豆漿的含菌量超標八成，被建議停售。原來當初蔡Sir計漏了運輸一環，「我自己搵客貨車，每日將豆漿由深水埗運到灣仔，不過原來豆漿長時間喺室溫下容易變壞。」鋪頭再變百無，結果由盈轉虧，每月蝕三萬元，心灰意冷的蔡Sir正打算把鋪頭頂手。「但有一天，有個善長同我傾，話想製作素飯盒派俾同區老人家。佢出錢，我出力。」蔡Sir憶述說。善長之一Catherine表示：「以前嚟食過幾次飯，覺得好味，蔡Sir要求我唔好淨係捐錢，要落手落腳做。」每逢初一、十五，蔡Sir會預備一百個飯盒派，他向善長收每個二十元。上週日冬至，早上九點半派籌前，鋪頭外面已有約六十人的人龍。排頭位的蘇婆婆七點鐘已到，拿到飯盒後，她走到街外打開椅子即食，有蘿蔔、清菜及麵筋，她邊吃邊說：「呢度嘅飯盒清清哋，幾好味o架。」其他排隊的老人家，拿完飯盒，狀甚滿足地離開。見活動有意義，又有少少錢落袋，令蔡Sir打消「執笠」念頭，更燃起他的鬥志。

「神奇」還原水

蔡Sir找來葵湧店的前師傅國哥來廚房坐鎮，國哥憶述：「我初頭嚟嗰陣，個廚房好混亂，佢哋唔識搞，要慢慢執番好佢！」鋪頭的點心及素菜由國哥負責，蔡Sir則走遍港九新界，連大陸也不放過，尋找好的豆漿機。他聽人說用還原水機製甜品特別清甜，就花四萬六千元買了一部，「我朋友試過用還原水煮紅棗雪耳糖水俾我飲，啲味同平時煮開好唔同，特別清甜，所以我諗到用還原水整豆漿。」外貌如普通暖水機的還原水機，其實是把水喉水過濾，蔡Sir指可調校水的酸鹼度，還原水含有活性氫，他說：「我相信還原水可以洗走黃豆嘅嘌呤（Purine），飲咗健康啲！」記者考蔡Sir，是否知道「嘌呤」是中文還是英文，蔡Sir卻又答不出來。他為了煮出水準穩定的豆漿，更花了幾百元人仔，從內地買入一部專測豆漿濃度的測試器，檢驗水與大豆的比例。「最好係1比0.8，唔太傑、又唔太稀。」現時親手整豆漿可確保豆漿新鮮，毛利亦幾級跳，「依家兩蚊黃豆可以整到三杯豆漿呀！每杯賣十二蚊呀。」

記者發現，蔡Sir使錢如倒水，有點「吔吔烏」。皆因他曾於○八年撲中比亞迪，賺了三、四百萬，但如今又不知不覺花得七七八八，正是寃枉來、瘟疫去，而創業過程中被騙的感情及花掉的心血，更加無數計，蔡Sir的太太雖無怨言，但他們一直不敢把虧蝕的事告訴八十多歲的老媽子，怕她「受唔住」。經過多個月的改革，九個月的蝕錢期終結束，上個月開始扭虧為盈，月賺兩萬元。客人劉太指，幫襯蔡Sir是因為這裡素食選擇較多，「出面啲齋鋪煮嘢好油，甜酸齋又多色素，呢度感覺冇咁油。」蔡Sir見略有小成，計劃明年在新蒲崗開工場和分店，希望達致規模效益。但廚師國哥仍然擔心他，「佢係幾好人o架，不過就太易相信人，容易俾人呃！之前有個投資者話入股，佢都未俾錢，蔡Sir已經俾佢話事，不過最後佢一句唔該就走咗！」蔡Sir擰擰頭說不會再胡亂信人，「早前曾有投資者搵我話投資落我度，佢話只須每個月俾萬五蚊管理費佢，便會幫我打理好。唔好喇！我上咗一課，依家自己做才有信心！」

開業資料(12/11)

租金：$235,000#裝修：$660,000入貨：$60,000雜費：$20,000招牌費：$200,000總投資：$1,175,000#兩按一上

營業資料(11/13)

營業額：$213,000人工：$63,000^租金：$71,000入貨：$37,000雜費：$22,000盈利：$20,000^六名全職及一名兼職

一點意見

過來人（恩記），鉅龍酒家老闆。○三年他和黃永幟（幟哥）夾份開設龍皇酒家，後來意見不合，最後吳伯恩憤然退股離開。恩記指：「出嚟做生意，大家都係講個信字，不過有啲人唔守規矩，大家講過嘅嘢最好白紙黑字寫清楚，再唔放心就搵律師做見證。」恩記又提醒蔡Sir，日後頂手鋪頭時，要留意租約和牌照是否已經轉名，「頂手唔係淨係兩個人嘅事，要業主同意埋，唔係日後多數嗌交。」他又指，蔡Sir當初不應該天真地完全依靠一個供應商，「做人要有兩手準備，如果唔係冇咩保障。」頂手前，亦應注意以下幾點：1. 處理新的商業登記2. 食牌到期日/轉名3. 租約到期日/轉名4. 上手的股權分佈5. 上手有否供足強積金6. 上手是否有負債