ZKIZ Archives


屋鸷仔搞GAG爆笑市值過億

2013-03-07  NM
 
 

 

搞笑圖片網站9GAG回流殺入香港,引起本地後生網民騷動,酸溜溜網友留言:「比起高登,算咩神級?」亦有人口痕:「9GAG真係要多謝高登鱓巴打絲打(brothers & sisters)。」高登仔你一言我一語,皆因他們估不到年紀與他們相若的五個香港八十後,在五年前所創的9GAG.com,能夠將香港的二次改圖文化,搬上國際互聯網,而且在全球有六億用戶使用。9GAG現時瀏覽量全球排名323,壓倒排357的NBA官方網站、排365的《華盛頓郵報》。主要獱弗人陳展程、陳展俊兄弟,放棄人人羨慕的律師、建築師工作,轉戰IT,搞笑搞鬼,爆笑爆出市值一億多。

搞GAG的人,又豈能忍受整天對覑四道牆,9GAG今年元旦搬入新的辦公室,滑板、乒乓球䒷、打邊爐器具、毛筆墨硯,古靈精怪共冶一爐。9GAG用戶近日將教宗退位的新聞搞GAG,星球大戰的黑武士打扮成教宗,註腳一句「A New Hope」,跟港人叫劉德華選特首一樣政治娛樂化。這張黑武士圖片,有五萬多人like。9GAG網站○八年建立,用戶上載自拍或二次製作的搞笑圖片,名字原意為搞GAG(即搞笑),取了諧音9GAG。這個本地製造的網站,先在外國「響晒朵」,今年初回歸香港。廿九歲的陳展程與廿六歲的陳展俊,兩兄弟是9GAG始祖。兄弟分別於港大法律系及建築系畢業;七年前妹妹成為會考狀元,報章報導指他們「一門三傑」,但陳展程自嘲說:「大鮋唔做法律,細佬又唔做建築,三傑有兩個都係『傑撻撻』。」陳展程稱在港大三年都是「Hea」讀,「你住鰦hall(宿舍),你知堂友影響力係幾咁巨大,成日去玩去打波。」畢業後他曾在銀行法律部工作,但不甘太悶便轉到NOW財經台當主播,不久又身痕過檔到網絡公司。網絡公司老闆三十歲不到,刺激陳展程也要創業。而弟弟畢業後鍾情設計多於建築,曾到開發iPhone apps的公司當介面設計,在哥哥拉攏下,便與朋友一同開發網絡產品。

起首鋪鋪衰

兩兄弟天馬行空,在○七年推首個產品——電器資訊網站,「即係你屋企有咩家庭電器啦,你就upload上網,大家共同share」。叫香港人同三唔識七鮋人介紹電器,實在有點天真,結果初試啼聲就衰鰦。跟覑他們又搞化妝品分享網,「你話俾我聽你用開咩產品,我就根據你鮋喜好去推薦一些化妝品」,結果同樣一命嗚呼。生意苦無頭緒,嬉戲念頭則無限。陳展程經常收到朋友傳來的搞笑圖片,「我懐覺得可以(將圖片)直接上傳網站,咁就快靚正啦,所以我懐開始做9GAG」。9GAG於○八年玩玩纒開始,陳展程認為笑聲無國界,所以網頁用英文介紹,吸引不少外國人分享歡樂。至一○年,電台節目主持少爺占在節目中提及9GAG好搞笑,「結果當日有六千人瀏覽,伺服器玩到down鰦,我懐已經好開心」,為應付伺服器開支,他們在9GAG接廣告,不過,9GAG純粹自娛,他們全副心機繼續研究其他項目。

到美國尋夢

一一年初,陳展程留意到美國矽谷有專給科技創業者的基金計劃Y Combinator,提供資金及安排師傅教路,計劃完結前還會安排示範日,讓參加者「晒冷」給投資者,有機會一夜成名。於是他跟弟弟和合夥人Marco,就心口掛個「勇」字飛往美國,「你打籃球,都想去NBA度打啦」。當年他們帶往尋夢的,是一個相片分享網站的設計意念,和幾包即食麵。二十多歲人第一次出門,飛到美國這麼遠,兩兄弟什麼都不懂,「都唔知要帶咩過去,第一晚為鰦慳錢,去到鲻機場,鲻到半夜好肚餓,在行李中拿出了辛辣麵,就咁食(乾啃)……鰟陣味真係……結果後來好耐都無再食過辛辣麵」。他們面試失敗,後來當地認識的朋友介紹另一個創業計劃500Startups,他們將另外一些創業計劃呈上,包括9GAG,結果成功入圍。獲得五萬元美金贊助及導師從旁指導,他們用這筆錢開發手機卡拉OK程式,但這不是老外那杯茶,不獲投資者青睞。「我懐同個mentor講,其實我懐有個網站做得唔錯鮋,佢叫我懐俾數據佢睇,點知佢一睇就嘩一聲!其實你懐應該全力做呢個網站!」當時9GAG的瀏覽量已達每年一億人次。

集資二千萬

回港後他們全力擴展9GAG,去年初,哥哥重訪500Startups的導師,找到一批投資者的聯絡辦法,便去三藩市、紐約叩門。「你俾到佢(投資者)睇呢幾年我懐用戶數量係咁升,廣告收入係咁升,佢就會覺得係一門做得到鮋生意。」叩門兩個月後終有投資者首肯,「有了第一個肯認頭,第二、三個就會跟覑來。」在美國待了四個月,他拍門拜訪七十個投資者,有二十個願意注資,當中包括曾在YouTube、facebook、Google與Badoo當指導的Benjamin Ling;Twitter 投資者Tim Ferriss等,獲得二百八十萬美金(約二千一百七十一萬港元)注資。他們每年要提交9GAG的業務報告給投資者,並不時報告業務進展。創投基金會買下9GAG百分之二十股份,按此計算,9GAG現市值約一億四千萬港元。而餘下八成股份,由五位創辦人均分。團隊今年正式在港設立辦公室。「我懐希望做番一鱓本地鮋笑料,等各地網民覺得更加貼身」,他們先試驗香港STYLE的9GAG,目標是世界各地有本地化的9GAG。事業終上軌道,陳展程一身T shirt牛仔褲打扮,每天上班仍要逼坐地鐵。原來他每月支薪五萬元,希望留多些現金給網絡發展。9GAG現時收入靠廣告,客戶包括銀行、相機產品等大品牌,每年過千萬元的收入。

廣告有「錢」途

雖說同行如敵國,但9GAG也獲本地薑高登網站的行政總裁林祖舜認同。林祖舜說9GAG不收費只靠廣告的營運模式是大趨勢,而且大部分網上服務都難以向用戶收費,「你睇上次Whatsapp要收八蚊都要嘈就知道。」對於港產9GAG的成功,林祖舜覺得有喜有悲,「喜鮋係呢班八十後證明鰦香港後生仔唔係好食懶飛,而係用自己才能證明有人欣賞。但悲就係,香港其實有好多人有咁鮋創意,有咁鮋天才,但香港投資者從來唔覺得互聯網生意係有價值,結果唔投資,相反佢懐去美國就爆得起。你會見到美國願意投資,造就到好多互聯網好似facebook咁鮋奇跡。」根據Alexa.com的統計資料,9GAG的用戶主要是35歲以下,遍布美國、德國、巴西等。本港較受歡迎的網站如壹傳媒、香港高登,都望塵莫及,全球排名分別是2266名及6524名。在國際爭得知名度,也比不上瀏覽數字帶來真正喜悅。「每個月有六千萬人因為你的網站而笑,你唔覺得好有成功感咩?」陳展程說。

屋鷙 鷙仔 仔搞 GAG 爆笑 市值 過億
PermaLink: https://articles.zkiz.com/?id=53346

一堆都幾爛的爛gag

楊采妮搽香水(估一市井俚語)  答案:睬你有味(采妮有味)

哈利波特退學(估一四字成語)  答案:不學無術(巫術)

胃出血(估一甘草女演員名字)  答案:惠英紅(胃應紅)

出街食飯食唔曬,又唔想浪費,
應該點?(估另一甘草女演員名字)答案:鮑起靜(包起淨)
註:此條並非筆者原創

人體哪一部位最多毛?      答案:腳,因為足智多謀(足至多毛)

哪一位親戚是最難了解的?    答案:姑丈,因為孤掌(姑丈)難鳴(明)

捉棋最後一步(估一港鐵站名)  答案:將軍澳(將軍,噢!)

警花(估一港鐵站名)      答案:荔景(麗警)

去廁所之前要做的事(估港鐵站名)答案:樂富(落褲)

完全失敗(估港鐵站名)     答案:荃灣(全wang

哪一個地方是最不歡迎尼姑的?  答案:迪士尼樂園(敵視尼樂園)

拚命隆胸(估一七言詩句)    答案:語(乳)不驚人死不休

哪一種海鮮是天生殘廢的?    答案:龍(聾)蝦

有乜周係最多人中意玩的?    答案:黃金周

發明火牛的人          答案:田單(請參閱中國歷史)
一堆 堆都 都幾 幾爛 爛的 的爛 gag
PermaLink: https://articles.zkiz.com/?id=176595

爛gag二則

  歷史老師問小明:“你知唔知咩叫曲線救國?”
  小明想了想,點頭:“我知!好似歷史上o既西施呀王昭君呀貂蟬呀咁,犧牲自己曲線玲瓏o既肉體嚟救國家,咪係曲線救國咯!”
  老師:%X*@$Y……

  小明:老師,請問如果我歷史考到A,有冇機會考入大學歷史系?
  老師:小明,乜你唔記得我教過你,歷史係冇如果o既咩?
gag 二則
PermaLink: https://articles.zkiz.com/?id=197293

中環在線:CY悶親賓架 台上搞爛gag 台下玩手機

1 : GS(14)@2013-07-19 00:35:26

http://hk.apple.nextmedia.com/financeestate/art/20130718/18338821

                大家成日話CY喺商界冇朋友,喺銀行界似乎都係差唔多。CY噚日出席香港銀行公會卓越人士午宴,擔任主講嘉賓,佢講咗約15分鐘,期間,在場唔少賓架唔客氣咁做低頭族,一到答問環節更靜晒,十幾秒後先有三、四位賓架畀面提問,令場面冇咁尷尬。

阿媽係女人嘅開場白

                                    CY可能想演講氣氛輕鬆啲,劈頭就話自己係銀行客戶(請問家陣有幾多人會將錢放喺床下底呢?),一直有存款,存款仲係佢主要嘅流動資產,所得嘅回報好低咁話。呢個阿媽係女人嘅開頭,難得在場賓架識得笑,佢哋心裏面其實係咪笑CY唔做較高息嘅人仔定期呢?
CY又講,細路仔嗰陣會幫阿媽去銀行交電費喎,可惜,現場賓架好似對佢講嘢冇乜興趣,好多人低頭玩手機,或者係有急趕公務要處理啩。其實都明白嘅,CY不停講中港金融合作、喺內地開支行同人民幣業務,呢堆資料,賓架倒轉背都背得出啦。
臨尾佢又推銷金融發展局,專登提起金發局上周搞前海論壇,話係為在座賓架而搞㗎,至於金發局有乜大計,佢就話要等報告出籠先知。講開金發局,市場曾經盛傳,金發局想搶金管局嘅嘢去做,金管局總裁陳德霖噚日正好坐喺CY隔籬,唔知兩位有冇冰釋前嫌呢?
中環 在線 CY 悶親 親賓 賓架 臺上 上搞 搞爛 gag 臺下 下玩 手機
PermaLink: https://articles.zkiz.com/?id=283482

方東昇搞爛Gag爆紅

1 : GS(14)@2015-10-12 08:44:35

■方東昇近日在《世界零距離II》內搞爛gag彈出,人氣急升。電視圖片


無綫力捧的新五虎和港姐小花被批未夠班,觀眾似乎不太受落,反而資深主播方東昇畀到一些驚喜大家。方東昇最近憑《世界零距離II》彈出,以報道新聞形式搞gag,近日好多人在facebook洗版式留言讚他好搞笑,被封「昇爺」榮升男神。昇爺帶着被他形容為疑似淑女的陳沛珈和黃曉瑩走訪九個冷門國家,在節目中昇爺爆出不少搞gag金句,好似「企鵝蛋有企鵝蛋味」、形容列支敦斯登足球隊為「堪稱有骨嘅魚腩」,又幫企鵝同海龜改名做「Please be seated請坐」同「龜宿」,還以報道新聞形式讀出急口令「郵差叔叔送信純熟迅速送出」等。撰文:嵐山





來源: http://hk.apple.nextmedia.com/entertainment/art/20151011/19328683
2 : Wilbur(1931)@2015-10-12 08:52:53

有冇人同我一樣覺得佢D爛GAG太頻密,好X煩

同伍晃榮畫龍點晴式搞GAG總結場波完全係兩回事
3 : GS(14)@2015-10-12 19:58:01

Wilbur2樓提及
有冇人同我一樣覺得佢D爛GAG太頻密,好X煩

同伍晃榮畫龍點晴式搞GAG總結場波完全係兩回事


有時覺得佢無野搵野黎講 結果真係爛左
by小花
4 : GS(14)@2015-10-14 00:38:49

greatsoup3樓提及
Wilbur2樓提及
有冇人同我一樣覺得佢D爛GAG太頻密,好X煩

同伍晃榮畫龍點晴式搞GAG總結場波完全係兩回事


有時覺得佢無野搵野黎講 結果真係爛左
by小花


點解我唔知的呀

小花你幾時跳出來呀
東昇 搞爛 Gag 爆紅
PermaLink: https://articles.zkiz.com/?id=293065

Juno現身合唱《羅生門》Kay澳門騷即腩爆爛Gag

1 : GS(14)@2015-10-12 14:25:42

【不慎露腩】■謝安琪前晚在澳門開騷,着露肩裝襯半截長裙,失手露出豬腩肉。


人妻謝安琪(Kay)前晚在澳門舉行「拾回謝安琪數愛世界巡迴演唱會」,為入行十周年的巡唱揭開序幕,Kay以神奇女俠谷胸騷腿look勁歌熱舞,性感打扮令觀眾大飽眼福,不過,Kay換露腰裙跟麥浚龍(Juno)合唱《羅生門》,卻不慎即出一團豬腩肉,大煞風景。連續三屆蟬聯高登女神的Kay,一直迷倒萬千網友,前晚以六套性感戰衣登場,唱《羅生門》時着露肩裝襯半截長裙,失手露腰間贅肉,當時台上螢幕播出Juno錄像的唱歌片段,觀眾還以為兩人隔空合唱,怎知尾聲時Juno突然出場跟Kay合唱,掀起全晚高潮。
Juno自嘲不善辭令,加上沒甚台風及多着黑衫,笑說:「我喺後台諗,你可以做一個紙板嘅我,倒咗我嘅模加啲白鬚上去,公仔只要識左右郁動同揮手就得。」Kay聞言回以爛gag:「如果面前有隻猛獸喺籠入邊,我想走入個籠,你會同我講啲乜?」Juno靜了幾秒,台下觀眾搶答:「麥浚龍(勿進籠)!」全場大笑。



【世紀合唱】■謝安琪和麥浚龍合唱《羅生門》,掀起全場高潮。

【谷胸女神】■人妻Kay以神奇女俠look騷腿,在性感女舞蹈員陪伴下勁歌熱舞。

【百變形象】■謝安琪全晚換了六套性感戰衣。



觀眾盜錄擺上網

完騷後,Kay自爆有件歌衫因太大不停下滑,工作人員要衝上台為她換衫,Juno笑說:「你之後嘅演出,換衫位置可請我做。」昨有網友已急不及待將在場內盜錄兩人合唱短片擺上YouTube,指Juno似感冒唱歌好細聲:「Kay好似特登細聲啲畀Juno把聲出?」、「Juno把聲係咪畀佢pat鬚隔咗音」。此外,前晚Kay唱出十年的代表作,包括《勢不兩立》、《獨家村》、《鍾無艶》等歌曲,最後以首本名曲《囍帖街》為個唱劃上句號,而Kay的香港站演唱會將於明年4月假紅館舉行。撰文:皓騫





來源: http://hk.apple.nextmedia.com/entertainment/art/20151012/19329483
Juno 現身 合唱 羅生 Kay 澳門 騷即 即腩 腩爆 爆爛 Gag
PermaLink: https://articles.zkiz.com/?id=293076

爛Gag放送:昇爺金句大爆發

1 : GS(14)@2015-10-13 07:36:45

昇爺主持的《世界零距離II》,大搞爛gag、爆金句,成為新一代男神主播。1.當身邊一切如風,感覺像香港的寒冬2.工欲善其事,唔好發脾氣3.自己衞星自己射4.唔使驚,Lauar(火箭發射控制中心話事人)係大廳5.睇火箭發射同睇波一樣,現場睇最有氣氛6.呢度嘅假牙,假得好真7.喺跌低嘅地方爬翻起身,從來都唔易8.浪花一朵朵,誓言講咩就聽唔清楚9.人怕素顏,屋怕爛尾10.有銀紙都未必買到廁紙





來源: http://hk.apple.nextmedia.com/entertainment/art/20151013/19330474
Gag 放送 昇爺 爺金 金句 句大 爆發
PermaLink: https://articles.zkiz.com/?id=293104

盧太:希望大家祝福佢盧大偉患癌激瘦 留醫照講爛Gag

1 : GS(14)@2016-03-02 15:01:58

■以往屬大碼身形的盧David,近兩年突然急瘦,上年12月出席活動時兩邊面頰亦見凹陷。互聯網圖片



今年71歲的無綫資深藝人盧大偉(盧David),昨突然傳罹患腸癌和病危消息。其實自前年他辭演劇集《倩女喜相逢》後,便鮮有出席公開活動。記者在其facebook的大合照中,發現盧David身形激瘦,精神狀態欠佳。其好友鄧英敏昨表示對方現正在醫院療養,更有「唔認得人」情況出現,不過仍愛搞爛gag,盧太更謂希望大家可以祝福佢。


盧大偉是無綫昔日節目《歡樂今宵》的中流砥柱,更是搞笑始祖,除了喜歡搞爛gag,更愛扮鬼扮馬,最經典莫過於他和沈殿霞合跳《天鵝湖》一幕。早年盧David開辦教室,教小朋友口才和配音,兩年前亦曾替無綫客串劇集《女人俱樂部》,重新活躍幕前。同期他原本應承無綫拍另一新劇《倩女喜相逢》,但最後卻以病為由辭演,往後盧David鮮有出席公開場合,直至昨日卻突然傳出他罹患腸癌和病危消息。



■盧David的太太多年來在丈夫身邊為他打點一切,對於有傳老公患病,她希望大家可以祝福他。互聯網圖片

■就算近年患病,盧David亦致力他的教室。



性格積極正面

本報記者昨致電盧太,她說:「佢係年紀大,即吓油箒,而家有啲攰,感冒都有啲攰喇,今日都有好多傳媒朋友打嚟問,多謝大家關心。」有傳盧David患腸癌?她說:「我都聽講有報道出咗嚟,David而家情況唔想多講,佢需要靜心休養,調理番個身體,我唔係醫生,有啲事我都唔識得點講,佢係一個好正面、好積極嘅人,希望大家都可以祝福佢。」據悉盧David去年2、3月發現患腸癌,經曾志偉介紹名醫醫治,並已進行切除癌細胞手術後,腎臟亦出現問題,是以他除接受癌症治療外,要接受血液透析療程。據一位上月到醫院探望盧David的好友透露,盧David精神不俗,與友人傾談時心情暢快,還不時講他最擅長的爛gag。



■兩年前盧David(右)曾為無綫拍節目,但其後卻以病為由辭演新劇。

■盧大偉曾是無綫最受歡迎的主持之一。



「少少唔認得人」

盧David好友鄧英敏昨透露早前見過對方,發覺他瘦了足足兩個碼,縱使穿很多衫仍覺凍,鄧英敏在電話中表示:「最後一次見佢係去年年尾,當時我哋出席活動,佢係嘉賓之一,原本要上台講嘢,不過佢嗰晚狀態唔係幾好,所以我就走落台同佢傾幾句,見佢傾偈嗰陣,條氣好唔順,如果100分滿分,我諗佢嗰晚得60至65分。其實我估計佢個病係呢兩、三年嘅事,中間唔排除有做過手術,不過可能佢冚住唔想畀人知。有次食飯撞到佢同老婆,都有同佢傾幾句,原本想同佢影合照,不過佢太太就話唔好,話等佢精神啲先再影,咁我都明嘅!」鄧英敏透露原定《歡樂今宵》一班舊同事在農曆年約埋敍舊,盧David最初應承會和太太出席,但最後都冇現身:「嗰次係珠女(吳麗珠)發起嘅,我哋朋友之間都知佢唔舒服。有個舊同事同我講,佢而家有少少唔認得人,近排一直留喺醫院療養。」記者亦試過致電吳麗珠,她表示早前曾見過盧David,但其他就不方便回應。至於曾和盧David合作過的薛家燕昨表示:「我幾個月前有聽聞過呢個消息,身體唔係咁好,但係我一直都好忙,我個女都有提過,叫我有時間去睇吓佢。」與盧David同一基督教教會的寶珮如則說:「我同佢同一教會,我只係知佢身體唔係好舒服,好耐冇見佢返教會,其他就唔清楚。」採訪:王梓嫚、魯吉、何慧斯





來源: http://hk.apple.nextmedia.com/entertainment/art/20160302/19512114
盧太 希望 大家 祝福 佢盧 大偉 患癌 癌激 激瘦 留醫 照講 講爛 Gag
PermaLink: https://articles.zkiz.com/?id=296582

9GAG創辦人唔識搞gag原來100%用網民橋

1 : GS(14)@2016-08-18 06:04:30

阿Ray話9GAG原意係想用最方便快捷嘅方式share笑話



年長朋友成日分享長輩圖,後生仔就梗係share9GAG圖!全球最多like嘅搞笑圖片平台9GAG,2008年由五個香港80後創立,依家淨係Facebook專頁都已經超過3000萬個like。佢地曾經去矽谷籌得280萬美元資金,至今已經成為市值過億公司。喺好多人以為佢哋職員一定創意無限兼風趣幽默同時,創辦人之一阿Ray陳展程就話,其實佢哋啲笑話連圖片係100%由網民提供,9GAG工作就係用電腦系統篩選網站上最多like嘅笑話圖片,然後上載去社交平台,就等阿Ray逐一解答埋其他關於9GAG嘅疑問啦!記者:黃芷蔚 攝影:馮峰、吉吉



但就話佢哋唔係咁搞笑㗎咋!

佢將發哥呢個表情命名為「今次x街了」

9GAG最出名係用圖片抽水

疑問1:9GAG係咪粗口?
Ray:梗係唔係!同粗口完全冇任何關係,不過都試過有人嚟見工時keep住講粗口,我哋不斷更正返佢。疑問2:你哋啲笑話係咪自己創作?
Ray:唔係,我哋唔係自己製造內容,只是一個平台作篩選,用戶上載咩畀我哋,我們再揀啲最好笑嘅出嚟。疑問3:咁每日有幾多人提供笑話畀你哋?
Ray:大約幾萬個。疑問4:你哋閒閒哋一個post幾萬個like,可唔可以分享呃like之道?
Ray:我哋好相信呃其實唔會長久,反而要真正了解用戶其實鍾意啲咩,睇咗嘅人覺得有共鳴,佢哋先會再分享出去。疑問5:喺9GAG返工係咪好彈性同自由?
Ray:唔知其他公司係點啦,但我地做野都幾傳統,9點3大部分同事都已經返到,唔係話好自由,你喜歡返嚟就返嚟,因為就算科技幾發達,始終有啲位,面對面講好好多。疑問6:傳聞你哋員工好高人工?
Ray:你喺市場上可以搵到嘅人工之中最高嗰個人工,我們係願意畀你嘅。



保特跑奧運100米呢幅圖,梗係要抽

仲有近期紅人Margot Robbie,同佢飾演嘅女小丑Harley Quinn

不過Ray補充,真係有心工作嘅人最緊張嘅唔應該係公司福利,係可唔可以同叻人一齊合作,令自己遇強愈強喎!




來源: http://hk.apple.nextmedia.com/entertainment/art/20160818/19740734
9GAG 創辦人 創辦 唔識 識搞 gag 原來 100% 網民
PermaLink: https://articles.zkiz.com/?id=306382

【動畫●每日健康】怕醜仔忽然狂搞爛gag 可能代表你有病

1 : GS(14)@2016-12-03 04:43:35

精神科專科醫生黎大森說,狂搞爛gag是輕躁症、亢奮症和腦退化症等病的表徵之一,原因與前腦功能出現問題有關。



「點解唔可以喺船上講笑話?因為個海聽到會笑,會引起海嘯。」「有一日小明行行吓街覺得隻腳好酸,原來小明踩中咗舊檸檬。」「有兩嚿年糕黐埋一齊,有一日他們終於分開了,他們高興地說:"Give me five!",結果又再黐埋一齊。」看到這裏,有沒有覺得明明着夠衫,仍然冷得心頭一顫?還有似曾相識之感?立刻想起身邊某某,日搞爛gag、夜搞爛gag,明明聽眾笑得敷衍,都無阻他繼續自high。如果情況嚴重,最好建議他找醫生檢查一下,因為狂搞爛gag可能代表他有病!


服用血清素藥物乃主要治療方法,不過藥物有副作用,記得要有醫生處方先好服用。

「他們不可以控制到自己,或者他們說的話不太好笑,但自己覺得好好笑,而且不斷重複地做。」精神科專科醫生黎大森表示,從精神科角度來看,狂搞爛gag是兩極情緒症病人的症狀之一。他們的情緒長期像過山車大起大落,時而亢奮,時而抑鬱。在亢奮階段,程度輕微的輕躁患者經常處於興奮狀態,覺得自己很厲害、喜歡不斷說話表現自己。程度嚴重的會進入狂躁階段,有機會出現妄想情況,「例如覺得自己很有錢,引致不當行為如周街派錢;或是覺得自己好風趣,不斷搞爛gag,自己深信好好笑,就算旁人覺得不好笑都不理。」



黎醫生說曾經有一名病人,進醫生房後還未坐下,就開始說話:「醫生,我有個很好笑的笑話想講你聽。」「那些笑話一來我已聽過,二來不是很好笑,但他講完就不斷笑,接二連三地說。我幾時可以中斷他?15分鐘後。」該個案每次平均需要花45分鐘才完成診症,而醫生還有一個特別辦法,能未見其人,先診其症,「他在等候期間都會講笑話給姑娘聽,會笑得很大聲,當我知道他來覆診,而我在醫生房內聽不到聲音,就知道他已經好得七七八八。」除情緒病外,腦退化症都可能出現狂搞爛gag的情況,原因和前腦功能出現問題有關,「前腦地方控制日常運作,很多時如果前腦控制不好,會將行為像放大器般放大,以前未必夠膽做的事,現在就夠膽做,例如會說很多話甚至很多爛gag。」成因與遺傳或腦內分泌有關,可能是多巴胺或血清素分泌失調,所以要以針對內分泌的藥物去治療。但怎樣才知道自己有沒有病?最重要的辨別方法,要看是否和以前判若兩人,「他們一般不會覺得自己有問題,要不家人受不了,帶他來看醫生,要不就在外面與人爭執,甚至犯了事,譬如和人打架,引發了問題,再帶他來做精神評估。」幸好,黎醫生說在醫學上,這種案例並不算多,不過如果你發現身邊人明明以前內向怕醜,突然爛gag大爆發,穩陣起見,還是帶他去檢查一下好。記者:封愷瑜攝影:陳健邦




來源: http://hk.apple.nextmedia.com/su ... t/20161203/19853416
動畫 每日 健康 怕醜 醜仔 忽然 狂搞 搞爛 gag 可能 代表 你有 有病
PermaLink: https://articles.zkiz.com/?id=317983

與猷君女友合作拍劇劉愷威最怕對方講爛gag

1 : GS(14)@2017-03-03 00:54:40

為搵奶粉錢,劉愷威與楊冪女兒小糯米真係想見父母一面都有難度,早前劉丹就透露孫女每晚都會同父母視像見面,最開心見到爸爸,聽落都幾陰公豬。近日劉愷威同何猷君女友袁紫僑(CoCo)為湖南衞視拍攝新劇《周未父母》,新劇中劉愷威飾演CoCo上司,而CoCo就係一位刁蠻任性富二代。富二代角色似乎係為CoCo度身訂造,CoCo大讚劉愷威係一位好前輩﹕「佢經常指導我哋,分享演戲經驗,每次拍完都會約埋一大班演員一齊吃飯,真係拍得非常開心。」CoCo仲自爆自己做「歡樂小姐」﹕「因為我好鍾意講笑話,我當然覺得好笑,一班演員同劉愷威都有讚,但佢哋聽我講得多,都想阻止我講落去。」




來源: http://hk.apple.nextmedia.com/entertainment/art/20170301/19943551
與猷 猷君 女友 合作 拍劇 劇劉 劉愷 愷威 威最 最怕 對方 講爛 gag
PermaLink: https://articles.zkiz.com/?id=327326

Ben Sir開騷玩有味Gag

1 : GS(14)@2017-06-25 11:26:55

歐陽偉豪(Ben Sir)前晚在九展舉行一連二場talk騷「Ben Sir開Show」,麥美恩及林穎彤上台助陣,Ben Sir搞笑之餘亦有展歌喉,跟觀眾大玩粗口諧音「鵰」、「好L柒」及「抵你老母威」等,又寸怪獸家長不讓小孩學粵語,稱家長擔心仔女患有「粵語癌」。
Ben Sir和麥美恩在台上玩諧音講鹹濕笑話,如「蒸翼」及「傷莖娛賓」等。Ben Sir與太太結婚22周年,他完騷即致電太太,問可會被太太罰跪玻璃?他說:「都冇力啦。」問是否要「蒸翼」?他即說:「呢啲嘢唔食得住。」採訪:盧妹攝影:陳俊強


■陸浩明(左)扮女人向Ben Sir送吻,令他冧爆。

■Ben Sir在騷上將四字成語變成有味笑話。



來源: http://hk.apple.nextmedia.com/entertainment/art/20170625/20067634
Ben Sir 開騷 騷玩 有味 Gag
PermaLink: https://articles.zkiz.com/?id=337005

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019