【爆相爆片】超儀落閘唔講阿徐Eason便服封腩
1 :
GS(14)@2016-10-16 08:20:05【精神唔錯】■陳奕迅日前被發現與太太徐濠縈到尖沙嘴的亞太中心，逗留一小時後才離去。讀者提供圖片
陳奕迅（Eason）曾肥到180磅，大半年前狂做運動減肥，結果成功減去不少肥肉，近期出席活動時已消瘦不少。讀者黎先生透過本報「爆相爆片」報料，指日前中午12時許碰見Eason與太太徐濠縈現身尖沙嘴漢口道的亞太中心，Eason一身便服打扮，見他肚腩消失，估計二人前往該處睇醫生。
【動作多多】■陳奕迅離開大廈時邊行邊玩手機，表情多多。讀者提供圖片
■何超儀前晚開騷時表現落力，心情看來不俗。
■有傳何超儀（左）不滿徐濠縈將陳子聰大病初癒照放上社交網。資料圖片
疑去做體檢
黎先生指Eason夫婦大概一小時後離開大廈，然後急步往另一條街乘保母車。從讀者提供的照片所見，Eason邊行邊睇手機，又一時抿嘴一時皺眉，表情多多。雖然讀者估計二人前往睇醫生，但二人精神十足，又沒有戴口罩，相信身體沒有大礙，只是做身體檢查。
■陳裘大（右）對兒子Eason管教甚嚴，曾反對他做歌手。
揈頭落力唱
另一方面，日前有傳何超儀不滿老公陳子聰大病初癒的照片被阿徐放上Instagram，導致好姊妹反目，但其後阿徐否認此事。前晚超儀聯同Kevin Boy（KB）為啟德遊輪碼頭舉行的第四屆香港國際紋身展擔任表演嘉賓，她先後唱了《黑超》和《天眼通》兩首歌，又揈頭又跳舞，表現落力，心情不俗，但就一早表明不接受訪問，阿徐和陳子聰亦未見前來捧場。對於阿徐與超儀反目，KB笑謂：「我呢啲做僆仔都唔信，不過唔容許我出聲，佢兩個係大姐姐。」此外，Eason的父親陳裘大日前接受港台《我們不是怪獸》訪問時，自言是怪獸家長，從小對Eason管教甚嚴，當年兒子讀大學選修學科也是由他決定，一心想兒子成為建築師，故Eason以唱歌作事業時他極為反感，直至在歌唱比賽首次聽到兒子唱功，才慢慢接受。採訪：皓騫、張俊銘攝影：沈健程
來源:
http://hk.apple.nextmedia.com/entertainment/art/20161016/19801988
【馮仁昭四圍超】23場 VS 200場男人幫葡萄 Eason賺2億
1 :
GS(14)@2016-10-17 08:09:23■陳奕迅呢幾年已唱咗200幾場巡迴演唱會。資料圖片
蘇永康、梁漢文（Edmond）、任賢齊同黃家強組成嘅男人幫，前晚喺澳門開騷，佢哋全程以歌會友，不過蘇永康最後都忍唔住有啲怨言：「估唔到我都有fans，我見到三個康字嘅牌。」小齊就安慰佢，話啲fans收埋晒啲燈牌喺心入面。之後佢哋又喺台上篤爆家強上台時唔記得攞咪，蘇永康笑話：「我真係好鍾意同家強一齊開騷，佢成日都有啲論盡。」
■任賢齊提議隊友齊齊着粉紅芭蕾舞裙上台撐梁漢文。
家強唔着衫
另外，今個月係國際乳癌關注月，癌症基金會每年都會舉行「粉紅革命」活動，Edmond老婆林文慧四年前確診患乳癌，而家已經康復，Edmond今年就着住條粉紅色芭蕾舞裙幫「粉紅革命」影咗輯宣傳相。騷後佢哋受訪時，小齊話為支持Edmond，本來打算一齊着粉紅色芭蕾舞裙上台，可惜搵唔到啱着嘅，而家諗緊訂做，小齊話：「下次演出可以着，幫手宣揚吓，你哋試想像家強唔着衫，淨係着芭蕾舞裙彈Bass，幾有型！」家強笑話：「我冇所謂，不如你試吓着住嚟揸電單車，但係唔准着底褲喎。」
Edmond又提議搵陳奕迅（Eason）一齊着，小齊笑話如果Eason唔肯，都會逼佢着。講到Eason呢幾年唱咗200幾場巡唱，賺咗2億，Edmond話：「我哋男人幫開咗23場都冇。」覺唔覺Eason吸金力好強，蘇永康話：「其實佢都付出咗好多，試諗吓佢每個周末都丟低康堤咁去唱就知喇。」撰文：馮仁昭
來源:
http://hk.apple.nextmedia.com/entertainment/art/20161017/19802895
獲選最Like代言人Eason：鍾意先投入到
1 :
GS(14)@2016-10-28 06:24:14■獲選為「蘋民最Like廣告代言人」的陳奕迅，昨日在台上手舞足蹈分享兒時創意。
陳奕迅（Eason）代言過無數品牌，他的至理名言是要鍾意自己代言的產品，換言之，即是要跟代言產品做朋友。Eason昨日出席在北角海逸君綽酒店舉行的「壹傳媒創意廣告大獎2016（Next Digital Creative Awards2016）」頒獎典禮，獲頒公眾投票選出的「蘋民最Like廣告代言人」大獎。
■「壹傳媒創意廣告大獎2016」頒獎禮，昨日共頒發28個獎項。
■司儀楊洛婷跟Eason在台上大談創意生活。
■譚淇淇穿上白色一字膊短裙，大騷香肩美腿。
製三間白飯魚
Eason在台上跟司儀楊洛婷分享他的無限創意，被問到過去做過甚麼有創意的事？Eason說：「相信好多人細個都會做過，因為冇錢，都要着『白飯魚』（白布鞋），都會喺鞋身上面，畫一啲自己喜歡嘅牌子圖案，我自己唔係hard sell，我當年呢，就真係畫咗三間上去，所以而家好開心，做到真正嘅代言人。」Eason認為生活的創意，可以來自不同的地方，例如老夫子都可以是啟發他的靈感泉源。作為「蘋民最Like廣告代言人」，Eason覺得首先代言人一定要真正喜歡自己代言的產品，他說：「自己唔鍾意，除非係酬勞好豐厚，咁就逼自己真係鍾意佢，否則你一定要好鍾意品牌先會投入去做。」Eason還以自己作例子，他說：「我就好八卦嘅，好有興趣知道牌子嘅歷史，記得以前做利賓納代言，知道品牌係來自英國好悠久歷史，品牌叫我作一首歌，自己仲諗住作一首好紳士嘅歌，着住踢死兔，攞住士的咁，點知之後先知道係品牌改包裝。」台下即刻傳來一陣陣的笑聲，Eason續說：「好彩當時首歌叫《打得火熱》，都配合到囉，因為首歌都好輕快。」採訪：曹家誠攝影：陳俊強
來源:
http://hk.apple.nextmedia.com/entertainment/art/20161028/19814264
肯亞徐拉埋Eason減肥錢嘉樂賽車捧唔少盃
1 :
GS(14)@2016-11-06 15:49:10Kary吳雨霏上年同青梅好馬洪立熙（Brian）喺美國結婚， Brian除咗係Kary初戀男友，仲係一位網球王子。娛圈入面，其實都有好多藝人嘅另一半，係出咗名好動嘅運動健將。徐濠縈陳奕迅（Eason）老婆「A餐」徐濠縈，成日被網民指指點點，不過其實呢位陳太好錫老公，除咗自己愛上跑步，獲得成就「肯亞徐」之外，仲成功叫郁老公跑步，改變生活習慣，保持健康，絕對係位滿分嘅太太。錢嘉樂12年娶咗湯盈盈嘅錢嘉樂，係龍虎武師出身，除咗係替身之外，亦係一位賽車手，落場揸跑車比賽都有贏過冠軍。上個月Formula E首次喺香港舉行，錢嘉樂都有份參賽，仲係藝人組嘅冠軍。鄭伊健鄭伊健同蒙嘉慧最鍾意打羽毛球，仲因此定情，成功一路走到底，由波友到男女朋友，甚至結埋婚，佢哋就算係婚後，都仍然好鍾意一齊打波。鄭嘉穎鄭嘉穎由歌手轉型到大台做視帝，原來都係靠打網球減壓，佢小學就已經參加網球暑期班，自此愛上呢項運動。嘉穎喺球場上嘅英姿，就成功吸引到女友陳凱琳，試過獲女方讚佢打網球有型。王浩信喺大台上緊位嘅王浩信，有位靚靚太太陳自瑤YoYo同4歲女。要努力搵錢養家當然要keep住健康。佢日前就同老婆去咗北角買咗部貴價單車，實行踩單車返電視城開工，把握時間做運動。
來源:
http://hk.apple.nextmedia.com/entertainment/art/20161106/19824494
偉仔金城武發笑功Eason鬚唱《擺渡人》
1 :
GS(14)@2016-11-10 07:39:53由梁朝偉、金城武、陳奕迅（Eason）及Angelababy主演、王家衛監製及張嘉佳執導的電影《擺渡人》，將於下月23日聖誕檔上映，前晚電影公司發佈了電影海報，以及由Eason演唱的愛情版主題曲《讓我留在你身邊》MV，今次《擺》片有兩首主題歌，Eason及梁朝偉各唱一首。
■王家衛特別安排Eason表演一場，大獻歌藝。
■偉仔在《擺渡人》中為贏得杜鵑芳心，扭盡六壬重逗對方一笑。
與Baby一對
Eason版的MV，其實是將電影片段剪輯而成，其中一個鏡頭是Eason滿面鬍鬚，穿了一件皮褸在彈琴高歌，整個造型看起來很man，戲中他與Angelababy是一對，而偉仔與杜鵑、金城武就與張榕容是情侶。而從片段中，不難發現這是部愛情加瘋狂式搞笑影片，平時金城武與偉仔都是以有型的迷人魅力去吸引觀眾，但兩人在片中就放下身段，扭盡六壬去搞笑，完全不顧形象。能夠令到平時極有主見的兩大帥哥甘願任由擺佈，還肯亮相內地綜藝節目，相信普天之下，只有王家衛能做得到。
■兩大型男偉仔（右）與金城武在《擺渡人》落力搞笑，完全放低身段。
■平時只會擺有型甫士的金城武，難得見到他在鏡頭前扮鬼扮馬搞笑。
■金城武在戲中與張榕容演情侶，兩人有親暱鏡頭。
改編小說
《擺渡人》是改編自張嘉佳同名小說，當中的擺渡人是城市裏的超級英雄，把人從痛苦中解救出來。用快樂和溫暖、抵抗這個世界的悲傷。故事講述梁朝偉和合夥人金城武開了一間酒吧，專門替酒吧客人解決問題，他們成為某城市的金牌擺渡人，只要你預約擺渡，刀山火海都會使命必達。撰文：鍾國仁
來源:
http://hk.apple.nextmedia.com/entertainment/art/20161109/19827130
Eason籲支持天堂鳥
1 :
GS(14)@2016-11-10 08:02:44陳奕迅（Eason）前日到香港大學出席「大學問」講座，有學生指現今樂壇青黃不接，自Eason之後沒巨星級歌手，Eason聞言笑問：「即係你當周柏豪係……」同學回答：「周柏豪係打籃球，籃球巨星。」Eason笑言：「我以為你話周柏豪係靚仔唔計。」有同學指廣東歌衰落，問有何方法提高地位？Eason坦言：「我做音樂其實越嚟越自我，嚟緊我會出國語碟，大家可能有意見，我哋好坦白，點解要做，因為市場大咗好多。我覺得點解咁小家，樂壇係咪真係咁差？問我有乜做到？好簡單我覺得天堂鳥都要支持，多嘢揀係好，點解我講天堂鳥你哋會笑，我誠心覺得佢哋有付出有努力。」撰文：皓騫
來源:
http://hk.apple.nextmedia.com/entertainment/art/20161110/19828296
明星名人愛吃清湯腩發哥Eason排隊幫襯
1 :
GS(14)@2016-11-11 08:10:33位於中環歌賦街嘅九記牛腩，曾獲飲食網站開飯熱店大賞，最出名當然係賣牛腩，不過啲服務態度之「優」亦非常馳名。儘管係咁，依然每日客似雲來，當中更有唔好名人明星走去幫襯，包括最最親民嘅發哥周潤發。周潤發唔少明星去幫襯食肆時都會被店員要求合照留念，更何況係見到發哥同發嫂？九記老闆潘權輝曾經喺2013年接受《蘋果》訪問時提到，啲明星去幫襯時要求同佢合照，所以佢先影，而且佢只會將啲相掛喺二樓唔當眼嘅地方，但係發哥嗰一張，佢坦言係自己要求嘅，可想發哥個地位幾咁與別不同。李連杰、向太陳嵐動作巨星李連杰雖然唔多時間喺香港，但係佢嚟香港時都會幫襯吓啲出外食肆，好似喺04年，佢由美國返香港拍廣告，一唔使開工就約埋老友向太陳嵐去上環睇佛珠，之後轉場去九記醫肚。任賢齊台灣男星任賢齊有一段時間經常來港，原來佢唔使開工嗰陣，都會去飲飲食食，喺04年11月，小齊就被《蘋果》撞見佢帶埋司機同助手去九記開餐。陳奕迅「吹神」陳奕迅亦係九記客仔，雖然佢貴為天王，但佢幫襯時毫無架子，同其他食客一齊逼喺圓枱開餐。滕麗名3年前嫁畀朱建崑嘅滕麗名，舊年都被目擊獨自揸車去九記買外賣，當時薄施脂粉嘅阿滕喺落單後，同店員吹水打發時間，約10分鐘左右就拎住兩大袋外賣離開。
來源:
http://hk.apple.nextmedia.com/entertainment/art/20161111/19829576
Next Page