ZKIZ Archives


今日爽報講膠所YY講彤叔好好笑

1 : GS(14)@2011-11-03 21:12:34

那靚女睇醫生見到同叔,同叔叫佢唔好買自己隻股,叫人買第二隻,然後那隻股真是升,好搞野...

咁他最多持有暫時是17,其他那些是咪都唔好買?
2 : honey(6546)@2011-11-03 22:31:26

單野有疑點,同叔唔似咁輕易透露堅料比個路人
3 : greatsoup38(830)@2011-11-03 22:32:00

靚女
4 : honey(6546)@2011-11-03 22:49:12

3樓提及
靚女


有可能。不過,有咩靚女佢無見過?
5 : greatsoup38(830)@2011-11-03 22:52:15

是wor... 點解釋呢
6 : idsdown(1658)@2011-11-04 11:47:42

呢單好睇D喎

姊弟戀爭吵 血染豪門大宅
鄭裕彤長孫女友割脈

http://hk.apple.nextmedia.com/te ... 731&art_id=15771151

【本報訊】新世界發展( 017)主席鄭裕彤的長孫鄭志恒( Conroy),近年與年長四歲的韓籍女子譜姊弟戀,兩人於港島淺水灣道大宅同居。昨凌晨兩人在大宅內疑因感情問題吵大鑊,韓女突然情緒失控,執起生果刀,當着男友面前割脈求死,血如泉湧以致全身披血,鄭志恒報警將她送院治理。記者:黎志偉、梁偉權、胡恩宏

割脈尋死的韓籍女子 Nam今年 38歲,皮膚白皙、長髮披肩。她左手腕至皮開肉綻,傷痕 3吋長,在灣仔律敦治醫院診治後,轉送東區醫院留醫,現情況穩定。其親友在院陪同她,婉拒記者採訪:「佢要休息,唔好打擾佢。」

放大圖片
鄭裕彤與孫兒鄭志恒年初出席集團晚宴時合照。《壹週刊》圖片

鄭裕彤與孫兒鄭志恒年初出席集團晚宴時合照。《壹週刊》圖片
12345678910
放大圖片
鄭志恒伯父鄭家純昨聲稱不知道自殺事件。馬耀文攝

鄭志恒伯父鄭家純昨聲稱不知道自殺事件。馬耀文攝
12345678910
血如泉湧陷半昏迷
放大圖片
警員到鄭裕彤的淺水灣道大宅調查。

警員到鄭裕彤的淺水灣道大宅調查。
12345678910

消息稱,現年 34歲的鑽石王老五鄭志恒因工作關係認識韓女,兩人已拍拖一段日子,感情一向穩定,同居於淺水灣道 12號獨立屋,與爺爺鄭裕彤及父親鄭家成同住。可惜好事多磨,兩人近日感情生變,韓女心情極度低落。
昨凌晨 3時許,身穿藍色衫的韓女在大宅內疑因感情問題,與鄭志恒激烈爭執,雙方各不相讓,韓女一怒之下,拿起枱面一把生果刀向左手腕狂,疑割破動脈,血如泉湧,不但衣衫沾滿鮮血,連腳掌亦染血。
鄭志恒大驚報警,救護員趕抵時,韓女眉頭緊鎖,一臉痛苦,需戴上氧氣罩,由女傭陪同送院治理。她抵醫院時已陷半昏迷,左手沾有血迹,女傭衣衫亦有血迹,惟記者一直未見鄭志恒蹤影。
警方在大宅內調查,初步相信事件涉及感情糾紛,列作企圖自殺案處理,撿走錄影帶返署調查。昨午 4時許,鄭志恒伯父鄭家純現身中環新世界大廈時三緘其口,只說:「唔知,乜都唔知,私人嘢唔講。」
鄭志恒擴展周大福

86歲的彤叔有兩子兩女與 10名孫兒,長孫鄭志恒是次子鄭家成的長子,被欽點為未來接班人之一。
鄭志恒畢業於加拿大西安大略省大學經濟系, 99年回港在世叔伯馮耀祥的禹銘集團學習金融業務,同年於科網熱潮下,向爺爺及父親借 1,000萬元,與新鴻基創辦人郭得勝外孫黃纘嘉創業搞醫療網站,出版《健康財富》月刊,創刊號找彤叔做專訪; 02年收購樂信藥業四成權益。
鄭志恒自幼父母離異,一直在彤叔身邊長大,感情深厚,彤叔對愛孫栽培有加,鄭志恒早年接受訪問時曾提及,爺爺常藉打高球教他人生道理:「不慎將球打落水池或沙堆,之前努力便會白費。」 08年,鄭志恒出任周大福集團董事,開始涉足家族生意,甫上任即誇下海口,於 2010年前把周大福內地分店數目由 760間增加至千間,結果說到做到,去年 10月第 1,000間分店在北京崇文區前門大街開幕時,他陪同彤叔赴京出席。
7 : honey(6546)@2011-11-04 13:21:15

誤盡蒼生
8 : GS(14)@2011-11-04 14:39:46

6樓提及
呢單好睇D喎

姊弟戀爭吵 血染豪門大宅
鄭裕彤長孫女友割脈

http://hk.apple.nextmedia.com/te ... 731&art_id=15771151

【本報訊】新世界發展( 017)主席鄭裕彤的長孫鄭志恒( Conroy),近年與年長四歲的韓籍女子譜姊弟戀,兩人於港島淺水灣道大宅同居。昨凌晨兩人在大宅內疑因感情問題吵大鑊,韓女突然情緒失控,執起生果刀,當着男友面前割脈求死,血如泉湧以致全身披血,鄭志恒報警將她送院治理。記者:黎志偉、梁偉權、胡恩宏

割脈尋死的韓籍女子 Nam今年 38歲,皮膚白皙、長髮披肩。她左手腕至皮開肉綻,傷痕 3吋長,在灣仔律敦治醫院診治後,轉送東區醫院留醫,現情況穩定。其親友在院陪同她,婉拒記者採訪:「佢要休息,唔好打擾佢。」

放大圖片
鄭裕彤與孫兒鄭志恒年初出席集團晚宴時合照。《壹週刊》圖片

鄭裕彤與孫兒鄭志恒年初出席集團晚宴時合照。《壹週刊》圖片
12345678910
放大圖片
鄭志恒伯父鄭家純昨聲稱不知道自殺事件。馬耀文攝

鄭志恒伯父鄭家純昨聲稱不知道自殺事件。馬耀文攝
12345678910
血如泉湧陷半昏迷
放大圖片
警員到鄭裕彤的淺水灣道大宅調查。

警員到鄭裕彤的淺水灣道大宅調查。
12345678910

消息稱,現年 34歲的鑽石王老五鄭志恒因工作關係認識韓女,兩人已拍拖一段日子,感情一向穩定,同居於淺水灣道 12號獨立屋,與爺爺鄭裕彤及父親鄭家成同住。可惜好事多磨,兩人近日感情生變,韓女心情極度低落。
昨凌晨 3時許,身穿藍色衫的韓女在大宅內疑因感情問題,與鄭志恒激烈爭執,雙方各不相讓,韓女一怒之下,拿起枱面一把生果刀向左手腕狂,疑割破動脈,血如泉湧,不但衣衫沾滿鮮血,連腳掌亦染血。
鄭志恒大驚報警,救護員趕抵時,韓女眉頭緊鎖,一臉痛苦,需戴上氧氣罩,由女傭陪同送院治理。她抵醫院時已陷半昏迷,左手沾有血迹,女傭衣衫亦有血迹,惟記者一直未見鄭志恒蹤影。
警方在大宅內調查,初步相信事件涉及感情糾紛,列作企圖自殺案處理,撿走錄影帶返署調查。昨午 4時許,鄭志恒伯父鄭家純現身中環新世界大廈時三緘其口,只說:「唔知,乜都唔知,私人嘢唔講。」
鄭志恒擴展周大福

86歲的彤叔有兩子兩女與 10名孫兒,長孫鄭志恒是次子鄭家成的長子,被欽點為未來接班人之一。
鄭志恒畢業於加拿大西安大略省大學經濟系, 99年回港在世叔伯馮耀祥的禹銘集團學習金融業務,同年於科網熱潮下,向爺爺及父親借 1,000萬元,與新鴻基創辦人郭得勝外孫黃纘嘉創業搞醫療網站,出版《健康財富》月刊,創刊號找彤叔做專訪; 02年收購樂信藥業四成權益。
鄭志恒自幼父母離異,一直在彤叔身邊長大,感情深厚,彤叔對愛孫栽培有加,鄭志恒早年接受訪問時曾提及,爺爺常藉打高球教他人生道理:「不慎將球打落水池或沙堆,之前努力便會白費。」 08年,鄭志恒出任周大福集團董事,開始涉足家族生意,甫上任即誇下海口,於 2010年前把周大福內地分店數目由 760間增加至千間,結果說到做到,去年 10月第 1,000間分店在北京崇文區前門大街開幕時,他陪同彤叔赴京出席。


開個新topic
9 : 草帽(1253)@2011-11-04 14:59:42

條友上上落落不嬲有靚女招乎, 畀貼士有咩出奇.
10 : GS(14)@2011-11-04 15:06:58

咁準先奇
今日 爽報 報講 講膠 膠所 YY 講彤 彤叔 叔好 好笑
PermaLink: https://articles.zkiz.com/?id=276472

講膠所手記:西灣河波浪大師

1 : GS(14)@2012-02-07 21:43:46

http://www.sharpdaily.hk/article/index/15307/20120207/50575
自從資深炒家、YY個編輯好拍檔「寅求」被調去重案組(即係朝早陪伴老總一齊改晚版),YY真係聽少咗好多老散股經。
某日,YY跟陳承龍君揸車去咗西灣河試佢話好鬼正嘅餐蛋丁加奶茶,「大隻佬」檔主嘅一番話,不禁令YY即話諗起阿求,亦驚嘆家陣老散質素係真何其高!
望住牛熊區嚟玩

「大隻佬」哥哥一路煮緊丁麪煲緊奶茶嗰陣一路大概係咁講嘅……
佢係睇住條保力加通道嚟炒股,牛熊證嘛,佢從來唔買,只會望住個牛熊區嚟玩,無論點,都會止咗蝕先,從不過夜,仲有,佢擅長炒波幅,炒標普指數,唔係好睇啲數據。
至於坊間財經分析員或所謂大師嘅意見,佢其實唔係好聽,因為佢都係鍾意自己做吓功課,信自己多啲,每日下畫兩點準時收檔,然後專心炒嘢同埋留少少時間做GYM。

畀啲貼士各位女讀者,投資同煮麪都有一手嘅佢,應該係未婚嘅,得閒不妨去西灣河睇吓搵唔搵到呢個隱世筍盤吖!!

YY
2 : 游浪潮(3792)@2012-02-07 21:50:34

應稱為波幅大師
3 : GS(14)@2012-02-07 22:00:27

2樓提及
應稱為波幅大師


都對都料
4 : 亞力士(1473)@2012-02-08 00:12:22

西灣河試佢話好鬼正嘅餐蛋丁加奶茶<---- 估唔估到邊間 不過餐蛋丁可以有幾正
5 : 龍生(798)@2012-02-08 00:32:49

係咪鯉景灣個間呢?
6 : 肥B(18468)@2012-02-08 12:47:18

乜爽報個廣告部咁懶架, 將徵友廣告同飲食廣告在埋一齊架.......
7 : GS(14)@2012-02-08 22:12:42

6樓提及
乜爽報個廣告部咁懶架, 將徵友廣告同飲食廣告在埋一齊架.......


無為意...hehe
講膠 膠所 手記 西灣 波浪 大師
PermaLink: https://articles.zkiz.com/?id=277601

講膠所手記:至蠢係唔老實!

1 : GS(14)@2012-02-08 23:01:23

http://www.sharpdaily.hk/article/index/15307/20120208/51054
所謂大智若愚,係讚緊人哋有智慧,只不過外表蠢啫!咁乜嘢人至係蠢?唔做嘢但又鍾意爭功抽你水嘅蛋散?開親會都廢噏嘥你時間嘅火星人?返工夢遊累你陪佢攬炒?佛地魔?YY個人就認為,唔老實嘅「豬標」係最蠢嘅!
話說某日YY同親戚去港島某商場拎車嘅時候,分別俾兩個地產經紀夾咗去睇商場裏面嘅示範單位,個親戚就好好彩,夾佢嗰個地產經紀做開豪宅,完全無亂吹水非常專業,反觀YY就慘咯,俾個「豬標」夾住,唔知係因為嗰日着得太過Causal定係乜嘢原因,嗰位仁兄當YY係一個低能兒咁Sell,無論係個盤嘅Location、景觀、附近二手呎價,同YY喺公司聽地產版手足講嘅完全唔同,更離譜嘅係,佢話收租都可能買得過嘅細單位只係得番4個,要買就趁手喎!
蝕底始終係自己

原本,因為嗰個細單位真係可以睇到維港煙花,佢未爆呢句嘢之前,YY真係有小小心動,但係嗰日個盤都仲係處於滯銷中,何來咁啱得咁翹得番4個單位?若然落疊,YY當堂咪變傻B?所以,唔好以為呃到人係叻仔,最後蝕底嘅,其實係你自己咋!

YY
講膠 膠所 手記 至蠢 蠢係 係唔 老實
PermaLink: https://articles.zkiz.com/?id=277641

講膠所手記:戇居新聞稿

1 : GS(14)@2012-02-11 09:42:50

http://www.sharpdaily.hk/article/index/15307/20120210/52415
因工作需要,YY每日會睇好多新聞稿同鱔稿,咪以為好悶,其實好多時啲戇居嘅內容,真係眼瞓都會笑醒!
好似噚日阿里巴巴嗰份「電子商務網站數據顯示女性情趣用品需要上升」嘅新聞稿,佢哋話阿里巴巴國際交易市場嘅數據顯示,情人節前幾個月,全球買家對女性情趣用品同性感內衣嘅興趣,比上年有顯著上升,其中震動棒同人造陰莖嘅搜索量,同比升逾1倍,美國人對呢兩樣嘢興趣最大,而呢個數據反映啲乜?反映美國人比較將情人節焦點放喺性愛方面,同埋女性越來越傾向採取主動,越來越多女人,尤其係單身女人選擇獨自尋求性方面嘅樂趣喎!
收料貼市再落筆

即係咁,女人越來越主動唔係新聞喇!況且,單身女人家陣都唔興「獨自」尋求性樂趣,by the way,寫呢篇稿嗰位仁兄或仁姐,應該就從無行過性商店或者去了解吓行情,呢兩樣嘢,不知幾多男人買!情況就等於避孕套咁,家陣好多女人都會去買嚟傍身啦!咁唔通話避孕套銷售升係反映男人有責任心呀?
寫之前去收吓料、貼吓市,咪咁戇居喇!
2 : GS(14)@2012-02-11 09:47:37

http://upntoday.blogspot.com/201 ... et-2012-2-9-18.html
電子商務網站數據顯示 女性情趣用品需求上升 2012年2月9日,香港 - 情人節通常離不開燭光晚餐、琴聲妙韻,不過,並非每個人都以這種方式度過情人節。隨著現代女性日趨獨立自主,越來越多女性尤其是單身女士選擇主動或者獨自尋求性方面的樂趣。 阿里巴巴國際交易市場(www.alibaba.com)的最新數據顯示,情人節前的數個月間,全球買家對女性情趣用品和性感內衣的興趣比去年有顯著的上升,其中: · 2011年下半年,震動棒的搜索量較去年同期上升108% · 2011年下半年,人造陰莖的搜索量較去年同期上升136% · 美國買家對以上兩種情趣用品興趣最大,佔全球搜索量26% · 其次的主要買家市場有:印度(8%)、德國(6%)、意大利(6%)、英國(5%) · 全球買家對「性感內衣」的搜索量於2011 年11月顯著上升,而第四季度的搜索量亦比第三季度上升36% 阿里巴巴數據反映出美國用戶或許比較將情人節的焦點放於性方面的享受,另一方面也顯示女性越來越傾向採取主動。 關於阿里巴巴 阿里巴巴(香港聯合交易所股份代號:1688)(1688.HK)為全球領先的小企業電子商務公司,也是阿里巴巴集團的旗艦業務。阿里巴巴在1999年成立於中國杭州市,現在主要通過旗下三個交易市場協助世界各地數以百萬計的買家和供應商從事網上生意,包括:集中服務全球進出口商的國際交易市場(www.alibaba.com);集中國內貿易的中國交易市場(www.1688.com);以及在國際交易市場上的全球批發交易平台(www.aliexpress.com),為規模較小、需要小批量貨物快速付運的買家提供服務。所有交易市場形成一個擁有來自240多個國家和地區超過7,200萬名註冊用戶的網上社區。為了轉型成為可讓小企業更易建立和管理網上業務的綜合平台,阿里巴巴亦直接或通過其收購的公司包括中國萬網及一達通,向國內貿易商提供多元化的商務管理軟件、互聯網基礎設施服務及出口相關服務,並設有企業管理專才及電子商務專才培訓服務。阿里巴巴亦擁有 Vendio 及 Auctiva,該兩家公司為領先的第三方電子商務解決方案供應商,主要服務網上商家。阿里巴巴在大中華地區、印度、日本、韓國、歐洲和美國共設有70多個辦事處。
3 : 亞力士(1473)@2012-02-12 16:41:05

其實我都好鍾意幫人
4 : GS(14)@2012-02-12 17:02:44

3樓提及
其實我都好鍾意幫人


唔驚老婆?
講膠 膠所 手記 戇居 新聞稿 新聞
PermaLink: https://articles.zkiz.com/?id=277659

講膠所手記:越聽得多 越輸得多!

1 : GS(14)@2012-02-14 22:34:45

http://www.sharpdaily.hk/article/index/15307/20120214/53567
又到情人節,宅男友人話,呢個咁傷感(對佢嚟講)嘅日子,正所謂有女跟女,無女歸隊,再搵隻股票齊齊隊!最後嗰句,聽落係齋求押韻,但原來係真有其事,而且,仲要係嗰間公司嘅老闆自己。
上星期唔覺意去咗個芬佬雪茄局,幾個老友話呢排個個喪炒落後細價股,market一片歌舞昇平,睇怕至少可以玩多個幾星期,所以佢哋呢排燒煙都闊綽啲;不過佢哋話其實處處陷阱,好似有某幾隻股票,無論個市點升個股價係永遠唔會上,但嗰幾間公司嘅業務、業績又得架喎,咩解救?因為個老闆同啲基金佬對賭囉!所以,就算炒落後,小老散落part嗰陣,都應該做足功課,睇清楚自己落注買緊邊啲人嘅公司,真係要買記得 實個跳車位,by the way,高手們嘅結論係細價股始終唔係好啱平民百姓玩!

YY好同意呢個講法,有時越聽得多所謂消息,越輸得多,好似缸湖傳聞舊年某公司話簽訂乜乜好野,有堆富二三代響前兩日收到風齊齊落注,點知,兩日後主辦單位同partner傾唔掂數兼畀雪糕佬封艇查辦,到家吓都未復番牌……

YY
2 : GS(14)@2012-02-14 22:37:37

http://realforum.zkiz.com/thread.php?tid=20258
講緊呢位
3 : GS(14)@2012-02-14 22:38:11

http://zh.wikipedia.org/zh-hant/%E9%9B%AA%E7%B3%95%E4%BD%AC
雪糕佬
维基百科,自由的百科全书

雪糕佬是香港人對男性廉政公署 (香港)人員的俗語稱呼,同時可以指向於街上販賣雪糕的雪糕車車主。此名本無眨意成份 ( 詳見佬字 ) ,從前一般用於草根階層。現時,此名予人用意較為粗俗,一般只出現在口語及網路中。
[编辑] 來源

香港回歸以前,廉政公署在查問疑犯時,習慣將問話房 ( 現時的錄影會面室,俗稱雪房 ) 內的空氣調節調至最低,近乎凍疆,使到疑犯感覺處於雪櫃內,情況尤同冷至成了雪糕,故此廉政公署人員被稱以雪糕佬。[1][2]
4 : GS(14)@2012-02-14 22:39:16

好似有某幾隻股票,無論個市點升個股價係永遠唔會上,但嗰幾間公司嘅業務、業績又得架喎,咩解救?因為個老闆同啲基金佬對賭囉!

有無人知講緊邊一系,麗新、泛海?
講膠 膠所 手記 越聽 聽得 得多 越輸 輸得
PermaLink: https://articles.zkiz.com/?id=277731

講膠所手記:唔好亂咁排隊喇,香港人!

1 : GS(14)@2012-02-15 23:49:30

http://www.sharpdaily.hk/article/index/15307/20120215/54219
呢幾日,好多香港人都有着同一個節目——排隊!
先係驚數碼通取消無限上網plan,好多人急急腳走去排隊。
據聞仲係排咗成晚打晒蛇餅嗰隻,出多部iPhone兼畀數記綁多兩年。
結果,等你班友續完約後,數記一個屈尾十彈弓手出番無限上網plan,落咗疊嘅無不O嘴,群情洶湧狂插數記誤導要求消委會查呢單嘢,當然,仲要求撤銷埋新簽嗰份合約喇。
另一條係中銀百年紀念鈔大隊,因為未開售前話會炒得起,於是老老嫩嫩一齊排,YY前晚路過屋企樓下中銀順便直擊,當中好多公公婆婆就係因為聽到有錢賺而排;結果,尚未賣完炒價就急速回落,而且仲未必出到貨,分分鐘要自己硬哽拎番屋企做紀念。
群情洶湧要小心

YY唔反對人家亂咁排隊助紂炒風同捧起某啲嘢,但想提醒大家,上次2008年中銀出奧運紀念鈔大家又係喪排,之後就爆發金融海嘯,難道群眾盲目排隊就係經濟見頂之先兆乎?

YY
講膠 膠所 手記 唔好 好亂 亂咁 排隊 香港
PermaLink: https://articles.zkiz.com/?id=277758

講膠所手記:錯就企定,衰就要認!

1 : GS(14)@2012-02-18 11:03:29

http://www.sharpdaily.hk/article/index/15307/20120217/55282
龍豬九龍塘嘅唐宮噚日畀唔知幾多架吊雞車圍,場面何其壯觀。但至YY個欄截稿為止(8pm),都仲未見到龍豬現身為佢嘅「僭行空間」解話,淨係睇電視見到佢隻史納莎疑似向傳媒示範由5A屋經秘道走去7號屋!難道,佢想搵個老婆出嚟認晒啲錯乎?
快快補飛咪死撐

其實無論人又好、企業又好,但凡做錯嘢揩鑊,最緊要補飛補得快,如果事態好嚴重嘅,仲要跪低認錯扮吓矮仔,無得死撐。舉個新鮮例子,前幾日彈弓手又出番無限上網月費玩謝客仔嘅「殊嘜通」咁,畀大家插完兩日後,咪拿拿聲拎番個舊plan出嚟俾啲客仔,係就係樣衰啲,但大家會算數囉!
By the way,建築業老友話,好多有錢人家嘅豪宅都興「向下發展」,所以,家陣剝緊花生睇緊「唐生大地震」嘅一眾上等人唔使咁風涼住,分分鐘下個畀人爆鑊嘅可能係你架!

YY
講膠 膠所 手記 錯就 就企 企定 就要
PermaLink: https://articles.zkiz.com/?id=277789

講膠所手記:問阿爺啦!

1 : GS(14)@2012-02-21 22:26:26

http://www.sharpdaily.hk/article/index/15307/20120221/56595
負面新聞鑊鑊新鮮鑊鑊甘,日日畀香港人噓爆,但龍豬打死唔退選,面皮仲厚過女人啲船踭鞋!之不過佢咁厚顏繼續去馬,都係問過阿爺得到祝福喇,大家不宜睇得太肉緊以傷自己精神。
多個屋苑破97年新高

除咗豬狼新聞、醜聞要追睇,其實仲有好多其他嘢值得留意吓,包括近日樓價嘅走勢(呢個問題仲貼身啦)!噚日地產版手足報料,話好多個屋苑已經連環破97年新高,至勁嘅係太古城嘅兩房則王,呎價過咗萬一都有人承接!
未有樓嘅聽到「媽媽聲」,因為似乎有排唔使旨意買到市區樓,有樓嘅都嘩嘩聲,幾十年樓齡嘅兩房都要成七球幾,咁呢個情況預示啲乜呢?又係咪好似大發展商「四叔」咁講牛皮兼唔爽?
好耐之前股市樓市都唔係跟基本因素升跌,家陣香港邊樣嘢唔睇阿爺頭?樓價幾時先回一回畀你上到車?問阿爺啦!

YY
2 : idsdown(1658)@2012-02-21 22:33:51

一見到 YY 梗會諗起佢.

成語動畫廊




全自動機械人,智商相當於人類的小孩,經常有成語問題請教熊貓博士。其真正身份是彷照高達設計的戰鬥機械人(瞧頭上觸角便知),除了協助主持節目,也是熊貓博士的貼身保鑣。但它生性好色,經常加入黑社會作奸犯科,故常被熊貓博士責備影衰節目。
3 : GS(14)@2012-02-21 22:34:40

2樓提及
一見到 YY 梗會諗起佢.

成語動畫廊




全自動機械人,智商相當於人類的小孩,經常有成語問題請教熊貓博士。其真正身份是彷照高達設計的戰鬥機械人(瞧頭上觸角便知),除了協助主持節目,也是熊貓博士的貼身保鑣。但它生性好色,經常加入黑社會作奸犯科,故常被熊貓博士責備影衰節目。


D音都好好笑
4 : 亞力士(1473)@2012-02-21 23:58:01

但它生性好色,經常加入黑社會作奸犯科,故常被熊貓博士責備影衰節目。

<-------- 邊度睇返來
5 : 龍生(798)@2012-02-22 14:04:36

好正, 我都認得呢隻YY
6 : idsdown(1658)@2012-02-22 21:44:29

4樓提及
但它生性好色,經常加入黑社會作奸犯科,故常被熊貓博士責備影衰節目。

<-------- 邊度睇返來


http:// strawberry.website-solution.net/~tinyatin36/SerialNovelContent.php?snc_seq=1
7 : GS(14)@2012-02-22 22:34:04

6樓提及
4樓提及
但它生性好色,經常加入黑社會作奸犯科,故常被熊貓博士責備影衰節目。

<-------- 邊度睇返來


http:// strawberry.website-solution.net/~tinyatin36/SerialNovelContent.php?snc_seq=1


我喜歡聽邪留丸把聲
講膠 膠所 手記 阿爺
PermaLink: https://articles.zkiz.com/?id=277863

講膠所手記:芝麻開門了!

1 : GS(14)@2012-02-23 23:38:09

http://www.sharpdaily.hk/article/index/15307/20120223/57960
終於芝麻開門了!搞咗幾年大龍大鳳之後,馬雲最後出個2007年招股價13.5元,同大家買番阿里巴巴(1688),(講明唔會加價㗎!)當日睇好B2B落注入場嘅,幾年下來只係收過一次4毫兩仙嘅特別股息,真係南柯一「惡」夢!
跟手後喺股價高峰近40元摸頂追入嗰批老散呢,更加係無仇報,至於先排未穿13.5元嗰陣入場博一博嗰批,已經係最好彩喇!
點解私有化?根據馬生嘅講法,係因為B2B業務轉型唔夠徹底、私有化係畀大家一個變現投資嘅機會、方便集團重組云云,仲好肯定咁話同集團向雅虎贖身單嘢無關。
肯畀番錢 算有良心

大家唔使咁肉緊嘅,反正家陣流行擘大眼講大話,名古屋儍仔話其實從來無南京大屠殺、龍豬話喺辦公室纏綿嘅女人只係普通朋友、香港仔話上人遊艇食人葡國雞飯係無攞人着數……比起呢幾條無賴,馬雲仲肯畀番13個半畀你,算有良心喇!

YY
講膠 膠所 手記 芝麻 開門
PermaLink: https://articles.zkiz.com/?id=277893

講膠所手記:李小加 畀條路大家行吓啦!

1 : GS(14)@2012-02-24 22:20:21

http://www.sharpdaily.hk/article/index/15307/20120224/58486
今時今日做香港人,一句講晒,無奈!
日日睇選特首新聞,候選嗰兩件,隻豬就日日擘大眼講大話無腰骨無膊頭,隻狼亦唔好得去邊,只係咁啱啲醜嘢唔及隻豬Juicy搶唔到乜嘢新聞版面,但兩個都順利入閘,做緊嗰件仲衰,毫無操守舔晒着數仲話大家嘈得唔啱,我等平民除咗上街嘈,只有無奈!
就算唔講咁高層次揀領導人,淨係講搵餐晏仔,香港人好多時都因為啲無厘頭、一意孤行嘅政策而極度無奈!好似港交所(388)延遲交易時間單嘢咁,第一階段實施到家陣,事實擺在眼前,甚麼同內地股市接軌、帶動交投更活躍,無囉!但嗰堆中小型華資證券行就淒涼,燈油火臘皮費重咗,生意又唔見得多咗,李小加咁搞法等於要佢哋快啲「安心上路」!
咁信又遞過、願又請過喇,仲可以點?香港證券及期貨專業總會話,嚟緊星期日(26號)會開始絕食行動,第二日就會再向港交所遞請願信。李小加,畀條生路大家行吓,可以嘛?

YY
講膠 膠所 手記 李小 小加 畀條 條路 大家 行嚇 嚇啦
PermaLink: https://articles.zkiz.com/?id=277915

講膠所手記:沽爆「保龍一族」

1 : GS(14)@2012-02-28 23:13:31

http://www.sharpdaily.hk/article/index/15307/20120228/59657
特首跑馬仔進入大直路!噚日我哋嘅姊妹報《蘋果日報》A1頭條爆料話「梁振英當選在望」,報道一出街,星島集團嘅老闆第一時間跳出嚟教誨各大傳媒兼真情剖白,跟手「豬肉成」話退選唔玩,掃帚頭就繼續垂死掙扎,如果最後小圈子選舉唔流產,好難唔買重龍豬要收皮!
正所謂政經不能脫鈎,咁由阿狼跑出會有乜嘢後果?中環友噚日議論紛紛,話敢講一句,嗰378個「保龍一族」Big Pan了!就算阿狼唔秋後算賬,但小不免都要同呢班友計一計數(人之常情啫),若果呢班友同阿狼仍然Friend唔到補唔到鑊,佢哋嘅上市旗艦應該都會風高浪急。
咁「保龍一族」到底有乜嘢成員?根據已公開嘅資料,包括四大家族(即係四大地產佬)誠哥、四叔、彤叔、郭氏「巴打」,仲有次一級嘅地產佬祥哥、和哥、大劉細劉細細劉合家,當然唔少得,鍾意用遊艇、私人飛機送朋友一程嘅柱哥喇!
到阿狼坐正嗰陣,除咗東方海外(316),睇怕上述字頭都可以沽佢一沽囉!

YY
講膠 膠所 手記 沽爆 保龍 一族
PermaLink: https://articles.zkiz.com/?id=277985

講膠所手記:香港真係僭建之都!

1 : GS(14)@2012-02-29 22:38:26

http://www.sharpdaily.hk/article/index/15307/20120229/60298
2 : GS(14)@2012-02-29 22:38:55

真係聽他一席話,勝挖十年料!前日,星球老闆「星球有錢人」出嚟盡訴心中情,絕對係星球人語錄,句句入肉!
不過,各位行家、同僚記住,大笑之餘,快啲起步鬥快摷啲有乜嘢僭建Case,因為據星球老闆講,成個香港通街都係僭建,夠大家寫至少一年半載云云。YY唔知星球老闆講真定講笑,但睇佢「兇」有成竹咁對住全港傳媒嘅鏡頭咁「兇」大家,似乎唔係講笑囉!
其實正如YY之前講過,好多有錢人家嘅豪門大宅,留意,係「吼屎」(House)喎,都好興向下發展,冇畀人踢爆or暫時未畀人踢爆,皆因仲未同朋友反枱、未夠班做黑材料,又或者本身冇乜朋友冇招呼人返屋企玩咋!
向上發展呢?梗有啦!聽講,南區某有錢人屋苑,裏面嘅「吼屎」就僭建到好張揚,其中一間係靚仔明星嗰間,唔知係咪用咗放佢嘅巨型機械人公仔嘅呢?咁點解冇乜人知?梗係啦!因為嗰個位只會係後排嗰幾幢Apartment嘅住戶望到㗎咋!
講膠 膠所 手記 香港 真係 係僭 僭建 建之 之都
PermaLink: https://articles.zkiz.com/?id=278013

講膠所手記:合埋眼Go Go Go!

1 : GS(14)@2012-03-01 22:59:44

http://www.sharpdaily.hk/article/index/15307/20120301/60886
人生有個「曾」正朋友的確好極!Yeah!大至租豪宅,細至借跑步機,老友都會幫到手,無得頂!其實,貪心,乃係人之常情,舉個例,六合彩中咗三個字收40蚊,你就會話點解唔中多一個字可以收320蚊呀?又或者沽咗隻股票之後佢升,你就會嫌自己贏得少,而絕大部份嘅人,係可以控制自己心底裏嘅貪婪,唔會犯法,亦唔會衰到連一部舊款爛鬼跑步機都貪嘅。
無「曾」朋友關照唔緊要,大家可以搵「真」朋友研究吓有乜嘢股票,可以令到自己收入增加(此乃正常人嘅貪心,唔犯法架!)。
睇番個市,好耐之前已經炒股唔炒市喇!除咗Buy on rumour,呢排當然炒業績啦!而且,個Market已經係近乎係盲炒(盲目咁炒也!),好似隻玖紙(2689)咁,孭200幾億債,份業績瓣瓣唔掂,但仲話有得炒。
之不過,炒股其實似打牌,叻嗰個輸嗰個,合埋眼唔理其他三家反而有十番食,呢排咁嘅氣氛,都係繼續合埋眼Go Go Go把啦!

YY
講膠 膠所 手記 合埋 埋眼 Go
PermaLink: https://articles.zkiz.com/?id=278036

講膠所:大孖沙需要關公!

1 : GS(14)@2012-03-02 22:39:30

http://www.sharpdaily.hk/article/index/15307/20120302/61553
呢個月係一年一度業績高峯期,亦係新舊特首最多新聞嘅一個月,正所謂政商掛鈎(正確學名應該係官商勾結),各大孖沙嘅字頭夠膽開業績記者會嘅,下場都會同新地(016)郭氏兄弟一樣,將個波交畀公關阿頭。
之但係呢一水唔同以往嗰啲家事、緋聞、爭產,純八卦,呢鋪係講緊香港嘅聲譽、香港嘅前途,所以,行家們一定會咬實唔放。
但亦有個別業績會可能會好爆嘅!YY個人心水係長實(001)、和黃(013)、新世界(017)、華人置業(127),因為呢三個字頭嘅話事人一向講啲既有Guts又奔放,畀傳媒屈機咁耐(佢哋係咁諗),應會盡情還拖,所以,有幾強嘅公關都無用,講乜都唔會兜得番,照YY睇,大孖沙們最需要嘅唔係公關而係關公,因為惟有關公先可能救到佢哋一命──如果佢哋真係如佢哋所講咁正氣嘅話。
By the way,新地嘅「以心建家」口號唔知會唔會改為「要跑步機,要搵新地」呢又?

YY
講膠 膠所 大孖 孖沙 需要 關公
PermaLink: https://articles.zkiz.com/?id=278061

講膠所手記:眾怒難犯呀,李小加!

1 : GS(14)@2012-03-06 22:47:41

http://www.sharpdaily.hk/article/index/15307/20120306/62876
一片媽叉聲之下,港交所(388)第二階段延長交易時段噚日如常啟動,之前大家絕食、遞信、上街遊行做咗咁多嘢,全部都係枉然!
又再一次證明,香港特區政府由上至下,由政治到經濟,話得事嘅嗰啲人,都係唔鍾意聽取民間嘅聲音!
半粒鐘成交僅38.5億

咁李小加講到加時呢單嘢咁大義凜然又同阿爺接軌咗,噚日結果又點呢?經紀老友話,溫總「棄八」港股係應聲跌一跌,但如果延長交易堅係李小加講到咁有用,「棄七」都未使驚喇!
市場預期咗㗎喇!反之,點解唔係多半個鐘可以將壞消息消化好啲嘅咩?
睇番噚日收市埋單嘅數字,新加嘅半粒鐘,成交只係得嗰38.5億,全日成交就得577億,創半個月新低。
咁可能有人會話,第一日啫,唔可以咁就判佢死刑嘅!但YY想講嘅係,「官迫民反、眾怒難犯」,為官(又或者係做阿頭嘅)若然連呢兩大天條都唔曉,最快收皮嘅相信會係佢哋自己。
李小加,明白嗎?

YY
講膠 膠所 手記 眾怒 難犯 犯呀 李小 小加
PermaLink: https://articles.zkiz.com/?id=278112

講膠所手記:香港人一定要「保八」!

1 : GS(14)@2012-03-07 22:29:03

http://www.sharpdaily.hk/article/index/15307/20120307/63433
我哋寶寶總理一句「唔保八」,加埋AIG嘅鬼子佬反口唔認數,話買又唔買兼仲要賣隻1299,兩棍就扑裂個金魚缸,經紀老友話,如果唔係呢兩條友反口,大家仲可以炒作多一陣子咁話。
即係咁,阿爺過去8年係慣性咁「保八」,無話應承過大家乜嘢喎!所以,唔存在唔認數,但AIG主席Steve Miller就堅係反口嘞!明明1月嗰陣向外界放風,話隨時會增持友邦嘅,一個「屈尾十」折讓7%喪掟套現,豈止反口,直頭係有托價之嫌喇!如果我哋嘅監管機構真係如佢哋咁講咁做到嘢兼係有牙老虎,咁YY覺得唔會唔查一查個鬼佬囉!
監察大話精

之不過,真係放風做價又如何?相比起我哋嘅現任特首、候選特首,日日講大話日日唔認嘢,單單都大鑊但都無事,托價?濕碎喇!
所以,雖然呢一刻我哋做唔到啲乜,但一定要「保八」──保持八卦,監察住呢班大話精,終有一日,我哋嘅八卦,一定可以發揮作用㗎!

YY
講膠 膠所 手記 香港 一定 保八
PermaLink: https://articles.zkiz.com/?id=278140

講膠所手記:唐唐啟示錄

1 : GS(14)@2012-03-10 12:16:40

http://www.sharpdaily.hk/article/index/15307/20120309/64722
特首選戰風起雲湧,最新進展,除咗開始有社團人物出現,更大突破係唐唐噚日終有郁到香港經濟嘅言論,仲係即講即郁,突然間市場中人覺得唐唐又唔一定輸硬喎!
是咁的,噚日唐唐接受《華爾街日報》訪問,話如果佢跑出做咗特首,佢就會對調整港元兌美元嘅交易區間持開放態度(即係港元可以擴闊波幅)。不過,佢重申,港元係有必要保持同美元掛鈎嘅;佢仲話,聯繫滙率已經服務咗香港近三十年,香港已經獲得咗肯定,好多香港出口商都獲得咗利益,所以唔使考慮滙兌風險。
咪以為唐唐又豬噏喎,下晝四點九,外電彈呢單新聞出嚟,港元即刻急彈,市場中人似乎係炒港元升值,中環一帶仲話應該係有所啟示,無他嘅,唐唐堅係做過財爺,加埋金管局前莊主「白頭任」幫佢助選,關於經濟政策嘅嘢,應該唔堅唔講。咁都好啲,堂堂選特首,講啲嘢有深度,同香港前途有關嘅嘢,先至有建設性、先至似樣㗎嘛!難道要大家日日估佢有幾多個私生仔女咩!

YY
講膠 膠所 手記 唐唐 啟示錄 啟示
PermaLink: https://articles.zkiz.com/?id=278195

講膠所手記:每位100蚊嘅海鮮餐

1 : GS(14)@2012-03-13 23:03:48

http://www.sharpdaily.hk/article/index/15307/20120313/65950
特首跑馬仔,仲精彩過娛樂版,個個滿口謊言,個個都係大話精,o依家最搞笑嘅進展係,原來去流浮山食海鮮,每人只需要夾一舊水,呢個價錢真係平過你屋企個業主立案法團、住戶俱樂部搞嗰啲乜乜海鮮團一日遊、筍過《爽報》嘅《筍購》﹗
By the way,line up呢個飯局嘅,真夠江湖地位﹗
咁平搞局夠噱頭

公關老友們話,如果流浮山江湖海鮮飯局可以俾佢哋做搞局budget指標就發達嘞,事關個個老闆都口爽荷包
講膠 膠所 手記 每位 100 蚊嘅 海鮮
PermaLink: https://articles.zkiz.com/?id=278280

講膠所手記:真係大陸佬造市嗎?

1 : GS(14)@2012-03-20 23:33:26

http://www.sharpdaily.hk/article/index/15307/20120320/68888
多謝唐唐上星期五又賜香港人年度金句!YY最鍾意係佢嗰句小學雞式「我係主場!」,連小學一年級嘅學生都覺得好笑就知唐生堅有料到!家陣特首跑馬仔已搞笑到不能再搞笑,流選一啲都唔出奇,亂成咁,某人嘅人格係咪堅畀某人謀殺?唔知,但噚日港股先畀人桶兩嘢就肯定嘅!
明明無乜嘢好淡友拉鋸緊嘅,臨收市半個鐘港股插二百幾點,仲無情情有兩萬幾張期指彈咗出嚟,傳聞話係大陸佬喪開淡倉,因為西環嗰邊落Order話要防大鱷借特首跑馬仔一戰搵食云云。
但大陸佬真係咁叻造市嗎?未必,會唔會係港股無乜力水上,淡友乘機發難咋?有時,有啲嘢未必要諗得咁複雜囉!

YY
講膠 膠所 手記 真係 大陸 佬造 造市 市嗎
PermaLink: https://articles.zkiz.com/?id=278334

講膠所手記:股市唔會仆直囉!

1 : GS(14)@2012-03-24 15:03:00

http://www.sharpdaily.hk/article/index/15307/20120323/70823
星期日,特首跑馬仔開標,兩隻英邊隻跑出,還是兩隻都跑唔出,真係五五波,但呢個禮拜嘅股市已經係畀政局左右,尤其係商家佬話振英win出,佢哋會「震驚」,分分鐘引發資金流走,股市首先仆直云云,唔係無根據嘅,但應該唔使咁淆底啩?
o依YY呢個小市民嘅分析,港股係跟大陸股市衫尾嘅,咁溫總話明中國未來係靠內需,咁要谷起內需,先要谷起市民個荷包,而要谷起荷包,就先要令大家有收入贏吓股票贏吓炒樓,咁樓市調控不能鬆,唔保樓唔保八,保住個股市係咪好合理呢?仲有,無錢就無政治,股市仆直,咁乜都無得玩喎,試問,阿爺點會畀中港股市倒下來呢?
ps.昨日同大家提及嘅中銀「大炮筒」已到手,竟然出到銀行門口,出價買嗰班友只係出價五皮,仲要係港紙!YY嘅十皮橫財暫時落空,「大炮筒」已放咗嚮屋企,所以,堆田區各友好,你哋餐茶,爭住先喇!

YY
講膠 膠所 手記 股市 唔會 會僕 僕直 直囉
PermaLink: https://articles.zkiz.com/?id=278381

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019