ZKIZ Archives


羅霖出內衣唔印樣

1 : GS(14)@2016-01-22 16:27:38

羅霖、陳蕊蕊和麥家琪前晚在荃灣出席一個內衣品牌活動,羅霖表示最近搞網站,生意非常理想,她打算之後推出內衣褲:「係有呢個打算,但係唔會印樣,當然係實際用途好啲,有啱我自己都會訂嚟用。」蕊蕊被問到跟金剛分手一事,她木無表情說:「冇嘢呀!肚餓啫,頭先我趕住過嚟,人又未ready。我哋冇嘢,佢同唯唯(梁烈唯)拍節目,嗰個人係節目嘉賓,我知道係做嘢,冇呷醋,其實做嘢唔係男仔就女仔,不過我未睇報道,金剛已經主動講,可能佢怕我誤會,咪解釋畀我聽。」另外,麥家琪指家中三個小朋友長大,開始訓練他們獨立,所以可以接內地工作。她說:「哥哥OK,而家係細佬搵小學未有着落,有啲煩。將來我都會送佢哋出國讀書,但唔會咁快,想佢哋學好啲中文。」採訪:王連連攝影:陳順禎





來源: http://hk.apple.nextmedia.com/entertainment/art/20160122/19461543
羅霖 霖出 內衣 唔印 印樣
PermaLink: https://articles.zkiz.com/?id=294801

賀王玉環榮升保險女王羅霖受阻冇入行等第二春

1 : GS(14)@2016-05-08 01:44:19

在電影圈以扮演殭屍聞名、已故藝人午馬前女友王玉環,成功由藝人轉型從事保險。王玉環所屬的保險公司,為慶祝她成為119年來公司首位女性高級區域總監,昨日特別在中環麗思卡爾登酒店,舉行名為「女王的加冕」晚宴,老公秦毅到場支持外,還有一班王玉環的圈中好友,包括羅霖、劉培基、周家蔚、寇鴻萍及囡囡等撐場支持。



■唐貝詩(左)和妹妹貝欣結伴到場。

■周家蔚(左)陪奶奶(右)到場支持王玉環。



戥好友開心

羅霖接受訪問時表示很替好朋友高興,她說:「知佢咁成功好開心,兩年前佢搵過我加入團隊,不過屋企老人家阻止,話驚俾人講閒話,要陪人出街食飯至簽到單,所以冇合作到。」她透露目前共有3份人壽保險,受益人是兒子。早前羅霖曾表示不排除閃婚,她說:「係講過有機會,可以有第二春都幾好,可以有膊頭挨吓,有人倚靠吓。」



周家蔚進修

主人家王玉環談到成功心得就是不斷突破自己,她自言本身是韓國華僑在台灣求學,入行時沒有太多人脈,很大部份是靠自己拼搏出來。之前她曾出過一本有關如何工作的書,稍後希望可以再出一本書教人如何管理。另外,周家蔚是陪奶奶到場,她指奶奶跟王玉環當年合作拍過不少電影,她說:「佢哋好好姊妹,奶奶返香港都係住王玉環屋企。佢都有叫過我入行做保險,不過嗰時忙生仔同做生意所以推咗。」稍後家蔚會修讀保險課程,了解家庭要買那類保險,她說:「洪天明一份保險都冇買,佢嘅工作咁危險。」採訪:張俊銘攝影:陳志嵐





來源: http://hk.apple.nextmedia.com/entertainment/art/20160506/19599410
賀王 玉環 榮升 保險 女王 羅霖 受阻 冇入 入行 行等 等第 第二 二春
PermaLink: https://articles.zkiz.com/?id=299775

羅霖法國再披嫁衣

1 : GS(14)@2016-05-19 02:23:03

■羅霖穿上大露背婚紗在古堡取景,為代理洋酒生意拍廣告照。


半百美魔女羅霖於大前年離婚後,復出幕前工作,又與朋友搞洋酒及美容生意,賺錢供養三個囝囝,是標準的女強人。羅霖近日去了法國,為洋酒生意拍廣告硬照,當中她要穿起露背婚紗在古堡前取景。失婚的羅霖再穿婚紗相當有噱頭,她在微博貼了不少工作照,當中有一幅見她穿起婚紗卻襯波鞋,相信是方便轉換場地,她亦趁機與工作人員嘆了不少米芝蓮餐廳美食,她在fb留言:「法國古堡Chateau de Mercues非常浪漫和神秘,實現了我這輩子在古堡拍攝婚紗照的願望。每個人都可以追求自己的夢想,不要讓自己的人生有遺憾。」撰文:唐如





來源: http://hk.apple.nextmedia.com/entertainment/art/20160516/19613147
羅霖 法國 再披 嫁衣
PermaLink: https://articles.zkiz.com/?id=300258

Hermès半價吸客林煥光見人龍即走羅霖:買嘢唔使咁辛苦

1 : GS(14)@2016-05-21 19:04:19

■行會召集人林煥光夫婦對Hermès減價好有興趣,不過見長長人龍即轉身走。


香港零售業步入寒冬,連備受圈內藝人名人力捧的法國名牌Hermès近年都罕有搞一年一度大減價,昨日Hermès就在金鐘香港港麗酒店舉行促銷會,貨品劈至半價,吸引約200市民排隊,「蛇餅」更排到太古廣場。Hermès減價的吸引度,連行政會議召集人林煥光及太太袁轉好都大表興趣,不過二人見現場太多人排隊,向保安了解過排隊時間之後,他們即打消念頭走人。
Hermès一向在圈中有大量捧場客,陳茵媺、袁詠儀及大劉女友甘比都是重量級粉絲,美魔女羅霖亦是Hermès捧場客,自18歲已擁有第一個Hermès手袋。羅霖昨日接受本報電話訪問,表示有收到此活動的邀請卡:「啱啱喺歐洲返嚟,好攰所以冇去到,如果去到見到咁長龍會即走,我覺得買嘢唔使咁辛苦,同埋以往促銷會係唔使排隊。」



■昨日約有200人排隊買Hermès,據指排頭位的市民於早上6時已到場。

■場內貨品最低減至半價,不過沒有港女至愛的手袋。


■羅霖精打細算,上年試過到另一名牌Valentino的促銷場購物。資料圖片

「以前最多7折」

羅霖一向消費精明,亦有參加品牌VIP減價活動,對Hermès都要加入劈價行列有感而發:「收到邀請卡好奇怪,平時舖頭都唔會有presale、減價,所以都好愕然,證明唔只係香港,全世界市道都差,我喺歐洲都見到冇乜人買嘢,同好早減價。我返嚟已收到各大名牌減價訊息,仲係一開始就減到半價,以前presale都係7折,我睇到都有啲擔心香港嘅經濟,唔單止名牌減價,睇到尖沙嘴好多吉舖,有啲做食肆朋友已話生意唔好,有人失業做唔到生意。」採訪:陳蔚渝、唐如攝影:陳志嵐





來源: http://hk.apple.nextmedia.com/entertainment/art/20160521/19621163
Herm 半價 吸客 林煥光 人龍 即走 走羅 羅霖 唔使 使咁 辛苦
PermaLink: https://articles.zkiz.com/?id=300978

羅霖單拖拍婚照圓夢

1 : GS(14)@2016-05-25 10:04:27

■羅霖早前到法國影婚紗宣傳照,她表示心情愉快。


美魔女羅霖早前到法國南部為洋酒生意拍攝宣傳相,她穿上性感谷胸婚紗在法國古堡拍照,她接受本報訪問說:「酒莊嘅人好熱情,招待我哋食晏、品酒,食咗成3個幾鐘,好彩當地成9點幾先天黑,所以先趕得切。」已離婚的羅霖被問到再次披上婚紗,有沒有感觸?她說:「以前拍劇同雜誌影相都有披過婚紗,講緊接近十幾二十年冇着過婚紗,今次可以着番好開心。同喺呢個環境好浪漫,我又唔會覺得特別唔開心、感觸,反而係開心嘅,覺得實現咗人生其中一個夢想,我覺得女性唔需要有另一半先影婚紗相,趁住自己仲有一啲衝動,想做就去做。」採訪:唐如





來源: http://hk.apple.nextmedia.com/entertainment/art/20160525/19625888
羅霖 霖單 單拖 拖拍 婚照 圓夢
PermaLink: https://articles.zkiz.com/?id=301464

羅霖年尾帶男友見仔

1 : GS(14)@2016-08-07 01:48:24

羅霖與關禮傑昨日到元朗為私房菜擔任剪綵嘉賓,羅霖月尾將和二仔飛到美國羅省準備大學入學,暑假照顧三名囝囝已很忙的她,問到是否需要照顧多一位囝囝、男友J君?她笑說:「佢湊我,再搵對象就要佢照顧我,最好屋企所有嘢佢做。」羅霖安排年尾讓J君與三個囝囝見面,她說:「佢哋都接受,想我搵個伴同多一個人錫佢哋。」關禮傑和妻女由意大利旅行返港,由於女兒吃素,行程中安排飲食方面較花時間,問大女楓馨會否參加選美?他說:「佢啱啱大學畢業,又過咗報名期,今年佢會先休學一年試吓工作,明年再讀Master,選美與否就佢自己揀。」採訪:馬建華攝影:陳順禎





來源: http://hk.apple.nextmedia.com/entertainment/art/20160804/19721984
羅霖 年尾 男友 見仔
PermaLink: https://articles.zkiz.com/?id=304492

香港盛產美魔女? 羅霖靚出國際

1 : GS(14)@2016-08-10 07:54:53

「最美麗港姐」朱玲玲人越大,個靚樣都唔變,秘訣可能係一杯熱杏霜同睇中醫?其實娛圈美魔女都唔少,仲試過靚出國際。羅霖上年出寫真,引爆咗一輪美魔女潮,唔單止喺香港有迴響,仲紅到去英國!英國《每日郵報》網上版大讚羅霖,唔止係三子之母,仲可以出本冇皺紋又弗爆嘅寫真,真係唔易做到。49歲嘅周海媚,之前喺內地拍咗套《武則天》,雖然大台播嘅係後製封胸版,不過內地個版本就好「胸」狠,人人讚佢有身材。朱玲玲有個綽號叫「最美麗港姐」,原來毛姐(毛舜筠)以前都俾人叫過做「最靚林黛玉」!今年56歲嘅毛姐保養得好好,咁多年嚟都俾到人一種「唔識老」嘅感覺。





來源: http://hk.apple.nextmedia.com/entertainment/art/20160810/19730002
香港 盛產 魔女 羅霖 霖靚 出國
PermaLink: https://articles.zkiz.com/?id=305280

羅霖劉坤銘前後腳致祭樂蓓淚別米王丈夫

1 : GS(14)@2016-08-10 07:54:53

■樂蓓丈夫林烱偉昨日出殯,鄭秀文(左)到靈堂鞠躬並慰問樂蓓。


前亞姐冠軍樂蓓丈夫、金源米業主席及執行董事林烱偉,上月31日因病離世,享年73歲。樂蓓前日在香港殯儀館為丈夫設靈,喪禮採用基督教儀式進行,昨日出殯後,靈柩移送薄扶林華人基督教墳場安葬。



Sammi送抱

痛失相依相伴22年至愛的樂蓓,連日來哭成淚人,昨日她一身黑色素服現身靈堂,在殯儀館留守到最後一刻才離開。記者問她丈夫可有遺願時,樂蓓未有回答,但見她哭到左眼微絲血管爆裂,神情十分悲傷,尤其當眾親友離開殯儀館之際,忽然下起雷雨,令場面倍添傷感。



■樂蓓連日來哭斷腸,昨日更見她哭至左眼微絲血管爆裂。

■安息禮拜後,殯儀館職員將林烱偉遺照交予林烱偉的男親友。



林烱偉生前人緣甚廣,鄭秀文(Sammi)、鄧萃雯、蔣麗萍、胡美儀、毛俊輝、姚煒、陳曼娜等昨日先後到靈堂鞠躬,就連離婚後反目的羅霖和前夫劉坤銘,昨日也前後腳到場送林烱偉最後一程。安息禮拜於昨日上午11時45分完畢,之後親友扶靈將林烱偉靈柩送上靈車,並由男親友捧着其遺照。而遺孀樂蓓就在靈堂外與親友抱抱,Sammi和陳曼娜等分別上前擁抱樂蓓慰問。問Sammi與樂蓓夫婦是否在教會認識?Sammi沒有回應。



羅霖眼濕濕

羅霖昨日在前夫劉坤銘抵達靈堂20分鐘後現身,問羅霖與林烱偉如何認識時,她說:「同樂蓓熟啲,大家都喺教會識。」與前夫在靈堂上可有打招呼及會否感到尷尬?羅霖說:「唔會尷尬,我哋冇打招呼,因為我同姊妹一齊坐,我哋係分開兩邊坐嘅。」至於安息禮拜上進行分享時可有落淚?羅霖忍不住眼濕濕說:「都係佢屋企人分享,不過,因為樂蓓個女同我個仔係同班同學,覺得咁細個小朋友冇咗爹哋好慘。」採訪:卓寶花攝影:陳順禎



■羅霖昨日表示未有跟前夫劉坤銘打招呼。

■劉坤銘比前妻羅霖早一步抵達靈堂鞠躬。



來源: http://hk.apple.nextmedia.com/entertainment/art/20160810/19729724
羅霖 霖劉 劉坤 坤銘 前後 腳致 致祭 祭樂 樂蓓 蓓淚 淚別 別米 米王 丈夫
PermaLink: https://articles.zkiz.com/?id=305281

羅霖落閘唔認男友

1 : GS(14)@2016-09-01 06:24:25

■羅霖指J君只是其中一個追求者,未認定對方。資料圖片



51歲的羅霖早前自爆被年輕10多歲的上海追求者J君求婚,昨日有報道將J君起底,指他是上海富二代王嶠,更指羅霖拍拖後再度富貴買Hermès手袋。羅霖昨日回覆本報澄清:「佢唔係未婚夫、拖友,只係其中一個追求者。」羅霖強調未認定對方,亦冇收過厚禮:「我可以好自豪咁講,由空姐年代已有Hermès袋,冇一個係男人送。講到佢照顧我?係就唔使租樓住,如果兩個人一齊,物質都需要,唔會話清高唔需要錢。」她承認見過對方爸爸,不過未見「未來奶奶」:「識一個女人大過我個仔咁多,我好諒解未必接受到。」採訪:唐如




來源: http://hk.apple.nextmedia.com/entertainment/art/20160901/19755767
羅霖 霖落 落閘 閘唔 唔認 男友
PermaLink: https://articles.zkiz.com/?id=307030

羅霖棄與前夫打官司

1 : GS(14)@2016-09-14 05:52:17

羅霖、黃又南及麥貝夷等昨日到觀塘出席Beauti360美容活動,羅霖自爆年輕時曾買大額美容服務,最後該店結業,損失不菲。她又指過去四年與前夫劉坤銘的官司纏繞,承受壓力和耗時間,她眼有淚光說:「前夫應該負責小朋友學費,但佢寧願打官司都唔畀小朋友,我冇錢冇時間冇精力去應付官司,我實輸梗,過時過節、生日都收到律師信,要我即時回覆個仔嘅活動安排。」因官司已花近7位數字的羅霖,決不再同前夫打官司,她說:「我寧願留錢畀仔讀書,為小朋友良好教育,我盡量負擔,未知負擔到幾時。」有否向男友J先生求助?她說:「金錢上唔需要。」採訪:張俊銘攝影:陳俊強




來源: http://hk.apple.nextmedia.com/entertainment/art/20160914/19769823
羅霖 霖棄 棄與 前夫 打官司
PermaLink: https://articles.zkiz.com/?id=309062

羅霖血壓低暈一暈

1 : GS(14)@2016-09-28 05:04:34

羅霖連續第五屆擔任「2016國際太太總決賽」評委,前晚穿上火紅色晚裝中門大開的她出席佐敦活動時姍姍來遲,她表示因為身體不適:「出門口發現血壓低,暈一暈,如果下世我一定要做男人,要做一個盡責、錫老婆、有內涵同錫身邊所有朋友嘅男人,華仔就係一個好好嘅對象。今日要送大仔去美國西雅圖讀書,二仔喺洛杉磯,之前都有諗過陪仔開學,不過時差真係唔適應,所以近年只係送機。」另外,跟單身懷孕的趙哲妤情同姊妹的筱靖,表示半年前已經知道趙哲妤懷孕,她說:「替佢擔心,以為佢唔會講,點知佢喺活動講,佢預產期係12月。」對於趙哲妤的男朋友,筱靖指對方不是圈內人,大家不會認識。採訪:卓寶花攝影:仇志德




來源: http://hk.apple.nextmedia.com/entertainment/art/20160928/19783729
羅霖 霖血 壓低 暈一 一暈
PermaLink: https://articles.zkiz.com/?id=310450

羅霖隔23年再拍劇

1 : GS(14)@2016-10-27 06:02:45

(左起)周秀娜、劉心悠、羅霖及陳煒等昨日在將軍澳出席宮廷劇宣傳活動,谷盡事業線現身的羅霖,將首度拍攝古裝劇,她說:「對我嚟講好大挑戰,好耐冇拍戲,對上嗰套係93年嘅《真情》,已經23年,聽到呢個數字都驚。」周秀娜因有頸傷舊患,擔心頭飾太重觸及患處,會隨身帶備頸枕開工。心悠則表示為應付多場動作戲要苦練。撰文:陳以晴




來源: http://hk.apple.nextmedia.com/entertainment/art/20161027/19813027
羅霖 霖隔 23 年再 再拍 拍劇
PermaLink: https://articles.zkiz.com/?id=313705

羅霖匿廁所練演技

1 : GS(14)@2016-11-06 15:49:15

羅霖、韓星李成敏(Clara)、「洗米嫂」陳慧玲和莫可欣等前晚在金鐘出席「光輝時刻-Gafencu十週年晚宴」,現年51歲的羅霖以四吋事業線小勝同樣拋胸的Clara。



■韓星Clara指廣東話太難學。

羅霖表示明年1月開劇,所以每日在廁所練演技,但被兒子投訴逗留時間太長,「我做嘅戲佢都會畀意見,要練好啲先。」多年沒拍劇的她坦言有少少壓力:「因為我年紀唔細,又生過三個,記性冇咁好,我要食多啲嘢去補腦。」採訪:王連連攝影:仇志德




來源: http://hk.apple.nextmedia.com/entertainment/art/20161106/19824084
羅霖 霖匿 廁所 演技
PermaLink: https://articles.zkiz.com/?id=314270

羅霖擬雪卵生女

1 : GS(14)@2016-11-08 05:54:11

■羅霖谷胸現身活動搶盡風頭,並表示將到北京出席鍾麗緹婚宴。



羅霖、何傲兒及姚書軼等昨日到沙田馬場出席活動,着谷胸裙的羅霖性感爆燈,她表示今日飛北京出席鍾麗緹婚宴,問到身為三子之母的羅霖,會否過兩招給準新娘?她說:「我都想生個女,不過工作太忙,到我想生時,可能已經收經啦,睇吓出年拍完劇,就雪定粒卵先,雪定冇壞吖!」提到細20年的強國男友,羅霖說:「而家都有追求者,其實唔想有太親密關係,因為情緒好易影響到工作。」是否嫌嫩男太管制?她笑說:「我冇講呀,總之係性格問題,如果兩個人成日check住晒,唔信任對方就唔得囉!」同場的內地女星唐嫣否認跟楊冪不和,但坦言兩人最近沒有見面。採訪:盧妹攝影:仇志德



■何傲兒穿上粉紅露背裙夠嬌俏。

■唐嫣(中)以形象大使身份出席活動,否認跟楊冪不和。




來源: http://hk.apple.nextmedia.com/entertainment/art/20161107/19824889
羅霖 霖擬 擬雪 卵生
PermaLink: https://articles.zkiz.com/?id=314584

羅霖孖猛男食飯

1 : GS(14)@2016-11-16 05:47:55

■羅霖早前被指獲內地富二代J君求婚,但她自言是單身。資料圖片



現年51歲的「美魔女」羅霖早前被揭獲年輕二十年的內地富二代J君求婚,J君被起底是家族做建築生意的王嶠,惟近日羅霖又改口稱自己單身。昨日有周刊踢爆她日前到北京時,獲名叫阿寺的6呎內地猛男陪到酒店check in,二人穿上黑色情侶裝,阿寺為她打點行李,又情深款款望實她。羅霖與阿寺其後到內地靈媒小武家,有指她乘機催旺桃花,靈媒小武向周刊爆料指她的感情於2019年開花結果,真命天子會比她年輕,羅霖昨以短訊回應緋聞:「普通朋友一齊去鍾麗緹婚禮,旁邊還有助手,我重申沒有未婚夫。」是否向靈媒求姻緣?她說:「只是朋友敍舊食飯,現專心準備拍劇和事業,不談感情。」採訪:陳杰




來源: http://hk.apple.nextmedia.com/entertainment/art/20161116/19834792
羅霖 霖孖 猛男 食飯
PermaLink: https://articles.zkiz.com/?id=315820

羅霖再戰小鮮肉

1 : GS(14)@2016-11-18 17:56:38

現年51歲的「美魔女」羅霖離婚後桃花大旺,除爆出內地富二代J君求婚,也被拍到與內地男阿寺在北京酒店check in,她近年不停有小鮮肉埋身。羅霖日前又跟年僅23歲「內地小鮮肉」戰天澤拍攝髮型用品廣告,兩人熊抱,戰天澤又雙手抱住羅霖臉作狀錫錫,羅霖昨在電話中說:「我以為唔使親熱動作,結果又要攬同摸頭髮,扮到好似情侶咁,我問廣告商點解做情侶揀個咁細,又玩姊弟戀。」她又爆戰天澤怯場:「我感覺佢有啲手震,好尷尬同緊張,我要帶住佢拍,我叫佢當我阿媽或家姐都可以,令氣氛輕鬆啲。」羅霖表示不介意再婚對象是小鮮肉。採訪:陳杰




來源: http://hk.apple.nextmedia.com/entertainment/art/20161118/19837124
羅霖 霖再 再戰 戰小 鮮肉
PermaLink: https://articles.zkiz.com/?id=316136

羅霖再婚再拖

1 : GS(14)@2016-11-21 00:05:09

羅霖昨日在銅鑼灣出席剪綵活動,她透露今年接過很多類似的工作,又接了八個廣告兼有自己生意,承認這一年收入大豐收,但明年初因拍劇而推掉一些工作,收入減少。羅霖和J君的戀情備受關注,她說:「好多人想我嫁,我嫁過喇,所以唔恨嫁。」問到二人感情是否穩定,她沒直接回答:「佢心急我唔急,叫佢等吓先,本來話今年年尾(結婚),而家可能要再等八個月,等到就等啦,我有同佢講,如果遇到啱自己嘅就去發展,我覺得咁樣會公平啲。」並稱現階段心態愛情放到最尾,工作排第一,賺錢養家最重要。採訪:王連連攝影:陳順禎




來源: http://hk.apple.nextmedia.com/entertainment/art/20161120/19839378
羅霖 再婚 再拖
PermaLink: https://articles.zkiz.com/?id=316392

高衩惹的禍羅霖去飲一落車即疑似露毛

1 : GS(14)@2016-11-23 07:53:22

■羅霖極度性感亮相,令人眼前一亮。



資深女藝人陳曼娜愛女Joie昨日出嫁,同上市公司董事並身兼投資公司嘅行政總裁Dicky結婚,於君悅酒店設宴,筵開45席,有唔少圈中人都有出席,包括羅霖、阮兆祥同李浩林等。不過平時性感得嚟又小心嘅羅霖,昨晚失手呀。佢落車嗰陣咁啱有風吹起條高衩裙,搞到走光,仲疑似露毛o添!接受訪問嗰陣,記者讚羅霖件衫幾靚,但係個衩好高疑似走光喎?羅霖話:「我自己一啲都唔擔心,其實條裙入面連住一件好似泳衣咁嘅jumpsuit,走光都唔驚。」佢又話:「呢個設計幾好,入面係一件肉色嘅泳衣嚟嘅,自己事前試身試過好多次。」問到羅霖嘅感情事,佢就話緣份唔強求;不過記者就話o依家人哋等緊佢喎?羅霖就話:「想各方面穩定咗先結婚,工作為先。」咁係咪因為上一段婚姻驚令佢咗?佢話:「呢啲冇得驚嘅,當係一個教訓,所以對婚姻緊慎啲。同埋要顧住3個仔,總之我會為3個仔意願而犧牲感情。」咁係咪3個仔唔想佢結婚呢?羅霖就話唔係。




來源: http://hk.apple.nextmedia.com/entertainment/art/20161123/19842399
高衩 衩惹 惹的 的禍 禍羅 羅霖 霖去 去飲 飲一 一落 落車 車即 疑似 露毛
PermaLink: https://articles.zkiz.com/?id=316668

玩完透視晒股半百羅霖轉攻魚網露半球

1 : GS(14)@2016-12-18 11:04:24

羅霖、林峯等昨日現身沙田馬場出席「六福珠寶賽馬日」,羅霖更獲大會贊助佩戴價值超過35萬嘅頭冠,襯上紅色魚網裙,真係好性感,原來仲係真空上陣。羅霖自信十足謂:「衫箍得好實,所以唔會走光。」但就不小心露墊……上周羅霖入院做照腸鏡切息肉手術,但由於麻醉藥過敏,眼腫到擘唔開,醫生要佢立即打靜脈注射:「呢幾年工作壓力,又要照顧小朋友,所以賀爾蒙唔協調。」會唔會推工作休息下?羅霖就話:「唔推得,出院一日就要開工。」因為個job一早安排,唔方便推:「囝囝都好擔心,怕我操勞,我同佢哋講只要你哋聽話就得0架喇!」




來源: http://hk.apple.nextmedia.com/entertainment/art/20161218/19868889
玩完 透視 曬股 半百 羅霖 霖轉 轉攻 魚網 半球
PermaLink: https://articles.zkiz.com/?id=319486

羅霖封胸閉關拍劇

1 : GS(14)@2017-01-08 19:02:45

羅霖、何超鳳、林建岳等昨晚現身金鐘港麗酒店出席保良局慈善活動,羅霖以一身性感晚裝谷胸現身,她指自己經營的酒生意會贊助大會拍賣。由於羅霖將會拍無綫宮廷劇,她笑言將會有半年沒收入:「?家要積穀防飢,叫囝囝慳啲使,好彩酒生意有固定收入。」記者提議她不拍劇接工作好過,她表示:「唔會,我會睇長遠,套劇值得演,嚟緊六個月會封胸,見唔到我着晚裝,只會着古裝拍劇。」



■超鳳指賭王注重健康,最多只會飲一杯紅酒。

另外,超鳳表示自小母親教她飲酒,她說:「媽咪會教,覺得女仔識飲少少安全啲,姊妹中超蕸最飲得。」提到賭王健康,超鳳指爹哋健康很好:「佢有時入醫院做身體檢查,醫生都知佢鍾意喺屋企,會畀佢返屋企。」採訪:王連連攝影:葉君海




來源: http://hk.apple.nextmedia.com/entertainment/art/20170108/19890021
羅霖 霖封 封胸 閉關 拍劇
PermaLink: https://articles.zkiz.com/?id=321873

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019