ZKIZ Archives


何猷亨搞ball惹是非


2012-8-2  NM




上週五晚賭王四太仔何猷亨,以學 生會名義處男下海搞保良籌款ball,四房全家撐場。家族猛料係人都俾面,十九歲仔碌人情牌已籌到一百萬,但原來阿太們對座位安排一直各有意見,保良局主 席梁寶珠硬要安排女兒林玉茵坐主家席,知情者話:「仲指定個女要坐佢隔籬或對面,佢哋以為呢個係保良節目,忘記搞手係學生會。」有傳當晚有人要脅,叫朋友 不要買兩張枱,直到開ball前仍未傾掂點坐,令猷亨好激氣,「他諗住大不了自己買埋兩張枱,最後顧全大局免阿媽難做,兼大家拗到無曬氣,是但啦,林玉茵 最後坐阿媽對面。」知情者說。

事後向四太求證,她懵然不知說:「第一,我唔清楚,因為全程我無參與,亦唔清楚,都?曬頭。猷亨無同我呻,超盈自己買枱,坐唔坐主家席有咩所謂。」調位事件最後平息,是夜十九歲的壽星仔猷亨亦跟友人到dragon-i慶生兼慶功。

霍家遺珠

何家淑女出名索,但霍英東嘅兩個孫女霍思緯同霍詠詩都watt數十足,只不過蒲得低調,差啲走漏眼。

何猷 猷亨 亨搞 ball 惹是非
PermaLink: https://articles.zkiz.com/?id=35636

攝猷亨入澳博惹內鬥四太建「安琪」王國

2017-02-16 

賭王何鴻燊創立的千億賭業王國,因何家後人繁衍,自九十年代已引起多番爭產風暴。先是十姑娘與何鴻燊隔空開火,力阻澳博(880)上市,上演兄妹相殘。再而賭王共四房女人大鬥法,甚至傳賭王曾被「騎劫」,要由他多次「分燊家」、並擺下互相制衡的局面,紛爭才暫且平息。然而,氣氛只是外弛內張,一些「小動作」,仍能觸動各房女人的敏感神經。上週五,四太梁安琪在澳博董事會上,提議將一個金額只是五十萬元的小項目、交予長子猷亨(Arnaldo)打骰。豈料一石激起千層浪,老臣子在背後竊竊私語,微言她想將兒子攝入宮,而股權與四太勢均力敵的二房中人,亦留意四太在局內一舉一動。最具野心的四太,並不滿足於「何太」之地位;她要建立的,是自己話事的「安琪王國」。

屬雞的何鴻燊今年底已九十六歲,要處理賭業甚或各房紛爭,早已有心無力。一一年他在四太家撞傷頭部,引起軒然大波,遂上演分「燊」家。牌面上四太先贏一仗,事關她直接持有澳博百分之八股份,是澳博第二大股東,兼且是唯一在董事局內的何家女人。不過,不要忘記持股五成五的澳門娛樂公司,才是澳博最大股東,內裡二、三、四房皆有股份。撇除勢力較弱的三房,計算下來,二房相等於持有11.93%澳博股份,四房則有12.34%股權,兩者勢均力敵。令致持有3.33%股份的老臣子蘇樹輝,以及2.66%的吳志誠,亦佔有一定重要性。身為澳博行政總裁的蘇樹輝,過往負責替燊哥向幾房人分「家用」,被視為大掌櫃。而COO吳志誠畢業於香港大學,是早年少數做賭的大學生,以往屬十姑娘馬房,後來投向四太,所以十分熟悉賭場的運作。二房、四房及老臣子間,由此衍生出互相拉攏、又互相制衡的三角關係。

五十萬元小項目

上週五,梁安琪在會議上提出一個相當細的動議,便已觸動另外兩方的神經。她提議搞一個金額只是五十萬元的項目,讓長子猷亨打骰。梁安琪有兩個兒子猷亨和猷君,都已入了澳博工作。此提議引起了老臣子微言,會後有老臣子指:「猷亨仲細仲係貪玩,做唔到大事,唔應該俾佢搞咁多嘢。」又指:「猷亨入來澳博做電腦部,可以掌握好多客人數據同公司財政機密,四太係咪想扶植個仔上位先!」而何家大小姐(二房何超瓊)亦不容許猷亨加入澳博重要部門,認為他是花花公子,有排未定性,只可當是入去學習,沒有實權可以掌握。現時四太管理的賭場,包括海立方、回力球、凱旋門,舊葡京裡面的黃金廳,但新葡京及舊葡京均已由何超瓊負責管理。另一邊廂,何超瓊、何猷龍及三太,則一直監管蘇樹輝一舉一動。有傳蘇一直想坐何鴻燊寶座,制衡着各房和四太,不賣賬給任何人。澳博內部消息人士指,四太霸道,蘇樹輝作為老臣子,內心肯定唔會好順應,「蘇樹輝曾經想搞澳博員工福利,包括員工超級市場等,但四太諸多挑剔,最後福利社計劃取消。」四太一向睇重自己對員工的控制權,不想蘇樹輝插手。她選立法會好多時靠員工票,這個地盤是她認為最重要的勢力範圍。有指她經常為澳博員工爭取福利,表面上是一個好老闆,但有人直指她只是為自己的議員身份乘機拉員工票支持。面子上蘇樹輝仍給到足,所以剛過去的農曆新年,照樣帶領三百多個員工到四太家中拜年。

緋聞多過工作

不過說到安排兒子攝入權力核心,則是另一回事。何猷亨現時的主要銜頭,是:「澳博路氹城項目合資企業及業務發展高級經理」,不過未見有大作為,只是曾向冠名贊助的賽車比賽頒發獎盃。另外他是西灣河居民協會名譽會長,曾出席社區活動,以及澳門社會服務中心理事長,及澳博義工隊副總領隊,曾向弱勢家庭致送禮物。猷亨畢業於英國倫敦大學國王學院工商管理學士,學歷相當不錯,但翻查過去關於他的新聞,緋聞更為出名,絕大部分是圍繞一眾女星,報章標題包括:「同猷亨半年玩完陳瀅入何家夢碎」、「猷亨冧梁政珏純情妹」、以及「劉佩玥何猷亨暗角消夜」,未見有關於工作的報導。記者致電四太,希望了解猷亨的工作,她指:「咁細個出嚟做嘢,都係叫攞經驗,依家學緊嘢咩都要跟。(在哪個部門學習?)依個我又唔可以同你講。(過去有無做過令你滿意的項目?)咁我都唔可以同你講,好唔好我都唔可以讚。」

吳士元出山

問到其五十萬元項目,是否引來老臣子反對,向來反應甚快的四太,停頓了五秒才答:「我都唔知你點解會咁問我囉,我無可奉告。我無呀,我完全唔知你講乜。所以無嘢答你。」為了帶猷亨出身,四太安排不少太傅,當中包括哥哥禤偉旗,與猷亨一同成立亨偉集團。她又邀請前恒隆執董吳士元出山,吳士元外母丁毓珠為四太多年老友,吳士元可謂看着猷亨長大。去年十一月,吳士元便與猷亨同時加入兩間四太旗下的公司天藝國際(集團)、Shanghold Investment為董事。四太曾透露找吳士元管理手上百億資產,讓猷亨學吓嘢。何猷亨本週一則回覆指,自己一直在澳博工作,已有一年多時間,但他否認在IT部工作。四太有兩子兩女,除了孻女超欣尚在求學,細仔猷君是數學天才,十八歲入讀美國麻省理工大學,以三年時間完成四年的學士課程,並馬上報讀金融碩士課程,除學業外,他自稱用多年的「利是錢」,開發夜店手機App「VVIP」。而大女超盈在香港大學主修美術,畢業後創辦超盈文化做藝術文化推廣生意,亦是保利澳門拍賣公司CEO,令保利年初有二億四千萬元拍賣成交的佳績,猶如投資銀行聘請官二代,透過富貴人脈,拉攏生意。

要叫梁議員

四太素來喜歡別人稱她為梁議員或梁會長,凸顯尊貴身份,「何太」稱呼因始終有幾位,報導又多以四太稱呼她,她是不喜歡的,「佢唯一出路係議員,否則在家族無利用價值,佢無三太咁温順,低調如甘比始終最穩陣。」一名賭廳廳主說。記者致電以「梁議員」稱呼她,她顯得頗為高興:「點會叫我梁議員呀,你澳門人呀?」澳門人給梁安琪一個暗號叫「鐵公雞」,喻意她一毛不拔,例如有大大小小不同非牟利組織或公會邀請她擔任會長一職,她答允後卻未有如常贊助少許經費,讓人覺得她看錢很緊,「別人睇起你先搵你擔任會長,唔用你名你點會有票,俾着其他人,做咗會長都好自然會捐少許錢,當一點心意幫助組織籌務經費,但佢可能心諗,我名氣已足夠幫你,索性企硬唔捐,好心你唔捐就唔好應承人做會長,我就做唔出。」一名看不過眼的行內人說,最後他補充,可能每年有幾百個組織找四太,情況或者可以理解。

改名轉運

在十姑娘的回憶錄中,曾指四太本應只是賭王其中一個短期女友,「本來同她(阿四)一陣之後,就想『飛』了她,沒想到有些不應該被她知道的東西,被她聽到,於是被吃定,沒辦法。」四太梁安琪原名禤偉玲,祖籍廣東省三水縣,有一個哥哥禤偉旗。曾經當兵的父親在她年幼時便去世,一直與任護士長的母親梁玉珍相依為命。她十五歲考入廣州歌舞團,靠跳舞和表演餬口︰「日日跳舞唱歌跳到腳軟,唱到口乾先有飯食,你估好似你睇我今日咁風光。」後來八○年她移居到澳門謀生,皆因看了一本命書指,改名後能改變人生,便幫自己改名叫梁安琪。而英文名Angela則是澳門移民局提議她改的,因為要加上葡文名稱才可取得澳門身份證。來到澳門初期,梁安琪身兼多職,又教人跳舞,又在賭場做賬房,「做到氣咳。」後來她在澳門開跳舞學校,惟當時月入只有七百多元。一向識得把握機會的梁安琪,在當時任回力球場主管的契爺劉炳勳安排下,在葡京地庫的日麗餐廳,即何鴻燊哥哥何鴻展一直使用的練習跳舞場旁邊跳舞。八十歲的劉炳勳是澳博開國功臣,主力協助何鴻燊打理賬目,出謀獻計,賭王當年要求劉協助四太,故深得四太信任,現處於半退休狀態,但四太至今仍會問他意見。

一舞傾情

後來梁安琪又刻意拉攏何鴻展三太丁毓珠,安排她與何鴻燊共舞。何梁二人一舞定情,梁安琪亦順利成為何鴻燊的四太。梁安琪以前接受訪問時曾表示︰「我承認我係個幸運女人,由認識何生開始,我就發展得好好,依家我都係叫佢做老闆,好少叫老公,因為以前叫慣咗。」 十姑娘曾經講過,何鴻燊說四太不同於一般的女子,「每月給她十萬家用,她都不要,一定要我給她生意做。」四太當年除了葡京內的京華鮮果店、洋酒鋪、樂宮餅店外;又有由她打骰,在賭場經營酒樓食肆的麗晶集團及葡京二樓的水晶宮賭廳。她多年來不斷霸地盤,未加入董事局已在澳娛權傾朝野。就連葡京的裝修工程,也是多由四太與哥哥禤偉旗有份的佳景集團承接,每年賭場為求意頭好,會裝修兩次,禤偉旗身兼賬房經理,開支能自行從賬房中支取。○五年何鴻燊向八姑娘購入股票轉讓給四太,令她正式入局,成為澳娛董事。○七年四太更進一步成為澳博董事。經過數十年努力,四太已漸漸獨當一面,單是手頭上的物業,亦已百億計,當然希望再下一城。

餅仔大收縮

不過,現時澳門博彩業收益正下滑,還要面對外憂局面。大陸經濟增長速度減慢,加上習近平打貪、捉大老虎,不單大豪客絕跡貴賓廳,中場收入同樣大跌,去年澳門賭場生意較前年應聲插水三成半。龍頭澳博亦未幸免,一六年中期與一五年中期比較,新葡京貴賓廳收益跌三成二,應佔溢利跌三成五。葡京貴賓賭枱由五十二張,減至二十九張,收益跌一成,應佔溢利卻由三點七六億,暴跌至二點一一億。澳博一六年中的收益,只佔澳門博彩業總收益兩成,比一五年同期下跌二點三個百分比。究竟是擺平內部紛爭、槍口對外,還是爭取時間,先打造自己王國,將是梁安琪的盤算。不過期間各方有利用、有合作、有較量,就如同宮殿內鬥一樣,劇情千古不變。

四房和氣生財

分身家始於賭王○九年七月意外跌傷,身體大不如前。一一年澳娛澳博股權出現變化,但非每一房皆順從認可。家事甚至被搬上法庭,最終要澳門前行政長官何厚鏵及前香港律政司司長梁愛詩調停,才平息是次爭產糾紛。

大房獲得淺水灣道一號大宅及至少三十億元現金。大房女兒何超雄是投資能手,經典之作包括○四年以一億三千萬元,買入中半山Branksome Crest一個相連戶,然後一○年以逾二億賣出,賬面賺約七千三百萬元。

二房何鴻燊將個人所持的信德11.5%股份分給二太藍瓊纓及其子女,包括何超瓊、何超鳳及何猷龍等,令他們在信德持股升至37.6%,成為最大股東。事實上,信德早已由二房何超瓊及何超鳳打理,何猷龍主力發展新濠(200)。何超瓊及何猷龍於一一年亦將美高梅(2282)及新濠博亞(除牌前上市編號6883)在香港掛牌。

三房一直低調的三太陳婉珍,分到漁人碼頭51%股權,港澳直升機業務及部分房地產資產。一二年八月,漁人碼頭與持有澳門置地酒店及法老王宮殿娛樂場的澳門勵駿合併,並引入澳博為策略股東,重組成一間估值達120億元的企業。一三年六月,漁人碼頭母公司勵駿創建(1680)招股,集資最多約61.04億元。

四房32%澳娛股份由何鴻燊、二、三房及梁安琪持有,其中6%給了梁安琪。而她亦直接持有逾8%的澳博股份,成為澳博第二大股東。此外,四太進身澳博董事局,掌握話事權。

四太物業

梁安琪一向熱衷買磚頭,一四年底更成立私人投資公司尚嘉(L'Avenue)。尚嘉由前恒隆地產(101)執董吳士元打骰,幫梁安琪管理其過百億元的私人物業及投資,公司目標是發展低密度的高尚住宅。例如去年八月,尚嘉以超過十四億元投得屯門青霞里住宅地皮,預計總投資額超過三十億元。當中最貴重的物業為她○五年以二十七億元低價購入的中環娛樂行,當年前業主希慎(14)更賬面蝕逾九億元。她去年接受《福布斯》訪問時,談及該筆交易時指,本來打算買另一個物業,但聽到娛樂行放售,因為「好鍾意個名」,立即由澳門飛來香港買。除了住宅地皮,尚嘉在香港亦擁有多幢商廈、鋪位,包括於一四年時以約三十三億元購入的黃竹坑香葉道四十一號商廈,作長線收租之用。近年為了讓女兒「學投資」,她在去年十月以近十三億元購入Mount Nicholson四伙單位,登記買家分別為何超欣(Ho Alice Chiu Yan)和何超盈(Ho Sabrina Chiu Yeng),一人兩伙單位。

撰文:孫樂祈、艾馬、黃嘉慧攝影:攝影組news@nextdigital.com.hk

攝猷 猷亨 亨入 入澳 澳博 博惹 惹內 內鬥 鬥四 四太 太建 安琪 王國
PermaLink: https://articles.zkiz.com/?id=235868

猷亨陳瀅甜蜜拖手揈揈下 P牌泊車勁輪盡

1 : GS(14)@2016-01-18 19:00:25

賭王嘅幾位公子最近都戀事多,何猷君同富女友Kimmy打得火熱,另一邊廂何猷亨亦情傾宅男女神陳瀅,更同傳媒直認係拍拖,相當重視女方。昨晚8點半左右,仲係P牌嘅猷亨,揸住架跑車載女友去到史丹利街附近一棟商廈食飯,猷亨明顯對架車唔係好熟,喺史丹利街連泊3個車位都唔成功,要搵代客泊車幫手俾指示,不過花咗成十分鐘都泊唔到嗰三個位,之後就去咗隔離街一個非車位泊車,搞咗一輪泊好車後,兩個人落車睇下架車有冇花。見到冇花,陳瀅就一馬當先行,猷亨拿拿臨鎖車,之後急急腳追上去拖實女友,佢哋上咗去商廈食飯,大約45分鐘後,猷亨同一位男性朋友落返去架車到,喺車尾廂拎咗啲嘢比個朋友睇,又可能此時襯女友唔喺身邊,猷亨就食返支煙先,可能女友唔鐘意喺佢面前食煙。去到10點半左右,猷亨就同女友手拖手閃人,兩人拖手時揈下揈下,真係甜到隔住個Mon都feel到,又一邊有講有笑咁上返跑車,猷亨好有風度咁車女友返九龍站上蓋嘅君臨天下寓所。





來源: http://hk.apple.nextmedia.com/entertainment/art/20160118/19456939
猷亨 亨陳 陳瀅 甜蜜 拖手 手揈 揈揈 揈下 泊車 勁輪 輪盡
PermaLink: https://articles.zkiz.com/?id=294489

陳瀅買卡搞驚喜 為猷亨炮製浪漫

1 : GS(14)@2016-02-15 18:03:44

【細心揀】■陳瀅前日下午到文具店費盡心思買情人節卡,明顯是送給男友何猷亨。








賭王何鴻燊與四太梁安琪的長子猷亨和孻仔猷君月前齊齊被爆有新戀情,其中猷亨跟「新一代宅男女神」陳瀅撻着,猷君則戀上西甲球會華倫西亞班主千金Kimmy Lim,昨日是猷亨及猷君與女友首個情人節。



猷亨女友陳瀅雖然日前聲稱情人節會捧老友何雁詩做騷,未肯向傳媒透露如何跟猷亨慶祝,但前日下午記者卻見她孖住劉佩玥到圓方買疑似整蛋糕材料及情人節卡,明顯預備昨日情人節冧男友!



【幫手攞】■陳瀅在超市購買製作蛋糕的用品,劉佩玥即代為放入自己背囊,真夠老友。

■陳瀅與猷亨早前曾到中環AIA嘉年華玩。資料圖片



前日下午4時許,陳瀅與劉佩玥在千両食完壽司後結伴逛超市,陳瀅站在陳列蛋糕材料位置挑選,付款時疑似買了整蛋糕材料和鮮奶,莫非準備親自整情人節蛋糕送給猷亨?劉佩玥之後陪陳瀅往文具店揀禮物盒、絲帶及情人卡,最終揀選了一張棗紅色情人卡離開,前後花上半小時,可謂精挑細選!記者昨日聯絡陳瀅,身在外地的她未有接聽電話,看來已離港跟猷亨享受浪漫情人節。



■何猷啟昨日買了一束價值800元的藍玫瑰,但未知送給那位情人。

何猷啟



猷啟800元買藍玫瑰

三房孻仔何猷啟早前被拍到夜蒲中環媾女,昨日下午1時許他先到跑馬地養和醫院探父親,逗留一小時後離開,並在附近花店買了價值800元的藍玫瑰後直返布力徑大宅,未知鮮花贈那位情人。其間有人送來有熊仔花束,未知送給是三房超雲還是超蓮?採訪、攝影:陳辰、唐如、吳耀輝





來源: http://hk.apple.nextmedia.com/entertainment/art/20160215/19491056
陳瀅 瀅買 買卡 卡搞 驚喜 為猷 猷亨 炮製 浪漫
PermaLink: https://articles.zkiz.com/?id=296003

四太嫌猷亨未夠好

1 : GS(14)@2016-04-15 16:30:12

賭王四太梁安琪前晚現身灣仔君悅,支持大仔猷亨再做保良局總理,同場還有馬德鐘、何超瓊、太子鐘錶老闆鄧鉅明夫婦等。四太甫到達會場,即示意傳媒不要再追問三太陳婉珍胞妹陳婉玉與馮永業的醜聞。對於猷亨做總理成績,四太說:「我要求好高㗎,我覺得唔夠囉,希望佢再努力,多啲參與,幫助有需要嘅人。」問到大女超盈早前在哈佛大學演講,會否覺得光宗耀祖?四太即笑言:「唔係,係佢自己搞,去得都幾急,係交流文化藝術。」問會否覺得囡囡叻女?她表示:「唔係,學吓嘢啫,咁啱開中佢興趣。」記者問到超盈拍拖未,她表示感情事要問回超盈本人。採訪:羅慧敏攝影:陳順禎





來源: http://hk.apple.nextmedia.com/entertainment/art/20160415/19571416
四太 太嫌 嫌猷 猷亨 亨未 未夠 夠好
PermaLink: https://articles.zkiz.com/?id=299380

傳逼婚不遂 張振朗獻殷勤陳瀅猷亨陷冷靜期

1 : GS(14)@2016-07-14 08:09:47

■陳瀅被指因為來自破碎家庭,所以想早日結婚組織家庭。資料圖片


賭王何鴻燊與四太梁安琪所生的長子何猷亨,去年戀上大台小花、「宅男女神」陳瀅,二人相戀半年多,起初熱戀甜蜜蜜,陳瀅得到四太開綠燈融入家中,更獲加持齊齊去睇麥當娜演唱會,有望做賭王新抱仔。不過近月已沒見二人糖黐豆拍拖,昨日有報道指猷亨兩個月前已主動跟陳瀅分手,女方力挽狂瀾想箍煲但不果。近日更有指她與大台藝人張振朗因拍劇合演夫婦而熟絡,張振朗雖已有女友,但知道陳瀅甩拖即獻殷勤,撐枱腳食早餐又送消夜。有指分手原因是26歲的陳瀅與細她3歲的猷亨拍了拖幾個月,已主動逼婚,又愛管男友,皆因她來自破碎家庭,她疼錫的外婆年紀大,故想早點結婚組織家庭生B。而猷亨忙於打理家族生意,經常澳門及香港周圍飛,故二人已確實進入冷靜期,而陳瀅亦努力箍煲中



■何猷亨與陳瀅熱戀時,2月曾糖黐豆去嘉年華玩掟公仔。

■陳瀅曾跟四太一家去睇麥當娜演唱會,新抱仔地位獲肯定。資料圖片


■張振朗早前和陳瀅合演夫婦,被指拍劇後依然向女方大獻殷勤。資料圖片

屋企人最緊要

問到分手一事,身在加拿大的陳瀅昨日透過經理人以短訊回應:「我嘅感情事就唔係好像報道一樣咁講,只係想低調點,可能因為我少提到感情令大家有揣測,而現時我們都處於工作搏殺期,大家都是成年人有共識專注工作,我而家喺加拿大的婆婆身體都有少少好轉,我覺得現時最重要的係屋企人。」本報昨日曾致電猷亨,他表示忙開會,截稿前未有回覆。



讚拍檔有風度

另外,陳瀅表示與張振朗只是同事關係,大讚他gentleman及好拍檔,而張振朗亦否認追對方:「吓?唔係,唔好玩啦!」問他是否拍完劇依然以老公老婆相稱,他說:「我未睇新聞,睇咗先講啦!」採訪:唐心悠





來源: http://hk.apple.nextmedia.com/entertainment/art/20160714/19693472
逼婚 不遂 張振 振朗 朗獻 獻殷 殷勤 勤陳 陳瀅 瀅猷 猷亨 亨陷 冷靜
PermaLink: https://articles.zkiz.com/?id=303684

陳瀅猷亨各自搵食

1 : GS(14)@2016-08-07 01:48:24

■回復單身的陳瀅(右)有劉佩玥陪逛街。


陳瀅與賭王四房大仔何猷亨由拖友變朋友,二人分手後不愁寂寞,回復單身的陳瀅有閨蜜劉佩玥相伴,昨午5時多,二人現身圓方吃麵,邊吃邊傾偈,大約20分鐘後由陳瀅負責結賬離開。


■何猷亨前日見完朋友後,晚上陪媽咪吃飯。


猷亨分手後亦未有新目標,前日下午約5時,他獨自在中環出現,拿着環保袋的他後來會合了一位30多歲、揹着小朋友及帶着一位幾歲小朋友的女士,再做司機接送各人。本報聯絡過猷亨,他指對方是朋友,又叮囑不要刊登小朋友的相片。之後猷亨再約媽咪及兩位男士在歌賦街嘆西餐,不過就全程玩手機。採訪:羅德光、朱志聰攝影:梁繼光、黃曉程





來源: http://hk.apple.nextmedia.com/entertainment/art/20160804/19722001
陳瀅 瀅猷 猷亨 各自 搵食
PermaLink: https://articles.zkiz.com/?id=304490

撐枱腳有講有笑猷亨長髮女 飯後打籮柚

1 : GS(14)@2016-10-26 08:03:05

【拍屁股】■右手拿着手機的猷亨,忽然伸手輕拍女方臀部。DV圖片





【中環】賭王何鴻燊四房長子、23歲何猷亨是城中筍盤,他與「新一代宅男女神」陳瀅早前蜜遊北海道過白色聖誕令戀情曝光,本來陳瀅已獲四太梁安琪開綠燈,可是有傳陳瀅太黐身,男方主動提分手,拍拖半年即告吹。單身5個月的猷亨日前被本報拍到偕長髮露肩索女到中環來佬餐館撐枱腳斷正,兩人同穿白色情侶裝。



【情侶裝】■回復單身的猷亨,日前被拍到與長髮新歡中環約會。DV圖片

【Hea住食】■坐在餐廳卡位的猷亨輕鬆地與女伴食飯。DV圖片

■長髮新歡在dragon-i附近下車後離開。DV圖片


車廂密斟

當晚11時許,穿白色T恤的猷亨獨自坐在餐館卡位撳電話,15分鐘後,一位穿着白色一字膊衫配長褲的長髮女伴坐到他對面,兩人有講有笑,又一齊玩電話,全程好投契,猷亨hea爆半攤椅背,兩人吃了約個多小時埋單離開。猷亨和新歡甫出餐館即提高警覺兩邊張望,這時保母車駛到,右手拿着手機的猷亨伸手輕拍長髮新女的臀部一下,示意女方上車,二人上車後隨即直駛至夜場dragon-i後門。猷亨和新歡抵達dragon-i後門並沒有下車,在車廂內密斟約15分鐘後,女方下車沿dragon-i外樓梯行落去,未知是否趕往夜蒲,至於猷亨則沒有跟隨下車,其座駕駛向大坑後不見蹤影。對於被拍到身邊出現新女,猷亨前日以英文短訊回應:「我現在沒有拍拖,對方只是我朋友。」採訪、攝影:梁繼光、朱志聰、唐如




來源: http://hk.apple.nextmedia.com/entertainment/art/20161026/19812011
腳有 有講 講有 有笑 笑猷 猷亨 長髮 飯後 打籮 籮柚
PermaLink: https://articles.zkiz.com/?id=313529

專揀高質靚女23歲猷亨港姐女神才女通殺

1 : GS(14)@2016-10-26 08:03:06

猷亨身邊不乏索女,除了承認戀情的陳瀅外,先後傳過緋聞的有梁政珏胞妹梁政欣、「嘉穎嫂」陳凱琳和陳瀅好姊妹劉佩玥,足見猷亨對擇偶要求甚高。




來源: http://hk.apple.nextmedia.com/entertainment/art/20161026/19812138
專揀 高質 靚女 23 歲猷 猷亨 亨港 港姐 女神 才女 通殺
PermaLink: https://articles.zkiz.com/?id=313530

富二代但冇架子猷亨樂做「外賣仔」

1 : GS(14)@2016-10-26 08:03:06

現年23歲嘅何猷亨,留英學成返嚟後便接手母親四太梁安琪嘅地產生意,有才又有財,絕對係「搶手貨」。不過,猷亨並未因為自己係賭王之子嘅身份就「離地」生活。猷亨喺舊年4月,被傳媒影到佢漏夜買意粉去探港姐季軍劉佩玥(Moon)班,做「外賣仔」不特止,身為賭王之子,竟然企喺街角同Moon傾心事,幾時見過啲貴公子會咁樣呢?到今年1月,猷亨為咗唔好畀當時女友陳瀅餓親,甘心落跑馬地買外賣薄餅,喺等外賣期間,仲行入平民零食店閒逛等夠鐘,攞完外賣仲親自揸車速遞畀女友。




來源: http://hk.apple.nextmedia.com/entertainment/art/20161026/19812154
二代 但冇 架子 猷亨 亨樂 樂做 外賣
PermaLink: https://articles.zkiz.com/?id=313531

陳瀅懶理猷亨媾女

1 : GS(14)@2016-10-28 06:24:20

陳瀅、岑麗香、龔嘉欣、楊明、莊思明及高海寧等,昨日在中環出席邵氏兄弟控股有限公司記者會。賭王四房長子何猷亨跟陳瀅甩拖後,日前被拍到偕長髮索女到中環撐枱腳,陳瀅被問到舊愛猷亨有新歡,她即封嘴:「唔答。」陳瀅表示現在享受工作,無暇拍拖。同場的龔嘉欣被指介入楊明與莊思明戀情,三人昨日同場並不尷尬,龔嘉欣說:「佢係識十年好兄弟,新聞只係炒作,唔係事實。」高海寧則表示如真命天子出現會公開,對方可是創作人鄧智偉?她即說:「你哋畀啲空間我啦!適當時候會講。」撰文:楊定


■岑麗香昨穿上連身套裝露香肩。

■被指介入楊明及莊思明戀情的龔嘉欣(右圖),表示三人同場並不尷尬。





來源: http://hk.apple.nextmedia.com/entertainment/art/20161028/19814155
陳瀅 瀅懶 懶理 理猷 猷亨 亨媾 媾女
PermaLink: https://articles.zkiz.com/?id=313848

陳瀅拒談猷亨新歡

1 : GS(14)@2016-10-30 14:36:01

陳瀅昨日以「小丑女」造型到山頂出席萬聖節活動,提到舊愛何猷亨早排被拍到帶新歡外出,她說:「我冇睇報道,唔回應喇。」她又稱雖然甩拖但不覺得豪門夢碎:「我一向有自己工作,冇話一定要拍拖先過到生活,單身都好enjoy。」看陳瀅的身形好像比早前圓潤,但她就否認兼稱自己比以前更苗條:「我呢排keep住做運動同打跆拳,遲吓仲想考黑帶。」




來源: http://hk.apple.nextmedia.com/entertainment/art/20161030/19816557
陳瀅 瀅拒 拒談 談猷 猷亨 新歡
PermaLink: https://articles.zkiz.com/?id=314134

何猷亨揸模擬賽車險炒車

1 : GS(14)@2016-11-16 05:20:02

【明報專訊】城中唔少名人富豪都鍾意揸靚車嘅,不過小琴就建議四太囝囝何猷亨要練好手車先,皆因噚日見佢打機揸車時表現認真麻麻!

澳門博彩(0880)冠名贊助同佢哋有歷史淵源嘅德利賽車隊,參加一年一度嘅格蘭披治大賽,四太梁安琪同行政總裁蘇樹輝都落場支持打氣,今次記者會仲搞咗場模擬賽車Game,搵嚟蘇樹輝同四太囝囝何猷亨參加一圈澳門賽道嘅Formula One模擬賽事。

一開閘,蘇博士手車順滑直去,快快趣完咗一圈。猷亨本身起步都幾暢順,但可能揸唔慣賽車嘅正負波,喺架車掟彎落山時開始揩住條壆去,搞到車邊火花四起,去到水塘邊又輕微撞壆,搞到旁邊打氣嘅四太仲肉緊過個囝。不過,都係一場稍為逼真啲嘅模擬賽啫,唔使咁緊張,猷亨第日出外揸車唔好衝出路邊就得啦!

email: piano@mingpao.com

[小琴密語]


來源: http://www.mpfinance.com/fin/dai ... 6175&issue=20161116
何猷 猷亨 模擬賽 模擬 車險 炒車
PermaLink: https://articles.zkiz.com/?id=315715

超瓊幫猷亨解畫

1 : GS(14)@2017-02-18 09:51:50

何超瓊、諸葛紫岐及「洗米嫂」陳慧玲昨晚現身灣仔君悅的香港芭蕾舞團晚宴,對於日前有報道指四太梁安琪引薦大仔猷亨做澳博的新項目,引來老臣微言,超瓊代為澄清:「首先,唔知道有呢個誤傳,阿亨一直喺澳博有職務,之前有項目同我討論過,個報道話我有份參與澳博係錯,我喺澳博冇職務,呢個係fake news,同埋佢哋係好資深嘅開國功臣,點會同後生仔過唔去,冇必要。」另外,抱病的諸葛表示忙籌備開拍網劇,生B順其自然:「阿仔成日想做大哥哥,仔女冇所謂,不過自己心態都ready,希望今年或出年。」採訪:盧妹攝影:沈健程




來源: http://hk.apple.nextmedia.com/entertainment/art/20170218/19931942
超瓊 瓊幫 幫猷 猷亨 亨解 解畫
PermaLink: https://articles.zkiz.com/?id=326898

中環在線:何猷亨澳博打工一腳踢

1 : GS(14)@2017-06-16 01:32:10

賭王與四太梁安琪所生嘅二仔何猷亨,平時多數喺娛樂版出現,噚日澳博(880)召開股東會,竟然見到何猷亨一身藍色西裝,官仔骨骨,拎住公事包低調現身,佢參加完股東會匆匆離開,差啲走漏眼認唔到佢!


上月升助理營運總裁

24歲嘅何猷亨就讀英國哈羅公學,2014年英國倫敦King's College工商管理學理科系畢業。聞說,佢畢業後返過澳博做實習,幾個月後,轉去一間初創企業見識一下外面嘅工作環境,2015年底返去澳博正式返工,最初職銜係高級經理,上月升為助理營運總裁,直屬上司係老臣子兼營運總裁吳志誠。睇番資料,近期澳博同其他公開活動都見到何猷亨身影,好似澳博一間員工中心開幕、澳博澳門打吡大賽頒獎,都見到佢孖住四太一齊出現。何猷亨入咗澳博大約兩年,聽講乜嘢都要做,細至點樣做荷官,大至出去同人傾project都有佢份。近年澳博投資超過300億元,喺路氹興建新項目「上葡京」,項目涉及零售、餐飲、酒店、賭場,佢亦參與其中。不過,呢個項目都有阻滯,好似之前忽然發生火警,澳博行政總裁蘇樹輝指,會盡量加快工程進度,希望明年能夠開業。噚日問四太點睇何猷亨嘅表現,佢形容何猷亨係「打緊工」,將來會唔會入董事局就要睇表現。咁都啱嘅,就算係接班,冇理由咁快畀咁大壓力阿仔。李華華
mailto:LiWaWa@AppleDaily.com



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170614/20055345
中環 在線 何猷 猷亨 亨澳 澳博 打工 一腳
PermaLink: https://articles.zkiz.com/?id=335405

陳瀅戀猷亨大壓力

1 : GS(14)@2017-06-22 07:42:30

陳瀅前晚到荃灣出席電影《那一年,我17》首映,日前她上載跟好姊妹何雁詩唱歌相,她說:「係呀!我哋一齊食飯,佢幾好,幾開心,知道大家好關心佢,佢會keep住開心,會越來越好。」問陳瀅有沒有拍拖?她表示一年沒有拍拖,現享受單身的樂趣,行蹤亦不需要向人交代。問她是否跟何猷亨拍拖要報到?陳瀅說:「咁又唔係,因為上一段戀情幾多人注意,所以幾大壓力。」



■袁澧林和彭永琛表示在新戲中有一場偷吻戲。

主角袁澧林和彭永琛在新戲中有一場偷吻戲,袁澧林表示讀書時試過暗戀學長,但未有表白,她說:「如果當時講咗,?家就唔會諗番,冇講出嚟到?家就有個回憶,冇講仲有一個幻想。」採訪:黃曉妍攝影:沈健程




來源: http://hk.apple.nextmedia.com/entertainment/art/20170621/20062943
陳瀅 瀅戀 戀猷 猷亨 亨大 壓力
PermaLink: https://articles.zkiz.com/?id=336218

同猷亨分手後戀事多陳瀅九肚山密會衣架大王兒子

1 : GS(14)@2017-07-05 03:49:38

一年前嘅7月,陳瀅喺活動上承認,同何猷亨喺情侶關係上再退後一步,改為用一種較舒服嘅方法去關心對方。咿咿哦哦咗一輪,佢最終都冇認到分手,但對於分手嘅提問,就話:「唔會講得咁仔細,總之兩個都同一個共識啦。」喺回復單身之前,陳瀅事業發展終於有起色,不過就同同劇嘅張振朗傳出緋聞。而陳瀅嘅解釋只係螢幕情侶,現實生活兩人只係朋友。至於分手之後,陳瀅拍拖嘅傳聞都有唔少,當中包括有同樣啱啱結束感情嘅方力申。早前就有報道指陳瀅同方力申喺老蘭密會,為咗掩人耳目,搵埋幾個月友一齊去,當中仲有紅娘糖妹,而身邊友人就前後腳走晒,留啲時間俾二人獨處。而喺上年年底,陳瀅就被影到同「衣架大王」劉璜兒子劉德俊喺九肚山獨立屋相會,兩人又攬腰又搓面,關係盡在不言中。而於劉德俊,就被發現結過婚,有一個女兒,而佢嘅外型就有少少似方力申添。




來源: http://hk.apple.nextmedia.com/entertainment/art/20170703/20077015
同猷 猷亨 分手 後戀 戀事 事多 多陳 陳瀅 瀅九 九肚 肚山 山密 密會 衣架 大王 兒子
PermaLink: https://articles.zkiz.com/?id=338025

出道4年緋聞未停過劉佩玥曾獲猷亨做外賣仔

1 : GS(14)@2017-07-07 02:42:22

劉佩玥(Moon)於2013年獲選港姐季軍入行,星途同佢同屆嘅陳凱琳及蔡思貝有別,但緋聞數量呢,就同有「發電機」之稱嘅蔡思貝有得揮。出道4年,Moon嘅緋聞男友數量,平均嚟計,每年肯定多過一個,即睇佢張「收兵清單」。何猷亨貴為賭王何鴻燊四房公子嘅何猷亨,喺同陳瀅拍拖之前,曾經於前年被目擊買外賣送去片場畀阿Moon,可以獲賭王之子紆尊降貴做外賣仔,應該唔係朋友咁簡單。(順帶一提,Moon同陳瀅係好姊妹,會一齊去旅行講心事嗰隻。)周志文同樣係戀事多嘅「巨聲幫」大孖周志文,亦同Moon扯上關係,前年有傳Moon同周志文唱K時狂咀,當時周志文同吳若希一齊,Moon變相做「小三」,佢哋段「戀情」一度冷卻,但近日回復單身嘅Moon喺月前被指暗達周志文,亦有報道話周志文趁住伊人芳心寂寞,以細心照顧嚟打動女方,仲講到佢哋不時以band夾嚟做藉口,成班人約會,Moon日前孖住周志文等人做直播時,有指兩人忍唔住眉來眼去。呢兩個人,真係相當有可疑……黃又南都係前年嘅事,當時Moon被目擊喺收工後,上咗又南架Audi戰車,兩人其後喺車廂中談心,其間有錫錫,當又南出手點煙時,Moon伸手去搶,勁耍花槍。伍允龍伍允龍自從同鍾嘉欣終結愛情長跑後,感情去向備受關注,因合演大台劇《城寨英雄》而傳緋聞,其後Moon同伍允龍更不避嫌互相出席對方與朋友之間嘅聚會,令二人戀聞甚囂塵上。不過,有指Moon嫌男方專注事業,少理自己,所以棄龍覓兵。黃宗澤喺拍大台劇《幕後玩家》時,有傳Moon迷上對手黃宗澤(Bosco),更周圍放聲氣話自己回復單身,更主動出擊追Bosco,可惜神女有心,襄王無夢,最終Moon追仔失手而回。




來源: http://hk.apple.nextmedia.com/entertainment/art/20170705/20079315
出道 緋聞 未停 停過 劉佩 玥曾 曾獲 獲猷 猷亨 亨做 外賣
PermaLink: https://articles.zkiz.com/?id=338326

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019