ZKIZ Archives


中環在線:李寧賣股為做善事 李華華

>2008-03-26 AppleDaily

啱 啱喺上個禮拜公佈咗靚業績嘅李寧(2331),勢估唔到一個屈尾十就伸手向市場攞錢,仲要成4億銀。市場消息話,李寧主席兼創辦人李寧以介乎19.3至 20.4元,配售2000萬股舊股,最多套現成4.08億,幫李寧配售嘅係內需股大好友瑞銀。用噚日升咗11.37%嘅收市價、即係21.45元計,配股 價約有介乎4.9至10.02%嘅折讓。原本揸住成35%集團股份嘅李寧,喺減持後嘅持股量將跌至約33%。


瑞銀位芬佬朋友同華華講,李寧減持所得嘅資 金,主要會用喺慈善用途,同埋佢嘅私人投資喎!大嗱嗱4億銀,真係幫得獎運動員每人打造一個半身像都仲得!有芬佬就好唔高興咁同華華講,李寧揀喺公佈完業 績、股價有番少少起色之際賣舊股,都係想反應掂。不過,佢究竟想話畀大家聽,北京奧運對集團冇影響?定係股價鶽家經已到咗頂呢?華華唔想作無謂嘅揣測,睇 吓今日市場點睇好過啦!