ZKIZ Archives


李蘊宣佈有喜陀猴B 5個幾月

1 : GS(14)@2016-01-22 01:48:34

李蘊舊年同內地金融才俊羅章冠註冊,今年年頭補擺喜酒,當時已經有指佢陀猴B,果然冇錯!噚晚深夜,李蘊就喺ig宣佈有喜,並留言:「沒錯我懷孕了,正在經歷人生最奇妙的過程,準備當上這輩子最驕傲的角色,現在懷孕五個多月,孕程過了一半,看著肚子一天比一天大,感覺胎動一天比一天活躍,每天也很感動很感恩,親愛的小猴寶貝,在媽媽肚子裏繼續好好吸收乖乖長大,爸爸媽媽會盡能力給你最好的,超級愛你。」其實同一日較早時間,本報影到佢同超蓮等人喺中環開餐時,已經見到佢肚凸凸啦!





來源: http://hk.apple.nextmedia.com/entertainment/art/20160121/19460274
李蘊 宣佈 有喜 陀猴 個幾 幾月
PermaLink: https://articles.zkiz.com/?id=294735

超蓮G.E.M.爭上契李蘊懷孕5個月預做星媽

1 : GS(14)@2016-01-22 16:15:48

■李蘊懷孕後昨日首度出席活動,已陀5個月BB的她明顯見肚。



李蘊與有米老公羅章冠結婚七個多月,火速造B成功,昨日李蘊首度肚凸凸出席活動,宣佈已懷孕五個多月,並笑言做了星媽,BB在肚內已要與她一起工作。兩個閨蜜超蓮與G.E.M.比準媽媽更興奮,已認頭要做契媽。


李蘊入行11年、24歲的她去年6月與內地才俊羅章冠秘密註冊,到今個月初,她的兩個閨蜜何超蓮與鄧紫棋(G.E.M.)到海南島出席其婚宴才揭破婚事,之後李蘊更暗示雙喜臨門有猴B。李蘊早年因與超蓮及G.E.M.同用一化妝師而建立親密友誼,故她前晚宣佈有B喜訊,也要拉埋好姊妹齊齊公佈,三人同步各自在Ig貼了一幅攬到實的相片表示有喜,超蓮及G.E.M.已認頭做契媽,李蘊昨日又貼了一張BB超聲波相,留言:「其實我細個好鍾意啜手指,BB咁快就學媽媽真係可愛!」



■李蘊、超蓮(左)及G.E.M.(右)好姊妹一條心,前晚同一時間在自己的Ig宣佈李蘊有喜。

■李蘊去年6月與羅章冠註冊,她現時要香港廣州兩邊走照顧老公。資料圖片


■李蘊晒BB「啜手指」超聲波相,不少網民留言臉形靚,估計她生B女。

影大肚寫真

準媽媽李蘊昨日身穿白色貼身裙,到將軍澳出席賀年活動,肚凸凸的她又攞揮春又整湯圓,出入都有工作人員扶住,相當謹慎小心。李蘊之後坐下接受訪問,問到老公是否很開心,她說:「有BB一定開心,我哋註冊時已經決定隨時生B,好好彩一、兩個月就有咗。目前陀B二十一周,預產期5月尾,已決定喺香港生B,不過就唔講今胎生仔定女,我唔止生一個,希望最少兩個,生三個都OK,因為想30歲前完成結婚生BB,目前24歲,就嚟25歲,睇吓可以完成幾多。」



對於身形有變,李蘊笑言是多了肚腩,已構思拍攝大肚寫真,問到火速做人太太及做媽媽,跟以前有甚麼大分別,童星出身的她笑言腹中BB比她更早上台做明星:「好特別,平時一個人上台,而家兩個人,我同佢講咁細個就出嚟做嘢。向來習慣早睡早起,而家仲會瞓晏覺,飲食就要少少戒口,清淡、唔辣、唔濃就OK,亦冇特別食補品。」問到前晚跟超蓮飯敍,啟山也在場,會否找他做契爺,李蘊說:「當然唔係喇,霍生係放咗工先嚟,佢食咗個沙律就走,我哋都想見佢,大家係朋友,佢都有恭喜我。」李蘊再為超蓮否認戀情:「好多男仔都追佢,講唔晒!」



■活動上,李蘊示範煮湯圓,又讓司儀摸肚。

■甄詠珊前晚出席首映時,表示大肚婆李蘊食量多,好好胃口。



超蓮想陪產

而一早知李蘊懷孕的超蓮與G.E.M.早已認定做契媽,超蓮昨日接受本報訪問,在電話中說:「我本身已有一個契仔同契女,佢生咗出嚟,我會錫到燶,佢而家食嘢好怪,鍾意食水餃,以前唔食,食嘅味覺唔同以前,我而家會填飽佢個肚,等我契B肥啲。佢拒絕我入產房,我想睇人生B嚇吓自己先。」此外,李蘊的紅娘甄詠珊前晚在銅鑼灣出席電影首映,她說:「近日同佢食咗餐飯,我哋食咗好多嘢,大家都好胃口,大家有開心事傾。」談到好友造人成功,她說:「等佢公佈,好筍盤梗係要介紹畀好姊妺,開花結果就開心,當然想佢開枝散葉,自己密密賺錢儲大利是畀佢,想同佢BB上契。」採訪:羅慧敏、卓寶花攝影:仇志德、沈健程





來源: http://hk.apple.nextmedia.com/entertainment/art/20160122/19461874
超蓮 G.E.M. 爭上 上契 契李 李蘊 懷孕 個月 月預 預做 做星 星媽
PermaLink: https://articles.zkiz.com/?id=294793

超蓮約李蘊巧撞家姐

1 : GS(14)@2016-03-06 03:14:31

■李蘊(左)預產期在5月尾,昨日即興約好姊妹超蓮遊嘉年華。


回復單身的賭王三房千金何超蓮,昨日與向佐、李蘊等友人現身啟德的嘉年華,湊巧二房家姐何超蕸任主席的東華三院在場舉行活動,結果意外暴露行蹤,更被超蕸臨時拉上台,代曾任上屆主席的三太陳婉珍領獎。被踢爆與超蓮同行的向佐,全程表現尷尬兼避忌,他解釋稱只不過湊巧撞到,同行的李蘊則肚凸凸稱今次即興約會超蓮,她說:「而家7個幾月,心情好期待,預產期喺5月尾,我已經知道BB性別,不過保持神秘遲啲先講。」她還說:「我希望喺30歲前生晒,最好一仔一女,不過順其自然,生咗BB之後會休息一輪,唔好咁辛苦,可能影吓啲媽媽雜誌,專心做普通人安胎。」採訪、攝影:張俊銘





來源: http://hk.apple.nextmedia.com/entertainment/art/20160305/19516831
超蓮 蓮約 約李 李蘊 蘊巧 巧撞 撞家 家姐
PermaLink: https://articles.zkiz.com/?id=296933

李蘊晒B女超聲波相:肥嘟嘟又嘴嘟嘟

1 : GS(14)@2016-05-08 02:56:18

李蘊上年同內地金融才俊羅章冠註冊,今年年頭去男家家鄉海南補擺喜酒,嚟緊今個月尾就生B女,李蘊體重暴增,目前要減少食澱粉質,盡量克制,因為佢想順產生B。佢昨日再貼出囡囡嘅超聲波相,留言:「肥嘟嘟又嘴嘟嘟,嘻嘻!你好可愛。」圖中見囡囡個樣幾可愛,輪廓都幾似媽咪,似係美人胚子噃!





來源: http://hk.apple.nextmedia.com/entertainment/art/20160507/19601596
李蘊 蘊曬 女超 聲波 嘟嘟 又嘴
PermaLink: https://articles.zkiz.com/?id=299985

陣痛12小時「似好急但唔畀屙」李蘊誕7磅女 想餵全人奶

1 : GS(14)@2016-05-21 13:13:35

【初為人母】■李蘊前日順產誕下7磅女,她形容生B過程「似好急但唔畀屙」。互聯網圖片



李蘊(Renee)今年1月披嫁衣在海南舉行婚宴,並透露去年6月已跟拍拖三年的內地生意人羅章冠註冊結婚,婚宴後Renee公佈陀B女,預產期為本月底或下月初,未料B女忽然趕出世。Renee陣痛12小時後,終在前日順產誕下7磅重B女,初為人母的Renee形容生B過程「似好急但唔畀屙」,她表示會以全人奶餵哺愛女。


現年24歲的李蘊,嫁人後即榮升準媽媽,連月來都在社交網貼相記錄懷孕歷程,本來預產期在本月底至下月初,但昨日凌晨3時,Renee好友何超蓮忽然在網上宣佈自己正式做乾媽,宣佈Renee已經生B女,接着Renee亦在各個社交網貼了她用手輕托囡囡腳仔的溫馨相,並留言:「我們的寶貝女兒在昨天提早了三星期來報到,痛了12小時,順產3.2kg,很感恩,從此16/5是我人生最難忘的一天,謝謝上天賜予我們可愛的女兒,謝謝老公昨天一直在身邊陪伴我幫我打氣,謝謝妳選擇了我們當妳的父母,我們會永遠愛妳保護妳支持妳!」



【輕托B腳】■昨日凌晨3時多,李蘊在Ig上載她與老公輕托囡囡腳仔的溫馨照。

【榮升契媽】■超蓮(右)及G.E.M.(中)昨晚到醫院探望李蘊母女。微博圖片

■G.E.M.及超蓮昨晚在醫院不斷拍照捕捉契女的萌表情。



食完西瓜見紅入院

Renee日前在網上貼了美孕照,還上載了一張西瓜相,表示原本不喜歡吃西瓜,但也要吃一點,有網民留言指她在臨盆清胎毒是好事,但原來她吃完西瓜即見紅入院。Renee昨日接受本報訪問時憶起分娩過程,形容感覺似去大便:「慢慢痛吓痛吓,真係越嚟越痛,姑娘畀笑氣我聞,唔知係咪聞得太多,一聞暈暈哋,朝早入產房,一痛就聞。度數不停開緊,都有打止痛針,但冇做無痛分娩,開到五、六度,個人開始有啲語無倫次,老公一直陪住我,我已經唔知講乜嘢。跟住一直痛一直痛,痛到唔知有幾痛,一直想知生仔陣痛有幾痛,原來真係形容唔到,媽媽好偉大,開到9度時,感覺好急,好似好想去大便,但姑娘不停叫唔准屙,我真係好辛苦,好似好急大便但唔畀屙出嚟。」Renee又透露,老公有陪她入產房,見到BB出世時老公即喊出來。



■李蘊今年1月在海南辦婚宴,但她表示去年6月已註冊。資料圖片

■李蘊連月來都在社交網貼相,記錄自己懷孕的歷程。互聯網圖片



超蓮G.E.M.探契女

產後兩日,Renee指目前仍未上奶,但坐月階段都會親力親為照顧B女,亦會支持餵母乳,她說:「今朝有一次餵奶時間,我都試咗一次,好似未上奶,護士都話要兩、三日先會有,畀BB試吓個感覺,我自己試吓個位,感覺好得意,同BB好親密,所以我盡量……如果一上咗奶,又夠奶嘅話,我都想餵全人奶。」而李蘊兩位好姊妹何超蓮及鄧紫棋(G.E.M.)昨晚約7時到醫院探望老友,超蓮不停為B女拍照,G.E.M.則在微博貼相後留言:「我的乾女兒好可愛好可愛好可愛!而我好開心好開心好開心!好激動,一看到她甚麼都說不出……你的三位媽媽愛死你了!」採訪:皓騫





來源: http://hk.apple.nextmedia.com/entertainment/art/20160518/19615936
陣痛 12 小時 似好 好急 急但 但唔 唔畀 畀屙 李蘊 蘊誕 磅女 想餵 全人
PermaLink: https://articles.zkiz.com/?id=300543

李蘊晒餵人奶相

1 : GS(14)@2016-05-21 19:04:19

■李蘊很快便掌握餵母乳技巧。互聯網圖片


李蘊(Renee)上年6月跟拍拖三年的內地生意人羅章冠結婚,日前她榮升媽咪並全力餵哺母乳,初期她遇到少許困難,不過她很快便掌握到餵奶技巧。昨日是「母乳餵養宣傳日」,她貼出疑似餵母乳相片:「520快樂!今年有小公主同我親密地過520,向全母乳媽媽目標前進!」而Renee和B女亦已出院回家。


李蘊B女


另外,「世界小姐」張梓琳上月20日產下6磅重的囡囡Evelyn,她昨亦貼出兩個奶樽和一張BB相:「充沛的媽媽奶,澆灌出一隻肥美的妹子。」撰文:非非





來源: http://hk.apple.nextmedia.com/entertainment/art/20160521/19620975
李蘊 蘊曬 曬餵 餵人 人奶 奶相
PermaLink: https://articles.zkiz.com/?id=300980

李蘊B女又入院 嚇壞超蓮

1 : GS(14)@2016-05-24 10:27:21

資料圖片





■李蘊昨日在Ig貼囡囡腳仔甩皮照(圖),還指是初生嬰兒常見問題。


李蘊(Renee)於上周一為內地生意人老公羅章冠誕下千金,母女出院僅數天,近日又再入院,前晚Renee在Instagram上載了一張抱着囡囡的相片,並留言:「需要照燈的小朋友,唔驚,媽媽喺到。」另外,昨日李蘊又在Ig上載B女的腳仔相,她留言透露:「甩皮小腳腳!」嚇得契媽何超蓮立即追問發生甚麼事,Renee也即回覆契媽:「沒事的,初生小朋友常見問題。」
Renee昨日回覆本報,指囡囡沒大礙,日內可出院:「BB而家要照燈,出院後再返去覆診,醫生話黃指數都幾高,所以即刻返去醫院照幾日燈,呢兩日會出院㗎嘞!唔使擔心。但初頭都幾驚,而家放鬆咗,因為醫生畀好大信心我,話好多小朋友都係咁,多謝大家關心。而家每日喺屋企揼奶,自己或叫屋企人拎去醫院,如果自己餵就會喺醫院埋身餵一餐。」採訪:皓騫





來源: http://hk.apple.nextmedia.com/entertainment/art/20160524/19624510
李蘊 女又 入院 嚇壞 超蓮
PermaLink: https://articles.zkiz.com/?id=301273

李蘊返廣州住 超蓮歡送

1 : GS(14)@2016-09-13 00:19:16

■(左起)超蓮、G.E.M.前晚歡送好姊妹李蘊離港。微博圖片


■李蘊抱B去廣州定居,不過她揚言「每個月都會返嚟!」微博圖片

25歲已為人母的李蘊,昨在社交網貼上與閨蜜G.E.M.(鄧紫棋)和何超蓮的合照,大晒三姊妹和囡囡紫晞齊戴同款手鏈相,留言:「前天晚上跟兩個好姊妹玩到三點鐘,哈哈!收到很漂亮的手鏈,晞晞也有一條呢,乾媽們真好,然後,昨天正式離開香港,展開一家三口的生活。」李蘊嫁雞隨雞,內地老公羅章冠在廣州做生意,李蘊昨在電話說:「係呀,返咗廣州啦,帶埋囡囡,之前喺香港租屋住咗半年,諗住等BB三個月就返廣州,因為一家三口始終都要一齊住,要畀BB見到爸爸媽媽一齊。」問到以後是否長住廣州?她說:「我諗至少都幾年時間,等小朋友返學再決定。」採訪:皓騫




來源: http://hk.apple.nextmedia.com/entertainment/art/20160912/19767692
李蘊 蘊返 廣州 超蓮 歡送
PermaLink: https://articles.zkiz.com/?id=308764

李蘊湊B女住廣州:唔會買奶粉

1 : GS(14)@2016-09-14 05:52:12

■現於廣州與老公居住的李蘊,與母親靠視像通話見面。



25歲初為人母的李蘊嫁雞隨雞,日前帶囡囡返廣州跟內地老公羅章冠一家團聚,昨日她在社交網留言:「好多事情也要慢慢習慣的,那我們笑着去習慣吧!」似不適應內地生活。記者昨致電李蘊了解,問是否擔心內地有假奶粉問題?她說:「完全唔擔心,因為我係餵母乳,而家都係全母乳,遲啲BB要食奶粉,都係香港有贊助商,唔會喺呢邊買奶粉。」李蘊表示生B前都是香港和廣州兩邊住,但現在帶着BB不能經常兩邊走,她說:「感覺上搬咗返嚟之後,香港好似好遠咁,個心要慢慢適應,好掛住香港嘅屋企人同朋友,我好黐媽咪,每日要同媽咪視像幾次,先可以有番好心情。」採訪:皓騫




來源: http://hk.apple.nextmedia.com/entertainment/art/20160914/19769893
李蘊 蘊湊 女住 廣州 唔會 會買 奶粉
PermaLink: https://articles.zkiz.com/?id=309048

李蘊囡囡巧打耳契媽G.E.M.愛不惜手

1 : GS(14)@2016-11-20 23:52:07

G.E.M.(鄧紫棋)昨日去咗廣州工作,去到廣州當然要同嫁雞隨雞嘅好姊妹李蘊同契女小紫晞聚吓啦!G.E.M.還在微博貼出佢哋嘅合照:「在廣州工作,我乾女兒和她媽媽來酒店探望我!晞晞真的越來越可愛了,看到她就覺得世界很美好,還有她媽媽,我好愛你」,真係Sweet爆!




來源: http://hk.apple.nextmedia.com/entertainment/art/20161119/19838632
李蘊 囡囡 巧打 打耳 耳契 契媽 G.E.M. 不惜
PermaLink: https://articles.zkiz.com/?id=316275

【馮仁昭四圍超】李蘊再為五蚊鬧司機

1 : GS(14)@2016-12-10 03:45:31

資料圖片





李蘊上年拖住個唔超出size嘅行李篋坐的士,疑被濫收車資,為五蚊網絡公審的士司機,結果被嗌「五蚊雞港女」。噚日又發生同類事件,李蘊再喺Instagram發火:「嬲到震,蝦女人!」剛抱女由廣州返港嘅李蘊,噚日喺電話話去旺角打針後搭的士,佢話:「我叫佢照收,但要印張單出嚟畀我投訴,佢又唔敢收,話女人真麻煩喺度嘈,唔係五蚊嘅問題,根本冇權收。」撰文:馮仁昭




來源: http://hk.apple.nextmedia.com/entertainment/art/20161209/19859448
馮仁 仁昭 四圍 李蘊 蘊再 再為 為五 五蚊 蚊鬧 司機
PermaLink: https://articles.zkiz.com/?id=318923

李蘊 吳克群 為超蓮互寸「講真話得罪人」

1 : GS(14)@2017-01-14 12:25:38

■超蓮閨蜜李蘊(左)多次為好友抱不平,卻被吳克群暗寸多事。資料圖片



賭王三房千金何超蓮與台灣歌手吳克群前年年底結束四年情後,對方新聞多多,上年罹患突發性失聰,因投入拍戲延誤治療的黃金時間,最後連戲也拍不成。


不婚導致分手

日前,吳克群在台灣接受傳媒專訪,話題依然圍繞前女友,有「消費」之嫌。在訪問中,他自言媒體只關心與豪門千金拍拖,對於第一次高調認愛,表示無悔公開關係,他說:「那四年我很開心,不會後悔,我以前就不愛公開戀情,可是需要給對方認定的話,我也會做,這次我理解到,感情還是放在可以保護的地方,不要和工作混淆,會被解讀太多的視角,但明明最清楚這段感情的只有我們兩個人。」對於有指吳克群的不婚主義導致分手,他就否認:「不想結婚這件事,要是我沒有誠實講就沒事!有些事的責任比想像中大,難道肯結婚,兩年後離婚比較好嗎?」吳克群透露與超蓮的關係是會聯絡的朋友,早前他突發性失聰,超蓮亦大方問候,他表示:「有一個曾經了解你的人,是很難得的。」



■吳克群與超蓮分手一年多,但受訪時仍愛談及二人舊情。台灣《壹週刊》圖片

■超蓮與吳克群拍拖四年,前年年底分手收場。資料圖片


嘲閨蜜多說話

另外,吳克群在訪問中被指有第三者及「消費」舊愛,他表示接受超蓮在Ig抒發情感,但就不滿旁邊的人多說話,雖沒開名但矛頭直指超蓮閨蜜李蘊。本報昨日致電李蘊,她即回擊說:「以後記者朋友唔好搵我回應佢哋感情狀況啦,我唔知原來講真話都會得罪人,不過我個人都係幾鍾意同朋友出頭,呢個可能係缺點,要改改。」另外,記者昨日聯絡過超蓮,於截稿時未有回應,但她昨午在Ig貼了一幅放滿文件的相,並留言:「工作工作。」採訪:皓騫




來源: http://hk.apple.nextmedia.com/entertainment/art/20170114/19896088
李蘊 克群 為超 超蓮 蓮互 互寸 講真話 得罪人 得罪
PermaLink: https://articles.zkiz.com/?id=322644

【馮仁昭四圍超】李蘊產後脫髮夠偉大

1 : GS(14)@2017-04-06 07:41:37

互聯網圖片





李蘊鍾意喺社交網晒囡囡嘅得意相,不過1月起發現佢有甩髮情況,不時影相都戴帽,上月擺咗張同囡囡游水相更驚現M字額。回覆馮仁昭時,李蘊澄清唔係壓力禿:「甩得最嚴重時,喺張床度湊女,用手撥一撥前面頭髮,真係有十幾條跌出嚟,嗰時我都驚驚哋,上網睇資訊知道好多產後脫髮都係4個月開始,好正常,生過BB嘅媽媽都會知,我覺得為咗BB甩頭髮都幾偉大。」撰文:馮仁昭




來源: http://hk.apple.nextmedia.com/entertainment/art/20170406/19980974
馮仁 仁昭 四圍 李蘊 產後 脫髮 偉大
PermaLink: https://articles.zkiz.com/?id=329427

李蘊車廂餵母乳

1 : GS(14)@2017-04-17 07:20:09

■李蘊身在廣州,坐在老公的車上餵囡囡食人奶。互聯網圖片



李蘊曾經先後在Instagram貼相投訴的士司機服務態度欠佳,由於她有囡囡羅紫晞,出街貪方便還是要坐的士。李蘊前晚在Ig貼了帶囡囡坐車出遊,留言:「感覺穿母女裝比穿情侶裝更有愛,哺乳中……穿着這衣服,彷彿跟女兒已經融為一體。」這次坐在車廂中哺乳,李蘊原來在廣州,她昨短訊回覆說:「係呀,經常喺車餵,老公架車,唔使驚。」難怪她餵得放心,囡囡食得開心。下月囡囡羅紫晞將1歲生日,李蘊說:「希望餵母乳餵到佢歲半,係困身,但係好sweet。」前日復活節兼周六,她謂一家三口有節目:「去商場行吓街,食吓嘢。」採訪:楊定



李蘊 互聯網圖片





來源: http://hk.apple.nextmedia.com/entertainment/art/20170417/19991986
李蘊 車廂 母乳
PermaLink: https://articles.zkiz.com/?id=330858

李蘊為囡囡痛都值得

1 : GS(14)@2017-05-14 10:51:01

李蘊去年誕下女兒羅紫晞,一家三口在廣州生活,她昨日接受電話訪問:「特別開心,特別有意義,雖然囡囡仲細,未識講母親節快樂,希望佢下年可以同我講呢句說話,我可以同佢過好開心,媽咪又嚟咗廣州,可以三代同堂,以前未試過。」囡囡後日1歲生日,李蘊說:「由初頭生佢一嚿嘢,變咗佢係識行路嘅小朋友,睇住佢每個成長階段好開心同感動,做媽媽後覺得媽咪好偉大。見BB食母乳,佢好滿足同健康,希望可以keep住餵。以為好簡單唔使消毒器皿,其實我經歷咗幾次乳腺炎,會發燒同痛幾日,但呢種辛苦值得,我係唔會卻步。」採訪:陳杰




來源: http://hk.apple.nextmedia.com/entertainment/art/20170514/20020438
李蘊 蘊為 囡囡 痛都 值得
PermaLink: https://articles.zkiz.com/?id=332974

李蘊囡囡識計數

1 : GS(14)@2017-05-19 05:27:57

■李蘊在廣州為囡囡慶祝一歲。互聯網圖片



李蘊前年嫁給金融才俊羅章冠,去年誕下囡囡羅紫晞,前日是紫晞一歲生日,李蘊因見囡囡已在港辦百日宴,所以生日就在廣州家中簡單過,李蘊說:「我哋準備咗兩個蛋糕,一個大人食,一個係素蛋糕,材料冇用雞蛋、忌廉,半歲以上小朋友可以安心食。」切完蛋糕就玩「抓周」遊戲,將書本、印章、鉸剪、印章、毛筆、算盤等多樣物品放在紅布上,讓紫晞挑選,李蘊解釋抓周是傳統儀式:「畀一歲小朋友任拎嘢,寓意將來對邊樣最有興趣,結果囡囡揀咗算盤,咁啱爸爸都做金融,似乎囡囡都對數字敏感。」採訪:陳杰




來源: http://hk.apple.nextmedia.com/entertainment/art/20170518/20024517
李蘊 囡囡 計數
PermaLink: https://articles.zkiz.com/?id=333546

李蘊抱B女開工

1 : GS(14)@2017-05-28 10:38:19

李蘊跟金融才俊老公羅章冠及一歲囡囡羅紫晞在廣州生活,她近日獲護膚品牌力邀做代言,廣告商體諒李蘊要餵母乳,所以移船就磡到廣州。拍攝當日,李蘊帶B女去開工,她昨說:「我仲餵緊人奶,拍攝時唔可以走開,但可以暱埋更衣室餵奶,多謝團隊遷就我。」問將來可讓囡囡入娛樂圈?李蘊說:「我冇得話事,佢鍾意讀邊科,鍾意入邊行,我會畀佢多啲自由。」採訪:劉敏




來源: http://hk.apple.nextmedia.com/entertainment/art/20170528/20035925
李蘊 蘊抱 開工
PermaLink: https://articles.zkiz.com/?id=334340

超蓮G.E.M.上廣州陪過生日李蘊:每年有妳們陪我

1 : GS(14)@2017-07-29 03:40:52

李蘊、超蓮、G.E.M.一向感情好,三個都係1991出世,每逢生日必定約埋慶祝!李蘊自從嫁咗大陸才俊,生埋囡囡羅紫晞後,專心做少奶奶,不過朋友點都要見!昨日係李蘊26歲生日,超蓮同G.E.M.都上咗廣州同佢慶祝生日。剛才李蘊喺微博貼出合照,留言:「每年也有妳們陪我過生日!謝謝妳們!我愛妳們!」G.E.M.喺微博貼舊相,寫道:「上兩個禮拜找回了我18歲時Renee送我的生日卡。一轉眼八年過去了。這些年來你都一直保持那單純的笑聲,當你的朋友真的很幸福很快樂!祝你生日快樂,愛你!」超蓮就留言:「我們永遠愛你,生日快樂幸福少婦!」李蘊同超蓮着連身裙晒腿,喺超蓮Ig動態,李蘊抱住囡囡準備上車前,佢哋似一個鐘頭前先食完嘢,超蓮就叫紫晞送飛吻俾契媽,片中見有人喺身邊,似係準備揸車走,估計李蘊老公羅章冠都在場,唔通啲合照就係由佢操刀嘅!




來源: http://hk.apple.nextmedia.com/entertainment/art/20170728/20104421
超蓮 G.E.M. 廣州 陪過 生日 李蘊 每年 有妳 妳們 們陪 陪我
PermaLink: https://articles.zkiz.com/?id=339057

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019