ZKIZ Archives


散戶壓倒性優勢 consilient_lollapalooza

From

http://www.xanga.com/consilient_lollapalooza/647055002/item.html

散戶壓倒性優勢:

沽清卓越,比想像的容易~其實不用擔心股票沒有交投量,升的時候就自然有,可以夠大去Exit。

商品就是不同投資品:商品越特價越多人買,越貴越冇人買,投資品反是~

基金投資股票真的劣勢,往往因為交投量低而不能買賣,但往往就是那低殘的股票,才是交投量低的。相反,往往股票狂升時,交投量才高,基金才可以去買,接火棒。散戶如果夠勤力,我覺得在投資上真的有壓倒性的優勢呢~

有趣的是,平時買個相機電腦,買衫買鞋,很多人都會左選右選,格價後才去買,當中用了很多時間。然而,面對重大的投資決定,很多人卻不去格價做功課,就是麻木地衝。問題不在於是買什麼,要做什麼,而是這種方法,是給予有準備的對手一個很大的資訊優勢呢~

所以孫子話”善用兵者,至人而不至於人”了~

中環在線 揸深圳萬科17年散戶股神400萬變16億 李華華

>
2008-06-03  AppleDaily


股 神畢菲特用價值投資法,長揸好股,其實,香港都有好多投資者係佢信徒,仲可以話係青出於藍。好似港商劉元生,手持內房股萬科股票17年,由當初市值約 400萬人仔(下同),暴升到今時今日賬面值約16億,升咗近400倍,比起畢菲特最掂嗰隻華盛頓郵報,30年都係升得128倍,睇怕今勻股神都要寫個 「服」字。

與王石早有淵源

講起呢位散戶股神,早喺91年萬科A股上市前已經入股萬科,話說王石未創辦萬科之前,同劉元生已經 係生意拍檔,88年尾,未上市嘅萬科為咗籌集資金,以每股一蚊人仔發行咗2800萬股,劉元生見銷情唔係咁好,於是幫對方認購咗360萬股,成本大概 400萬銀。萬科91年1月29日深交所上市,當時報14.58人仔,其後劉元生仲有增持萬科,據萬科資料,劉元生持有8253萬股,以噚日萬科收市價 計,市值近16億人仔。難怪內地傳媒封佢做「超級散戶」,喺3月舉行嘅萬科07年報告網上說明會,有萬科小股東要求親眼見一見偶像王石,同股東劉元生。

上市後不斷增持

據 報道,劉元生家陣係萬科最大嘅個人股東,王石有乜大動作,之前都會主動問吓佢嘅意見。除咗同王石熟絡,劉元生同萬科另一董事陳志裕應該都幾熟,因為據《提 問萬科》一書介紹,當年王石做錄像機生意時,係由劉元生嘅仁達國際(香港)供應日本貨源,而據公司註冊處資料,呢家公司仲有3位董事,其中一位正係陳志 裕。LiWaWa@AppleDaily.com

中環在線:散戶恨見民企之父 李華華

>
2008-06-11  Appledaily


噚 日深圳國際(152)開股東特別大會,通常上市公司開呢類會,若非大事件,股東會三兩吓就開完,出席嘅小股東唔多,不過噚日有位小股東丘先生,專程到深圳 國際香港總辦事處,出席股東特別大會,佢去嘅目的,只係想見非執行董事張化橋。

張化橋本嚟係瑞銀「明星分析員」,當年被人捧為「民企之父」,06年3月過 檔深圳控股(604)做首席營運官前,深控股價已因「張化橋效應」升唔少,佢過檔後執靚間公司,又做埋同系嘅深圳國際非執董。丘生舊年做咗深圳國際股東, 佢話未去過間公司,所以噚日去睇吓兼見吓張化橋,點知對方唔到。計華華話,丘生想見張化橋,應該做深控嘅小股東,見佢嘅機會大得多。

投資心理散戶死穴,機會成本供求定律 hiking

From

http://hk.myblog.yahoo.com/kl424/article?mid=2663

有機會再見恆指先生,近期股市氣氛良好,上升不少,他說呢個多月最大特色是牛熊證輸死好多 人,情況的確如此,在沒有牛熊證之前,散戶炒恆指認股證,如果一個月前無論買入認購或認沽證,如果還未到期,至今只輸差價,但現今炒牛熊證的話,隨時玩完 輸光。炒股猶如買大細,手風唔順一定要止蝕離場,不過,散戶心理質素能否勝任?用心理學的角度,得到大概答案。

一條有六百人的村落發生疫症,現時有兩個治療方法:

方法一:四百人死

方法二:有三份一人獲救

你會怎樣選擇?(節錄自「金融心理學」)

表面上兩個答案是相同,都是救二百人,死四百人,好似擲幣遊戲,理應在兩種方法機會均等的情況下,選擇兩種方法的人數相若。但結果是若四份三人選擇 方法二,只有四份一人方法一。文中指出,人在面對死亡時都會迴避,選擇方法一,猶如親手殺死四百人,相比方法二可以救二百人,大家傾向選擇救人。應用在投 資選擇上,大家在面對虧損時,同樣選擇逃避,傾向選擇先賣有賬面盈利的好股票,留下滿手已下跌不少的衰股。在決定止蝕時,也會抱著明天會更好的心態,繼續 持有,在價格反彈時,又會抱著明天會更好的心態,期望股價返回家鄉才出售,因而錯過一個又一個脫手機會。

要解決這個心理問題,坊間有不少良方,有人買優質藍壽或盈富基金當儲蓄,買入後放入保險箱,這個方法最簡單,縱使偶爾發生電盈大跌九成多的例子,但 整體而言都能安心增值。也有人以價值投資應付,理論同樣簡單,但計算價值時減少誤差需要專業知識,操作時同樣要克服心理變化,花時不少。有人用平均成本 法,隨著時間的過去,連買入成本都忘記,心理問題迎刃而解。三種方法也有可之處,喜歡月供投資也帶著她們的影子,選易捨難也。

星期一股市大升,匯控升$4.9,升幅4.08%,英國《星期日電訊報》報導,中投公司與匯控主席葛霖展開商談,主要談及中投在公開市場上直接購買 匯控股份的可能性。為什麼在市場買股票要與主席會談?星期一匯控亞太區主席鄭海泉表示,匯控與中投會面只屬一般交往,匯控現時資本充足,並無集資需要。換 句話說,中投公司與葛霖會面是事實,匯控不會發新股給中投,這是合理做法,我認為現價被低估,現時發新股損害現股東利益,除非中投承諾匯控未來在中國的發 展獲外資的特權。因此,會中所談則不是直接購買的可能性。

半年前,林森池曾說過收到「風」,中投公司與匯控聯絡發行新股事宜,但遭匯控以沒有集資需要婉拒。中投要買匯控的話,半年前已可以在市場慢慢地,靜 靜地買,那會事先張揚,被炒高後買貴貨?以近半年股價計,一百億港都買唔到1%的匯控,在市場買股票,沒有需要披露,除非中投已買夠貨。就現在的資料推 算,報導只是一般炒作。

繼九巴及維他奶後,屈臣氏蒸餾水工人罷工又一次成功爭取加薪。屈臣氏資方聲稱司機及跟車工人待遇分別為萬五及萬三,但勞方拿出工資單,實際只有萬三 及萬一,相信資方把公積金、保險、年終獎金等福利加入計算,導致雙方都提出有利已方的數據。屈臣氏部份員工聲稱12年沒有加薪,很奇怪,點解唔轉工而忍辱 多年?最直接的想法是,員工找不到待遇更好的工作,即這個行業長時間(超碼12年,而且情況愈趨嚴重)出現供過於求的情況。

十年前國泰高級機師罷工,原因是國泰削減薪金福利,由於當時國泰給予削減後的待遇,仍然是高於同行,最終資方可算是獲得勝利。高級機師月薪達五十多 萬,削減待遇可令資方每年節省以億元計的開支,加上客觀事實(工資同行最高),資方雖然在罷工期間損失不少,但堅持最終獲得接納及得到合理回報,勞作雖然 被迫接受減薪,但仍是同行之最。在供不應求的行業,員工在市場的推動下,能與雇主分甘共苦。

就運輸工人而言,長期供過於求,資方大可成全不滿意的員工,將其遣散,在市場中以更低的工資雇用新員工,但現實是資方接連屈服,這與供求定律背道而 馳。運輸工人薪金相對較低,資方不加薪所節省的金額較少,堅持不加薪對資方的機會成本大(罷工所損失的營業額或遣散員工令公司聲譽受損),精於計算的商人 不做蝕本生意,這是勞方能接連獲勝的主因。

無論如何,這意味香港「打工仔」在通脹的壓力下,開始對薪金上升有期望(縱使該行業供過於求),相信這是各國也在面對的問題,呢兩個月已接連在世界 各地傳來遊行擾亂等消息,尤其在已發展國家,薪金佔整體成本高,影響更大。通脹因薪金上調而再上升,加薪的期望持續,當薪金全面上升,又會觸發新一輪的通 脹,做成惡性通脹,世界各大國久經通縮或似有若無的通脹率,在大家未接受現實之前,成品加價幅度未能反映成本的上升,尤其在低增值的行業,企業盈利受損, 股市難有起色。結果會走向兩個極端,其一是大家接受通脹,情況返回八十年代的香港;其一是全球經濟受損,復元需時。

本周恆指升866.52點,平均成交671.99億,比上周升57.9億,情況是反彈回落後最好的一周,但平均成交仍然維持六百幾億,六百幾億平均 成交已維持六周,這是否熊三已進入熊三中成交橫行的階段?港股成交隨時間不斷上升,在1994年10月中首次突破100億,13年後,2007年10月突 破2000億,究竟現時600幾億成交是否屬於交投淡靜,單用數字好難比較,要將來才知道。

收筆之前,新確科技在有可能被清盤的情況下,發行五千萬元可認股債券,年息半厘。David Webb去年的聖誕禮物,成謙聲匯發盈警。再一次引證大股東爭持及名人推介的謬論。


散戶愛股終於合股-奧瑪仕(959)

http://www.hkexnews.hk/listedco/listconews/sehk/20080220/LTN20080220251_C.pdf

建議股份合併
董事會建議將本公司之股本中每十(10)面值0.001港元之已發行及未發行股份合併為一(1)面值0.01港元之合併股份。於本公佈日期, 共有26,588,897,285面值0.001港元之已繳足或入賬列作繳足已發行股份。假設於本公佈日期至股東特別大會舉行日期期間將不會再發行股份,則股份合併後將有合共2,658,889,728面值0.01港元之已繳足或入賬列作繳足已發行合併股份。本公司之法定股本將仍為40,000,000港元,分為4,000,000,000面值0.01港元之合併股份greatsoup:
兩百多億的盤子非常難炒起,合了後,股票有二十多億價有一元多,市值有成二十幾億,看來又有下跌的空間了,哈哈哈哈。




最牛散户刘芳现身承认:ST金泰被其封上涨停


http://finance.sina.com.cn/stock/y/20081206/09375599716.shtml
Related Passage
最牛散户刘芳在证监会严打时亮相惹质疑
http://finance.sina.com.cn/stock/y/20081208/07365602888.shtml


中環在線:四叔、超人陪散戶坐艇 李華華

2008-12-22  AppleDaily


 

舊年股市長升長有,尤其係新股,幾乎抽得到都有錢賺,同今年真係天淵之別。如果家陣仲揸住舊年抽返嚟嘅新股,散戶應該變晒艇戶。

好似舊年10月「食正」新股熱潮上市嘅波司登(3998)咁,如果抽新股到家吓都未沽,賬面就輸緊錢,唯一安慰可能係有一眾大孖沙同你一齊坐艇。

得到恒地(012)主席李兆基、長實(001)主席李嘉誠、新世界發展(017)主席鄭裕彤、廸生創建(113)主席潘廸生,同國壽(2628),各斥資2500萬美元入股。事隔14個月,波司登股價由招股價3.28蚊跌到上個禮拜7毫6,富豪陪伴散戶一齊輸。

集團首席財務官麥潤權同華華講,主席高德康曾經同四叔李兆基、超人李嘉誠見面,知道佢哋仲揸住波司登啲股份,認真支持,但亦有基礎投資者經已賣晒啲股份,麥潤權話:「大家都明白要做好業績,股票市場冇人控制得到。」

上市至今,波司登累計用咗2.5億銀回購股份,麥潤權話明年底前仲可以動用最多5億銀回購,集團都唔排除繼續派特別股息回饋股東。

 

波司登最多再用5億回購

大摩發表研究報告話,波司登手持現金35億人民幣,加上零負債,損益表夠穩健;如果計及持有至到期嘅投資,每股淨現金相當於6毫7,畀「增持」評級,目標價2.15元。睇嚟各位尊貴嘅艇戶仲有排坐。

超人學細仔捧樂壇新星

超 人旗下和黃(013)嗰檔3集團,除稅及利息前(EBIT)收支平衡時間,一改再一改,都唔知幾時達標。為咗盡快交差,前幾年佢哋將部份工程服務工序外 判,又同競爭對手合作,共用發射站慳成本。諗住出年一定夠數,開始有正現金流,點知一場金融海嘯打亂計劃。既然節流做晒,惟有諗吓點開源。最新一期集團刊 物《Sphere》報道,和黃嘅丹麥業務──3丹麥,最近成立咗間3some music嘅數碼唱片公司,為樂壇新星提供一個演唱新作品嘅平台(圖)。歌迷可以直接用手機收睇,公司仲會自行聘請藝人,喺平台發表熱門歌曲。除咗丹 麥,3香港已經有音樂專門網站3MusicStation,英國有3MusicStore,3意大利就畀客戶隨時免費下載音樂。華華以為淨係小小超先至鍾 意捧娛樂圈新星,估唔到佢老竇超人都唔執輸。李華華LiWaWa@AppleDaily.com
 

趁市亂銀每日幾千萬上落中環在線:證券董事變職業散戶 李華華


2009-02-23  AppleDaily





 

雖 然全球政府都落力泵水救經濟,但成唔成功真係好難講,所以個股市都係似穩未穩,普通散戶就梗係心驚驚唔敢入市住啦,睇定啲穩陣啲嘛。不過有啲職業散戶就勇 字當頭,仲識掌握波動市況炒個不亦樂乎,好似天行國際(993)旗下天行聯合證券聯席董事連轉逢咁,就係趁市亂銀嘅佼佼者。

炒輪賺蝕五成即走

華 華同連轉逢傾開,原來佢鍾意玩「即日鮮」,仲要係炒賣窩輪同牛熊證,每日成交大拿拿二、三千萬銀。炒到咁勁唔通有必勝秘笈,連董話:「呢種產品以小博大, 其實都幾啱香港人性格。」但窩輪風險高,一定要嚴守止賺止蝕,升五成要即刻獲利,跌五成亦要沽清。唔好以為佢講得咁輕鬆就好易玩噃,原來佢有5個徒弟,每 朝9點開會,一齊檢閱大市資金流向同大戶報告,先會大手出擊買貨。所以話力不到不為財,想玩窩輪嘅散戶真係要做足功課嘞。仲有,實戰經驗都好重要,今年 43歲嘅連董,喺03年沙士後慨嘆「經紀唔易做」,索性劈炮全職炒輪。不過,近期連董由全職散戶,做番證券行董事,一於一身兼兩職。唔講唔知,呢間天行聯 合證券母公司天行國際嘅大股東,就係金銀業貿易場副理事長張德熙,原本叫「張氏證券」,開業40年,今年1月先改名,佢哋舊年首三季喺本港證券市場份額高 達2.18%,喺行內排名頭15,只要略升0.16個百分點就可晉級入A組,挑戰外資大行嘅地位,難怪請到連董出山。李華華 LiWaWa@AppleDaily.com
 




中環在線:港散戶三成瞌埋眼投資 李華華


2009-03-04  AppleDaily





 

當雷曼兄弟都會爆煲,大笨象都會大瘦身,投資者開始意識到冇投資產品係冇風險,不過咁唔代表香港人投資會小心啲!富達噚日公佈「全港投資者智性調查」,發現501個25至60歲有買基金嘅受訪者中,26%投資時都冇睇產品嘅認購章程或者銷售文件。

冇睇認購章程

唔 睇嘅原因,好多人話睇唔明或者文件太長,以50至60歲組別最嚴重,有超過三成人唔睇係乜就買,呢個壞習慣認真要改。而有睇資料嘅,最關心產品嘅風險,其 次係發行機構同投資目標。有趣嘅係,投資者決定風險高低,唔係睇「對手風險」(只有5%受訪者關心),最多人考慮嘅係產品有冇受監管。富達香港區董事總經 理程劍慧話,唔少投資者誤以為有監管就代表低風險,咁就弊!因為監管機構只監察產品有冇披露資料,唔係為產品定出風險高低。難怪佢好無奈咁話,香港人嘅投 資知識仲係唔夠高,要好好教育吓。




中環在線:散戶叫孔丹炒榮太子 李華華

2009-04-06  AppleDaily





 

上 個禮拜,中信泰富(267)因為炒燶外滙accumulator事件,搞到商罪科都要插手,對於中信泰富嘅散戶嚟講,當然不滿,華華喺討論區見到,有股東 聲稱,話已經寫咗封信畀中信集團董事長孔丹,要求佢炒咗中信泰富主席榮智健。寫呢封信位散戶自稱Jerry,佢喺討論區話,事件已經影響中信泰富同中信集 團嘅名聲,仲話「現在我很心痛」。唔只Jerry,相信一眾散戶都估,今日開市,中信泰富一定大幅低開,所以Jerry要求孔丹星期一開市嘅時候宣佈中信 泰富停牌,並「以年齡理由通過辭退主席榮智健,改派中信集團總經理常振明任主席」,Jerry話咁先可以令公司重新振作,仲話會繼續支持公司喎。孔丹會唔 會接受呢位股東嘅意見,就真係只有時間先可以證明。




桌球天王播完散戶冇清袋中環在線:秋官效應失威力 李華華

  2009-04-27  AppleDaily





 

「秋官效應」有幾勁,唔使華華多講,上個月30號秋官套《桌球天王》首播,港股當日應聲狂瀉663點,都咪話唔邪。唔怪得連秋官自己都話:「真係唔信咁靈!」

播完股市升13%

上 個禮拜五《桌球天王》大結局,華華埋單計數,港股除咗首日急插外,其餘日子一路造好,恒指更累升超過1800點,累積升幅13%,係華華有統計以嚟升得最 勁嘅一次,睇嚟呢次「秋官效應」唔止有頭威冇尾陣,簡直係冇晒威力,秋官並冇一cue清咗大家個袋喎。不過網民就話,秋官今次推唔跌個市,係因為套劇講飾 演Cue Sir嘅佢,最後輸波畀徒弟靳子謙。華華唔敢講「秋官效應」係咪真係失效,但睇番往績,「秋官效應」一般都只喺套劇播映期間發威,好似舊年套《楚漢驕雄》 重播,適逢金融海嘯,恒指插水38%。不過相信大家最記憶猶新嘅,點都係《大時代》,播映期間港股急挫約13%。好在「秋官效應」都冇乜持久力,每次套劇 播完後,大市都會逐步回升,最勁要數番前年首播嘅《香港傳奇-榮歸》,恒指隨後3個月急升27%,咁樣計落個市今日應該有運行喎。不過家陣除咗「秋官效 應」,仲出埋「娥姐效應」同「農夫效應」,咁多人爭食,加上「秋官效應」失威力,睇怕秋官以後唔係驚有劇集播時,個市會跌,反而係驚「秋官效應」唔再獨步 「金魚缸」,唔能夠再掀起話題。李華華LiWaWa@AppleDaily.com

秋官效應對港股威力

大時代播映時 間:11/1992播完指變幅:-12.7%之後3個月變幅:+14.8%笑看風雲播映時間:10/1994播完指變幅:-13.8%之後3個月變 幅:+1.9%香帥傳奇播映時間:5/1995播完指變幅:+11.9%之後3個月變幅:+5.6%男人四十一頭家播映時間:6/1995播完指變 幅:-3.8%之後3個月變幅:+5.6%天地男兒播映時間:2/1996播完指變幅:-6.5%之後3個月變幅:+3.1%江湖奇俠傳播映時間:12 /1997播完指變幅:-1.4%之後3個月變幅:-9.9%神劍萬里追播映時間:7/1999播完指變幅:-6.5%之後3個月變幅:+12.7%世紀 之戰播映時間:9/2000播完指變幅:-8.3%之後3個月變幅:+1.5%非常外父播映時間:10/2003播完指變幅:+3.9%之後3個月變 幅:+6.6%血薦軒轅播映時間:3/2004播完指變幅:-8.8%之後3個月變幅:-0.5%楚漢驕雄播映時間:10/2004播完指變 幅:+10.9%之後3個月變幅:-3.4%御用閒人播映時間:3/2005播完指變幅:-1.7%之後3個月變幅:+2.2%潮爆大狀播映時間:4 /2006播完指變幅:+3.7%之後3個月變幅:+1.8%御用閒人*播映時間:2/2007播完指變幅:-0.9%之後3個月變幅:+11.9%香港 傳奇-榮歸播映時間:7/2007播完指變幅:-4.6%之後3個月變幅:+27.0%《最勁》香港傳奇-榮歸*播映時間:6/2008播完指變 幅:+1.2%之後3個月變幅:-38.5%《最慘》潮爆大狀*播映時間:7/2008播完指變幅:+6.1%之後3個月變幅:-播完指變幅:36.1% 楚漢驕雄*播映時間:10/2008播完指變幅:-37.7%《最慘》之後3個月變幅:+19.4%桌球天王播映時間:3/2009播完指變 幅:+13.4%《最勁》之後3個月變幅:-註:*重播




中環在線:輪商開錯價益散戶 李華華


2009-04-27  AppleDaily





 

輪商一向畀人嘅印象,係有殺錯冇放過。不過上個禮拜四,就有個炒開股票衍生工具嘅對冲基金朋友,報料畀華華話:「喂,今朝有隻國壽(2628)熊證62275,輪商出價有啲嘢。」

國壽輪幾個鐘輸幾球

華 華即刻check吓,發覺原來隻嘢喺短時間內,輪商賣價0.38元,突然又跳幾個價位,出0.41元買番。來來回回6、7次。華華當然要查個究竟,打電話 問有關人士:「你哋隻嘢出價好怪喎!」有關人士:「我哋衍生工具出價一向跟實正股走勢。」華華:「聽講你隻嘢,幾個鐘頭幫你哋輸幾百萬喎!」有關人士: 「我哋衍生工具出價一向跟實正股走勢。」華華:「吓吓都咁答。輸錢唔怕認喎,如果畀街客知你哋有時會烏吓烏吓益街坊,好過賣廣告啦!」有關人士:「你知 啦,我哋每日有成800幾隻衍生工具買賣……如果投資者鍾意我哋嘅出價,歡迎佢哋嚟買賣……」輸錢係危機,不過冇危邊有機?
 




中環在線:謝國忠「散戶受獸性推動」 李華華


2009-04-29  AppleDaily





 

獨立經濟師謝國忠對於人類歷史上曾出現過多次「血的教訓」,但股市泡沫仍屢次出現,有佢精闢獨到嘅見解──人類基因存在群體效應,人買你又買。

走唔切變大鱷點心

謝 國忠喺內地《財經》雜誌發表文章指出,人類心理極易受集體情緒影響,就好似野生動物集體游過鱷魚大批出沒嘅河流,由於鱷魚同一時間內只可以食一隻動物,反 而保證咗其他動物嘅安全,所以獸群行為係應對大自然險境嘅一個合理方式。雖然進化令人類可以理性思考,但群體行為嘅本能並冇消失。散戶一齊過河,就睇吓邊 個唔好彩,走唔切成為大鱷點心。佢認為受經濟數據轉好嘅消息刺激,又一輪熊市反彈可能喺今年秋天上演。等到經濟復蘇被證實無法持續,經濟將出現二次衰退, 或者通脹壓力令央行唔顧經濟疲弱而緊縮銀根,到時反彈就會結束。佢估計資產價格會喺明年下半年跌到最終底部。
 




中環在線:散戶爭入局辣到港交所 李華華

2009-06-05  AppleDaily






 

今 年4月,東亞銀行(023)一名散戶股東黃寶琼,推選佢個仔、爪哇控股(251)郭兆文入東亞董事局做獨立非執董,雖然最後無功而還,但華華收到風,郭兆 文又有新搞作。先講番佢上次「衝擊」東亞嘅目的,佢話要表達對東亞企業管治有改善空間嘅意見。咁今次佢就會上書港交所(388),內容提及「九宗罪」,至 於內容係乜,華華同佢傾過,佢話封「陳情表」仲未送出,唔方便講得咁仔細,但都係為小股東出頭。心中有團火嘅郭兆文露咗少少口風,話家陣股東會,大小議案 都係股東一人一票,其實好多公司大股東揸50%,啲議案都好難唔通過,仲要一人一票嚟數,嘥時間兼嘥錢,對上市公司同小股東嚟講係雙輸!

一人一票費時嘥錢

仲有當然唔少得,佢上次以一介散戶身份想入東亞董事局單嘢,佢話好多散戶都以為大股東先有權委任董事,其實得一票嘅散戶都有權,為咗令散戶知多啲自己嘅權利,聽講「陳情表」都會向港交所提出建議。
 




散戶狂招抽新股

2009-07-30  NextMagazine





全 城熱爆的新股金隅,於本週三上市,暗盤價勁升六成二,將近月的新股熱潮推上高峰。事實上,近月多隻新股上市,首日股價平均勁升兩成半,令散戶如痴如醉。為 了賺快錢,散戶各師各法,除了例牌菜全家總動員外,亦有人不惜盡借孖展,甚至夾份頂頭槌,儼如○七年股癲人狂的翻版。

在海味鋪打工的Andy,另一身份是新股炒家,以往他逢新股必抽,至於是否落重注,則視乎公司的受歡迎程度,「抽新股千祈唔好扒冷,越熱門越好,上市後個價實頂得住,唔怕俾大戶跣!」因此他每逢抽新股,均會天天睇報紙,以了解認購反應,直至最後一刻才入飛。

去年金融海嘯爆發,Andy暫時休戰,但見金隅還未截飛,已傳出超額認購數百倍,加上近期幾隻新股表現不俗,他認定熱潮已重臨,遂重出江湖,向證券行借了二千萬元孖展,認購三百萬股,打算掛牌當日便沽貨套利,「呢次我真係瞓身,用晒所有資金入飛!」

除了散戶捧場,連疊水富豪亦被新股迷倒。卓能集團主席趙世曾表示,已在公眾認購行列,分別以自己及公司名義,動用了數億元認購金隅,「我睇金融海嘯之後,新股定價會保守一點,所以應該抽得過。之前幾隻新股我都冇抽,諗住睇下反應點先,點知隻隻都有錢賺。」他除透過證券行入飛外,更找私人銀行幫手認購,務求大包圍增加中籤機會。

金隅成今年凍資王

踏 入下半年,香港突然掀起一陣新股熱,短短一個多月,已有八隻新股上市,數量等同上半年的總和。而於本週掛牌的金隅,更是萬人迷,有逾四十萬人入飛,超額認 購七百多倍,凍結資金四千六百億元,僅次於去年上市的中鐵建,成為港股史上凍結資金第二多的新股。因此散戶抽十二手,才能穩獲一手。

輝立證券企業融資主任張翠芝表示,本來準備了一百億元孖展額應付金隅,其後加碼至一百五十億元,惟首天亦全數用盡,破了歷年紀錄,「舊年中鐵建,我哋都係預備咗一百二十億元咋!為咗俾更多客借到錢,今次除部分熟客外,大部分客嘅孖展額都限制於五千萬元以下。」

銀行平息搶客

近年銀行水浸,有大量閒錢借給客人,於是紛紛以低息跟證券行搶客,為這次新股熱潮推波助瀾。當中以恒生銀行最進取,以黃表借孖展認購金隅,年息低至半釐;如借四百多萬元認購,連利息在內的手續費只是四百多元。恒生總經理兼投資及保險業務主任馮孝忠直言,即使是海嘯前,新股的孖展利息亦較現時為高,「金隅的孖展息率,是歷來最低。」

另一邊廂,上市公司匯富金融公布,旗下的融資公司,上星期向一位名為曾譚廣的客人,借出高達五千八百萬元的貸款,用作認購新股,年息兩釐一五,估計正是用來認購金隅。由於相關貸款的金額,超出該公司資產的百分之八,按上市規例,必須公開客人的姓名。記者翻查公司註冊處的紀錄,曾譚廣沒有為任何公司擔當董事職務,身份不詳,但因借孖展抽新股,竟將自己的名字公諸於世。

空手道借上借

新股僧多粥少,散戶為借得更多資金抽新股,甚至將手上的股票抵押予證券行。例如有散戶想借一百萬元孖展入飛,本應要存入貸款額的一成,即十萬元作孖展按金,但若他連十萬元資金也沒有,可將手上的股份抵押,以扣減所需的按金。

這招「借上借」,變相將槓桿效應放大,惟這筆「二按」的利息相對較貴。有業內人士說:「其實有好多行都可以咁做,不過抵押股份未必借得足金額,譬如滙豐咁,最多都係借到股份市值的八成。但我哋始終唔鼓勵咁做,因為若股價下跌,有補倉風險。」

有十多年炒股經驗的郭先生,便曾多次以這招「空手道」認購新股,「無法啦,手頭資金壓死晒,又唔想沽貨抽新股。」

夾份頂頭槌

由 於像金隅般的新股,認購反應極為熱烈,若認購的股數太少,隨時只分配得一兩手股份,僅賺到蠅頭小利,分分鐘連孖展利息都未能抵銷。於是有心雄的炒家不惜耗 盡手上資金「頂頭槌」,即是以公開招股的認購上限入飛,務求獲分派更多股數,像金隅便有二百八十多名頂頭槌好手爭崩頭入飛。

即使相比近年多隻新股王如阿里巴巴及中鐵建等,兩者的總認購人數皆多於金隅,惟頂頭槌的數量卻只有幾十人,證明這次新股熱潮更為瘋狂。

頂 頭槌須動用大量資金,以金隅為例,股份認購上限為四千六百多萬股,須動用近三億元的資金;即使借九成孖展,亦須三千萬元才成事。欠缺資金頂頭槌的炒家,遂 想到夾份出資扮豪客。曾多次與朋友合作頂頭槌的馬先生笑言,每次會與三至四名朋友聯手入飛,「有時用我的戶口抽,有時用朋友戶口抽,視乎邊間行息口最 低。」

他指與朋友合作抽新股,錢銀交收全憑一個信字,即使將大額資金存入對方戶口作孖展按金,也不會收取單據,「我們合作多年,彼此好信得 過,而且舊時新股多數疊埋一齊招股,一個人好難頂晒所有頭槌。我們的規矩係用邊個嘅戶口買,就邊個話事,其他人唔會過問。抽到後多數第一日上市就沽貨,以 免夜長夢多。」

馬先生表示,以往頂頭槌的利潤甚為豐厚,例如阿里巴巴一役,即使不是頂頭,也勁賺數十萬元,惟他直言今年的新股難抽得多,「好似早排的琥珀,因為太多人抽,中籤率奇低,頂頭槌認購五百萬股,先分得二萬二千股,計埋四個人合共賺二萬蚊,都唔夠買驚風散食。」

新股質素良莠不齊

專家認為,若幸運抽中新股,最好即時沽售,皆因新股欠缺往績,長線投資的價值有待觀察。例如金隅,由於公司致力擴張,導致近年現金流量很飄忽,預期未來兩三年亦不會改善,財務風險不小。而且近年內地水泥及建材業務出現產能過剩,將來有任何新政策出台,亦可能對其構成負面影響。

再者,由截飛到上市,始終有多天要望天打卦,倘若突如其來發生類似雷曼倒閉等事件,勢必令股價大插水,孖展客不可不留意。

金融顧問公司御風而行董事總經理李永權認為新股有泡沫,「金隅喺業內唔算係頂尖,但都有七百幾倍超額認購,充分反映市場洪水氾濫,好多人唔睇基本因素就抽新股。」熱錢作怪,這場新股派對何時結束,且拭目以待。

近期新股排行榜




俄铝香港上市开先例 特设散户投资者“限制别级”


http://www.21cbh.com/HTML/2009-12-23/158953.html


据来自香港的市场消息,俄罗斯联合铝业公司(United Company RUSAL,下称“俄铝”)赴港融资20亿美元的首次公开发行,日前已分别获香港交易所及香港证监会有条件批准。

香港证监会仅批准俄铝进行国际配售,而禁止其在一级市场进行公开发售。并且,将二级市场的入场费提高至100万港元,即使上市后俄铝申请分拆每手股数,每手价钱也不能少于20万港元,以限制散户投资者参与交易。

但是,亦有消息人士指出,香港证监会仍然允许俄铝通过证券中介以购买结构性产品之形式让散户投资者认购,但认购前中介必须为客户做风险评估。

这是港交所历史上第一家受此限制的拟上市公司,俄铝也是第一家赴港上市的俄罗斯企业。

荒谬的抉择

“这是荒谬的,如果俄铝不符合香港的披露和监管要求,香港证监会应该阻止其上市;如果俄铝满足要求,那么每个人都可以买它。”港交所前独立非执行董事、独立股评人David Webb发表文章批评证监会此举,称实际上是在增加散户投资者的风险。

David Webb指出,散户如果透过公开发售认购股份,一旦公司或董事诈骗或者误导,则投资者可以根据招股书控告公司;而证监会此次将散户投资者拒于公开发售之门外,无疑令散户投资者减少保护措施。

他 又指出,港交所1998年就曾考虑通过提高最小单位交易数量而限制散户投资者进入创业板,但最终这一提议并没有获得认可。理由是:大额的最低交易单位会降 低股票的流动性,并且无迹象显示大额的最低交易单位会减少投机行为。同时,不是所有的小额投资者都是无知的,也不是所有的大额投资者都是精练的。另外,大 额的最低交易单位会使想买股票的散户投资者押注过于极端,而一旦他们通过借款来购买股票,则会将风险传播至更多人。

David Webb认为,香港证监会及香港政府面临的更大问题,是陷入选择以公开披露为基础的市场(disclosure-based market),或是选择以价值为基础的市场(merit-based market)的两难选择。“前者是他们一直所追崇的,后者则意味着由监管当局来决定那些公司‘足够好’以让公众投资。”他认为,香港证监会及政府应该坚 持以公开披露为基础的市场原则。从这个角度来看俄铝上市,如果招股书中缺乏可信性,证监会应该要求更深入的披露和验证,直至符合要求。

对此,港交所相关人士对本报记者表示,港交所不宜就个别公司上市事宜置评。

上市融资以偿还巨债

这家全球最大铝及氧化铝生产商,刚于2009年12月初完成总额168亿美元的债务重组,目标是于2013年末季前偿还50亿美元债务,相当于总债务的三分之一。

据俄铝早前发布的消息称,其计划出售10%股权以帮助偿还168亿美元的债务,上市后7年内恐难派息。

而香港证监会对其首次公开发行提出上述附加条件,正是基于其复杂的债务结构为散户投资者所不能理解。

根据债务重组协议,俄铝将分两个附段对国际借款人的74亿美元债务进行重组,在首四年期间,公司将根据业务表现之预测按支付能力偿还本金,部分利息将以现金支付,而余下利息将会被资本化;在债务重组第二期的三年间,余下债务将由借款人再融资偿还。

俄铝亦与包括VTB、Gazprombank及Sberbank of Russia在内的俄罗斯国内借款人,就其所欠21亿美元债务进行重组,期限为4年,并可视需要再延长3年。

另外,俄铝亦与ONEXIM签署27亿美元的债务重组协议,双方同意将债务中的18.2亿美元转化为俄铝6%的权益,使俄铝债务总额降至149.8亿美元。另外,余下8.8亿美元债务将按与国际借款人相同的条款重组。

此次俄铝债务重组涉及约50份信贷协议,超过70名借款人参与。

俄铝行政总裁Oleg Deripaska亦表示:“俄铝的债务重组牵涉的规模和复杂程度是前所未有的。”

现年40岁的Oleg Deripaska是俄国首富,并以280亿美元的身家名列2008年福布斯全球财富榜第9名。

2008年亏损60亿美元

据俄罗斯媒体于10月份报道,俄铝2008年营业额为158亿美元,亏损高达60亿美元。这相当于2006年和2007年的盈利总和。而2009年上半年,俄铝亦录得8亿美元的亏损。

市场消息指,港交所要求俄铝进行铝价敏感度测试,并将测试结果载入招股书。测试结果显示如果国际铝价从目前每吨1900美元,下跌20%至每吨1520美元时,俄铝或将面临倒闭。

俄 铝是第一家来香港上市的俄罗斯企业,该公司于2007年3月由前全球第三大铝业公司——俄罗斯铝业公司、全球十大铝业公司——西伯利亚乌拉尔铝业公司和瑞 士嘉能可公司的氧化铝资产合并而成,并于2008年4月收购诺里尔斯克镍公司25%权益加上两股的股份。该公司在中国拥有山西俄铝碳素厂和宝光碳素厂。

12月,俄铝分别聘任香港前律政司司长梁爱诗和现任香港商品交易所主席张震远为董事会独立非执行董事。对此,Oleg Deripaska表示:“俄铝对中国及亚洲地区市场深感兴趣,我们一直积极寻求一些熟悉这些市场的董事为我们提供意见。”

据市场消息透露,俄铝此次赴港上市,由瑞士信贷及法国巴黎证券充当保荐人,初定于2009年1月4日展开初步推介,1月11日起正式路演,并于1月底挂牌。

到目前为止,俄铝仍未正式发布其上市时间表及财务数据。







散戶要進步應該TA與FA並重 黃國英 (Alex Wong)


http://hk.myblog.yahoo.com/alexwongkwokying/article?mid=12804


上周寫蠱惑的槍週期: 人多擠逼, 要多留幾分戒心。話口未完, 到周五大量牛證斬頭, 早段散戶人踩人高速爆炸。中國疑似緊縮, 美國打擊投行, 希臘債務風暴, 好友被三夾(triple-teamed), 絕對不能off-guard趁反彈沽出弱勢股為上策。

事實上, TA(technical analysis,技術分析)不懂FA(fundamental analysis,基本分析)流於「浮」。長FA而拙TA,流於「實」。這個「實」字何解何義,大家自行參透。

 

很多「價格投資」者會跟你說,恆指從3萬點跌到1萬,再回升至2萬點,証明了「價值投資」的「威力」是「無與倫比」。但事實勝於吹水, 300元樓上買宏利(945),持有到現在的朋友,很難會有I am the King of the World指點江山的情懷吧?

當然,以基本分析為中心的「價值派」,雄厚自信並非無因:開山祖師葛拉罕的實戰績效,縱有被眾徒子徒孫誇大之嫌,但二代掌門巴菲特積滾的財富雪球,實無出其右。價值派淡然一句:「誰能炒期指,炒到成為地球首富?」道理堅實,難以反駁。

TAFA看似水火不容。TA的「趁勢派」(trend-followers)主張順勢而行,追漲殺跌。但價值派看來,不外是受市場先生愚弄的一群旅鼠(lemmings,傳說旅鼠到達一定數量時,會煩躁不安,開始集體遷移,日夜兼程,奔赴大海、懸崖,最後溺死海中)在東奔西走而已。 

投資投機,跟吟詩作對不同,絕對是戰績話事的results-oriented活動,$是唯一衡量對錯的單位。其實問TAFA何者更為有用,就像問閣下的手和腳,何者更為重要?Both

投資投機,所求何事?求財而已。如能結合兩派招式,絕對 更能勝過別人。就筆者而言,持股是先講價值,後趁勢。組合中打算長揸的股票,都會先經過選股的架構,認為公司的中、長期發展有大幅增加的空間。但好股未遇 吉時,可以長期紋風不動,大買死坐,壓死寶貴注碼,並非上策,最多下基本注就好。到股價開動,上升趨勢出現時才加注,可免陷入類似中移動(941)「愈平愈買,愈買愈平」的價值陷阱。

 

反觀業餘投資者,FA功力成疑,就算閉關苦讀<<証劵分析>>,一翻開財經版,苦於股票數以千計,而且每月遞升。七除八扣後仍隨時過百。逐一研究,結局不外兩款:一係未刨完年報,股價已火箭升空;一係任買,但郁都唔郁。為免辛苦刨書得個桔,可反筆者之道而行 - 先找出趨勢顯現的股票,尤其是數隻個股同時出現異動的熱板塊,先下注,後研究(invest first, investigate later),搶佔先機。下注後,要做的是尋找破位的FA因素:例如有利的政策、新產品或新業務。如無發現,以TA為止蝕基準;如基本因素有改善的證據,在股價破位後可考慮加注。先趁勢後研究,會是散戶捕捉倍升股的一種比較簡易的操作方法。在大型下降周期中, 原理相通, 升穿阻力, 代以插破支持即成。

 

(原載於東周刋1月26日)




散戶通病(1) 陸羽仁


http://blogcity.me/blog/reply_blog_express.asp?f=5YTPBH5B812303&id=226740&catID=&keyword=&searchtype=


      盡管美國第四季經濟增長遠勝預期,微軟、亞馬遜和美泰(Mattel)公佈的財政季度業績報告也好於預期,但歐洲主權債務問題繼續令市場受壓,利好消息均未能阻止股市近期跌勢。在科技股及商品股午後大幅回落拖累下,杜指由早上嘅上升120點逐級下滑至接近全最低位收市。重演近期經常出現嘅先高後低走勢。

 

杜指收報10067點,倒跌53點或0.5%;標普500指數挫11點或1%,收報1074點;納指收報2147點,跌32點或1.5%;羅素2000種小型股跌1%。紐約證交所交投仍顯淡靜。杜指期貨最新報10017點,比現貨低水50點。VIX或「恐慌指數」回升3.8%24.6。總結1月最後一周, 杜指跌1.1%,標普500指數下跌1.7%,納指跌2.6%1月杜指累計跌3.5%,標普500指數跌3.7%,Nasdaq5.4%。美股連續第二個月下跌,1月份更係去年2月份以來最差。

美國股市有句諺語:「1月怎樣走,全年就怎樣走」。追蹤美國股市自1950年以來,1月份未能預示全年表現的情況只有五次,睇嚟今年股市前景不妙。Sierra Core Retirement Fund投資組合經理David Wright表示,「美國經濟沒有顯露出能自我維繫復蘇的跡象。」

港股美國預托證券下挫,ADR港比指數收報19913點,比香港收市低209點或1.1%。匯控收報83.14元,比香港收市低0.6%;中移動收報72.94元,比香港收市低1.1%

美國商務部上週五公佈,去年第四季度美國經濟大幅增長,GDP以年計增長5.7%。遠高過市場預期的4.8%,係連續兩個季度增長。但比較2008年,2009年全年GDP下降2.4%,是1946年下降10.9%以來的全年最大降幅。第四季嘅GDP增長主要由企業清理庫存帶動,美企其間共清理了335億美元的庫存,為GDP增長貢獻了3.39個百分點。而消費支出增長2%,為GDP增長貢獻1.44個百分點。主要受惠於美國政府「舊車換現金」補貼專案。

為幫助推動仍然疲弱嘅勞工市場,鼓勵小企業請多啲人。總統奧巴馬上週五提出一項達330億美元、專為小型企業而設的稅務優惠計劃。內容主要係小企業於今年內每新請一個員工,即可獲得5000美元嘅稅務優惠,每家企業優惠總額50萬美元,即係話企業新增嘅首100名員工都有優惠。計劃亦講明該等小企若在今年減少職位的話,優惠將被取消。 

上星期睇到網友Jeffrey@80後講佢爸爸買股的故事,可以同大家分享吓。Jeffrey咁講:「話說家父舊年先開始買股票,咁啱撞正舊年個市小陽春,佢好好彩咁買邊隻賺邊隻,於是越黎越心雄,仲瞓晒身咁玩。我本身都有勸佢但佢冇聽,其實我都知一個心雄既人點勸都冇用,於是後來由得佢自己炒唔再點理。好喇,到左今個月個市開始跌落黎喇,隻忠旺(1333)股價及相關新聞 都跟住跌,之前又話盤數有事後來又澄清冇事搞到好波動,而家仲停左牌成個月郁都唔郁。」

        「到左24/1出咗份澄清公告話要為之前既嘢修正,我都覺得唔妥,又知道家父之前有提過買呢隻股,於是頭先問一問佢買咗幾多,一問之下先知大件事。原來佢響俾人話盤數有事之後$6蚊反底用四成資金買咗,之後升到$8仲要用淨番D資金訓身買埋 (真係訓身果隻)。」

        「我當堂話咗佢成晚,同佢講佢D炒股方式好有問題,買股唔係咁買之類。家父聽完都頭DUP DUP冇嘢講,但仲係好似唔係好明我嘅意思咁,係咁話:「如果復牌就賣一半再去買晒建行果D銀行股啦」、「跌到$4蚊我就唔賣喇,$6先賣啦。」。果D低級老散犯嘅錯誤同心態佢全部有齊,乜嘢市盈率、每股盈利全部唔識,炒股一年一D進步都冇真係激到我噴血。」

 「想問一下陸SIR同大家:對住咁炒股嘅屋企人真係一步一驚心,個個月俾多D家用想佢有個錢傍下身而家仲反而擔心佢一Q清袋。我有諗過不如我接手佢個銀行戶口幫佢買股票 (之前其實係咁,但佢後來自己打電話買賣越買越心雄搞成咁),唔知大家有冇計﹖其實我已經叫咗佢,無論隻嘢既消息係好係壞,復咗牌點都要起碼沽一半,但實際呢隻股既情況係咪好差﹖大家可唔可以幫我分析一下﹖」

 忠旺的問題在去年914日發生,內地《經濟觀察報》刊發報道,質疑忠旺上市招股書所載資料的準確性,後來該報道了歉。但事件有點澄而未清,忠旺在今年15日刊發通告,話搵咗安永中國做獨立審閱,認為被指控的客戶資料及所得稅付款兩件事都無問題。隻嘢在通告公布前幾日已開始偷步由低位5個幾急抽,通告出完到16日急升上8.07元,春江鴨隨時散咗貨,隻嘢跟住停牌,後來講要再就15日的通告作澄清。咁耐未復到牌,雖然唔一定有事,但感覺有啲濕滯。

        Jeffrey爸爸犯咗幾個散戶通病,第一,炒股太集中,任何一隻股都有出事的可能,何況係一隻人地話佢有事佢澄清話無事的股票,更加要小心,你買一隻股,萬一佢長期停牌,你要瞓得著至好,若果你話會瞓唔著,咁就唔好咁瞓身啦。

 第二,太信股價。好多散戶眼見為真,但股價有時有人為因素,一見佢大彈就追,好危險,呢啲情況放半注玩吓唔係唔得,10注放哂落去就唔係幾好啦。

 第三,唔識睇價。忠旺急跌前長期在7.2元、7.3元牛皮,到停牌前急升上8.07元,高過大跌之前個價,PE15倍,即使佢無事,又值唔值得上高位呢? 咁價錢都唔係好抵的價錢,睇圖一枝箭咁上,又點追得落手呢?

建議若忠旺復牌,等股價定一定時,就減緊啲貨。以後判爸爸守行為,只俾十分一錢佢炒,輸哂唔肉痛,十分九錢你同佢買,只買大藍籌或指數股,叫佢老人家唔好咁博命啦,要知道仔女搵錢俾你都唔容易

 

陸羽仁

 


散戶通病(2)陸羽仁


http://blogcity.me/blog/reply_blog_express.asp?f=5YTPBH5B812303&id=226899&catID=&keyword=&searchtype=

美國製造業指數創5 年新高,埃克森美孚嘅利好業績推動油股大幅造好,美股週一收高,各板塊普遍攀升。杜指收報10186點,升118點或1.2%;標普500指數漲15點或 1.4%,收報1089點;納指收報2171點,升24點或1.1%;羅素2000種小型股升1.2%。紐約證交所交投仍顯淡靜,成交只有10億股。杜指 期貨最新報10133點,比現貨低水53點。VIX或「恐慌指數」回落8.3%至22.59。

港股美國預托證券造好,ADR港比指數收報20443點,比香港收市高199點或1%。匯控收報84.81元,比香港收市高1.1%;中移動收報75.23元,比香港收市高0.7%。

美國供應管理協會(ISM) 公佈,1月份美國製造業增長勢頭強勁,由去年12月的54.9%,增至58.4%,增幅好過預期的56%,亦創下了五年多以來新高。ISM製造業指數高於50%,表明多數受調查企業處於增長而不是萎縮狀態。

值得一提嘅係,ISM製造業指數的所有子指數中,新訂單和產量指數都突破了60%。據總部位於亞利桑那州Tempe的ISM發佈的報告,製造業的18個子行業中,13個在今年1月實現了增長,該數字明顯高於去年12月的9個。

ISM調查委員會的負責人Norbert Ore表示:「本月的報告清楚地表明美國製造業正在復甦之中,而且這種復甦似乎是可持續的。現在看來當前的復甦似乎是很典型的復甦,我們估計未來製造業的增長勢頭將很強勁。」

埃克森美孚(EXXON)的業績理想,佢宣佈,第四財季營收較上年同期上升6%至898億美元。淨利盈則因煉油業務虧損下降23%至60.5億美元,合每股1.27美元。但亦高過市場的每股盈利1.17美元。

埃克森美孚的資本及勘探支出增加21%至83億美元,石油產量增長了大約2%。據資料顯示,大部份嘅油井嘅產量正以每年6至8%的速度下降。這表示油商需要尋找新油井去代替舊油井,而埃克森美孚石油產量上升,反映了該公司去年發掘到新的油井。

不過,有分析員對埃克森美孚的前景並唔樂觀,因為俄羅斯及委內瑞拉等產油國正不斷驅趕埃克森美孚等外國石油公司出本土,可以採油的地方愈來愈少,這也是埃克森美孚收購美國天燃氣生產商XTO的原因。另外,煉油業亦面臨困境,需求下降,導致產能過剩,環保團體的壓力愈嚟愈大,更大嘅致命傷仲係2009年油價,尤其係柴油大跌,削弱了大部份利潤。埃克森美孚去季就係因煉油部門蝕錢,拖累公司整體盈利。

油 價方面,受惠於美匯指數回軟;中國、歐洲和美國公佈的製造業數據激發油市人士對未來需求的更高期待。此外,尼日利亞一處石油管道遭到攻擊,荷蘭皇家殼牌石 油已關閉當地三個泵站,市場對原油供應面的擔憂再度興起;美國多數地區的氣溫已降至歷史低點,預計未來幾週的天氣將更為寒冷,亦有助推高油價。紐約原油高 收2%以上,重上每桶74美元上方。最新報74.43美元。

油股大幅造好,推動大市向上,NYSE Arca原油指數上漲2.4%,費城石油服務業指數上漲3.3%。Chevron、ConocoPhilips及Marathon 漲逾2.2%,Exxon上漲2.7%,係表現第三好嘅杜指成份股。

昨日講起網友Jeffrey@80 後的爸爸之投資經歷,網友廸廸仔亦提供了他爸爸的情況,可供大家分享。迪迪仔咁講:「睇到陸sir節錄Jeffrey同回應有關他父親的投資情況, 真係有感而發, 我都確實覺得老人家投資好難搞, 以下係家父的情形: 佢投資年資不淺, 但仍是百份之二百的散戶一名, 早幾年喜歡買細價股, 見報紙或電視分析員話好就買, 貪佢股價細, 可以買數以十萬股, 升起上來好和味,但真係細到簡直係我聽都未聽過, 有時連財經台逐隻load出來的也無份, 最終要出架股票機俾佢check股價.  有勸過佢唔好買, 怕跌起上來渣都無, 但根本就唔會聽, 最後就經歷左十合一, 廿合一, 由蚊型股到亳子股, 甚至仙股, 成日都咿咿呀呀, 到依家都成手蟹貨....」

「佢之後叫學精咗, 決定要買大股, 舊年尾又ok喎, 買完思捷, 買比亞廸, 隻隻都賺到, 之後贏到心雄, 這邊廂叫個經紀放隻和黃, 那邊廂就叫人同佢入騰訊, 最後$171入左, 到依家就跌到得返$140, 我都唔知點勸佢好, 不過, 問題係佢係09年年結成績又確實好過我 (因為我都無咩膽入市, 變左做月供股票) 陸sir, 大家麻煩俾d意見我啦!」

迪迪仔爸爸的經歷,正好說明投資方法和方向的重要。首先講方法,買蚊型股多數等同投機,你博佢1 毫變1蚊,再變10蚊,升咗100倍,咁就發啦。呢個係最典型的蚊型股發達夢,唔係叫唔到你落叠,初時都會得得地,你買咗之後或者可以由1毫升到2毫,你 一定唔會走,想等佢變1蚊。若大市唔就好難再炒上,或者莊家在2毫子散咗貨,就一直向下炒,1毫變2、3仙,跟住來一個大併股兼大折讓供股,20合1,1 供5,供股價1仙,供到你傻,你唔想俾佢攤薄,跟佢供一次,佢睇住散戶底牌嚟玩,見唔少人死跟,隔半年再供一次,再10合1、1供3,你跟佢供完又再供, 係一個無底深潭,你唔供又焗住俾人攤薄,結果你好難再跟。總而言之,初時買咗5萬元,跌吓,供吓,最後股份只值500元,呢個係好多人炒蚊型股的結局。你 無買無法享受1毫變10蚊的樂趣,但同時避開咗10蚊變1仙的災難,玩唔玩自己諗。買大股唔買蚊型股,係散戶自保的最簡單方法。迪迪仔爸爸唔玩細股遊戲, 自然輸少啲。

到迪迪仔爸爸轉買大股,買比亞迪、買思捷,表現好過迪迪仔月供,呢個亦都正常。到你進入玩大股的境界後,就主要係買大方向,大方向是向上時,愈買得多愈好; 大方向是反覆時,可能要走位,見高要沽吓;大方向是向下時,買得少啲就輸少啲。去年的大市,是大跌後的急促反彈市,大方向急促向上,所以買得愈多愈好,迪 迪仔爸爸買得多過迪迪仔,所以回報就好啲。去年得,唔等如今年做亦得,要判斷市況是否和去年一樣大方向向上,如果大方向唔同,可能是比較反覆時,盲買,升 到好高時去追,風險比月供高。

但長線而言,要睇5年、10年,要判斷大市或某一類別股份是向上還是向下,向上要買,向下要沽,如果睇5年紅股都係向反覆向上,用月供去不斷買,唔使判斷時機,都係一個簡單可行的方法。當然低位買貨長揸,亦都係另一個方法。

 

陸羽仁




紀勤賣廣告叫散戶去股東會 李華華

2010-05-11 AD





 

滙控(005) 行政總裁紀勤噚日破天荒喺本地3份中文報章同兩份西報,署名刊登咗大半版廣告(左下圖),唔係,係致香港股東嘅公開信至真,內容除咗自詡首季業績誇啦啦, 當然唔會忘記喺舊年世紀供股一役,本港股民締造98%供股率嘅無量功德。

 

紀勤又話,今年2月「香港亦成為了我的家」,滙控 從來無忘本,集團嘅成就同實力與股東息息相關,尤其香港乃滙控成長嘅搖籃。感動完後,紀勤轉入直路,特別鼓勵佔全體滙控股東三分一嘅香港股東出席本屆股東 大會,就各項議案投票,咁紀勤何解發動呢個「普選」呢?

今年滙控股東會喺本月28日倫敦舉行,可以肯定,董事袍金呢一樣嘢,勢必成為唔少英 國小股東狙擊嘅議題,特別係世紀金融海嘯後,全球監管機構對銀行高層花紅啄到實,形勢咁凶險,難怪紀勤要賣廣告喇!

李華華
 




股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019