ZKIZ Archives


熟客讚店東:急召維修無怨言

1 : GS(14)@2015-10-14 07:24:16

【本報訊】元朗安樂路「順風車」單車店因老闆Keith猝死而被迫結業,這宗悲劇卻帶出人間有情。熟客莫先生稱認識Keith已兩年,每周兩、三次到來光顧,他稱讚Keith母子待客態度佳,又指Keith即使車隊急召維修,也無怨言。莫又表示,日前收到Keith的死訊感到很不開心和惋惜,他指Keith曾透露患有風濕病,他感慨道:「好多車友都話,佢咁後生,都未成家就咁走咗,好可惜……」他又讚Keith愛玩爬山單車,對單車很有熱誠。另外,專程到來買單車送給妻子的車友陳先生稱,經挑選後買了一架原價約4,000元專踩平路的單車,車價便宜了約1,000元。另一位顧客謝太稱,因女兒用開的單車損毀了,故亦趁機來光顧以示支持,她其後以1,000多元買了一輛新單車(圖)送給女兒。■記者黃昇





來源: http://hk.apple.nextmedia.com/news/art/20151014/19332320
熟客 讚店 店東 急召 維修 怨言
PermaLink: https://articles.zkiz.com/?id=293161

「佢冇怨言,唯一係唔夠成熟」大劉讚甘比盡責顧家

1 : GS(14)@2017-04-16 14:40:53

■大劉感激甘比在他患病時細心照顧,又頻撲湊仔女。(版權所有.嚴禁盜用)



【劉鑾雄講大劉】【連載系列之十八 最後女人】劉鑾雄(大劉)在多年的感情生活上是多情種,女友多如繁星。去年病重時,得到陳凱韻(甘比)不辭勞苦照顧他和一對子女,絕無怨言,如他所言「路遙知馬力,日久見人心」,令他決定再婚,給甘比一個「劉太」名份。大劉更首次公開大讚甘比超過100分,但唯一缺點是欠成熟。



劉鑾雄在商界上有「狙擊手」之稱,感情路上更多情,多年來備受外界矚目,不過情場老手的他亦承認曾後悔為愛情落錯注。去年他因腎病病重,獲得多年紅顏女友甘比對他不辭勞苦照顧而深受打動,故換腎後健康好轉時,為人生幸福再下注,再婚娶甘比,賜對方名份。



■大劉一手抱着孻仔仲學,一手攬實秀樺,盡顯慈父之情。(版權所有.嚴禁盜用)

■大劉戴上消防員帽及手持公仔,享受兩父子的玩樂時光。(版權所有.嚴禁盜用)

■大劉接受本報獨家專訪時,攬着甘比在他「一生中最愛」的畫作前合照。


「佢令我好感動」

大劉日前接受本報專訪時,作為劉太的甘比全程默默守候,其間更為大劉遞上大褸,提點攝影師小心燈光等,孻仔仲學放學前來會合,兩母子就靜坐一旁,盡顯背後女人的細心周到。記者開玩笑問大劉,甘比是否他最後一個女人?他即幽默大笑:「如果你要我答,今日就一定係!哈哈!講笑啫!」之後,大劉正經地說:「佢真係令我好感動,第一,以今日嘅best knowledge(以我了解),一定係最後一個女人。我識佢15、16年,無論中間我啲脾氣幾唔好,搵佢發脾氣又好,佢都就我。我有病時,佢照顧周到,同埋好頻撲,要照顧仔女,又顧住頭家,接仔女返學放學,其實佢好辛苦好攰,差不多日日夜夜,幾乎崩潰咁滯。好彩呢排我身體好啲,佢真係盡咗佢責任,盡咗佢能力。」



■平時一臉嚴肅的大劉與秀樺瞇眼又嘟嘴,展示調皮一面。(版權所有.嚴禁盜用)

■大劉與甘比及秀樺於去年大除夕倒數時,齊齊做「眼鏡黨」。(版權所有.嚴禁盜用)

■甘比與大劉相戀10多年,早已融入劉家。(版權所有.嚴禁盜用)


無端小器單打

離婚多年的大劉直言最初未有再婚打算:「有時人嘅嘢係講緣份,感情係慢慢培養出嚟,我都冇諗住要再結婚,但結咗就要徹底,有時啲嘢係整定,唔係有planning,只係適當時間做最適當嘢,梗係唔係要刺激呢個嗰個咁幼稚,儍嘅咩!」對甘比的評價,大劉大讚超過100分:「佢真係冇怨言,唯一係唔夠成熟,因年紀仲輕,但人品算好好,係有時會無端小器咁單單打打,男人最怕呢啲嘢,我哋男人思想要好理智同清醒,當諗緊嘢去搵食投資,唔理智唔得,投資係好痛苦、好寂寞嘅。」外形上大劉強勢,而甘比溫純,但他吵架後亦會?回對方:「以前我哋嗌交,我媽媽覺得佢老實,會叫佢忍,咁發完一陣脾氣,知道自己唔啱,我都會主動出聲講好說話?番佢,10次嗌交,一般有7次係我唔啱嘅。」再有家室,大劉笑言見過鬼怕黑,不敢再識女友,問是否與呂麗君分手後才有此決定?大劉表示:「我冇講佢呀,我唔方便講人哋嘅嘢!」對於他曾澄清及展示送給呂麗君簽收珠寶的單據,他說:「工作做嘢時會好小心,好均真會有記錄,但禮物畀人簽收係做過一次啫!我送好多嘢畀老婆甘比、我啲妹都冇簽收㗎!」採訪:陳月媚攝影:陳俊強


【大亨起跌】大劉語錄

大劉受訪時大講人生起跌,由家庭、事業到感情無所不談,連爆金句,令人回味。「我係廢柴中嘅廢柴,懵炳中嘅懵炳!」提及生意失敗時自嘲。「不知幾多人寫信嚟,或者阿媽帶埋個女嚟,想我去照顧佢個女喎!望都唔敢望聽都唔想聽啦!點知你係咪捉黃腳雞㗎!」講不時有人寫信或自薦想見面的奇遇。「我唔係股壇狙擊手,每次有呢啲行動,次次百分之一千都係被迫。我可以誓神劈願講,完全係被迫!」道出做股壇狙擊手並非自願。「四十幾年前冇錢,真係遇佛弒佛,遇父刺父,都要做!」因家族失和,大劉24歲入院割膽,要問老工人借錢出院,獨自流淚感懷身世。「錢有機會就搵,但唔需要刻意,都已經夠食夠着,已經好夠,唔需要去爭做第幾富豪,我要引述好多人講:『我心中富有咪得囉!』」談及現在搵錢心態。「我唔係一出世就八、九十歲㗎!」自言做過後生仔,經歷過求戀期,愛聽《一生中最愛》。



【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」: http://bit.ly/JosephLau




來源: http://hk.apple.nextmedia.com/entertainment/art/20170416/19991330
佢冇 怨言 唯一 係唔 唔夠 成熟 大劉 甘比 盡責 顧家
PermaLink: https://articles.zkiz.com/?id=330746

【飲食籽】清湯腩店新年無休員工無怨言 老闆炮製印尼團年飯慰勞

1 : GS(14)@2018-02-25 03:25:27

丸記清湯腩自開業以來,新年一向無休,身為印尼華僑的老闆阮弼壕(左六)更會親自下廚煮一大桌家鄉菜慰勞員工。

【飲食籽:識飲惜食】「澳門丸記清湯腩」自開業以來,新年一向無休。問到老闆阮弼壕當中是甚麼原因,他說:「我是做街坊生意,最緊要是方便大家。如果他們新年來了但我們關門了,也不是太好。十多年來,熟客新年也會來吃,除非他們去了外遊。」難道員工沒有投訴說想放假嗎?原來全因這位老闆太識做了,開年除了大利是外,身為印尼華僑的他更會親自下廚煮一大桌家鄉菜慰勞員工。


老闆說:「印尼新年時間不同我們的農曆新年,但中國人在新年要吃開年飯,我就會煮一些印尼家鄉菜給兄弟姊妹吃。那我們傳統印尼菜有甚麼呢?」老闆邊煮邊為我們介紹。頭盤有賀年印尼鹹角仔,和我們平時吃的角仔外貌很相似,但較大隻和飽滿,剛炸完味道很好,記者也吃了不少。老闆早一天會在家中炒好當中的餡料,「用了印尼的胡椒去炒肉碎,餡料入面有乾葱和蘿蔔,都炒熟了後再加薯仔。鹹角樣子就如元寶,過年吃了就大家發財。」

老闆阮弼壕親自下廚的其中一味印尼家鄉菜是巴里豆腐蛋,豆腐似黃金,而蛋是盤滿缽滿的意思。

「老闆賺錢時我們也賺錢」

主菜較特別,有印尼傳統巴東牛肉,這味菜式辣辣的很惹味,也是老闆小時候最愛的,「以前小時候是過時過節才可以吃,因為牛肉貴。這味菜式用住家巴東醬來煮,這醬是把不同香料加入石磨磨成的。這個石磨已經有70年歷史,是我婆婆傳給我的。」另外有一味叫巴里豆腐蛋,豆腐似黃金,而蛋是盤滿缽滿的意思,用椰汁、辣椒、番茄、香茅和南薑去煮,很香而味道像泰式的沙嗲。甜品就有印尼豐年千層糕,用上斑蘭葉,口感好像兒時常吃的蛋糕仔。老闆窩心識做,難怪員工在新年上班都無怨言,做了十多年的容姐說:「好開心,好似一個家庭。而且新年開工,老闆賺錢時我們也賺錢,有何不好呢?」


澳門丸記清湯腩王  油麻地砵蘭街46號記者:張佩君攝影:徐振國、劉永發編輯:施明慧



來源: https://hk.lifestyle.appledaily. ... e/20180218/20305653
飲食 清湯 腩店 新年 無休 員工 怨言 老闆 炮製 印尼 團年飯 團年 慰勞
PermaLink: https://articles.zkiz.com/?id=348938

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019