ZKIZ Archives


楊千嬅奪獎:唔敢當

1 : GS(14)@2015-05-10 23:42:59

楊千嬅昨日在圓方獲意大利駐港總領事Antonello De Riu頒發「Salento Cinema Actress Award」,是繼劉德華和葉德嫻後第三位香港藝人獲獎,千嬅接受訪問時說:「好開心,不過唔敢當,自己仲有好多進步空間,對我係好大鼓勵。演戲有好多可能性,畀我好大滿足感。」千嬅又笑說:「我同老公都支持香港電影,就話去睇《赤道》啦,佢就買咗數碼港飛,點知去到碌卡都冇飛出嚟,我就竧竧哋,我老公仲話我白癡,碌卡都碌唔到,點知佢埋去counter,職員就話『丁生,你兩張飛係買咗鑽石山嘅。』」丁生認真大頭蝦!至於母親節如何慶祝時,千嬅說:「阿仔送咗禮物,不過都係老師幫佢整,穿咗串膠珠鏈畀我,不過已經好冧喇,唔帶出嚟費事你哋又話我憶子成狂。」採訪:藍文浩攝影:仇志德





來源: http://hk.apple.nextmedia.com/entertainment/art/20150510/19141997
楊千 千嬅 嬅奪 奪獎 敢當
PermaLink: https://articles.zkiz.com/?id=290242

《五個小孩》加拿大奪獎

1 : GS(14)@2015-07-05 10:01:40

■《五個小孩的校長》在海外影展奪獎,為港人爭光。劇照


楊千嬅、古天樂及5位小童星合演的《五個小孩的校長》,最近參加了在加拿大舉行的尼亞加拉綜合電影節(Niagara Integrated Film Festival),贏得最佳家庭電影獎。古天樂得知喜訊後即說:「好嘢!超級開心!」而身在紹興與洪金寶合拍新片《危城殲霸》的監製陳木勝,興奮地說:「真心感激所有為呢部電影付出過努力嘅人。」今年有過百電影參展,包括迪士尼彼思動畫《玩轉腦朋友》(Inside Out),《五》片是唯一來自亞洲的劇情片,可算是為港爭光。此外,小演員珠女王詩雅昨日在銅鑼灣現身星戰宣傳活動,與黑武士格劍,非常可愛。撰文:炎炯炯





來源: http://hk.apple.nextmedia.com/entertainment/art/20150705/19208965
五個 小孩 加拿大 加拿 奪獎
PermaLink: https://articles.zkiz.com/?id=291274

阿Sa雛妓開心奪獎

1 : GS(14)@2015-11-02 14:50:36

■王菀之(左)憑《金雞SSS》奪得多個獎項,是個美好回憶。


蔡卓妍(阿Sa)和王菀之等前晚在廣州出席「第15屆華語電影傳媒大獎」,阿Sa憑電影《雛妓》獲頒最受歡迎女演員獎,說到得獎感受時,她說:「出道15年,可以拍到《雛妓》呢部戲,係我嘅幸運,作為演員,最基本係要接受唔同挑戰,我好想突破我自己、挑戰自己,我會繼續努力。」王菀之則憑《金雞SSS》獲得最受矚目表現獎,過去一年得到不少獎項的她笑言:「真係發夢都估唔到有咁好成績,令我人生又留多一個美好回憶。」她還笑說幸好沒穿得太性感,現場太大風,擔心會冷病:「呢排唔病得,拍緊部電影,頒獎之後仲要坐夜車趕返香港開工。」撰文:炎炯炯





來源: http://hk.apple.nextmedia.com/entertainment/art/20151102/19356241
Sa 雛妓 開心 奪獎
PermaLink: https://articles.zkiz.com/?id=293726

胡定欣奪獎 楊怡嬲豬拒再合作?

1 : GS(14)@2015-12-17 09:36:26

台慶頒獎禮,其實同辦(扮)工室政治一樣,都係遊戲一場。所以羅家英戥愛妻汪明荃拎唔到視后感不值、於微博暗示係權鬥問題——自前無綫電視製作部戲劇製作總監梁家樹走後,其派系已樹搖葉落:「你明白的。」家英哥對阿姐講。似乎未明白的,是家英哥。不過咁,只得兩套劇叫係做「女主角」(嚴格而言係第二女主角)嘅胡定欣捧走視后係咪好事呢?問得呢個問題,當然想講唔係好事,仲忽然拉埋楊怡落水喎。昨日有周刊報道指,胡定欣封視后之後,楊怡即時向公司傳話,話明唔想再同佢喺工作上有來往。歷史又回到2010年《萬千星輝頒獎典禮》,多得TVB捕捉到楊怡「疑似藐」身旁嘅胡定欣,唔單止同佢冇偈傾,神情仲有啲藐藐地,疑似爆咗句:「你話博咩呀?著到咁!」不過咁,盛傳有離心嘅楊怡,之前回應傳媒問佢點睇自己得獎機會時,就話自己今年成績唔算突出,反而撐胡定欣有好大突破,想對方拎獎咁話喎。講真嗰句,早已有傳下年初約滿嘅楊怡,一心北上掘金,唔肯「加監」續約,所以依家都ok清閒……既然係咁,邊個拎視后對佢而言,其實都已經唔重要,咁又何來傳話唔想同胡定欣合作呢?所以,呢個傳聞,有啲伏。其實胡定欣同楊怡一樣,都係先拎飛躍女藝員、再摘最佳女配角,然後躍升視后嘅「大滿貫贏家」,其演技亦明顯成熟不少,只係同主角欠了點緣。但講到緣,相信31歲嘅鍾嘉欣感受更深,一向乖乖女,又同公司續咗8年長約,做到39歲都繼續係無綫人——但今年視后,都係冇佢份。





來源: http://hk.apple.nextmedia.com/entertainment/art/20151217/19415445
胡定 定欣 欣奪 奪獎 楊怡 怡嬲 嬲豬 豬拒 拒再 合作
PermaLink: https://articles.zkiz.com/?id=293967

《十年》惹關注比奪獎更有意義

1 : GS(14)@2016-03-31 14:49:02

電影《十年》只獲最佳電影提名,但已叫捧場客拍爛手掌。《十》片中短篇《方言》的導演歐文傑跟監製蔡廉明日前接受訪問,歐文傑笑言跟其他四位《十》片的導演交談過,大家都是平常心,他說:「重要嘅反而係《十年》已經唔係電影咁簡單,變成一件香港人嘅事,如果攞獎會替香港人高興。引發到大家關注未來香港十年係點樣,比攞獎意義仲大。」他認為以技術而論,《十》片不足以入圍:「其實真係未必夠班,但係相信好多投咗票嘅評審都係『因為愛香港』,幫套片加咗分。」他認為好電影應該具備發人深省的特質,但不一定跟政治有關。另外,監製蔡廉明表示要多謝每一個投票令《十年》入圍的電影工作者,他說:「佢哋呢一票好有心同勇氣,認同《十年》意義重要過製作精美嘅電影。」採訪:何永寧攝影:沈健程


《智取威虎山》

最佳電影提名名單

《十年》《五個小孩的校長》《智取威虎山》《葉問3》《踏血尋梅》





來源: http://hk.apple.nextmedia.com/entertainment/art/20160331/19550958
十年 惹關 關註 註比 比奪 奪獎 獎更 更有 意義
PermaLink: https://articles.zkiz.com/?id=298889

JM新片美國奪獎

1 : GS(14)@2016-10-11 08:12:00

林家棟、許志安、文詠珊(Janice Man)主演,邱禮濤執導、黃柏高監製的電影《兇手還未睡》,昨日獲美國靛藍月亮電影節(Indigo Moon Film Festival)頒佈為本屆「最佳劇情片」。對於新片獲獎,三位主角林家棟、許志安及JM都非常興奮,林家棟說:「恭喜邱禮濤導演,唔單只創作一部受香港觀眾歡迎嘅電影,仲帶領我哋團隊衝出國際!」安仔說:「收到呢個好消息好開心,係劇組上下嘅成果!特別多謝評審欣賞,我哋留守香港要更努力宣傳。」JM很開心說:「簡直係夢想成真,可以參與呢一部揚威海外嘅電影係我一大榮幸!」撰文:非非




來源: http://hk.apple.nextmedia.com/entertainment/art/20161011/19796722
JM 新片 美國 奪獎
PermaLink: https://articles.zkiz.com/?id=311559

彭浩翔賀巫俊鋒奪獎

1 : GS(14)@2016-10-20 08:05:40

彭浩翔監製(右)、新加坡導演巫俊鋒拍攝的電影《身後仕》,近日在香港亞洲電影節放映,巫導演受邀到香港與觀眾分享拍攝心得。早前電影先後去過康城影展、11月又在台灣金馬影展放映,同時代表新加坡報名參加奧斯卡最佳外語片。昨日巫導演憑此片贏了釜山國際電影節的導演獎,作為監製的彭浩翔表示高興,而他最想可以再下一城登上奧斯卡頒獎台。撰文:李森




來源: http://hk.apple.nextmedia.com/entertainment/art/20161020/19806048
彭浩 翔賀 賀巫 巫俊 俊鋒 鋒奪 奪獎
PermaLink: https://articles.zkiz.com/?id=312897

【馮仁昭四圍超】馬德鐘澳洲影展奪獎

1 : GS(14)@2016-11-22 00:24:56

馬德鐘(馬神)前晚獲邀到澳洲悉尼參加「第八屆澳洲國際華語電影節」,佢憑電影《越囧》取得「國際華語電影節組委會推薦男演員」獎項,馬太張筱蘭陪伴出席。馬太前晚貼相去facebook後留言為老公而驕傲,大晒恩愛。馬神噚日話:「呢套電影係喜劇,好多時喜劇大家唔會太留意演員演技,但我用咗好多時間研究角色,開心有人欣賞,得到認同。」撰文:馮仁昭




來源: http://hk.apple.nextmedia.com/entertainment/art/20161121/19840295
馮仁 仁昭 四圍 馬德 澳洲 影展 奪獎
PermaLink: https://articles.zkiz.com/?id=316562

西野加奈陪跑7年首奪獎

1 : GS(14)@2016-12-07 08:01:13

第49屆日本有線大賞前日舉行,打入音樂優秀獎八強的有AKB48、西野加奈等人,最後由近日傳出秘戀型男經理人的27歲西野加奈奪得大獎。其實西野加奈已連續7年打入日本有線大賞,不過是首次奪大獎。宣佈大獎時,習慣陪跑的她明顯反應不大,之後急急腳上台領獎,自言不知道該講甚麼。事後她於社交網答謝歌迷及團隊,解釋領獎時腦袋一片空白。




來源: http://hk.apple.nextmedia.com/entertainment/art/20161207/19857100
西野 加奈 奈陪 陪跑 年首 首奪 奪獎
PermaLink: https://articles.zkiz.com/?id=318653

黃之鋒紀錄片奪獎 導演盼啟發大眾

1 : GS(14)@2017-01-31 00:34:41

【本報訊】由導演Joe Piscatella拍攝,記錄香港學運領袖黃之鋒的紀錄片《Joshua: Teenager vs. Superpower》(下稱《Joshua》),於2017年美國辛丹斯電影節奪得世界電影紀錄片觀眾評選獎;Joe Piscatella寄望黃之鋒的故事可啟發大眾。《Joshua》片長78分鐘,主要講述2012年至2016年香港學生對抗極權的過程,除黃之鋒外,香港眾志羅冠聰、周庭、林淳軒亦為主要角色;該片昨於辛丹斯電影節,透過影展觀眾票選,獲世界電影紀錄片類別中的觀眾評選獎。Joe Piscatella領獎發言稱,寄望紀錄片可以讓觀眾看到黃之鋒的學運故事,從而啟發人民在面對政府壓迫時起而反抗。


之鋒:成國際輿論壓力

紀錄片主角黃之鋒表示,紀錄片得獎對香港爭取民主有正面效果,「香港民主運動未來必須喺國際社會上爭取更多輿論關注;(得獎)有助形成國際輿論壓力,幫助爭取民主」,獲獎亦可告知海外人士「香港人係依然努力不懈爭取緊民主」,以吸引更多支持。黃稱紀錄片獲觀眾票選的獎項,而非其他評審獎項,反映不少海外人士支持香港民主運動。該紀錄片3月將於倫敦人權觀察電影節放映,電影節發言人Minky Worden讚揚香港年輕人為保護權利而無懼付出任何代價,認為紀錄片富有意義。早前購入該片的Netflix指,須向全球宣揚片中主角的勇氣和信念,讓觀眾接觸公民參與和言論自由的議題。■記者葉偉東




來源: http://hk.apple.nextmedia.com/news/art/20170130/19912949
黃之 之鋒 紀錄 片奪 奪獎 導演 啟發 大眾
PermaLink: https://articles.zkiz.com/?id=324667

陳寶珠阿嗲奪獎謝恩師

1 : GS(14)@2017-02-12 13:52:42

陳寶珠、陳好逑、梅雪詩(阿嗲)、龍貫天、汪明荃及阮兆輝等粵劇名伶,昨日在銅鑼灣出席「戲曲天地梨園之最2016」頒獎典禮。陳好逑和尤聲普獲頒「梨園驕子」獎,羅家英獲頒「梨園金鳳凰」獎,陳寶珠早前和梅雪詩演出的《牡丹亭驚夢》奪得「梨園之最粵劇」和「最受歡迎粵劇」兩獎項,寶珠姐和阿嗲皆表示要感謝任劍輝及白雪仙兩位師傅。撰文:馮仁昭




來源: http://hk.apple.nextmedia.com/entertainment/art/20170212/19925423
寶珠 阿嗲 奪獎 獎謝 恩師
PermaLink: https://articles.zkiz.com/?id=326557

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019