ZKIZ Archives


電視風雲 - 王奇雲 我急人唔急 (2013年02月18日)

1 : GS(14)@2013-02-18 23:34:45

http://www.am730.com.hk/article.php?article=142661
【am730專欄】新年流流,應該開開心心,本來都唔想同大家呻太多苦水,始終今年公司識做,封咗幾百蚊一封大利是,破晒紀錄。但係的確近來有啲事令我心煩,話說同屋企人喺年廿九食團年飯嗰晚,姨媽姑姐好似習慣咁,當住我女朋友Carol面,問我哋幾時結婚,新年可以派利是俾佢哋啲仔女,老實講,以往自己知自己事,我都係吊兒郎當,笑吓拖吓就算,不過自從Carol轉咗新公司,再唔係日日可以對住佢一齊食lunch,大家少見咗,先至發覺自己生活上有啲唔習慣,好似依家食晏時,無人會喺我差唔多食完碟飯,就遞定張紙巾俾我抹咀,呢樣嘢,係我嗰次彈咗幾滴腩汁落件新tee度,先察覺到Carol喺身邊同埋嗰包紙巾嘅重要,加上公司加咗我人工,個人多咗安全感,令我開始去諗吓開拓人生另一階段嘅大事。
我試過同Carol傾,我只係講咗intro,都未tag入正題,向來眉精眼企嘅女朋友大人,已經好似知道我想開咩topic咁,好快就二、三吓功夫打發咗我,呢次簡直係劍未出鞘已陣亡,之後佢就同我講,呢排佢公司又有新劇開,佢要忙住賣橋,依家劇本要玩淘汰,壓力好大,叫我俾啲時間佢,最後嗰句說話,令我聽者有意,好似係勸我唔好諗結婚住,其實同佢開口之前,你估我無計過度過咩,我都知佢依家喺新公司係當紮期,身為同行又點會唔理解吖,但身為負責任嘅男友,大家拍咗拖咁耐,歲月不留人呀,計劃定都啱啦,依家嘅港女真係愈來愈巴閉,有個傻佬話想娶你,竟然話要事業為重,我開始覺得同Carol嘅距離愈來愈遠,到有日真係發咗牌嘅話,佢會唔會改變主意呢?(逢周一至五刊載)
電視 風雲 王奇 奇雲 我急 急人 人唔 唔急 2013 02 18
PermaLink: https://articles.zkiz.com/?id=282335

自爆融入林家頻約食飯千語BB唔急嫁林峯「都冇人催」

1 : GS(14)@2015-08-25 08:20:22

■千語BB昨日出席時裝活動,說自己未到適婚年齡,不會逼婚。


吳千語與林峯拍拖3年,當初林峯公開承認戀情時,曾高調大呼7次「好愛」千語BB,並多次透露想娶千語BB過門,不過同時亦屢傳千語BB不獲林家接受,更曾傳出有「廈門李嘉誠」之稱的林父不滿她豪花林峯錢。最近再有指千語BB向林峯逼婚失敗,在中環出席朋友飯局時借酒澆愁,向同枱好友大吐苦水,指林峯不肯結婚,又不獲男方家人尊重。千語BB昨日在上環出席時裝活動,否認向男友逼婚,強調最近都在上海工作,她說:「好好笑,我都好耐冇試過喺中環坐底飲嘢。」有否向林峯催婚?千語BB自覺還年輕,她說:「我又唔係好急,今年12月27號先22歲,未係適婚年齡,都冇人催。」她自言經常被傳不討男家歡心,但實情並非如此:「兩星期前,先同佢屋企人食飯。」對於有傳早前林峯堂妹林夏薇結婚,千語BB和男家甚少交流,她解釋是林父想低調:「唔係,嗰日同輩坐埋一枱,分得好開,嗰晚好開心,佢哋不嬲唔係咁想講,所以都低調啲。」



■上月千語BB出席林峯堂妹林夏薇婚宴,獨自玩手機。資料圖片

■千語BB與林峯經常出雙入對四圍蒲。資料圖片


■李敏鎬將會與千語BB拍電影。資料圖片

唔怕兩韓備戰

千語BB與韓星李敏鎬在下月開拍的中、韓合作電影《賞金獵人》要延遲開拍,電影原本要在泰國曼谷取景,延遲開工未知是否與四面佛爆炸案有關。另外,由於電影亦會到南韓取景,但最近兩韓關係緊張,不過千語BB仍然表示不太擔心,她說:「我哋喺韓國首爾附近拍,自己都去過好多次首爾,覺得係好安全嘅地方。」採訪:羅慧敏攝影:仇志德





來源: http://hk.apple.nextmedia.com/entertainment/art/20150823/19266443
自爆 融入 林家 頻約 約食 食飯 飯千 千語 BB 唔急 急嫁 嫁林 都冇 冇人 人催
PermaLink: https://articles.zkiz.com/?id=292074

阿媽戀事:翁靜晶唔急嫁何彪

1 : GS(14)@2016-01-22 01:48:23

翁靜晶細女劉幸儀嫁杏有期,身為媽媽的翁靜晶去年也曾被催婚,當時她表明再婚一定要得到兩個女兒的同意。上年5月,翁靜晶被發現有一個與何東爵士的曾孫何彪(Sean Eric Mclean Hotung)的facebook賬戶,感情狀況更顯示為已婚,當時翁靜晶接受訪問時說:「應該係Sean屋企人整嘅,自己唔係咁清楚。」不過她表明並不心急再婚,兼大女劉萬儀對亡父劉家良非常崇拜,相信她仍需要點時間。翁靜晶與Sean的戀情早於2010年萌芽,而翁家與何家是世交,所以何鴻章一直愛錫翁靜晶,並視她為新抱仔,加上何鴻章年事已高,故出奇謀製「家族互聯fb」催逼二人結婚。





來源: http://hk.apple.nextmedia.com/entertainment/art/20160121/19459807
阿媽 戀事 翁靜 靜晶 晶唔 唔急 急嫁 嫁何 何彪
PermaLink: https://articles.zkiz.com/?id=294732

馬詩慧猴年唔急揀女婿

1 : GS(14)@2016-02-03 14:43:46

王敏德太太馬詩慧(Janet)及長女王曼喜和名模琦琦等,昨晚在灣仔出席四洲太子女戴凱欣的餅店開幕活動。
Janet笑言農曆新年最好冬眠,她也考慮叫老公王敏德駕駛直昇機載她飛上空中,她說:「新年飛高啲好意頭。」年初七撞正情人節,Janet自爆不及老公王敏德浪漫:「佢係鬼佬性格,佢試過送花畀我,我話佢嘥錢,點解唔畀錢就算。」可會期待囡囡都帶着另一半回來?Janet坦言等得:「過幾年先,佢哋適當時候就會,佢哋帶多個,我要應酬多一個。」此外,琦琦自爆已撲飛睇樂壇天后麥當娜(Madonna)在香港和澳門的亞洲巡迴演唱會,她說:「兩地各睇一場,香港嗰場買咗十張,囡囡怕有粗口唔去聽。」採訪:羅慧敏攝影:沈健程



■琦琦自爆是麥當娜粉絲,已買香港和澳門騷門票。

■四洲太子女戴凱欣昨新店開張,獲男友撐場。



來源: http://hk.apple.nextmedia.com/entertainment/art/20160203/19476500
馬詩 詩慧 猴年 唔急 急揀 女婿
PermaLink: https://articles.zkiz.com/?id=295178

楊張新悅唔急培育女兒

1 : GS(14)@2017-06-22 07:42:33

楊張新悅昨日於油麻地出席香港有機資源中心活動,原來她很怕囡囡吃太多基因改造或激素食物,楊張新悅說:「出街食就冇辦法,但喺屋企就一定食有機,連雞蛋我都會揀唔同國家嘅有機蛋,因為每個地方出產都有佢嘅益處。」除了食物要「國際化」,楊張新悅帶囡囡到外地旅行,她說:「暑假本來諗住一家去英國,但係?家唔去得,有事自己就可以跑快啲,但係帶住小朋友就唔得。」提到最近到美國參加歌唱比賽的人氣小巨肺Celine被指因訓練被扼殺了童年,她說:「如果發現小朋友有特別嘅天資,做家長係要培育,但係個人嚟講就會遲啲先。」採訪、攝影:羅慧敏




來源: http://hk.apple.nextmedia.com/entertainment/art/20170621/20062975
張新 悅唔 唔急 培育 女兒
PermaLink: https://articles.zkiz.com/?id=336224

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019