ZKIZ Archives


中環在線:揸鑊鏟唔怕炒ibanker轉行開餐廳 李華華

2009-01-12  AppleDaily


 

金 融海嘯投資銀行界首當其衝,裁員減薪不絕於耳。從事投資銀行工作13年的梁維君(Angela),雖然早於07年中股市興旺時已轉行,開其樓上餐廳,但依 然受金融海嘯冲擊,因食客減少而蝕錢。佢笑言:「o依家每日中午返嚟,睇吓多唔多客取消booking,已經知道嗰日個市升定跌。」轉行前,Angela 喺金榜融資做到資本市場部董事總經理。佢想當年話最好景係97年,淨係花紅已經等於3年薪金,但追deal(交易)、8日去10個國家做路演、同客戶周旋 等工作壓力,實在不足為外人道,加上覺得做投行其實冇專長,所以一直希望轉行。

98年曾開私房菜

Angela唔係飲食業初 哥,98年玩票性質投資第一代私房菜,之後又投資西餐廳,前年成功報讀一個管理中菜館嘅課程後,毅然轉行,一擲200萬喺上環開樓上fusion餐館 「twyst」,做全職老闆。「收到信話收我讀個課程時,我仲喺英國做緊路演,即刻打電話返香港,向老闆辭職。」認真有型!不過一開始就撞板。一間餐廳大 廚最重要。佢喺洲際酒店請咗5個師傅幫手打理餐廳。以為有品質保證,點知大酒店同小餐廳廚房運作完全唔同,酒店大廚只負責做菜,設計菜式同採購食材由其他 人處理,小餐館嘅大廚就要萬能。「當時位大廚淨係識煮,結果我要幫手買餸,其他嘅嘢都要我理!」佢苦苦支撐一個月後,炒咗5個師傅,重組班底,幾個月後, 餐廳終於有錢賺,成績理想。

海嘯殺到餐廳蝕錢

不過,金融海嘯舊年9月殺到,直接影響中環客源。Angela坦言10至11月 客量明顯減少,要蝕錢。好彩12個月有聖誕節撐住,恢復盈利。雖然經濟同生意前景唔明朗,但佢一啲都唔悲觀,仲打算主動出擊,「以前多數靠口碑,09年打 算設計個網站,利用電郵做多啲推廣,希望留住一班熟客。」Angela話:「最近見到舊同事,個樣好愁。如果o依家我仲做緊投行,可能好大壓力,唔係我要 炒人,就係要俾人炒!」佢慶幸自己離開呢個壓力圈,發展另一個事業,仲打算學做甜品,多一門技能。李華華LiWaWa@AppleDaily.com
 
中環 在線 鑊鏟 鏟唔 唔怕 怕炒 ibanker 轉行 餐廳 華華
PermaLink: https://articles.zkiz.com/?id=5253

中環在線:內地富豪黃世再唔怕污糟救寶福 李華華


2009-08-03  AppleDaily





 

寶福集團(021)自從喺千禧年由九龍倉(004)易手畀和成國際(651)之後,經歷幾次易主,業績同資產衰上加衰,停牌超過3年後,家吓終於露出一線曙光,兩年幾前入主嘅白武士黃世再話,已經執靚隻殼,希望今年第4季或之前復牌成功。

盼年底可復牌

黃 世再嘅名,香江股民應該比較陌生,但呢位仁兄家底厚,喺2008年胡潤中國富豪榜,同體操王子李寧,以及忠旺(1333)嘅劉忠田家族等人一樣排名76 位,佢揸弗嘅大中華國際集團,業務遍及金融、房地產、酒店、電視傳媒、能源、港口……資產值超過700億港銀,之前打算遠赴花旗國上市,點知撞啱金融海 嘯,搞到無疾而終。

寶福呢隻殼,之前麻煩多多,黃世再決定向難度挑戰,兩年幾前透過囡囡黃文稀入股沾手,佢解釋話,自己鍾情寶福有幾十年歷史,冇理由以前外資辦得好,落到華人手上會搞成咁,佢仲狂抦有啲人辦企業係諗住掏空公司資產,完全冇負起社會責任o忝﹗

若 果寶福長情小股東聽到呢句話,真係眼淚在心裏流,皆因佢哋多年來既要面對公司內部資金被掏空,又買埋啲垃圾資產返嚟,仲要惹上官非兼被罰停賽,頭頭碰着 黑。黃世再唔怕隻殼污糟,佢話,寶福未來會發展旅遊地產項目,但佢點都唔肯講會唔會將個人資產注入上市公司;之但係,佢正考慮將公司名稱改變,事關有朋友 同佢講,話個名會令人聯想起「寶福山」喎﹗

李華華



中環 在線 內地 富豪 黃世 世再 再唔 唔怕 怕汙 汙糟 糟救 寶福 華華
PermaLink: https://articles.zkiz.com/?id=10028

山頂屋唔怕買 宗菁華

2010-02-18 NM





滙豐大班紀勤凱撒大帝式回朝,同佢一齊返香港之手下,數以十眾。同得佢一齊返嚟者,你估又會係茄喱啡乎?如斯一來,優質貴價樓又有乜辦法唔巴巴聲升呢?

須 知成個山頂,獨立屋只得三百間,而呢個數目肯定唔會增加者。呢個情況就一如畢加索之油畫,係咁多就得咁多。供應有限,但天下間嘅有錢佬就愈嚟愈多;唔講其 他金磚三國,單係中國之新發財就多到一如雨後春筍。雖然唔係所有中國嘅新發財都想喺山頂整番間屋,只要其中萬分之一有咁嘅諗法都唔得了。

於此可見,證監會嘅Dr. Wise話投資可升可跌,呢個講法絕對呃人者。你睇買畢加索油畫幾時使蝕過?在此奉勸敝刊讀者,有閒錢不妨上山頂置番間,賺梗o架噃!

意馬太子爺繼續發夢

土炮卡通《阿童木》票房失利不特止,更累到阿媽命都無埋!意馬國際旗下之動畫製作公司申請清盤,遣散兩百多名員工,過年前搞單咁嘅嘢都咪話唔傷感情也。

意馬大股東永菱通金融之洪錦標及其襟兄弟羅康瑞同樣咁傷,佢哋分別持一成八同百分之六股份。但一手搞出呢檔爛攤子之意馬太子爺高偉豪則已於去年底請辭。不過佢未心死,自組公司「夢馬」再戰江湖,創作動畫、漫畫、電子遊戲及相關產品。後生仔,冇夢又點會有前途呢?

劉夢熊煉金術

國際資源有炒股之稱,其前主席劉夢熊食慣「大茶飯」。舊年八月,國際資源仲未掘到金,劉主席已急不及待轉戰更有利陣地 —— 另一殼股佳訊控股做主席。

橋唔怕舊,唔到半年,佳訊又染「金」矣。間公司用三億八千萬入股內地黃金冶煉廠 —— 山東國大黃金。「今次係現成o架,唔係風險投資。」

落力推銷之餘,劉夢熊更大爆佳訊執董王志剛嘅身世,話佢老豆並非別人,正是前財政部長王丙乾,而內地財經界唔少高層都係王家嘅朋友咁講。劉主席想講乜,你明啦!

國大黃金煉金嘅本事頂呱呱,規模喺全亞洲數一數二;但金礦則欠奉。冇錯,佳訊有權以五億買個山東金礦,但呢個礦至今只係一紙勘探許可證而已。掘唔掘到金,頂籠五五波。咁算唔算風險投資呢,又?



山頂 屋唔 唔怕 怕買 菁華
PermaLink: https://articles.zkiz.com/?id=14314

唔怕醜袁彌明賣雜貨出位招賺廿萬

2009-8-20  NM




現年二十八歲的過氣港姐袁彌明(Erica),從十四歲開始做模特兒、拍電影。近年又經常在其個人網誌、網上電台、甚至城市論壇論盡娛樂圈,言行出位,一度惹來不少報章雜誌訪問。不過,年輕貌美的「o靚模」一出,她只能淪為評論員,在旁抨擊歪風。

長 江後浪推前浪,娛樂圈就是那麼現實。「搵唔到食」的Erica絕非無腦,她利用本身的知名度,在銅鑼灣開設樓上鋪「袁彌明生活百貨」(mi ming mart),轉戰商界,賣其代理的美容及護膚品,月入竟然也有廿萬。她說相比娛樂圈「好睇唔好食」,現在收入實在豐厚。

記者初次見袁彌 明,她笑容可掬,比平時在電視上見到「串串貢」的樣子不一樣,但不足兩分鐘她已變臉。租用其鋪部分位置開化妝班的拍檔Kenneth,隨意用了其電腦查閱 電郵,她即時噴火:「我都話咗部電腦係我私人o架!我隨時要用,你自己買番部入去用啦,嗰幾千蚊!」她這番話提醒所有人,她並非容易相處。

袁 彌明的鋪頭於本月開張,她把鋪名以自己的名字命名,賣自己用後認為好的美容護膚及家居用品,連鋪頭紙袋都大大隻印上自己的名字,簡直將自己變成生招牌。開 這間鋪的念頭來自她的一次工作,「當時女性雜誌《ELLE》找我寫blog,介紹護膚品。不過我在其他媒體已有數個地盤,已無時間再寫。」於是她主動要求 改為拍攝短片,親身上陣介紹她使用過的新奇護膚用品或將自己的美容經驗與觀眾分享。

爭代理撼贏屈臣氏

直至今年一月,她介紹一隻由美國公司pHion 出產的綠粉,產品含四十多種已經處理的蔬菜粉末,她已經吃了兩年,每日沖水飲用,可令皮膚質素改善及通便秘。短片一出,即惹來數百個讀者向她留言,紛紛表 示於香港購買不到,要求幫忙。「咁我就幫佢哋向美國生產商直接訂貨,一個月已經收咗八百幾張單,最初只係收番車馬費同運費。」之後每個月,她都收到逾千人 要求她代買綠粉。一個月後,突然殺出一個程咬金,「供應商嗰邊話俾我知,屈臣氏想向佢哋攞綠粉的代理,我聽到嗰陣覺得好嬲,我咁辛苦幫個原本香港冇人識嘅 產品做起咗個品牌,你一下子想搶咗去?」

二話不說,袁彌明即時預備計劃書給供應商,爭取該產品的代理。她向美國總公司分析,香港女士都貪小便宜,故提議推出買三罐綠粉送一罐的優惠;而且送出的一罐,費用由她支付。她更自掏荷包印製有關該綠粉的宣傳單張,及變身產品代言人。袁在過去取貨其間,已主動向該公司提供顧客意見和銷售數字等數據,美國公司覺得她有誠意,最後決定把產品代理權交給她,「屈臣氏只肯承諾每月最少賣出六百罐綠粉,我一個月都賣過千罐啦,根本佢哋就冇誠意攞個代理權!」

除 了綠粉,她亦代理了一個護膚品牌SYNERGIE MINERALS,主要出產防曬、護膚用品。傾談代理時,她主動邀請代理商來港視察環境,並支付其食宿費用。兩款產品都不用代理權費用,只收入貨價,而袁 彌明的零售定價,與供應商訂立的最低銷售價格一樣,即毛利約三成。另外她亦引入其他簡單的化妝及護膚用品。

素顏拍片谷產品

拿 了兩個主要的代理權,袁彌明沿用拍片介紹產品這招,並放上YouTube免費宣傳,甚至在此與網友對話及介紹產品;而且有自己的生意後,她更加「賣命」, 即使是賣腳皮銼,她會將腳對準鏡頭,一路挫自己的腳板,一路講解她所介紹的死皮銼有何優點及其使用方法,此時鏡頭還近鏡見到她的死皮。其他雜嘜牌腳皮銼一 般售價三、四十元,她介紹的要一百六十二元,今個月已經賣了一百個。在介紹粉底時,她亦會以「嚇人」的素顏上陣,由粉底搽起,逐步教讀者怎樣使用化妝品, 可謂犧牲「色相」。

她希望這些「真人Show」,可加強生活百貨的形象,令客人不會覺得短片一味「hard sell」。看過短片而買綠粉的客仔Bernice說:「佢啲短片喺自己屋企拍,好生活化,同埋可信性高。我成日去唔到廁所,飲咗綠粉後腸胃真係好咗!」 袁有賣暗瘡產品,但就從未拍過有關去暗瘡產品的短片,「我都無乜暗瘡,好無說服力,雖然我知道呢類產品會好好賣,但我都只係暫時入咗一啲貨,要諗吓點 sell。」

要引起讀者追看短片的興趣,袁彌明說還有竅妙:「我每條片大概長八分鐘,如果淨係講件產品點好係好悶嘅。每隔約三十秒就要提出 一個女性關心的話題,如便秘、黑頭太多等字眼,目的是吸引讀者繼續看下去。如介紹由橄欖油提煉的護膚油Squalene時,她在短片中說:「點解要用 Squalene呢?因為廿五歲以上的女性皮膚質素會急轉直下……」廿秒後,她提出:「我知好多女士都會話『我塊面已經好多油o架啦喎,仲搽油?』其實 Squalene只係身體流失咗嘅嘢,唔係油嚟o架,係……」

找拍檔分擔租金

最初袁彌明在網上售賣產品,還租用荃灣荃豐中心 格仔鋪兩格,及擺放小部分到位於尖沙咀海防道的AnthonG護膚品專門店,增加銷售點。自信爆棚的袁彌明覺得她是AnthonG的重要收入來源:「我淨 係佣都俾佢哋近九萬蚊o架,唔信你問吓佢哋吖!」由於生意愈來愈好,她開始在facebook賣廣告,大谷知名度;並於今個月開始租下位於銅鑼灣富明街的 樓上鋪,除了賣其代理的兩個品牌產品外,她亦積極在外國雜誌、網站找新產品,及從她的顧客中找靈感:「客人生痔瘡都問我!試過有fans口唇的皮經常甩, 問我點算,我最後就搵咗隻sara happ lip scrub的磨砂產品俾佢,佢用完之後,嘴唇甩皮問題即刻有改善,我亦因此引入呢隻牌子。」

銅 鑼灣樓上鋪租金一萬八,為了分擔租金,她亦計好數,拉攏替她化妝兩年多的化妝師Kenneth,分租了其中五十呎的地方作化妝室,為客人提供化妝意見及開 設化妝班。Kenneth曾替娛樂圈中人樂基兒、蔣怡及蔡少芬等化妝,行內有名,「除咗減輕負擔,佢嘅學生上完堂又可以過嚟睇嘢,我嘅客買完嘢又可以望吓 化妝課程,互相帶動人流。」而Kenneth亦覺得跟袁彌明拍檔有好處:「我係一個好傳統嘅化妝師,只識化妝。但佢好有marketing sense,佢建議我點宣傳及定價,又教咗我做生意應幾時及點俾discount。」

○五年參選港姐的袁彌明,會考二十四分,有六個B,在美國Tufts University修讀經濟。她的爺爺袁勃,經營攝影器材,是廣東道「科苑」相館的創辦人。父親袁弓夷又是做生意,其公司Teleart專替Casio製造手錶,並曾在Nasdaq上市。因此,她自問天生就是做生意的材料, 娛樂圈只是她從商的踏腳石而已。

開業成本02/09

入貨︰$190,000

雜費︰$6,000

運費︰$1,500

總投資︰$197,500

營業資料18/7-17/8/09

營業額︰$903,000

入貨︰$500,000

佣金︰$87,000

租金^︰$35,000

人工*︰$40,000

運費︰$14,000

廣告︰$15,000

雜費︰$10,000

盈利︰$202,000

^租金包括樓上鋪、格仔鋪及貨倉

*人工包括五名兼職員工

 


唔怕 怕醜 醜袁 袁彌 彌明 明賣 雜貨 出位 招賺 賺廿 廿萬
PermaLink: https://articles.zkiz.com/?id=24676

郭令燦唔怕冇人幫手


2009-11-12  NM




馬拉財主佬郭令燦唔聲唔聲買咗寶哥哥間東亞8.01%股權,赫然有威脅李氏家族控制權之勢。喺香港,郭令燦雖然低調,但其實都唔少嘢也。

就如家庭主婦都熟悉之刀嘜生油咁,未過渡郭令燦已買咗其控股公司南順,佢細佬郭令海更加係上市之南順公司嘅主席。南順本來係新加坡財主黃大椿創辦,由其女婿、地鐵主席利民‧錢果豐打骰。九六年因為種種原因,南順陷入財困,黃家由是將七成七南順股權賣咗俾郭家。

有此交易,唔知係咪因為郭令燦同黃大椿係姻親,佢有個妹嫁咗俾黃大椿個仔黃上哲。黃上哲呢個郭家姑爺係利民‧錢個舅仔。利民以前幫大通銀行打過工,現今又係獅子錢庄之董事,內行銀行家也。郭家如果真係買起東亞,唔使怕冇自己人幫手噃!


郭令 令燦 燦唔 唔怕 怕冇 冇人 幫手
PermaLink: https://articles.zkiz.com/?id=24687

唔怕零雙非醫生搶十億人工受孕市場

2012-9-13   NM




香港明年實行零雙非政策,無阻內 地婦女來港造B潮。原來,很多內地不育婦女,求仔心切,眼見本港醫療技術及設備完善,近年蜂擁來港做俗稱「試管嬰兒」的體外受精治療。根據衞生署統計,去 年在本港接受人工生育治療的人數多達萬人,比前年上升近倍,當中超過五成是內地人,以每次治療費十萬元計算,每年人工受孕市場的生意額高達十億元。本刊獲 悉,去年因一宗人工受孕醫療事故而辭職的仁安醫院生殖醫學中心總監龍炳樑,下月便會在尖沙咀開設一間佔地五千平方呎的人工受孕中心,爭奪市場。

「我使咗好多錢,好辛苦先有呢個女咋!有咗呢個女,我奶奶對我即刻唔同晒,特登由鄉下來深圳湊孫,又買花膠俾我補身,我而家個地位都因為呢個女唔同晒,使 幾多錢落嚟香港做都值得。我先生話,就算唔夠錢,問人借都要做呀,潮州人最緊要有仔生……」望着肥嘟嘟,只有三個月大的女兒芷恩,傅太心花怒放,在深圳的 家細訴來港人工受孕的經歷。

家姑大壓力

廿八歲的傅太是潮州人,廿三歲結婚,由於老公也是潮州人,外家十分緊張她有冇仔生。婚後她雖然沒有避孕,但試了兩年,依然得個桔。「我好大壓力,奶奶成日 喺背後講我,話我點解咁耐都無得生,我老公係大仔,佢細佬遲過我哋結婚,但冇幾耐已經生咗一仔一女,我承受嘅壓力可想而知,放工成日匿埋屋企喊!」傅太在 深圳開時裝店,丈夫替港人於深圳打理貨櫃車場。為了搏生仔,近幾年傅太索性停了工作,將店鋪生意交俾朋友打理,但專心造人一年都沒有結果,「嗰年我不停睇 中醫飲中藥補身,但唔知點解都係冇,醫生話我卵巢激素少,唔容易佗到仔,對我真係好大打擊,我外家又不斷俾壓力我哋,以為我唔想生,但其實我同老公都好想 生,潮州人邊個唔想生呀……」

大陸做無信心

後來,不育的傅太聽朋友說可以做人工受孕。「網上有好多呢啲資料,原來好多大陸人冇得生就試人工受孕,大陸每次治療收三萬元,平過香港,我有個同事係湖北 人,特登返去武漢做但唔成功,後來再喺深圳做多次,都係唔得,做到無晒信心,都唔知可唔可靠,後來我有個朋友嘅朋友嚟香港做,佢大我一歲,做咗一次就成 功。」於是去年她來港接受治療,「打咗十幾支排卵針,每日打一次,之後醫生用支好長嘅針幫我抽卵子,過程好痛好辛苦,喺病床抖咗兩個鐘先落得地,跟住返深 圳等消息,個心十五十六,錢就使咗,唔知得唔得,等咗兩個星期,醫生打電話來,話受精成功,可以放個胚胎入我子宮度,我嗰刻真係好開心,好似中咗六合彩 咁,即刻同老公過來香港做植入,之後就返屋企瞓住佗胎,唔敢周圍去。」傅太整個療程收費八萬,她比較幸運,一擊即中,不過她沒有選擇在香港私家醫院生,而 是返回深圳產子,「我只係想要BB,喺香港出世要俾多十幾萬,但深圳七八千就可以。」像傅太一樣,來港做人工受孕的內地婦女,近年不斷增加,根據衞生署轄 下的人類生殖科技管理局統計,二○一一年有接近一萬名婦女在本港接受人工受孕,若以每次人工受孕治療費十萬元計算,涉及生意額達十億元,而業內人士則估 計,當中有一半求診婦女是內地人。

仁安總監捲土重來

由於市場龐大,有生殖醫學經驗的婦科醫生頓成搶手貨,就算曾經涉及醫療事故的醫生,一樣吃香。去年八月,沙田仁安醫院醫學生殖中心被揭發一宗醫療事故,一 名接受人工受孕的病人,在仁安打了排卵針後出現卵巢腫脹出血,後來到屯門醫院求診,發現一邊卵巢壞死,病人主診醫生是仁安生殖醫學中心總監龍炳樑,他亦是 本港最早發展人工受孕的始祖。龍炳樑事後亦辭去總監職務,之後轉趨低調,但本刊獲悉,近日他正密鑼緊鼓預備在尖沙咀捲土重來。龍炳樑上週接受本刊訪問,他 表示自己是該宗事故的主診醫生,願意為事件負責,所以辭去總監職務,但強調事件只是意外,「用藥(指打排卵針)嘅風險一定有,冇可能冇意外,我當時有睇住 個病人,但意外一定有。」他以病人私隱為由,不願再多講當時發生的情況。

不過,六十歲的他卻承認東山再起,在尖沙咀海洋中心開設一間面積達五千平方呎、有三個手術室,還有一個專做體外受精的正氣壓實驗室的人工受孕中心。內地人 對本港的醫療設備極具信心,對人工受孕的需求又殷切,他完全不擔心去年的醫療事故會影響生意。據悉該人工受孕中心裝修費達千萬元,並正在趕工中,預計十月 完工;不過,診所實驗室的牌照,則預計於明年初才獲衞生署的人類生殖科技管理局簽發,屆時才可正式為病人做人工受孕治療。

傾家蕩產都要做

龍炳樑在○一年曾擔任人類生殖科技管理局創會成員,該局負責發牌及監管生育輔助中心的運作。他八五年加入剛成立的中大婦產科,成立首個人工生育輔助中心, 中心在八七年二月成功誕下全港第二名試管嬰兒(第一名試管嬰於八六年十二月在養和醫院出世)。龍炳樑說:「其實當年人工受孕需求無而家咁大,而家好多人遲 結婚,生仔機會自然細啲,會面對好多社會同家人壓力,有啲試過賣屋傾家蕩產都要做,每個來睇嘅病人,背後都有好多心事。」記者問他仁安事件會否影響個人聲 譽及事業前途,他說:「咁等於問係咪可以避免交通意外一樣,有啲嘢唔係我完全控制到,但我覺得人工受孕係可以幫到人。」他直言對這個本港人工受孕市場充滿 信心。

生仔聖手開分店

其實,除了龍炳樑外,被喻為「生仔聖手」何永超旗下的中環勝利輔助生育所,亦即將在尖沙咀開設分店。分店位於尖沙咀東企廣場,面積同樣達五千平方呎,預計 在今年內開幕。不過,勝利輔助生育所在去年亦涉及一宗輔助生育事故,曾將一名女病人的兩個胚胎,錯誤植入另一病人體內,員工發現後始將胚胎取走,人類生殖 科技管理局決定更改該診所牌照,要額外附加四項特別條件,以改善處理程序。

機會隨年齡下降

人工受孕並非萬試萬靈,成功率會隨病人年齡下降。三十歲前的婦女,四至五成會成功懷孕,三十五歲以上就降至三至四成,四十歲以上就更低,只有不足一成會懷孕;而即使成功懷孕,孕婦亦可能出現小產等情況,令真正成功的機會更加低。

 
唔怕 怕零 零雙 雙非 醫生 搶十 十億 人工 受孕 市場
PermaLink: https://articles.zkiz.com/?id=37308

唔怕上庭 李彩華:會講時間人物 林小明:告硬佢!

2012-11-15  NM
 
 

 

日前公開承認被前老闆林小明要求作不道德交易的李彩華,在週日(十一月十一日)二十九歲生日當天,正式受浸成為基督徒,面對林小明發信控告誹謗,阿Rain氣定神閒說:「我講嘅全部都係事實,上到庭我都會咁講,我諗天父會保佑講真話嘅人,如果上庭,我所有嘢都會講,時間、地點、人物我都照講!」踏入二十九歲,阿Rain正式搬入早前以一千六百萬買入的大坑名門新居,生活轉入直路,Rain感觸說:「嗰時拒絕咗林生要求,俾人雪,捱過最艱難時間,可能個天見我咁慘,俾咗新希望我!」

搬入豪宅

近年在內地狂賺人仔的李彩華,剛完成內地劇《和尚連》,緊接還有三套新劇等著開工。趁有十日假期回港小休,阿Rain搬離去年送給父母的跑馬地寓所,住進早前以一千六百萬買入的名門新居。事業轉入直路,兩年賺過三千萬,相比四年前被雪,阿Rain感慨良多:「兩年前係趙小姐帶我返教會,嗰時面對解約件事,我每日祈禱,希望天父引領我走向光明大道!」在剛過去的週日,阿Rain在前林太趙雪英的九龍塘一萬二千呎寓所內的泳池,正式受浸成為基督徒。對於林小明發律師信控告誹謗,阿Rain表現得氣定神閒:「我從來唔擔心,我講嘅全部都係事實,如果上庭,我會將所有嘢講曬出嚟,時間、地點、人物都會交代!」

捱 出 頭

剛滿二十九歲的李彩華,九九年以十五歲之齡加入娛樂圈,十多年來經歷過轉會、為父還債、被公司雪藏等坎坷命運,近年事業守得雲開,在內地拍劇一套接一套,終於成功「脫貧」。99年簽約黃栢高金牌經理人旗下,捧為新一代玉女接班人,被安排與古天樂拍Epson廣告、及接拍電視劇《雲海玉弓緣》及《下一站彩虹》。

03年爆出父親因生意失敗及炒燶股票欠債八十萬,因無錢還債,接受訪問時傷心痛哭。

04年向金牌提出解約,同年年底在男友蕭定一協助下,簽約寰宇林太(趙雪英)旗下八年,獲三百萬轉會費,替父還清債項。

05年林太安排她與羅嘉良拍攝中央台電視劇《昭君出塞》,在內地竄紅。

08年爆出林小明因轉移趙雪英身家,加上傳江若琳介入,二人決定離婚,自此阿Rain工作量大減,再被公司雪藏,近乎零收入。

10年3月阿Rain得趙雪英協助,賠一百萬正式與寰宇解約,在趙雪英、林小明的離婚協議書同一日簽署生效。11年阿Rain轉攻內地,先後拍攝《大丫鬟》、《寶貝計劃》、《五台山抗日傳奇之女兵排》等。

12年年初憑《回家的誘惑》在內地爆紅,劇集長拍長有,每集收入跳升到二十萬人仔。九月底,林小明與趙雪英就離婚訴訟官司,庭上爆出林小明要求李彩華作不道德交易,法官更形容阿Rain是受害人。

勸早日收手

女兒被告,Rain媽同樣氣憤:「其實我哋一路無諗過講,如果要講,四年前已經講咗!今次係林生自己講先,接受專訪話我哋講得唔清唔楚!所以我哋先講清楚件事!「真金不怕洪爐火!喺法庭我哋有曬誓章!我奉勸佢不如將告人啲錢,攞去做善事,將心思放喺公司度,搞好間公司,唔使七年嚟生意都蝕錢!有潛質嘅人都走曬!」Rain媽愈說愈激動。至於因為被林小明cut走中港牌,與前夫對簿公堂的趙雪英,同樣未曾為官司事件擔心:「我諗我擔心佢多啲,我想同佢講,回頭是岸!好自為知!最好快啲上庭,到時睇嚇邊個先係講真話!」

企硬告到底

輕鬆面對官非,剛滿二十九歲的阿Rain,一心只為慶祝生日做準備,上週六(十一月十日)在內地拍完廣告返港的她,一日之內花了二百多萬買禮物俾自己同媽咪,相當闊綽。就阿Rain表態不怕上庭作供,更會如實說出事件所有經過,有關時間、人物、地點都會公開,記者致電向林小明查詢。壹:你已經俾咗律師信阿Rain?林:唔係律師信,係告票!壹:擔唔擔心上到庭會爆更多嘢?林:無得擔心!佢鍾意講乜就講乜!我控制唔到佢要講啲乜!壹:當日趙雪英代阿Rain解約,佢哋提出解約理由係乜?林:無理由!解約就解約!壹:趙雪英有兩句說話同你講!林:總之,所有嘢交曬俾律師處理,依家我唔會回應任何嘢!佢鍾意講乜就講乜,告就告硬!

 

唔怕 怕上 上庭 李彩 彩華 會講 時間 人物 小明 告硬 硬佢
PermaLink: https://articles.zkiz.com/?id=39798

做得廚唔怕客肚闊 朱泙漫屠龍記

http://johnchrysostom.blogspot.hk/2015/02/blog-post_15.html
不知道是否受垃圾會玩嘢、假瞓街同鳩烏文化影響,近日據説有的自稱是以四大造數公司之一的Earn (when) Young為家的簿記員在「生果報」登報彰顯公義,大爆稅務部新扎Partner大玩辦公室政治攪分化的陰毛云云。
「利益是檢視真理的惟一標準」乃資本主義行事的定律(不喜歡者可考慮移民北韓),在私人企業中有客者便可以橫行。坐得P and L的一定係儘量搶客和減少成本(即剋扣OT同一個人做三份嘢)。管你是黃巾賊或者左膠,為了人民幣大家才團結一致在這個「家」執好民企那一盤不堪入目的爛帳上市呃阿㚪兼替國內貪官套現,或好似今次事件中呢班報稅佬用各種方法替這些賊窩「合法」逃稅!

據說今次的風雲人物Tracy姐乃上世九十年代初入行的甜姐兒,做了幾年7-Eleven影帝生活後終於考到個老千牌,捱了二十年騾仔經理一副後才晉升為Partner!能夠做到Partner者必定凄客有道(不管你用乜方法)而非特衰政府城管擔櫈仔上位。做得四大造數公司,接得的Job開的Pricing一定有內部準則(其實還是看市場,即係冇準則),上世八九十年代香港人還相對阿燦有Edge,開價還可以好一點。如今強國崛起港燦沒落,加上習大大開始實行對外資造數公司(包括港燦)的壁壘,強如Earn (when) Young也沒有太大的議價空間。
職場是現實的,考了個老千牌捱了幾年經理如果升唔Partner應該儘快著草去錢莊做Compliance或IPO。次一檔的去其他上市公司做FC,或躲到特衰政府跟黃河生的門生搵食(而非好似拙文「少年EO II之煩惱」中的車神希望下海)。公司有品牌,個人也有品牌。玩辦公室政治固然每日都發生,但登報唱衰老板的超智行為也太低估班造數佬刮出登報二五仔的能力。呢條(或呢班)二五仔能否繼續在造數界呃飯食還是放長雙眼睇。不過有一點筆者幾乎可以肯定,Tracy姐應該好開心有人唱衰她剋薄,因為呢個「朵」更彰顯她信守利益極大化的資本主義市場的至高定律。筆者認識一些契弟主管為求上位,自己寫「鬼信」俾老板唱衰自己剋薄手下而升職。因此登報者分分鐘係Tracy姐本人!呢個世界只有特衰政府的垃圾會如此玩嘢,在米帝國會山莊玩嘢之人也立即被McCain以一句「Low Life Scum」召公安清場。全世界亦只有專捉小販的特衰政府城管可以一邊玩嘢一邊擔櫈仔上位,一三五頭身手,二四六耳鼻喉,登報的二五仔應該做城管而非報稅佬。
做得廚唔怕客肚闊,做得雞亦唔怕客J大!Tracy姐爛做固然天經,但CY LAI廣告部為了兩萬連呢D咁超智的廣告都接,的確有辦法。生於亂世,CY LAI應該慶幸請到一班極品!
做得 得廚 廚唔 唔怕 怕客 客肚 肚闊 朱泙 泙漫 屠龍
PermaLink: https://articles.zkiz.com/?id=132431

大陸消費唔掂?唔怕,有宅男經濟! 佟 若喬

來源: http://hkcitizensmedia.com/2015/08/17/%E5%A4%A7%E9%99%B8%E6%B6%88%E8%B2%BB%E5%94%94%E6%8E%82%EF%BC%9F%E5%94%94%E6%80%95%EF%BC%8C%E6%9C%89%E5%AE%85%E7%94%B7%E7%B6%93%E6%BF%9F%EF%BC%81/

如果話賺女人錢好易,咁今次出完trip去上海之後,我會話男人錢都好易賺,仲要係宅男!

做完野在上海stay behind玩半日,路經一個叫「SNH 48星夢劇院」的地方,好似油麻地的戲曲中心,是由舊劇院改成的表演場地。好奇走埋去,見到有一大批宅男等緊入場睇SHOW,個個都有一雙飢渴的眼神,好似一隻隻ZOMBIE咁,覺得恐怖之餘,仲心諗:咩料呀?

DD1
48星夢劇院門口

原來,呢度係女子偶像團體SNH 48的基地。這隊由70幾個90後少女的中國版AKB 48,可以話抄足日本AKB 48,個個少女成員不單青春可人,仲東瀛味十足,一團女仔著住BIKINI又唱又跳,碧波蕩漾,當然殺死一眾宅男。

這個星夢劇院差不多日日都有SHOW睇,由79個成員分小組演出,票價由企位80元人仔,至168元的VIP位都有,經常爆滿。仲要搞積分計劃,每場演出出積分最高的3名宅男可以作超近距離接觸,實行要全方位俘虜宅男的心!

小妹在場當日下午剛剛沒有演出,但就有隊中最受歡迎的少女偶像生日會,宅男們可以用100元人仔買3張叫「出握手券」的飛,每張飛可以同其中一個少女握手10秒!!我睇見有十幾歲,乳臭未乾的少男來問價,一問之下明顯覺得貴,但最後仍掏出100大元,來與女神作肌膚之親!

SNH 48吸金能力相當強,不單止在旁邊聚集一眾宅男的CAFÉ賣偶像紀念品,每年仲會搞最具人氣年度偶像,選票都要用錢買,仲要不受一人一票所限,有說有人已豪灑2萬元在女神身上,實行要將佢捧上天!去年收到的選票金額就有過千萬,今年選擇舉仲未結束,但選票金額已是去年的4倍,生意愈做愈大。

DD2
SNH 48每年搞最具人氣年度偶像,選票都要用錢買,去年收到的選票金額就有過千萬,今年選擇舉仲未結束,但選票金額已是去年的4倍。

小妹作為女性,當然對這班少女為之側目,仲要日本妹樣唱普通話歌,真心覺得難頂。但既然有一班宅男咁願意為女神洗錢,在大陸消費咁差之際,宅男經濟真係會殺出一條血路!

佟若喬

歡迎like我個page一齊討論討論: www.facebook.com/financetung

大陸 消費 唔掂 唔怕 有宅 宅男 經濟 若喬
PermaLink: https://articles.zkiz.com/?id=158246

周日趣 BLOG BLOG:唔怕熊出沒 最怕狼來了

1 : GS(14)@2012-03-25 13:42:26

http://hk.apple.nextmedia.com/te ... 307&art_id=16187493

股市除了反映企業表現外,亦是對香港前景信心的指標。個半月之前,全城都以為唐英年順利當選做特首,殊不知到最後關頭,梁振英挾民意登基在即。如果說過去一周港股只是跟隨中國或歐美股市下跌,我諗是大家想得過份簡單。
連串不尋常事件,在投票前一周發生,陰謀論推測,事件與選戰可能有千絲萬縷關係。雖則說政治市對股市影響短暫,但未來五年由一個善於狡辯、難以猜測的人當道,難保另一個八萬五會推倒重來,或令港人再陷入萬劫不復之地。

...
識時務者為俊傑,何解過去一直聽中央指示而行的李嘉誠,今次罕有抗旨不賣賬,背後或有深層意義。第一是維護既有利益,今次唐梁兩營,壁壘分明,前者有四大孖沙力撐,為的是保障既有利益延續下去。
另一邊廂,一直被擠壓的中小型發展商,憧憬新特首能改變遊戲規則,不再向大孖沙政策傾斜,甚至於有機會反枱重新洗牌,不用每次投地,皆是陪玩性質。

中資財團癲價奪地

董伯伯年代的八萬五政策,對大孖沙可謂打擊沉重,部份甚至陷入財政危機,因此不難想像,倘若新特首上台後再玩鋪勁,掌管香港地經濟命脈之一的地產,或者真的再變天。
股榮相信李澤鉅撤資論並非無的放矢,而最神奇是埃克森亦打算撤資,退出與中電( 002)合資的青山發電廠,疑似買家是中資背景的南方電網。如果成事,是香港公用事業資產近年罕有的重大權益轉讓。
無獨有偶,上周兩塊地皮亦由中資財團以癲價奪得,成功爭贏本地大孖沙。鴨脷洲地皮 麪粉價已超過萬一蚊,西貢地每呎樓面地價更達 2.1萬元,刷新新界地王紀錄。阿爺發功,非同少可,今次選戰中央積極干預,對於大孖沙唔聽話,唯有叫自己人落場玩,背後潛台詞可能是「你(大孖沙)有本事敢撤資,我叫人落嚟玩,以後你想玩都冇份。」
今年股市非牛非熊,坦白講,即使熊出沒,最多一、兩年已能脫苦海,迎接牛市新希望,但如狼來了,真的難以想像未來五年是否適合炒股。今日我希望各選委珍惜手上的一票,憑良心投下神聖一票,我仍然相信奇蹟會出現。
股榮
2 : traveller(1405)@2012-03-25 15:23:50

新世界似乎轉咗向,純官剛才站在CY陣營中
3 : 鱷不群(1248)@2012-03-25 15:31:10

非八萬五不能傷大孖沙,但亦同時令港人再陷入萬劫不復之地,港人與大孖沙本坐同一條船,部分港人竟然因為仇富心理,寧願引狼入室

未來五年除了MPF外,相信我再不會有新資金投入港股
4 : Ben(10970)@2012-03-25 15:45:37

3樓提及
非八萬五不能傷大孖沙,但亦同時令港人再陷入萬劫不復之地,港人與大孖沙本坐同一條船,部分港人竟然因為仇富心理,寧願引狼入室

未來五年除了MPF外,相信我再不會有新資金投入港股



好悲哀…
5 : 龍生(798)@2012-03-25 20:55:56

我都覺.....有得嬴無得嬴都好

最怕洗牌
6 : GS(14)@2012-03-26 21:26:16

2樓提及
新世界似乎轉咗向,純官剛才站在CY陣營中


我咁先驚佢
周日 日趣 BLOG 唔怕 怕熊 出沒 最怕 怕狼 狼來 來了
PermaLink: https://articles.zkiz.com/?id=278445

利世民:唔怕一萬

1 : GS(14)@2012-03-31 00:01:56

http://www.sharpdaily.hk/article/index/15307/20120330/73911
「有冇咁悲呀?點解你只係識得話呢樣嗰樣唔啱,全無建議,咁同細路有乜分別?」讀者Kinney Turtle留言,提醒我做人要積極。
唔怕一萬,至怕萬一。我只係將未來可能發生嘅事講出嚟。有睇開我專欄嘅朋友都知,我唔信人可絕對預測未來。所以我將可能性講出嚟,拋磚引玉,提出命題,畀大家去證偽。
講到證偽,唔可唔提一個人:哲學家卡爾波普(Karl Popper)。讀哲學嘅朋友應對佢唔陌生,不過真係明白佢嘅人唔係咁多。簡單講,卡爾波普認為,我哋最多只可發現乜嘢係錯,但永遠無法搵到絕對正確。所以做學問,方法係不斷查找不足;知道乜嘢命題與事實不符,一係修正之前命題,一係完全推翻。人類對世界嘅認知就可以推進。
講財經點解會搞到哲學?財經,只反映社會現實嘅一個面向。要了解財經問題,可唔可以唔識哲學?可以。不過認識哲學,可幫到大家了解財經。卡爾波普學生當中,最出名嘅其中一位,就係索羅斯。其實,好多對冲基金操盤人同創業家,本身都係熱愛哲學,有豐富嘅想像力同好奇心。當然,佢哋有一份毅力去將自己嘅觀點凝聚成事實;得個講字嗰班,惟有好似我咁寫稿教書吹水。
講番投機。呢種證偽嘅精神,其實就係Contrarian嘅精神。Contrarian,有人譯做「逆向思維」,不過唔夠精確。Contrarian唔係話要包拗頸,但會挑戰大家都唔去質疑嘅事,例如:點解聯儲局一定會維持低息直到2014年?講過就係呀?你唔畀佢哋轉軚?
問題衍生各種可能性,然後就係投機概念。Contrarian都會有錯。不過,正正有錯嘅可能,所以唔會瞓身。Contrarian可以好保守,經常摸唔到頂,但好多時都可以避過大災難。見個市升跟大隊無難度。最難係可以心安理得咁出貨,袋袋平安,等下一個機會。

利世民
專欄電郵:SharpHK.Simon@gmail.com
Facebook專頁:www.facebook.com/AppleSimon
利世 世民 唔怕 怕一 一萬
PermaLink: https://articles.zkiz.com/?id=278507

老樓日記:多做功課 唔怕被焗買

1 : GS(14)@2012-05-14 23:56:24

http://www.sharpdaily.hk/article/fin/20120514/89292
有人向老樓投訴,話最近業主封盤情況嚴重,經常缺盤,好多時還是位於低層,甚至對住樓下餐廳煙囪位,感覺無助。
老樓即刻問佢哋是否搵地產代理,他說搵一間地產代理行介紹。老樓向他解釋,一來地產代理受業主牽制,在旺市時無樓睇好正常,又或者他們假做旺局,唔畀其他盤佢睇,製造少盤局面,直接啲講係焗你買。
其實睇樓途徑有好多種,搵地產代理的話,也需找其他地產代理比較,有些盤只會放一間行,由於獲獨家代理權,所以不會隨便放給行家,免被撬客。但須留意同一個盤不可由不同行帶睇樓,行規為了保障第一間地產代理,即使在三個月內由其他行促成也要給佣金,換句話說要付雙佣。
除了地產代理行外,還可以透過網上放盤尋找樓盤,大型代理行雖然樓盤較多但不能盡放在網頁內,其他以收集各方盤源和業主自讓的地產網卻角色獨立,伺服器容量很大,隨時可以找到合適樓盤甚至可以節省佣金成本。因此在保障睇樓時獲得足夠的資訊來幫助入市決定,勤力做功課是成功的第一步。

劉兆昌
老樓 日記 多做 功課 唔怕 怕被 被焗 焗買
PermaLink: https://articles.zkiz.com/?id=279366

我主場:李治廷戀冰冰唔怕瘀

1 : GS(14)@2013-09-08 13:57:10

http://hk.apple.nextmedia.com/entertainment/art/20130908/18413510
在電影《一夜驚喜》中李治廷飾演痴情男,愛上了范冰冰飾演的上司米雪,在現實同樣與范冰冰譜戀曲的李治廷,早已洩露這段姊弟戀的端倪。

「佢內心世界幾可愛」

                問現年26歲的李治廷跟年齡有差異的范冰冰有沒有發展可能?他說:「我哋幾啱key啱嘴形囉!呢樣係我最大驚喜,開戲時都驚㗎,喂!范爺,係咪先,咁大氣場嘅女演員,但估唔到咁啱key,雖然我啲國語唔鹹唔淡,又覺得OK喎!大家嘅興趣幾似,笑點又幾似,拍得幾有默契,但你話係咪啱我就隨緣囉!」會否介意姊弟戀?他笑說:「我覺得乜嘢戀都唔係問題,最重要係咪真有愛情存在囉,唔好介意太多同愛情冇關嘅事。愛情好純潔,你信就會搵到真愛,唔應該擔心同顧慮咁多。」
那麼外觀是否重要?李治廷說:「我覺得先望見個樣再入內心世界,外觀唔係最重要,但我信相由心生,個樣令我舒服至會去發掘佢內心世界。」有否發掘范冰冰內心世界?他揚言:「佢內心世界幾可愛,因為拍戲,點都會瞭解啲,佢其實幾細路女,你估唔到,我當初都嚇一嚇,我對佢認識主要喺廣告,雜誌封面好勁吖嘛,好女神級嘅女仔,覺得好難接觸、好遠,但原來私下同佢傾偈傾戲,深入瞭解呢個人,會覺得佢好多嘢仲簡單過我,譁!原來我細佢咁多,但我諗嘢諗多啲。」

「兩個人入咗件事」

                  時機似乎已經降臨,兩人上月被網友目擊同遊布吉,李治廷更親吻范冰冰額頭。愛火有蔓延至幕前之勢,兩人合體宣傳時玩得興起,公然互抱對方,李治廷抱起范冰冰時情深對望,勝過甜言蜜語。
李治廷亦坦承拍攝時情不自禁愛上了范冰冰,他說:「有一場戲有一剎那,係有感覺,講我去佢屋企,同佢道別,個感覺好真好特別,演戲永遠追求呢種感覺,個嚇係有囉,兩個人入咗件事,導演未叫cut,仍然喺嗰個世界入面。」回到現實有愛上她?他迴避說:「做戲一定要,呢個我喺佢身上學,有次佢寸我,佢唔知我做音樂,佢聽到我唱歌,就叫我唔好拍戲去寫歌,我講笑:『范小姐,我演戲係咪好差?』佢話唔係,但希望我可以再真啲,我點會唔真呀,佢話你試嚇再投入啲再拎個心出嚟,嗰刻我好努力拎個心出嚟擺喺部戲度,最後發覺真係唔同,我又發覺點解佢演戲咁好呢,佢好執著真誠呢樣嘢。佢有幫我開啟演技,最意外係我有概念大演員有個演戲方式,眼見同真實係兩回事,佢私下好平易近人,唔係女神,係鄰家女孩,呢樣感染到我,我下次要好真好真。」

「唔使介意俾人拒絕」

                                    李治廷在《一》片中不介意姊弟戀,現實中會否勇敢去愛?他說:「以前我冇咁勇敢,但拍完呢部戲受感染,愛情好純潔,唔可以諗瘀唔瘀,唔去諗面子,係咪上司同姊弟唔係咁重要,真係鍾意嘅話,唔使介意俾人拒絕,阻礙一段美好愛情發生。我以前好典型同理性,會考慮追求對象同我啱唔啱key、朋友點睇、或者父母會唔會鍾意,有冇發展可能、工作有冇時間見面之類,城市長大男女都會去諗呢啲嘢,同我朋友唔啱key會嗌交就唔好,呢啲諗法搞到我錯失愛情機會。我而家儘量想放低呢啲睇法,純粹用心去感受世界,不過講就易,真正做到都好難。搵到啱嘅人,想試嚇放低框框勇敢去愛。」
主場 李治 廷戀 戀冰 冰冰 冰唔 唔怕 怕瘀
PermaLink: https://articles.zkiz.com/?id=283722

唔怕貨比貨 李敏鎬想同金秀賢鬥戲

1 : GS(14)@2014-09-04 12:31:43

https://hk.news.yahoo.com/%E5%94 ... 8%B2-224600081.html

【晴報專訊】「亞洲第一男神」李敏鎬昨日快閃襲港六小時,專程出席茶類飲品代言發布會。心情不俗的他,大方表示如果遇到好劇本,不排除與另一男神金秀賢合作。

李敏鎬昨日下午約二時現身發布會,在台上露面大概20分鐘。可能大會安排的白煙效果太多,當李敏鎬出場時,卻一面用手撥白煙。他先以廣東話向大家打招呼:「大家好,我係李敏鎬!」相隔兩個月再次來港,李敏鎬的廣東話似乎未有生疏。

在台上全程笑笑口的他,表示剛剛完成首部擔正新片《江南Blues》的拍攝工作,而本月中將會飛往上海工作。他又透露,近日工作排得密麻麻,為準備世界巡迴演唱會忙於練歌和錄音。提到劇集方面,他坦言:「自與朴信惠拍完《繼承者們》,至今未有合作計劃,我們會用短信互相聯繫。(會否與金秀賢合作?)大家都是20幾歲的演員,對演戲很有熱誠,如果有好劇本、好故事,一定會爭取。若我們有機會合作,相信會擦出不少火花。」

未知幾時服役

傳李敏鎬今年要服兵役,暫別娛圈,他即澄清說:「其實連我自己都不知道何時要去(服役)。」此外,問他是否滿意代言酬勞,李敏鎬笑而不語,但有記者想追問關於李秉憲遭勒索的風波時,即被大會截停。活動結束後,他隨即趕往機場搭飛機返韓。

撰文:阿玥

攝影:Lego

編輯:陳禮恒

設計:鄧俊明
唔怕 怕貨 貨比 比貨 李敏 鎬想 想同 金秀 賢鬥 鬥戲
PermaLink: https://articles.zkiz.com/?id=285358

學友唔怕煙繼續唱

1 : GS(14)@2015-01-27 15:14:14





張學友日前在台灣為新推出的國語專輯中歌曲《我醒着做夢》拍攝MV,今次動用到水和火拍攝,學友要親身走進預先營造的沙灘上涉水而行,湊巧當日遇着寒流,工作人員在場準備了大暖爐和大量暖包及暖水給學友禦寒,學友事後表示由於做足心理準備,沒想像中那麼冷。另一幕大火燒床場面令現場煙霧瀰漫,但學友依然面不改容地唱歌。拍攝當晚好友哈林(庾澄慶)專程買了熱辣辣甜品親自駕車到片場探班,哈林還跟學友笑說:「第一次自己駕車到片場,差點迷路。」學友則取笑哈林:「哈林比較節儉,很少請客的。」意想不到任達華也在隔壁片廠開工,特別過廠探學友班,給學友帶來驚喜。撰文:卓寶花





來源: http://hk.apple.nextmedia.com/entertainment/art/20150127/19017388
學友 唔怕 怕煙 繼續
PermaLink: https://articles.zkiz.com/?id=287503

唔怕湯怡有BB洪卓立:我一向都好安全

1 : GS(14)@2015-04-13 08:56:18

前晚《饑饉三十》喺黃竹坑運動場舉行,洪卓立就上年就帶病上陣,扁桃腺發炎,而前日立立都係有病,佢話大前日跑步前嘅時候,諗住去食啲嘢,就去咗食燒鵝,食完之後就即刻肚屙,佢就話:「之後我上網睇番,嗰間嘢20個人留言都係鬧,今日就最嚴重,又肚屙又胃痛,不過都唔敢睇醫生住,因為今晚要唱歌,食咗藥會聲沙,同埋搞到把聲乾晒。」立立都有講到上年「饑饉」自已都係病,佢就話:「可能係個天叫我要食少啲,我啲朋友話我之前同女朋友去旅行好食好住,依家要還。」講到如果係女朋友又屙又嘔的話,會唔會怕女朋友有咗BB,立立就話:「唔驚,我一向都好安全,我係一個幾安全同幾有計劃嘅人。」至於去到探Yumiko嘅時候,會唔會取經,佢就話唔使咁快,仲講多次:「我都話我好安全。」講咗兩次,睇嚟立立真係好安全。





來源: http://hk.apple.nextmedia.com/entertainment/art/20150413/19110822
唔怕 怕湯 湯怡 怡有 BB 卓立 一向 都好 安全
PermaLink: https://articles.zkiz.com/?id=289542

曾江唔怕被虐:有要求逼出質素

1 : GS(14)@2015-04-23 02:16:14

■曾江謂就算給他再揀,他都選做龍成邦。攝影:陳志嵐


出爐金像獎最佳男配角曾江,在神劇《大時代》扮演總華探長龍成邦,也是郭藹明父親,在劇中他被鄭少秋飾演的丁蟹綁架,曾江嚇到在車廂瀨屎瀨尿,被秋官嫌污糟用水喉狂射,這幕經典,觀眾至今難忘。


【曾江】潛逃台灣的總華探長龍成邦,與毒梟周濟生是結拜兄弟,後來認展博作乾兒子。

叫秋官放盡

80歲的曾江昨日在尖沙嘴接受本報記者專訪,談到當年這幕經典場面,他記憶猶新說:「我記得沖水時佢錫住我,但我同佢講:『假嘅有乜好睇?真係沖落去撞到我,又有水花,好激情㗎嘛,觀眾係好殘酷,鍾意見到演員俾人糟躓,我話阿秋你嚟啦,唔好就住。』一係我就唔做,但點解唔做盡?」曾江和秋官同是要求高之人,高手過招是否火花四起?曾江笑說:「佢有要求,我有要求,所以出嚟啲嘢係有質素。」各有要求會否有拗撬?他坦言:「肯定有,但我覺得有拗撬啲嘢先至出嚟,個個人都係咁演,有乜癮?我哋知道出發點係想整個戲好。」如果可以再選擇,曾江想演繹哪個角色?他笑笑說:「我都係適合做龍成邦,但如果做丁蟹,我演繹方法同秋官一定唔同,可能有另一個感覺。」



想郭藹明好

劉青雲在劇中演出鋒芒畢露,曾江也大讚:「青雲最好嘅嘢,就係冇戲裏面有戲,哭哭啼啼容乜易,但冇戲裏面有戲唔容易。」至於扮演他女兒的郭藹明,曾江說:「佢未做過戲,記得我有場戲暈咗喺屋企,佢要拖我,但佢拖唔郁,希望我可以幫佢,但我話no,最憎係道具畀個空篋我,冇感覺吖嘛。我唔係鍾意教人,我就想佢好,佢選美出嚟,需要有人畀條路佢行。」撰文:戴彩煥場地提供:Harlan's(The One)





來源: http://hk.apple.nextmedia.com/entertainment/art/20150422/19120829
曾江 江唔 唔怕 怕被 被虐 要求 逼出 質素
PermaLink: https://articles.zkiz.com/?id=289844

唔怕證監查 細價股陸客玩晒 周顯

1 : GS(14)@2015-05-13 12:32:12

http://www.mpfinance.com/htm/fin ... mnist/en30_en30.htm
【明報專訊】恩達集團(1480)股價暴升暴跌事件最令人費解之處,是因為炒作手法﹕從暴升兩倍幾,至102元、244.8億元市值,至暴跌至最低16.8元,單日高低波幅507%,並且在一天內發生,轉折實在太快和太大,我對朋友說﹕「如果它分開幾日做,炒上102元,企番度幾個月,然後慢慢派貨、慢慢跌落,大家都可以接受,現在做到咁離譜,博拉咩!」

做到咁揚,證監會好難唔做,正如詹培忠的說法﹕「你拎住支槍指住香港人,都唔敢咁樣炒。」

正因為實聽拉,所以香港人從來唔敢這樣炒股票,但是大陸人卻不怕這個,皆因證監拉人,要請人去問話,如果是香港人,那還好做,出封信,寄到他的家,或者是深夜或晨早到訪,拿搜查令,突擊搜查,拿晒你家裏的文件、手機、電腦、銀行戶口記錄,問你走得去邊?

港人逃得了和尚 跑不了廟

但是對大陸人,住址證明是中國青海省某個小鎮,寫信去無人覆,坐飛機去都要轉幾程車,當然不可能親自搜查,證監也不可以發搜查令,派人找人,可能找不到,找得到但對方不合作也無符,派去的人隨亦時渣都無得剩。記得當年有人去江門查「東寧孖寶」,結果都是空手而回,連條村都幾乎入唔到啦!

就算找到人,咁又點,人家全部都是用互聯網交易,一旦找到了,他們可以說﹕「哎呀,我什麼都不知道,戶口是給人盜用了,我沒有買賣過!」再一查,這條友可能連電腦也沒有,怎去電腦買賣呢?當然了,這名仁兄只是個人頭,操縱戶口者另有其人,這名人頭也不會認識操縱戶口的人……點捉?

所以,在今日的市,細價股市場都是大陸人玩晒,因為他們不怕拉,至於香港人,逃得了和尚,跑不了廟,家爺仔晒度,又驚死又怕坐監,點夠這些隱形的人玩?

[周顯 投資二三事]
唔怕 怕證 監查 細價 價股 股陸 陸客 客玩 玩曬 周顯
PermaLink: https://articles.zkiz.com/?id=290286

【全球首部】浮水手機唔怕出大海 網上集資籌旗

1 : GS(14)@2015-10-16 01:46:45

手機最大的敵人是甚麼,一個是地下,因為每次墮地都有機會爆芒,而更強大的敵人則是水!因為每次「插水」,都會有機會燒機!


無錯!市面上已經有不少防水手機,內置強大的防水功能,如果跌在浴缸、廁盤,或用水喉沖沖就冇問題,但如果跌在大海中又如何?看着手機屏幕的光,在深海中不斷下沉、消散,那一份悲壯,真係非筆墨所能形容!為了針對這種極端大頭蝦的需要,有人在集資網站INDIEGOGO發起了Comet手機的「籌旗」活動,此機行Android底,4G LTE及GSM制式,估計香港都啱使。不過最勁係佢個IPX7防水功能,除了一般的1米/30分鐘防水外,佢還加入了全球首具的浮水功能,所以就算你將佢跌咗落海,唔使搵蛙人潛水幫你搵機,只要用一個魚網將佢撈起就搞掂晒!機價唔算貴,249美金買到32GB版、289美金可買64GB版本,不過處理器及記憶體等資料暫時欠奉,感覺冒險性非常高!記者:朱崇德





來源: http://hk.apple.nextmedia.com/su ... t/20151015/19333120
全球 首部 浮水 手機 唔怕 怕出 大海 網上 集資 籌旗
PermaLink: https://articles.zkiz.com/?id=293285

阿嬌唔怕Juno同場

1 : GS(14)@2015-11-02 08:53:00

■阿嬌前晚與因工作缺席頒獎禮的Juno(小圖)緣慳一面。


「香港流行音樂MV頒獎禮」前晚在九展舉行,鍾欣潼(阿嬌)與蔡卓妍(阿Sa)的Twins和麥浚龍(Juno)分別憑《LOL》和《羅生門》MV攞獎,除阿Sa外,Juno亦因工作未有出席,與阿嬌緣慳一面。問阿嬌會否親自執導拍MV?她表示未有此想法,問是否喜歡拍片?阿嬌說:「真係好少。」會否怕跟Juno同場尷尬?阿嬌說:「冇呀,佢嚟唔嚟關我乜嘢事箒?見到咪Hi囉。」跟Juno是否沒聯絡?阿嬌反問:「佢唔係自閉咩?」


麥浚龍(Juno)資料圖片


同場的吳若希對於有報道指她與鄭俊弘一齊出騷合共收2萬5千元酬勞,吳若希寸爆回應:「你哋信唔信吖?呢啲新聞都係搵嘢嚟寫。」採訪:盧妹攝影:陳俊強





來源: http://hk.apple.nextmedia.com/entertainment/art/20151101/19355334
阿嬌 唔怕 Juno 同場
PermaLink: https://articles.zkiz.com/?id=293719

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019