ZKIZ Archives


俾面派對吳傑莊

2008-6-12  NM




正當不少三字頭的港男還喪打「芒亨」的時候,三十三歲的吳傑莊,已研發了「人面識別」技術,替四川災民隔空尋親。

他認為搞I.T.,香港根本沒生存空間,北上是唯一出路。但國內做生意講人事講Guanxi(意思「關係」,外國有此專科來研究這種中國營商特色),他作為土生土長又沒家底的港男,惟有不斷參加俾面派對,增加自己籌碼,最終贏得北京奧運場館的保安系統合約。

四川大地震,社會各界紛紛出錢出力賑災。為協助失散災民與至親聯絡,專長人面識別技術的吳傑莊,立即聯絡四川省政府,匆匆製作「512人臉尋親」網站,義務協助地震中的三孤(即兒童、老人及傷殘)尋找親人。

短短三星期,網站已收集了數百張失散者的照片。「幫得一個得一個啦,依家最希望聯絡到中央,擴大網站規模。」吳傑莊說。

有 別於一般尋人網,吳傑莊的網站設有人臉配對功能,加快尋親速度,「親人只要將失散者嘅相片上載到網站,即使係好多年前嘅相,系統亦會將相中人嘅面部特徵同 我哋相片資料庫做配對,可以好準確判斷到有無相同嘅人。」其實○四年南亞海嘯,他已做過類似網站,「不過嗰次係幫人辨認遺體。」

投得奧運保安靠關係

吳傑莊雖然三十出頭,但其創辦的鈦極科技,是全球僅有四間研發人面識別技術的公司之一,去年其公司更在美國NASDAQ上市,營業額年達三千萬港元。

現時在羅湖及皇崗的內地電子過關通道,除指模認證外,另有一重面相認證,便是他的傑作。「系統主要認眼、鼻輪廓特徵,就算化妝、戴眼鏡,肥咗瘦咗都認得到,準確度達九成九。」

而 香港的大企業,包括電訊盈科、恒基及房委會等,都是鈦極的客戶;甚至連八月開幕的北京奧運場館,亦選用了他的技術,應用於工作人員進出控制中心的保安關 卡。他強調這機會得來不易,全因早年結識了負責此項目的國防科工委員,「內地項目唔似香港咁會公開投標,唔識人嘅話,根本無渠道參加。喺大陸做生意,唔單 只睇產品,更重要係個人嘅貢獻,分數越高,生意自然搵你。」他一本正經地說。

為此,他未夠三十歲時,已當上長春市及中山市的政協委員,卡片亦放棄一國兩制,全以簡體印刷,逐一列出「全國青聯委員」及政協委員等職銜。在他公司會議室的當眼處,更擺放了自己與國家主席胡錦濤握手的照片,「我因為企第二行先握到,企到七、八行嗰啲,連機會都無。」吳傑莊一臉自豪地說。

貴為兩市政協委員,他認同有些特權。上星期他駕車帶記者到深圳寫字樓參觀,於皇崗排隊過關時便透露:「如果趕時間,我會轉行特別通道,雖然話係全國政協先用得,但有時都會側側膊照用。」

身份被看高一線,惟吳傑莊有苦自己知:「做政協初期,入面個個起碼六、七十歲,好似老人院咁,同佢哋溝通唔到,唯有出少啲聲。」為使自己看起來較成熟穩重,他將維持多年的長髮剪短。

為與長春市政府打好關係,他試過投資風馬牛不相及的靈芝孢子廠,最終執笠收場,「佢哋叫我搵啲嘢投資吓,咪諗長白山靈芝囉,做落先發現唔適合自己。」

他香港土生土長,坦言以往對祖國認識很膚淺,「完全無概念,國籍一欄都係填香港。中學、大學又無讀過普通話,初初真係唔識聽,要講就用香港音讀歪啲,一係索性唔講。」結果花了兩年時間實地訓練,才學懂流利對答。

焗返內地覓商機

作為三字頭的香港仔,他最初也沒料到要北上闖世界。九六年在理大製造工程系一級榮譽畢業後,繼續在校內研究將人面識別技術應用於鐵路的售票系統,「乘客買飛時,鏡頭會主動識別佢嘅種族、年齡等,作出唔同反應。如外國人的話轉用英文,遇到老人家,電腦會識得講慢啲。」

兩年後,吳傑莊與三名大學同學斥資兩萬元創業,研發指模識別技術,應用於電腦系統登入。他憑這套技術,獲選○○年的「香港十大數碼傑出青年」。

其後,該技術吸引到富豪集團主席羅旭瑞私人入股,最終更以七位數字買斷,令他賺得過百萬元,「當年每個地產商都有個I.T.項目,無會好outo架。」他笑笑口說。

賣 盤後,他接着創立鈦極科技,取名源自鈦的化學名稱「TI」,象徵「Technology & Innovation」,大搞老本行的人面識別技術。無奈本地人才缺乏,他遂於翌年將開發及研究往北遷移,碰巧當時國內邀請他到北京出席「中國十大傑青」 頒獎禮,令他認識不少猛人,更察覺到內地市場潛力龐大:「十三億人口嘅市場,比香港大好多,而且國內接受新技術比較進取,肯trial and error;相反香港要整套技術perfect先肯推出。」

他舉例內地各入境口岸,兩年前已全面採用人面識別技術。惟本港入境處,則遲遲未有定案,「佢哋諗得好長遠,套技術我sell咗四、五年,仲係不斷叫我哋做R&D。」

一半時間做義工

認定國內人際網絡極為重要後,吳傑莊每年花近一半時間,參與內地的義務工作,起初他「跟大隊」參加考察團,並替農村兒童免費設計電腦學習軟件。

慢 慢由團友變成了搞手,記者跟他訪問期間,他手機響個不停,他笑說:「內地青聯搵我幫手帶團訪問天津,會有一百幾十人上去考察。」那一百幾十人,全屬本港年 輕企業家,當中不乏富豪第二代。記者問他包括那位,他即拿起上次考察的相片指着:「啟剛同家彬,你哋都識o架啦。」他所指的,是霍震霆之子霍啟剛,以及莊 士集團太子爺莊家彬。

但其實吳傑莊的背景,跟啟剛和家彬相差極遠。他的父親是一名冷氣技工,小時候一家居於屯門大興邨,但他不覺得跟這班富家子弟相距很遠,更以「老友」來稱呼對方。

何謂人面識別?

人面識別與指模識別,同屬生物識別技術,會根據人的樣貌特徵,來鑒別並確定一個人的真實身份,大多應用於保安及考勤。

操作時電腦系統會掃描使用者的面部特徵,如雙眼、眼眉毛及鼻作檔案儲存及用作識別。由於面相暴露於外,故不觸犯私隱條例,因此較用指紋或手掌識別更衞生和方便。

吳傑莊檔案

33歲已婚

1996︰理大製造工程系一級榮譽畢業

1998︰創業搞指模識別技術

2000︰獲選香港十大數碼傑出青年

2001︰開設鈦極,專研人面識別技術

2002︰取得理大工業及系統工程博士學位、任長春市政協委員

2003︰憑人面識別軟件「Face OK」,奪香港工業獎「創意創業大獎」

2006︰公司於NASDAQ上市

 


俾面 派對 吳傑 傑莊
PermaLink: https://articles.zkiz.com/?id=24641

[貼圖]吳傑莊

1 : GS(14)@2011-04-10 22:11:39


2 : GS(14)@2011-04-10 22:11:52

當 70後嗌捱得辛苦、 80後嗌無機會,咁香港嘅年輕人,到底仲有無明天呢?「係香港社會氣氛有問題,令佢哋覺得香港只有兩三個行業!」年僅 36歲嘅吳傑莊,喺 2000年獲選「香港十大數碼傑出青年」,靠 IT搵到第一桶金,要留意,係無家底、無靠山、肯蝕底、識爭取、夠毅力,完全獅子山下最典型嗰隻奮鬥故事,「最幫到自己嘅就係自己!」
公屋長大嘅吳傑莊,係專研人面識別技術嘅鈦極科技嘅創辦人,公司喺美國上市,「我對自己有要求,大學嗰陣,大家同學傾偈,我自己呢,就想有間上市公司!」無夢想嘅人,同一條鹹魚無分別,後生仔,諗頭真係不妨大一啲。

「創業最緊要堅持 肯蝕底」
成功,當然唔係必然,尤其你唔係阿邊個富豪個仔。吳傑莊當年係搞生物識別嘅, 2003年嗰陣,佢開發嘅 FaceOK,喺美國最大嘅 IT展覽 COMDEX贏咗 Best Of Comdex,當年膽粗粗去參展,都係自己慳住使,一手包辦咁起程。後尾,公司上埋市再賣埋,家佢最鍾意互聯網,而淘至尊,就係一個科技含量極高嘅網上商店,而且仲應用咗大量面相識別技術。
「其實創業最緊要堅持,肯蝕底,剛剛出嚟創業,你會遇到好多唔知係咪機會嘅機會,每次你都驚俾人搵笨嘅話,咁你會錯失好多機會。」佢又補充,「與人共事先學吃虧,做落去你保持到自己信用,人哋係會賞識你嘅。」但時下大部份年輕人似乎無呢種心態,「呢一代嘅後生仔可能比我哋聰明得多,可能計算得比較準確,計有無利潤,但咁就短視同影響佢哋長遠發展。」
所以,佢極之反對香港無機會呢個講法,「後生仔覺得無希望,係因為只睇到金融地產呢啲已經俾人開發晒、飽和晒嘅行業,其實互聯網嘅世界有大把機會,係地產同金融嘅前輩唔識做嘅,而互聯網產生嘅生意,機會更加係無遠弗屆……」
吳傑莊拍到黃英豪有人話好彩,查實兩人十幾年前喺天津考察度認識,就算惺惺相惜,都先經過一段長時間嘅觀察至合作,與其話吳傑莊好彩,不如話兩人都識得把握機會,搵個幫到自己手嘅人做 partner。咁吳傑莊又係咪順風順水?
「嗰陣集咗資返來公司就要請人,自己又未打過工,把握唔到打工心態,搞到好多人要走,咪即刻補鑊學點管理囉……」所以,成功同失敗,其實同你係幾多十後無關嘅!

吳傑莊小檔案
36歲,已婚
• 1996年 理工大學製造工程系一級榮譽畢業
• 1998年 創業,開發指模識別技術
• 2000年 獲選香港十大數碼傑出青年
• 2001年 開設鈦極科技,從事面相識別技術研發
• 2006年 公司在 Nasdaq上市

公職:
•全國青聯常委
•菁英會司庫
•香港理工大學客座教授
•香港創新科技協會會長
•香港青年生動力主席
3 : GS(14)@2011-04-10 22:12:05

力撐菁英會 非富二代俱樂部
2011年04月04日

認識吳傑莊,好多人係由一堆組織開始─全國青聯常委、菁英會、香港青年學生動力等,或者因為組織內某啲富二代成員形象太過深入民心,所以普羅大眾唔覺上述組織「做到嘢」。「我哋其實做咗好多嘢 o架!」吳傑莊咁講。
「好似菁英會咁, 2008年已經搞大型招聘會,到家都年年做,今年係 3月 19日搞,有 1000份工畀啲後生仔見工。」由於彤叔長孫鄭志剛有 sponsor,所以呢個活動家冠名叫「共創新世界」,每年喺上海、北京搵啲工作畀年輕人。
唔止咁,菁英會仲年年主辦博鰲青年論壇,另外,會內分咗 10個研究社,向中央政策研究組同政府畀意見,「我自己係 IT嗰組。另外,嚟緊 8月會組織一個 8000人嘅學生團,去參加深圳世界學生運動會,等佢哋了解吓外面嘅世界。」睇嚟,唔係一個富二代俱樂部咁簡單喎。
4 : GS(14)@2011-04-10 22:12:20

力撐菁英會 非富二代俱樂部
2011年04月04日

認識吳傑莊,好多人係由一堆組織開始─全國青聯常委、菁英會、香港青年學生動力等,或者因為組織內某啲富二代成員形象太過深入民心,所以普羅大眾唔覺上述組織「做到嘢」。「我哋其實做咗好多嘢 o架!」吳傑莊咁講。
「好似菁英會咁, 2008年已經搞大型招聘會,到家都年年做,今年係 3月 19日搞,有 1000份工畀啲後生仔見工。」由於彤叔長孫鄭志剛有 sponsor,所以呢個活動家冠名叫「共創新世界」,每年喺上海、北京搵啲工作畀年輕人。
唔止咁,菁英會仲年年主辦博鰲青年論壇,另外,會內分咗 10個研究社,向中央政策研究組同政府畀意見,「我自己係 IT嗰組。另外,嚟緊 8月會組織一個 8000人嘅學生團,去參加深圳世界學生運動會,等佢哋了解吓外面嘅世界。」睇嚟,唔係一個富二代俱樂部咁簡單喎。
貼圖 吳傑 傑莊
PermaLink: https://articles.zkiz.com/?id=273878

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019