ZKIZ Archives


財經評論:日版卡樂B冇貨賣

1 : GS(14)@2017-04-28 00:53:29

猶記得去年北海道風災,令大批旅客滯留新千歲機場,禍不單行,數月後日本傳媒報道指,北海道因屢受颱風吹襲,令薯仔失收,故當地薯片巨企卡樂B需要無了期停止供應10多款薯片。最誇張的是,有人將數款日本版卡樂B放上拍賣網拍賣,售1,280日圓一包(折合約90港元),較原價不足200日圓貴5倍,可見日本真的出現「薯片荒」。有居住在日本東京的朋友告知,附近超市、便利店的確只剩餘數款薯片,最受歡迎的「幸福牛油」口味亦沽清,自己及身邊朋友唯有食其他口味薯片「頂住肚先」。她續稱,連附近藥房都無賣,笑指不知旅客點帶「Made in Japan」的卡樂B充當手信。由於日本生產的卡樂B有七成的原材料均來自北海道,現時存貨近乎見底,而日本卡樂B則指,會考慮採用來自美國進口的薯仔,並加快日本南部九州收成期。事實上,日本企業對食物原料要求十分高,大部份企業堅持不依賴進口貨,認為會對「國貨」造成衝擊,加上當地政府為保護國土,對農業進口的管制十分嚴格,所以每當有短缺,單靠農業亦難補上。不知說日本墨守成規,或保護意識強,總之卡樂B是次如果打算轉用其他國家如美國等地進口薯仔,亦非易事。根據該公司2016年年報,其銷售額每年穩步上升,全年達21.8億美元(折合約169.66億港元),按年升10.8%,可見該公司產品受歎迎程度甚高,當中薯仔類零食為主要收入來源,佔51.7%,其薯片類產品佔高達32%。雖然今次事件中,卡樂B並無公佈預計的經濟損失,但據上述數字,在薯仔類產品佔一定高水平的情況下,料損失不少。然而,因在香港生產的卡樂B薯片,採購來自世界各地,故生產不會受影響,大家可以放心,繼續享受薯片樂。記者:范穎琛




來源: http://hk.apple.nextmedia.com/financeestate/art/20170427/20002669
財經 評論 日版 版卡 卡樂 冇貨 貨賣
PermaLink: https://articles.zkiz.com/?id=331524

唱住《霉之戀》排長龍買新盤排到發霉冇貨爆血管

1 : GS(14)@2017-05-27 08:54:27

荃灣海之戀今日開售首輪496伙,今朝一早,有意認購人士已經到場排隊,龍尾排到去半島豪庭對出天橋,相當誇張。個市咁癲,《蘋果動搞作》團隊即刻作番首歌仔《霉之戀》嚟諷刺吓呢個現象先。《霉之戀》(原曲:《霧之戀》主唱:花之戀 填詞:花枝丸低宅街景一粒星 頂樓海景七粒星 望落就靜海風幾應看似四四正正五百呎現實實在是幻像 你要看 點都有得傾一梯幾伙得單丁 七樓九樓都沽清落寞靜望着 冇盤供應我要暗票控訴有米客三伙始終都優先洗手間都冇得去羅仲謙戴罩置身喺隊尾賴運氣 目前亦冇樓住如廿歲仔靠那老媽竟一炮過豪畀佢成敗靠運氣唔係冇道理要答謝母親每次也在隊尾 每次也在隊尾個市已黐筋喊都冇用這次我話之理 這次我話之理我喫塊花之戀 冇貨




來源: http://hk.apple.nextmedia.com/entertainment/art/20170527/20035138
唱住 黴之 之戀 長龍 買新 新盤 盤排 排到 到發 發黴 黴冇 冇貨 貨爆 血管
PermaLink: https://articles.zkiz.com/?id=334205

Hea富生活 :工商廈有盤冇貨賣

1 : GS(14)@2017-06-10 13:07:52

話說上月有朋友準備買一個寫字樓自用,睇中心水區域的低水盤,於是爽快落票,可是這次遇到一般買家最討厭的情況,那個業主反價完再反價,沒甚經驗的小妹妹經紀應付不了,要求我朋友一齊去跟業主講數,我提醒朋友:「樓,並唔係咁買,如果你上到去,佢只會吊得更高。」本來一個低水盤,變成高過市場價,當然收番張票畀個下馬威對方先喇。現時寫字樓市道並不暢旺,不是市道差或無買家,而是業主惜貨如金,在現今資金氾濫和低息環境下,本地及國外資金大量進入商業物業市場尋求回報或自用等升值。商廈業主大多是企業老闆或財團,大部份沒銀行按揭持有現契,賣出物業雖然有錢賺,但未找到更好的資金出路前,只會將價錢吊到高一高,願者上釣。所以市場出現「有盤冇貨」情況,意思是業主放個高價諗住到價先算,但到買家畀票又驚賣咗唔知買乜,心大心細下唯有反價再放高一格。商廈買家多是生意人或專業投資者,多數理性,不會高追,幾位相熟經紀都呻近來成日白做,辛苦將個波帶到龍門口,個龍門又走遠了,有攻勢冇入球。


中西區寫字樓搶手

早前中環美利道和啟德兩塊商業地皮分別以233億和246億元破政府賣地史上最貴地皮紀碌,美利道呎價5萬元更創商業地皮樓面呎價新高,隔籬左右甲級商廈都賣唔過4萬蚊一呎,麵粉貴過麵包。表面看來價錢不設實際,但諗真啲又合情合理,以中環金融地標商廈IFC為例,呎租200元,若5萬一呎,即租金回報4.8厘,係喎,未計建築成本,咁on top加多6,000蚊,預計5年後落成,新地標收租250元一呎應該不難,回報接近5厘。加上恒基於中上環及其他香港各區持有大量甲乙丙級商廈,現時最貴都只是賣3萬多元一呎,只要之後調整到5萬元,還有二、三十個巴仙升幅水位,乜都賺番晒。我有個老友2009年開始囤貨,以平均每呎6,000元大量買入西環丙級商廈,時至今日升值一至兩倍。以往甲乙級商廈是用家主導,上年開始越來越多炒家入市,呎價3萬幾,六、七千呎照買不誤,唔通真係貪佢一、兩厘回報咩?當然是覺得有升值潛力。在不同地產經紀口中得知,不止大陸財團,外國家族基金如新加坡亦愛來港投資,特別鍾情罕有的中西區甲乙級寫字樓,我估計未來至少還有30%升幅。全球量化寬鬆,其實外資並不是非香港地產不可,基本上度度買啲分散投資,只要香港仍是一個法治社會,就會有份。郭釗
http://www.fb.com/heaology.edu本欄逢周四刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170608/20047975
Hea 生活 商廈 有盤 盤冇 冇貨 貨賣
PermaLink: https://articles.zkiz.com/?id=334918

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019