ZKIZ Archives


直擊《行屍》武器庫邊個話玩具展小兒科?

1 : GS(14)@2016-02-18 23:32:11

2016北美玩具展(Toy Fair2016)近日在紐約舉行,吸引不少玩具廠商參展,更出動鎮店之寶同場較勁。從大熱美劇《行屍》(The Walking Dead)中使用的「武器」,到可以「飄移」的賽車,應有盡有,不論年齡同樣吸引,誰說玩具小兒科?駐紐約記者:陳郁仁、黃競鋒玩具展現場出現「武器庫」,而且武器種類齊全──手槍、半自動步槍、全自動獵槍……玩家可模仿《行屍》中情節,體驗親自把槍上膛,擊敗殭屍的樂趣,而且「子彈」是軟質的海綿,不會受傷。除了武器,還有玩具商推出兒童汽車,時速達3公里至8公里;最厲害的「龍捲風」時速高達19公里,更可飄移、甩尾,提供超實感「賽車」體驗,但因為太刺激,所以「車手」必須為8歲以上。不喜歡刺激?展覽還有非一般寵物產品──養螞蟻。小朋友可用塑膠管將不同螞蟻箱連結起來,讓螞蟻可到鄰居家中作客。而且飼養方法簡單,只需每兩至三天用麵包屑和水餵食,是訓練小朋友責任感的入門級選擇。不過每年都在紐約舉行的玩具展,只是讓玩具商有機會展示及交流最新研發的玩具和創意,及接觸零售商洽談合作,並不開放予一般市民參觀和購買。





來源: http://hk.apple.nextmedia.com/international/art/20160218/19495819
直擊 行屍 武器庫 武器 邊個 個話 玩具 小兒科 小兒
PermaLink: https://articles.zkiz.com/?id=296212

【女人揸車】3個只揸棍波的90後女生︰「邊個話女仔揸車一定差?」

1 : GS(14)@2016-11-29 00:15:41

Yan(左)、Raina(中)和寶寶(右)因車而結緣,對駕駛同時亦有一份感情。



女士經常被標籤為駕駛技術差,其實這個只是大眾對女性的無形歧視,不論男女對路面情況不熟悉,同樣都會有問題。事實上,近年多了女性駕駛,而且更鍾情於棍波,對於駕駛的熱愛不會輸給男士。Raina、Yan和寶寶三位90後的後生女,她們鍾情駕駛,亦因此結緣成為好朋友。她們認為社會對女士出了意外後的反應過敏「有很多報道都一旦說是女仔駕駛撞車,就會直角覺得好嚴重,然後直指是女性有問題。但事實上,男士亦會撞車呀!」



她們認為這是一個標籤的問題,可是卻不認為女士在路面駕駛時會容易受到男士的欺負「我們都會有被爬頭、推尾等等的情況,但不認為是刻意的,因為對方也知道你是男或女。」Raina補充說,當她駕駛自己的車,亦即是Honda Civic Type R EK9時,或駕駛着一些俗稱飛仔車的車時,其他車主就無時無刻都會推她的車尾,有挑釁的意味。「可是我試過駕駛家中的7人車,卻沒有人理我的。」路面的不同情況,不同男女也會遇上,只說女士技術差有點不公平。她們認為女士們較少機會駕駛,香港亦非必要駕車的城市,女士們的經驗較少實在正常不過,例如泊車,怎麼會有男女之分「有時在等男司機泊車,等待了五至十分鐘,都不知道他在幹甚麼,讓我有少少衝動想幫他。或許自己都試過P牌,都試過泊不到位比人嫌棄,所以又不會專登催促他們。」Raina說。女士們愛上駕駛的理由,其實與男士也一樣,追求的只是片刻寧靜。從小鍾情駕駛的Yan正是如此「放鬆、輕鬆,有時不開心都會跳上車。聽下歌、散下心,人都放鬆一點,自己沒甚興趣除了車之外。」寶寶卻視為挑戰,而Raina則希望能擴闊社交圈子。說實在的,男士們不也是同樣嗎。記者︰梁立勤攝影︰林柏鈞


寶寶雖然不是駕駛棍波,但同樣愛日本車,Acura RSX你會想到是一位女性駕駛嗎?

Yan同樣鍾情日本車,她坦言小時候已經覺得很有型,除了車,她沒有太多別的興趣。

近年越來越多女士愛駕駛,她們都經常與朋友相約出外車聚。



來源: http://hk.apple.nextmedia.com/su ... t/20161128/19847689
女人 個只 棍波 波的 90 女生 邊個 個話 話女 女仔 一定
PermaLink: https://articles.zkiz.com/?id=317426

太古廣場:邊個話冇free lunch?識食一定咁樣食免費餐

1 : GS(14)@2016-12-21 23:40:53

「若不用付費,用家才是商品(If you are not paying, you are not the consumer, you are the product being sold.)。」在KOL泛濫的年代,這句說話重新發揮它的魔力。不過家姐我志不在講呢啲marketing系高深話題,而是實實在在、飽肚嘅free lunch。最近一到lunch time,pantry又少咗人。Connie早早閃咗去尋找隱世美食、Priscilla搭叮叮返屋企陪個囡食完飯再返工,叫外賣free lunch塞爆pantry嘅情景已不復見。事源係一個幾個月前出現嘅叫外賣App,家姐我有幸收到風,又喺金鐘呢個咁具地利嘅地方返工,個App當時第一炮就係每個月sponsor三餐free lunch,上限二百蚊。二百蚊即係食到幾多嘢?我唔直接答你,我用例子答你。我叫嘅第一餐free lunch其實係free dinner,記得當日做完中期業績已經死死吓,飯都唔想落街食,偏偏又要喺公司等運到。唯一嘅highlight就係有得食免費餐。嗰陣個App仲未有好多餐廳,我揀咗一間越南餐廳,一碗火車頭、一盤刁草薯條配明太子沙律醬、一客蝦春卷,仲有兩罐汽水。落單半個鐘後送到嚟,薯條春卷熱辣辣,火車頭仲分湯上。而我,一蚊都無畀過。
App一開始送free lunch,梗係博你download咗個App先,以後再自己畀錢order;又或者博你打卡或者同朋友開心share,幫佢免費賣廣告。人肉廣告就係,你食咗佢餐free lunch,就變咗商品,好似變咗《千與千尋》入面隻豬咁。之但係既然要做商品,梗係要做賺到盡嗰個。新會員優惠當然用到盡,家姐我就食晒三餐free lunch。到Connie佢哋發現呢個App時,已經無二百蚊免費餐呢支歌仔唱,新會員得嗰五十蚊free quota。唔夠食free lunch,我哋都叫咗幾日免費芒果糯米糍同桂花糕做甜品,法國薄餅crepes都叫咗三、四次。媽媽級Priscilla做得仲盡,唔喺公司食lunch,都要叫支竹蔗矛根送到嚟公司,拎返屋企飲。免費喎,why not?個App現時已經唔算新,以一個App嘅周期嚟講,簡直係去到outdated嘅階段。呢個時候仲可以點幫自己日日賺?就係成為另一個商品──like佢facebook。公司都深明雞髀打人牙骹軟,日日都定時定候畀折頭promotion code,先到先得。計落我哋成個team加埋,已經免費食咗幾千蚊嘢。當然我哋貢獻晒啲私人資料去開account,又得閒喺WhatsApp同朋友讚吓隻App,仲like埋佢facebook。係做咗人肉廣告㗎,但啲免費炸雞同炸雲吞,又真係幾好食。故事係咪真係咁美好?梗係唔係啦,都話現時個個都出去食lunch又或者帶飯。除咗着數越嚟越少,啲伏位都慢慢浮現。有咩咁伏?下次再教精你,我到站落車趕去譚仔啦。【家姐教路】想知道免費優惠,都離不開subscribe email alert同埋like facebook。記得呢啲promotion多數有期限,如果唔想蝕,不妨order啲唔使補錢嘅細額小食,珍珠奶茶都係一個好選擇。最後最後,confirm order之前記得望吓係咪真係用咗promotion減咗價,詳情下次伏位揭密再講。關家姐
https://www.facebook.com/kwangajei/本欄逢周三刊出




來源: http://hk.apple.nextmedia.com/financeestate/art/20161221/19871670
太古 廣場 邊個 個話 話冇 free lunch 識食 一定 咁樣 樣食 免費餐 免費
PermaLink: https://articles.zkiz.com/?id=319630

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019