ZKIZ Archives


成日連結斷

1 : GS(14)@2010-10-02 10:18:22

http://realforum.zkiz.com/thread.php?tid=8546&page=0

http://realforum.zkiz.com/thread.php?tid=5786
成日 連結
PermaLink: https://articles.zkiz.com/?id=270965

港台套「一念之間」唔錯

1 : GS(14)@2010-10-02 10:19:46

http://programme.rthk.hk/rthk/tv ... 010-09-29&m=episode
初頭好live


痛愛 第1集:
2010-09-29 HKT
痛愛
Picture
PicturePicture
主題:家庭暴力

編導:夏桂昌
編劇:張飛帆
助導:周頌添
演員:邱廷輝、黃慧慈

年輕夫婦樂樺(黃慧慈飾)與阿澤(邱廷輝飾)當初雖然是奉子成婚,而阿澤表示過未有心理準備當爸爸,但面對已懷孕的樂樺,在結婚初期,阿澤卻表現得無微不至,把主要收入放在家庭之上,甚至向朋友借錢維持家庭。而樂樺也體諒丈夫的經濟困難,婚事不舖張,其母更遷出舊屋讓他們居住,以迎新生命;孩子的出生令二人的關係產生變化,在工作與經濟壓力下,他們開始互相猜疑,阿澤更動手傷害了樂樺,轉念之間,固執的樂樺相信自己能處理一切,拒絕求助,結果卻是事與願違,衝突與暴力不斷加劇,甚至到達不可收拾的地步,他們如何才能把關係修補?
2 : GS(14)@2010-10-02 10:20:43

http://programme.rthk.hk/rthk/tv ... &e=116719&m=episode
娃娃媽媽


主題:疏忽照顧兒童

編導:李麗珊
編劇:陳冬青
助導:卓健欽
演員:曾浩嵐、余敏鳴、宋卓熙、吳悅牽
          
二十一歲的Sue (曾浩嵐飾)及十七歲的詠儀(余敏鳴飾)同樣是年青媽媽,Sue是盡責的單親媽媽,帶著四歲大的兒子,鄰居詠儀是典型的問題少女,成天掛著玩耍,完全沒有當母親的自覺。

兒子開始唸書後,經濟負擔日重,Sue決定放棄綜援,重新投入社會工作,並請社區保姆照顧兒子,生活看似漸入佳境,但疲累的在職母親生活,及重新接觸年青的同事,令Sue開始感到自己為兒子犧牲太多…
男友阿強因傷人入獄數月,詠儀頓時失去經濟支柱,更糟的是,她發現自己懷有身孕。不想再被孩子綑綁的詠儀,硬著頭皮四處向朋友借錢打胎,最後找上了Sue。
為了錢、為了對照顧孩子的態度,二人大吵一場。這一夜,一個母親獨留孩子在家,另一個母親對未來感到絕望…
3 : GS(14)@2010-10-02 10:21:53

http://hk.apple.nextmedia.com/te ... 867&art_id=14500464
【專題報導】「贏咗場交,輸咗個家,值得咩?」家庭暴力中,施虐一方明知「不值得」,也可能會在盛怒一刻傷害身邊最愛。 50後大男人,面對經濟壓力借酒澆愁,威脅「白刀入,紅刀出」; 60後男女權力趨平等,男方感被「削權」,妻子露臂竟責發姣; 70後後生仔不懂相處,妒忌心重,激情變慘劇。幸好,他們都能及時回頭。
記者 袁慧妍
贏咗場交 輸咗個家浪子終回頭

50後 事業不如意舉刀要刺妻

大男人心態,差點令四分一世紀的婚姻畫上句號。 58歲的成哥 25年前結婚,成嫂的噩夢卻在婚後開始。成哥經常一晚飲幾十罐啤酒,借醉虐打妻兒,用拳頭、皮帶,妻子懷孕時也不能倖免,家裏地板滿佈刀孔,有次甚至向着成嫂「拎住把菜刀話白刀入,紅刀出」。但當他看見兒子在卡紙畫上一家人拖手圍圈的情境,終醒覺自己是罪魁禍首。今日的成哥提醒天下男士︰「做一個真正嘅男人,就唔好郁手」。
成哥曾擁近千名員工的製衣廠, 25年前結識比他年輕 12年的成嫂,拍拖數月即抱得美人歸。他第一次動手是他跟朋友外出吃飯,成嫂問了一句「咁我食乜嘢」?即被掌摑。當時她只有 20多歲,後來成哥虐打次數越來越多。
解開鬱結歡樂家庭重現
放大圖片
成哥(右)曾手持菜刀對成嫂(左)說:「白刀入,紅刀出」,但成嫂對他不離不棄。 馬泉崇攝

成哥(右)曾手持菜刀對成嫂(左)說:「白刀入,紅刀出」,但成嫂對他不離不棄。 馬泉崇攝
12345678910

90年代初,香港經濟轉型,製造業不再吃香,成嫂的保險業務蒸蒸日上。成哥飽受生意壓力,借酒澆愁,一晚豪飲 60罐啤酒,曾企圖襲警,被判守行為。因傾生意北上過夜,成嫂噓寒問暖卻變成虐打妻兒的導火線。
02年家暴曝光後,社署跟進,成哥開始明白自己不肯承認事業失敗和身份危機,卻發洩在家人身上。後來他參加社署男士成長小組,現在心情欠佳時會落街飲茶平復心情。
專家之言(社署社工主史文正)︰這年代男士普遍大男人,適逢成哥事業走下坡,成嫂卻經濟獨立,令成哥把怨氣發洩在成嫂身上。輔導過程中成哥參加的小組全是男性,讓成哥暢所欲言,把心中鬱結解開;兒子一家團聚的願望,最終成為消除家暴的轉捩點。
60後 樣樣不滿妻露臂責發姣

48歲的丁先生與 44歲的丁太結婚 23年,育有兩名兒子。丁生曾以籐條打當時兩歲的兒子,打至手指骨裂,與太太在教子和宗教信仰上又出現鬥爭。丁太憶述:「我做乜嘢佢都唔鍾意,着 T恤露出手臂佢覺得我發姣,引誘男人」。
丁先生多年前已曾掌摑丁太,打兒子,後來改以言語暴力,精神虐待妻兒,包括在公眾場所大聲辱罵丁太。丁先生形容當時的心態是「搞到老婆無地自容,我會舒服啲」。
丁生不懂溝通,「佢哋叫我一齊睇電視,我都唔理,寧願去餵魚」,以為賺錢養家已盡丈夫、父親責任。兩夫婦在管教兒子上又有分歧,「我鬧阿仔,我覺得佢(丁太)都要幫手鬧」,丁太則說︰「我覺得有一個做醜人,一個做好人,咁管教先會好。」
解決分歧夫婦有商有量


丁生父親過身,信佛教的丁生要求信基督教的丁太披麻帶孝,丁太不欲參與某些儀式,丁生以為丁太存心作對,不斷發脾氣,甚至擲東西發洩,「試過連刀都掟」。丁太離家出走,丁生才懂得向專家求助。丁先生現在明白,「男人過咗 40,憂慮會不停咁嚟」,他害怕家庭地位受損,因此傷害家人。現在,兩夫婦有商有量,對丁太的提問,他總是答「係」、「你啱」。
專家之言︰這年代男女讀書機會開始平等,拉近男女之間距離,造成家庭崗位上的權力鬥爭。丁生希望自己的意見是最後決定,但當角色不被重視,形成自卑性格,矛盾、衝突、怨恨累積;管教及宗教爭執只是表徵,二人要解決深層次分歧。
70後 妒忌心致傷妻永留疤痕

31歲的林先生與 28歲的林太九年前奉子成婚,婚後雙方承諾不會單獨見異性朋友。林太有晚深夜用 MSN跟男性舊同事聊天,妒忌心重的林生發現,心裏有刺,後來爭執間,門邊擊中妻子額頭,令她頭破血流,後來傷口要縫六針,疤痕從此不滅。
林先生在茶餐廳一星期工作六天、日做 15小時,以 15,000元收入養家。本是父母掌上明珠的林太則把心力時間都放在兩個兒子身上,變成「黃面婆」。當初的熱情,因現實冷卻下來。
拔心中刺重拾拍拖感覺
林太在 MSN找朋友傾訴,有時又會帶同兒子跟男性舊同事到遊樂場玩。去年暑假,林太跟林生因瑣事吵架,晚上她趁家人入睡,在 MSN向男性舊同事訴苦,「想電話講,但怕嘈醒屋企人,最後出咗去傾」。碰巧林生的同事撞見她。林太怕林先生亂想,解釋「一個人落街食麪」。林先生從此心裏有刺。
一個月後,發生了流血事件,林先生自簽守行為。社署跟進,林生接受輔導過程中,明白一切出於妒忌,後來終放下男性尊嚴,挽留有意離婚的林太,並轉工多花時間聽林太心事。已懷孕四個月的林太,現挽着林生說︰「我覺得我搵番拍拖嘅感覺!」
專家之言︰這年代男女欠缺溝通,男方忽略女方需要被愛的感受。本應先了解溝通,才拍拖結婚,但林生林太次序調轉,先結婚,後了解,衍生連串溝通問題。
女性施虐上升半成

社署資料顯示,虐待配偶個案由 04年的 3,371宗,增至 09年的 4,807宗,增幅近四成三。女性施虐者比例由 04年的 11.3%,增至 09年的 16.5%。社署社會工作主任史文正指出,家暴通常會「越打越重手,越來越頻密」。元朗則是多年來虐偶的重災區。
近年女性施虐者比例上升,明愛男士成長中心督導主任黎偉倫稱,男女趨平等,女性不再只會處於被虐一方。女性在學識和工作崗位有可能越過男性,「會睇低自己配偶,覺得佢唔可以喺收入上爭一口氣,令到自己咁辛苦」。
肯說心中話輔導較易

但他認為,輔導女性施虐者較易,「女人肯講自己嘅嘢,願意搵社工幫助,樂意去聽意見。男人比較自我中心」。無論男女,任何一方也不應使用暴力。
香港電台製作一連八集家庭實況劇《一念之間》,以家暴等家庭危機為題材,今起逢星期三晚七時,於無綫電視翡翠台播出。
2010年第一季虐待配偶數字

─種類─
身體: 675( 84.8%)
性: 3( 0.4%)
精神: 53( 6.7%)
多種虐待: 65( 8.2%)

─地區分佈─
第一位:元朗 110宗( 13.8%)
第二位:觀塘 87宗( 10.9%)
第三位:葵青 83宗( 10.4%)

資料來源︰社會福利署
4 : 龍生(798)@2010-10-02 17:31:32

郎才女貌!

這不是恭賀說話, 而是殘酷的事實,
男人一旦失去才幹, 即賺錢的能力, 便失去生存價值,
女人失去容貌, 己面臨絕路了, 拖了個油瓶, 更是終生無望

這些女人的悲歌, 不論用何種角度唱, 我都演繹為悲劇....
真不是個個都係小雪....失敗了仍有第二次機會...

湯兄可有看過小雪的專訪?

很有意思的...
5 : CHAUCHAU(1254)@2010-10-02 20:38:42

好慶幸我同另一半由相識結婚至今剛三十年
暫時仍恩愛如舊,過程中得到理念
家庭相處包括老少,只要能做到溝通與關懷
凡事易地而處代入對方角色去想
紛爭好多時都可避兔發生
6 : 龍生(798)@2010-10-03 03:13:10

恭喜chau 兄...
港臺 臺套 一念 之間 唔錯
PermaLink: https://articles.zkiz.com/?id=270966

投資樓市:同胞同胞我愛你

1 : GS(14)@2010-10-02 11:13:08

http://hk.myblog.yahoo.com/yomag ... &fid=-1&action=next
投資樓市:同胞同胞我愛你
跟據報導,國內同胞,而家仲不斷嚟香港買緊物業。
同胞嚟買樓,呢兩年成為一個熱門話題。
究竟呢樣嘢會對我地個樓市有乜影響呢?
首先,多左生力軍,在金融海潚之後,對樓市的復蘇,幫忙不少,呢個喺事實。
第二,佢地買入嘅樓,中長線佔多,短線佔少,所以可看成,賣俾佢地嘅樓,變左死貨,唔再在市場流通。咁即喺可以講『供應少左』。
舉個例,九龍站擎天半島有八座,假如同胞們買了三份一,大家就當擎天半島得五座好了。
咁得五座又如何呢?
咪又喺咁。
你可能會話,物以罕為貴,少左三座,價錢咪會高好多,答案喺negative,假嘅。但喺價錢守得住,會企硬,呢個喺真。
阿牛舉一個例:華景山莊
    

一個環境好好,廿幾座,新鴻基樓,景觀一流,四百至二千呎都有,個view靚到不得了。但因為炒家唔多,業主揸住晒啲貨全部長線自用,所以要搵嚟買,週不時會冇貨。真正物以罕為貴。
    

結果點樣?
1) 買貨難,而且越嚟越難。
2) 賣貨亦唔喺真喺咁易,因為越嚟越少人搵,又如果你要賣嘅貨,貴左啲,質素次左啲,咁就好難攪,本區客唔要,外區客唔多。
3) 價錢難大升,因為冇人會追貨,大家都知道樓價大約值幾多錢。但喺亦冇平貨,因為價錢啱,唔會冇人要,唔需要賤賣。有啲心機就一定賣到。
結論就喺:買賣兩閒,價硬平穩,漸漸歸邊。
呢個就喺多長線業主入貨嘅結果。
到跌市時,呢啲區成交唔多,因為業主們大把錢,有條件長揸,價錢回落比較慢,但有價無市。間中成交幾間比平均叫價低好多,由心急業主賣嘅貨,但其實呢啲貨反而喺真實市值,其他嗰啲就叫到天價,唔喺真喺賣嘅。

例如樓價已經跌到值七百萬,啲有實力業主仲講緊高峰時嘅價錢,同agent講:有人出一千萬,就call我喇,唔到價我就慢慢住囉,唔急㗎。咁地產個電腦咪來來去去全部都喺一千萬,個市好似冇嘢發生過咁,只喺隔個月承一兩間六百零,七百萬嘅。咁個市算唔算冧左呢?算唔算頂得住冇調整到呢?
阿牛就覺得同其他屋邨,其他業主實實際掛個七百出嚟,喺冇分別嘅,掛冇用嘅,承到先得㗎。個實情咪一樣,根本就喺冧左。
所以,阿牛想話俾大家聽,有同胞嚟買貨,佢地幾有錢,幾硬淨都好,喺影響唔到冧市時嘅急跌,亦即喺話,佢地救你唔到,僅能賠葬。    
2 : GS(14)@2010-10-02 11:13:39

http://hk.myblog.yahoo.com/yomagyomag/article?mid=2601

      投資樓市:同胞同胞我愛你(二)
唔喺好耐之前,彌敦道長期有展銷會賣嘢。
聽到展銷會三個字,大家喺唔喺好熟呢?
就喺賣大陸樓。
            

十多年前,香港人有不少都跑到珠三角置業,甚麽新邨,甚麼園,甚麼城,每逢週末都有地産代理組織睇樓團,管吃管喝,看完之後有豪爽的即場就洽購。訪問買的人,有很多都不用按揭,一筆過付清樓價。他們都說覺得那些樓盤建得寬敞又特色,管理完善價錢也不貴,空置著也不用出租,也可以給自己或朋友到内地時有下榻的地方,作為渡假之用,自己在國内有别墅多有派頭!
當時這些樓盤週邊 一箭之遙的地方就是國内同胞們便宜幾倍的一般村屋 。
人是善忘的,大家還記得當年的種種?
到左今時今日,國内有不少人跑到香港置業,甚麼九龍站,甚麼鐵上蓋 ,由地産代理組織睇樓團 ,順道購物,看完之後有豪爽的即場就洽購。訪問買的人 ,有很多都不用按揭,一筆過付清樓價。他們都說覺得那些樓盤建得高級又特色,管理完善價錢也不貴才幾萬元一呎,空置著也不急著出租,也可以給自己或朋友到香港時有下榻的地方,自己在香港有豪宅多有派頭!
今天這些樓盤週邊一箭之遙的地方就是本港市民們便宜幾倍的舊樓。
今天大家睇番轉頭,在華南一帶,呢啲『五星級的家』,除左少數之外,大部份都變晒死城。首先就喺十室幾空,然後就喺冇二手市場,十分大鑊,如果邊個要去住吓,阿牛夠膽講,隨時都搵到朋友借到一間,梗有啲阿邊個嘅姨媽舅父買左嘅;如果要去長住,租一間亦都十分容易,大把你揀。不過你喺唔會住嘅,因為啲屋耐冇人住,一陣『巷』味,臭嘅。要去中山,順德渡假,就梗喺住酒店喇。當時年代,買左呢啲別墅嘅人,其實各階層各行各業都有,亦唔喺個個喺有錢佬,投資能手。好多都喺羊群心理,加埋俾展銷會哄騙,然後落疊嘅。
呢啲死貨現在好難搵人要。原因就喺當年個label,『香港人聚居』嘅『五星級的家』,俾你做當地人,你想唔想買入去嗰度住吖?所以而家要消化左呢一批,陳舊左,社區惡劣,價錢唔平,臭名遠播嘅上一代遺物,頗有難度。蓋棺定論,呢一堆當年叱測風雲嘅樓盤,僅喺做就左發展商,同經手的一群經紀,就喺佢地搵左一啲錢囉。至於其他當地整體樓市,民生,經濟發展,實在無受到甚麼甚影響。
大家嘗試意會吓,project番而家大陸人嚟買九龍站上蓋,就會覺得佢地嘅行為,同十年前我地北上置業,如出一轍;大家亦會諗到十年後,九龍站可以發展成點,而呢班同胞會對香港嚟緊嘅樓市又有乜影響。
咁點解啲報紙咁鍾意唱大陸人嚟買嘢呢?就喺因為報紙啲稿都喺發展商同代理提供嘅,對佢地嚟講,大陸人真喺米飯班主,俾左錢佢地賺,所以佢地個角度唔同,而且好似用佢地出新聞稿,有啲噱頭。不過我地睇新聞嘅,就要小心,尤其唔好當大陸人睇市會叻啲,投資會準啲,佢地都喺普通人而已。人地想買咪由得人地買囉,背後唔一定有含義嘅喎,唔好諗住人地眼光又好啲,又乜嘢撐起半邊天。大家適宜諗簡單啲,實際啲。
跑馬地墳場門口有一對十分著名嘅對聯,詩云:
                  今夕吾軀歸故土
                  他朝君體也相同
    

呢啲隔山買『五星級的家』,我地香港人試過喇,而家到你地喇;同胞!
          
3 : GS(14)@2010-10-02 11:14:14

http://hk.myblog.yahoo.com/yomagyomag/article?mid=2609
投資樓市:同胞同胞我愛你(三)
同胞們來買樓,香港人又愛又恨。愛當然是別人帶來新資金,恨就當然是因為感覺到別人的優越,仕別三日,人家突飛猛進,我們原地踏步,一陣窮酸餿氣。
              

當年香港人買這些珠三角的度假屋是不准賣給當地同胞,因為是外銷房也,當地人也着實買不起。但假設當時能自由買賣也好不了多少,洋房的價錢高,而且維修up keep相當費神,鄰居質素亦十分重要,要住得好,一定要『俾心機住』。當洋房掉空了,破落了,左鄰右里質素又低;那裡再找人接貨?當時買了的業主,後悔的應該不在少數,但後悔又如何,樓盤巳變死貨。
今天香港的九龍站豪宅也是價錢高,將來一旦外觀變舊了,價值就會跌,我很難想像那些豪宅,過了幾年外觀舊了,內裡也殘破了,地點又不佳,物業附近就是市井,九龍站下面就是佐敦,請問還可值多少價錢?加上香港的樓宇向來都是自由買賣的 ,得到國内同胞們後悔,他們不問價斬倉時,市場就自然要下調,一吓守唔住,變cheap左,就永遠番唔到身。一個好好嘅例子喺環球大廈,佢坐落在中環的黃金地段,地鐵上蓋,landmark斜對面;但佢就喺曾經經歷過一朝地產不景氣,做cheap左,而家永遠都做唔番甲級大廈,甲級商場。佢個mall真喺睇見都唔開胃,淨喺閒雜人等同賓妹出入居多。
九龍站,變數可以好多呀!
    

大家不要以為以上情形一定是多年後的事,只要樓市逆轉,國內同胞反應之快,斬倉之狠,包管大家一開眼界。還有,賣貨給他們的經紀、業主,分分鐘要準備換電話,玩失踪。同胞們如果損失千千、百百萬,恐怕不會就此罷手,他們亦不會相信經紀們真的就是賺取一份佣金而非合謀棍騙。佢地諗嘢啲邏輯,跟我地稍有不同的。
如果講到內地資金來港投資,阿牛相信在股市和匯市,國內投資額會比在樓市的投資額大很多很多。例如股市今天成交八百五十億,大家猜猜有多少成交是國內資金呢?
1%
咁少你信唔信吖?
但喺1%都有八億五千萬,如果斗零按揭都唔做,都可以去九龍站買四十個二千幾萬嘅單位,做埋按揭,可以買一百二十伙呀。如果有5%喺大陸資金,就有四十二億,唔按揭可以買二百個單位,按埋可以買六百個呀!
點解報紙財經版從來都冇講呢?
一來確實數字不詳,二來交易多數歸晒一小撮特別嘅經紀賺左;呢批人喺唔會爆響口嘅。在股市外匯界,成日都億億聲㗎喇,邊有地產界咁,做單幾千萬嘢,自吹自擂講足幾日咁井底蛙㗎。
    

仲有,跟據調查,內地的富裕人仕,投資股票佔佢地portfolio嘅百份之四,五十,反而地產只佔百份之二十幾。這比例和香港的富裕人仕剛相反。而且股票要偷偷摸摸買賣,不記名不上身,比偷偷摸摸買樓容易得多,股市亦都上落快,轉身容易,走佬都方便啲。所以最適合啲唔太想見光,唔想太揚嘅錢。
    
4 : 龍生(798)@2010-10-03 14:02:47

很有趣的BLOG
本來我很不認同他的觀點,
但看到環球一段, 我不得不服了
這環球大廈真的很奇怪,
坐落的當真是一綫中的一綫地段
可謂CENTRAL OF CENTRAL
對交易廣場, 歷山大廈, 置地旁,
樓下就有地鐵出口 , 還要係好方便個隻, 因為一落去就可以上車咁濟

居然攪到今時今日呢個死樣,
世事真的無奇不有
5 : GS(14)@2010-10-04 22:01:26

現在置地可是上千億的...
6 : 龍生(798)@2010-10-04 23:19:26

對呀, 可是你看對面的環球....
像三流的商廈
搞極都唔旺
吹脹
投資 樓市 同胞 我愛你 我愛
PermaLink: https://articles.zkiz.com/?id=270967

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019